فضفضة زعلانة من زوجي وما بعرف مين الغلطان * ردود قيمة*

[شيمه الحب]

اختى ما شاء الله الاخوات وفوا كثيرا
اسمحيلى اولا ابارك على المولود وربنا يرزقك بره
حبيبتى اهدى المشكله سهله وبسيطه اولا انتى اللى غلطانه بالمسافات اللى بعدتيها كتير عن زوجك ده فى رايى كمان زوجك الوقتى مر بظروف صعبه جدا جدا ومن حقه انك تقفى جنبه واكيد كل تفكيره ازاى يخرج من الظروف دى ولما الحمد لله الظروف اتحسنت بيفكر ازاى يبقى عامل حسابه وميقعش فيها تانى نصيحتى لكى غاليتى
الاول حسسيه انك واقفه جنبه ولما تشعرى انه بدا يشعر انه لم الامور بايده تانى وارتاح شويه قولى له ايه رايك نخرج نتفسح نتمشى مش رط تخلى عليه عبء مادى يعنى نخرج بس مش شرط نتعشى بره نتقعد قعده حلوة
كده يعنى الله يعينك ويفرج همك يارب

[shero.q]

السلام عليكم عزيزتي انا جديدة على الموقع بس بحب أنصحك بعد ماقرأت ردود الصبايا الك وردك الهم بمشكلتك انا كنت جدا مدللة عند أهلي ولدرجة انه امي رحمة الله عليها كانت تحكيلي ما اتوقع انك رح تبقي عند زوجك لحظة ,لاني كنت عصبية وطشاشة وما بحب قعدة البيت ,وانتقلت لدار عمي وماعندهم جو العيلة اللي كنت متعودة عليه ,وبعدها سافرت للسعودية وجلست سنة ونصف مابعرف حدا وبنتي الصغيرة كانت بالفعل لما تشوف اي حدا غريب تخاف ولا تنسي انه بالسعودية اصعب من الكويت يعني مافي طلعة الا مع زوجي ومع هيك تكيفت مع وضع زوجي وشغله وكنت من الشهر للشهر تقريبا لاطلع انتي بس انوي وكل شي بيتغير وبعدين لاتنسي انه نحنا عاطفيين زيادة عن الحد وانا خلفت بعدها ابني ووبنتي لوحدي بالغربة بس عشان ما ابعد عن زوجي والرجال بدهم المرأة تضل متعلقة فيهم وهذا اللي لازم يصير لبين ما تضمنيه الك ودائما اول سنة مو هي الامثل للحياة الزوجية بالعكس انا من رأيي بعد اول مولود تبدأ الحياة صح لانه بتبدؤو تتكيفو مع الوضع بس انا بنصحك انك تكسبيه الك وبالذات بهذي الظروف اللي بيمر فيها هو متوقع منك تكوني معه اكثر من هيك متل ماهو وقف معك بحملك ووحامك وللعلم لازم تتعاملي معه بذكااااااااااااااااااااااااء وتحسسيه انك معه على الحلوة والمرة وانا برأيي امك الله يخليلك اياها هي بس همها تعيشي متل ما كنت عندها وانت خير ما عملتي انك ما بتحكي وآسفة على الاطالة معك بس حبيت افيدك من تجربتي وللعلم لحد الآن انا ما بطلع كتير وصرت احب قعدة البيت اكثر وانا برأيي ممكن تلاقي برامج عديدة تتسلي فيها بالبيت وبالنسبة انه يجيبلك وردة على الاقل مو شرط الرجال الله يعينهم بيكونو نفسهم بس يخلصو من شغلهم يروحو لبيتهم ليرتاحو وانتي مرة على مرة رح يرجع معك موشرط متل اول بس ممكن تقريبا متل اول وان شاء الله احسن لاتنسي انه هو اكيد مفتكرك انه انتي بس همك الوحيد طلعتك ورفاهيتك وهو اكيد نفسه يشوف منك اهتمام لوضعه وانا برأيي لما هو يحكيلك بروووووووووووووق لوحدي اتركيه وردي تاني يوم ارجعي احكي معه وحسسيه انك واقفة معه عشان تكسبيه للعلم وانا زوجي غامض بس من كتر استفساري عن شغله وانا بحكي معه صار يحكيلي عن كل مخططاته لاني كنت بعاني منه انه حتى لما يخطط كان يحكي لاهله مو الي وهلا صار كل شي يرجعلي فيه لانه بيعرف انه مرجوعه الي متل ما انا قنعانة انه مرجوعي اله
وما الي بعد هالشرح غير اني احكيلك ربنا يوفقك ويفتحها عليكي وما تنحرمو من بعض .............................

[الساجدة للقهار]

فعلا ردود قيمة
وجزا الله الأخوات خيرا
ويسر الله أمرك ام جود