القسمة والنصيب

[* ام ميدو *]

السلام عليكم يا جماعة
بدنا نحكي بالهالموضوع فرفشة شوي خليها دعوة للتفاؤل الحياة عطوووووول وبلاش أحزان
موضوعي لليوم هو كل واحدة تدخل تكتب كيف انخطبت وذكريات مضحكة ايام الخطبة
بدي ابدأ أنا ...

صلوا عالنبي ... اللهم صل وسلم وبارك على سيدنا وحبيبنا محمد ...
هذا أول يوم أجو أهل العريس النساء ليخطبوني دخلوا بالصالة كتار ما شاء الله .. جايبين كل العيلة معهم وبنفس اللحظة وقفت كمان سيارة مقابل المنزل ودخلواخطاب في البيت بنفس الصالة .... شي غريب ... ما بنعرف شي ..
نادتني ماما تعالي يا ام ميدو طبعا لسة ما كنت ام ميدو خخخخ دخلت الصالة والله خفت شو هدا حوالي 9 نساء قاعدين ... استغربت قلت جايين يخطبوني لتسع عرسان أم عريس واحد!! شي عجيب ..
بدأت وحدة عاليمين تتحدث معي .. ووحدة عن الشمال تتحدث معي ويسألوا فيا نفس الأسئلة .... وأنا حسيت حالي بين منكر ونكير أجاوب هون وهون .. ومستغربة ليه بيسألوني نفس الاسئلة وليه كل واحدة منهم تريدني ان اتحدث معها اكتر ....
اكتشفت انهم خطابين اثنين من عائلتين مختلفتين دخلوا منزلنا مع بعض سبحان الله ....
صاروا عاملين متل فريقين ( أهلي وزمالك ) جهة اليمين تقول ما شاء الله عليها
وجهة اليسار تقول هاي لابننا ان شاء الله
واليمين يرد ان شاء الله من قسمتنا ...الخ
يووووووه شو هالهم يعني يا العرسان يختفوا لسنوات يا بيجوا بيوم واحد وبلقاء واحد هجوم كدة ...
محتارة مع اي عائلة أنسجم بالحديث صار باين عليا اللخمة .. صرت ما بعرف احكي تمام وبس بدي اناظر الامور يلي بينهم ..

المهم فاز فريق منهم فيا ... يعني اقصد طلعت من نصيب الناس يلي على جهة الاخرى ... وفعلا تمت الخطبة وتزوجت وانجبت والحمدلله رب العالمين .

موقف آخر ... يوم اتصل فيا خطيبي قلي انا قادم زيارة لك .. قلت له : اهلا وسهلا انتظرك ... قطعت الكهرباء للأسف قلت يااااه كيف بدي اضع المكياج هو يحتاج لانارة قوية لانو الالوان متشابهة .... المهم وضعت مكياج وتمام كله حلو وبالاخر وضعت حمرة الخدود على الخدين واعلى الانف واعلى الجبهة حتى تتناسق الوان البشرة مع المكياج ونسيت مع اللخمة اني اوزع حمرة الخدود ... وكانت الكهرباء قاطعة وهالشي على ضوء الشموع ....
اجا خطيبي وجلست معاه نتحدث وفجأة اجت الكهرباء ويا ليت ما أجت ... نظر الي خطيبي قال : شو عاملة بوجهك ليه كدة المكياج .. ذهبت مسرعة الى المرآة لقيت نفسي متل ( البلياتشو) تماما ... خجلت من حالي ووزعت المكياج ورتبته ..

انتظر تجاربكم
اسعدكم الله دوما

[@ام الخير@]

ام ميدووو نورتي

على فكرة كمان شوية رايحة مع قريبتي نخطب لابنها


ومعتمدة علي اني احكي لانها خجولة جدا جدا ومفروض انا اللي اسال واستفسر وادير النقاااش





ذكرياااتك حلوووة ربي يديم عليكم المحبة والالفة يا رب



سعيدة بوجودك هنا

[* ام ميدو *]

تسلميلي ام الخير
وجودك انتي هو الطيب غاليتي
اتمنى لكم التوفيق ربي يسهل اموركم يارب

[انسانه نادره]

امممممم شي شخصي جدا
ولكن مافي عندي مانع اقول كيف كانت القسمه
كنت في مناسبه عائليه وكانوا الرجال في صاله والنساء في صاله وبعد ساعات من المجاملات والكلام انا حسيت باختناق وحبيت اشم هواء نظيف فخرجت في حوش كبير بجانب الصاله وانا خارجه خبطنا ببعض انا وهدا الرجل واعتذر مني وبعد نصف ساعه جت اخته وقالت لي اخوي الي خبظك عاوز يتزوجك وبعد فتره قصيره تزوجنا والحمدلله لحد الان متزوجيين وان شاء الله العمر كله .

[مغربية ملتزمة]

ماشاء الله وتبارك الله طرح رائع ومسلي
يخرجك من روتين الحياة الى جزء لطيف ومنعش يفضي بالأمل لكل الفتيات متمنيات مواقف مماثلة

وماشاء الله عليك أم ميدو قصتك فعلا غريبة
عريسين في يوم واحد ووقت واحد
سبحان الله
عسى ربي ان يكون جمعك بافضلهما واحسنهما خلقا
والله يخليلك ميدو ثمرة هذه الزيجة


وطريقة زواجك انسانة ناذرة كمان حلوة ولطيفة
ومنها نقول سبحان الله لكل فتاة نصيب يجيها لحد عندها
ومن الافضل ان تتستر وتصون نفسها الى حين ياتي أجل زواجها
ربي يحفظكم ويرزقكم الذرية الصالحة وان كانت يحفظها لكم الخالق البارئ


الغالية ام خير
يارب ييسر لكم هالخطبة وتكون البنت صالحة ومن نصيب ابن صاحبتك يارحمن يارحيم

[الساجدة للقهار]

جزاك الله خير أضحكتيني وربنا يجعل كل ايامك سعادة

[زهر الجوري]

اضحك الله سنك ياام ميدووووووووووووو
الله يحفظك ويسعدك بحياتك اختي العزيزة
بصراحة موقف المكياج اضحكني كان الله في عونك في تلك اللحظة
اذا كان لي نصيب بهذه الدنيا بزوج صالح فلن اتردد بذكر المواقف الظريفة التي قد تمر
اللهم ارزقني وبنات المسلمين الزوج الصالح
شكرا ام ميدوووووووو

[* ام ميدو *]

الغالية انسانة نادرة شكرا لك على الطرح فعلا هي القسمة والنصيب الله يرزقك السعادة بصحبته دنيا وآخرة
الاخت مغربية ملتزمة بوركتي على الرد الطيب ودعواتك القيمة ربي لا يحرمنا من طلتك عزيزتي
الساجدة لقهار جعل الله حياتك نور وسرور جزاك الله خيرا
زهر الجوري اسال الله العلي العظيم ان يرزقك الزوج الصالح التقي النقي عاجلا ويسعدك في الدارين
شكرا على مروركم

[زوجي تاجي]

هههههههه ضحكتيني يا ميدو ،، بالاخص موضوع الحومرة ،،

انا زوجي بكون اخ زميلتي بالكلية ،، طلعت بتحبني كتييييييير وانا مو عارفة ،، واخوها من 3 سنين بدور على عروس وموعاجبه حدا ،، ما لقيتها الا ماخدة رقمي ،، ومتصلة امها بامي واخدوا موعد ،، كان اول لقاااااااااااء بضحك ،، اول مرة بدخل على عريس وانا مستهترة هيك ،، جلبابي مليان مي من الجامعة ،، ولابسة جرابات من غير بابوج او حذاء ،، وقعدت خمس دقائق وقمت عالسريع يعني حتى شكله ما شفته منيح ،، وبعدين هو وقع من اول نظرة هههههههههه ،، وصار النصيب والحمد لله ،، ،،،،

اما الموقف المضحك ،، زوجي ما شاء الله طويييييييييييل كتيييييييييييير ،، يعني انا طويلة بس ببين جنبه اخته الصغيرة ،، فكان يجيني عالجامعة عشان ياخدني ،، وكنت مصدومة من طوله وخايفة منه ،، فنمشي جنب بعد ،، اروح وانا ماسكة ايده اطلع عالرصيف وهو يمشي تحت الرصيف ههههههههههه ،، عشان احس حالي شوي مش مفعوصة ،،

بس ايامنا كلها اسكتشات حلوة وبتضحك ،، الله يخليلي اياه ويخليلي اولادي يارب

[فاطمة العايدي]

ما شاء الله الله يبارك لكم جميعا ... ممممممممم الان مش متذكرة ان شاء الله لما اتذكر برجع وبكتبلكم شو مر معي

[* ام ميدو *]

اختي زوجي تاجي ما شاء الله عنك اسعدك الرحمن دنيا واخرة وشكرا عالمشاركة الطيبة
الاخت فاطمة العايدي بوركتي على تعليقك الطيب لا حرمنا الله طيب وجودك معنا

[nzn_83]

ما شاء الله عليكم و الله يهنيكم و يديم نعمة السعادة و راحة البال علينا و عليكم

[ماماحميدة]

ياهلا ام ميدو
لفت نظري الموضوع وعجبني كتير سبحان الله ما حدا بيعرف وين نصيبو
منحكي باللهجه العامية اهضم
بجد ماقصرت وعملتي جو بالنافذه ,عقبال البنات يجي نصيبهم ويدخلوا يخبرونا
عن الطريقة واللقاء كيف تم

لخبركن كيف شافني زوجي الله يرحمو اول مره
يومها كانو اهلي برا لبيت ووقت الغداء رجعت من المدرسه تعبانه وعليه شوية حراره
مريت عند بيت اخي مرته بحبها وهي كمان .استقبلتني وشافتني مريضه
قال غيري تياب المدرسه والبسي من عندي عطتني فستان من عندها كبير شوي عليه
رفعت شعري وربطه من كتر الشوب وتمددت على فوتو
وبوج بيت اخي اهل زوجته الا بلاقي شاب اشر لي بايده برمت وهربت للمطبخ
وخبرت مرت خيا تجي تشوف ابن خيها فكرني هيا
صارت تضحك وماعلقت وراحت الايام واجوا اهله وخطبونا واعترف لي انه كان معجب فيا
ولي صورة مع اخته الي بعمري وضعتها بغرفتها على مرايتها ومن يوم حط عينه عليه
ونطر لكبرت من عمري ونطرني لكبرت كم سنه وصار النصيب
ويللا خبرونا ياحلوات كيف انخطبتوا
تنكس ام ميدو موضوع حلووووو وخفيف يعني تغيير عن الهموم والمشاكل
تضلي بخير وعقبال ولادك حبيبة البي

[DAHUBA14]

السلام عليكم و رحمة الله

حياك الله اختي ام ميدو موضوعك جميل و خفيف يحوي ذكريات و مواقف لطيفه
ترسم الإبتسامه على الوجوه ربي يسعدك
موقف الخطابين إلي مريتي فيه بالفعل غريب سبحان الله
ومواقف الأخوات ايضا جميلة بما فيها من عفويه اما الغالية حبيبة الكل ماميتو ( ماما حميده )
رائع ان العريس انتظرها لغايه ما كبرت وبعدين طلبها ، الله يرحمه و يجعله في جنات النعيم و كما جمعكم في الدنيا الفانيه
اساله تعالى ان يجمعكم في جنة عاليه قطوفها دانيه اللهم امين .
والأخت زهرة الجوري ان شاء الله نفرح بخبر خطبتك عن قريب ربي يرزقك بالزوج الصالح الذي يصونك
ويرزق جميع بنات المسلمين و يفرح قلوبهن اللهم امين .
رح اتكلم بالعاميه مثل ماميتو يمكن اظرف
مواقف الخطبه لا يمكن نسيانها مهما مرت الأيام
عن نفسي كانت صديقتي تخطط لتخطبني لآخوها و انا اخر من يعلم
حتى اني ما كنت عارفه انه في إلها اخ بيدور على عروس سبحان الله
في يوم كلمتني بالتلفون وتحدثنا وخلال الكلام سألتني اذا بيتقدم لي شخص بوافق قلتلها بشكل عفوي
ليش بتسألي بدك تخطبيني لآخوكي ( على علمي ان اخوها اصغر مني وبكتير ومستبعده الموضوع
ما كنت عارفه انه في غيره وكانت المفاجئه انها قالتي اي نعم بدي اخطبك لأخوي
سألتها شو اسم اخوك قالتي اسمه ساعتها عرفت ان الموضوع جدا فكرتها بتمزح ويادي الكسوف
ما بعرف من المفاجئه انهيت المكالمه بسرعه لآني كنت بحكي معها بكل عفويه وماخده راحتي عل اخر بعدها صار عندي لخبطه في الأفكار
وبفتره بسيطه حصل النصيب سبحان الله مع انه ما كان بيخطر على بالي اني اكون في يوم من الأيام
زوجة اخوها لصديقتي ، وتوتا توتا خلصت الحدوته ، ننتظر باقي الأخوات ليتحفونا بقصصهم الجميله
ومواقفهم الطريفه

[* ام ميدو *]

بشكركم جميعا اخواتي على الردود والقصص الرائعة
لي عودة لمتابعة المزيد