احساس غريب بجد

[أم عبد الرحمن3122010]

بنات انا اغلبكم عارف المشاكل اللى كنت فيها نفسيا بسبب انى متجوزة وحماتى مقيمة معايا
ومن اسبوع حماتى اتوفت فى البيت وعلى ايدى بعد ما لقنتها الشهادة والحمد لله

ناس كتير هيقولو حلو ان كدة مشكلتك اتحلت
تخيلو برضو متحلتش

انا عندى بدل المشكلة اتنين

اولا انا بقيت بخاف جداااااااااااااا خصوصا ان دى اول مرة اشوف حد ميت وشفت الغسل والتكفين وكل دة كانو شريط قدام عينى بيمر دة غير لحظة خروج الروح

ربنا يهونها علينا

وبقيت بخاف ادخل الاوضة اللى كانت بتنام فيها وبحس انها موجودة واوقات بسمع صوت سقف وصويت
طبعا عارفة الميت مش بيصحى
لكن اهو دة اللى حصل



ثانى مشكلة بقى
ان فى حياة حماتى كان علاقتنا باخو زوجى وسلفتى وحشة
لكن متتخيلوش بقينا حلوين ازاى بعد مماتها
واتفاجئت ان سلفتى بتقولى انا بحبك والله بس حماتك كانت بتكرهنى فيكى وبتوقع بين جوزك وجوزى

بجد وقالتلى كلام غريب انها قيلاة عليا
انا عارفة انها فى زمة الله ولا يجوز عليها الا الرحمة بس الكلام زعلنى طبعا


انا حبيت افضفض معاكم بس
اللى عندها نصيحة او دعاء متنسونيش

[شيمه الحب]

كنزى يا حبيبتى اللى بتحسى بيه دوت شئ طبيعى جدا جدا وميقلقش ولا حاجه انتى اتعودتى على كده فطبيعى انك هتتعاملى شويه بما كنتى معتاده عليه بنسبه لصوت الصراخ وكده مفيهوش مشكله لان زى ما بقولك ودنك اخدت على كده انما انتى هوى الغرفه وشمسيها كويس وانقلى بودى ينام فيها وغيرى الملايات وممكن تغيرى ترتيب عفش الغرفه نوع من التجديد انما بالنسبه لعلاقتك مع سلفتك مش شايفه ان فى لازمه انك تخوضى فى الكلام ده لان الله اعلم الست دى كانت مريضه ولا كانت بتخاف من اتحادكم مثلا عليها ولا كانت بتحاول تستدر عطفهم كويس انكم كويسين مع بعض وانسوا اللى فات وصلوا الارحام وادعوا لها وخلاص انما حكايه الغسل والكفن سبحان الله لعل الله يجعل منه سبب فى هدايتنا يارب وان شاء الله موضوعك الجاى تفرحينا بخير حملك يارب

[شيمه الحب]

عارفه يا كنزى بعد ما بابا توفى الله يرحمه كتيييييييييييييييييييير كنت بدخل جرى ع الغرفه اللى هو كان بينام فيها الله يرحمه وادخل بسرعه عشان اقوله عامله ايه وبعدها افوق واستغفر ربنا وادعيله وارجع وانا مكسوره الخاطر وكتير بكون مثلا بكلم ماما فى التليفون ولسه هسالها واقول بابا عامل ايه انهارده وبعدها افوق برده المساله مساله وقت يا كنزى ومتقلقيش اكثرى من قراءه القرآن فى الغرفه وشغلى فيها قرآن باستمرار

[صاحبة البيت]

غاليتي / كنزي
أولاً ..لا يحق أن نتكلم على من توفاه الله
إلا بذكر محاسنه وإن لم تجدي فادعي له بالرحمة والمغفرة
أفعال حماتك في حياتها ستسأل عنها
وتجزى عما أحسنت وتعاقب عما أذنبت
فلا يحق لنا أن نعاقب متوفى فهو كما قولتي
في رحاب الله
ثانياً .. كل ما يحدث لكِ وتعتقدين بأن سببه هو وفاة حماتك بالبيت
كل هذا تهيأ ومحض خيال وحديث نفس
حاولي أن تشغلي قرآن بالغرفة
وأن لا تشغلي نفسك بهذه التهيئات كثيراً
وإن راودتك إحملي المصحف واقرئي بنفسك
وقد يكون وضعك في هذا الموقف هو أن تهتدي بالله
أكثر وأكثر وألا تغرَكِ الدنيا فأنتِ إطلعتي
على ماهية الدنيا فمهما كان الأنسان متجبر في حياته
فهو لا حول ولاقوة له وهو على المغتسل
لا يستطيع حتى أن يستر نفسه ممن حوله
إذا تزحزح ساتره عنه
سبحان الله
ثالثاً... شيء طبيعي إنك تقربي من سلفتك
وقد يكون العكس أيضاً
فالمصائب أحياناً تقرب الناس لبعضها أو العكس
ففي المصائب تعرف معادن الناس
حاولي أن لا تشغلك سيرة حماتك أنتِ وسلفتك
عما قالت في حقك او عما فعلت
فهذه جرجرة للذنوب في حق ميت
حرام فعلها
اللهم ارحم أمواتنا وأموات المسلمين أجمعين
تقبلي مروري

[مجد الاقصى]

الله يرحم حماتك يارب ويسكنها فسيح جناته ويغفر لها ويعفو عنها
الرسول صلى الله عليه وسلم قال اذكروا محاسن موتاكم والميت مابتجوز عليه الا الرحمة فخلص ازا سلفتك حاولت تحكي على حماتك احكيلها الله يرحمها يعني المخلوقة ارتحمت فما بجوز تضل تجيب سيرتها وكوني حذرة منها هاد كل اشي بقدر احكيلك اياه

[أم عبد الرحمن3122010]

جزاكم الله كل خيرا يارب

[FOFFA]

قلبي مش مطمئن لسلفتك ...خوفي تكون بتقرب منك علشان تستولى على غرفة حماتك ..وتعملها مخزن ..بحجة إن أخو جوزك له في البيت زي جوزك بالضبط ..إحنا مانعرفش الناس بتفكر إزاي أو ناوية على إيه ...لاتقولي لها أنا باخاف من غرفة حماتي.. وإعملي زي ماقالت لك الأخت شيمة الحب ..وخصصيها لإبنك

[نورم]

السلم عليكم ازيك يا حبيبتي خلاص بقه فوقي كده من الي كنت فيه وعيشي بقه من ناحيه غرفه حماتك من الاحسن بعد فتره كده غيري الفرش بتاعها كله ومن دلوقتي ممكن تعملي تغيرات بسيطه تخرجك من الجو ده يا ريت لو تطلعي حاجه منها بره اوحاجه قديمه ترميها ده هخليكي احسن كتير
من ناحية سلفتك انا زي فوفا مش مرتحالها متاخديهاش عليكي وخلي العلاقه بينكم محدوده
ارجووووكي يمكن تكون طمعانه في الشقه ولا الله اعلم المهم حددي العلاقه احسن علشان خاطري

[naglaa22]

كنزى حبيبتى بلاش تسمعى لكلام سلفتك ما بلغك الا الى شتمك الكلمه دى ديما بنقولها لما حد يقول حاجه عن حد امال بقه دى حماتك ميته الانسانه دى مش كويسه ابعدى عنها والله اعلم بلاش تسمعلها ولوا حبت تقول لكى اى كلام عن حماتك رحمها الله انهيها عن ذلك علشان متفتحيش ليها سكه تتحجك بيها علشان تقربلك وبعدين يابنتى كده هتضيع عليكى كل الثواب الذى اخذتيه من خدمتك لحماتك الذى ارجوا من الله ان يجعله فى ميزان حسناتك وصدقينى يا كنزى كل الخير الى عملتيه مع حماتك وتحملك ليها ستجديه خيرا فى الدنيا والاخره وربنا هيفرجها عليكوا من اوسع ابوابه كلامى هذا عن ثقه اما بقه عن خوفك كل ده طبيعى جدا شغلى القرأن بأستمرار فى البيت وبلاش تفكرى فى الموضوع كتير وان شاء الله هتنسى مع الايام انتى الى بأديكى تخرجى البيت كله من حالة الحزن دى لو ابتديتى بنفسك الاول اتمنى لكى السعاده من كل قلبى وان يلهمك الصبر وان شاء الله هتنسى وهتكونى بألف بخير بلاش تحطى الكلام ده فى دماغك نصيحه من اخت بتحبك فى الله

[أم عبد الرحمن3122010]

شكرا يا بنات لكل كلامكم انا فعلا هغير اوضة حماتى وانقلها فى اوضة تانى
وبقى احساس الخوف بيقل عنى

وبخصوص سلفتى قلت هعاملها كويس اة لكن بحذر

[FOFFA]

في مثل بيقول :
مركب الضراير سارت
ومركب السلايف غارت

[اندرولا]

عزيزتي جزاك الله خيرا لما قمت لحماتمك .. بالنسبه لغرفة حماتك هل فكرتو تغيرو البيت ان هذا صعب فيكي تغيري من ديكورات الشقه وتكون غرفه للولد او غرفة الجلوس.. وأظن الخوف هذا حاله مؤقته وتتلاشى مع الزمن لان الوضع جديد عليك. فلا تقلقي واقراي قرآن واستعيني بالله.
لم لا تبيعي عفش حماتك وتشتري جديد او حتى تعطوه لاحد... حاولي تغيري من البيت بحيث لا تخافين.. مع انو يمكن زوجك ما يوافق. لا ادري ممكن تساوو تغيير بطلاء جديد او ما شابه.
اما بالنسبه لزوجة سلفك فلا ارى انه هناك ما يستدعي القلق. صاحبيها وان أرادت ان تتقرب منك لم لا. ان أحسست باي شي بعد فتره ابتعدي شوي شوي. الان خلي علاقتك رسميه حتى تعرفيها جيدا. وان أسرعت بعمل ديكورات جديده فلا أظن انها ستطمع باي شي وانت قولي لها انو زوجك يريد ذلك باي عمل تقومين به حتى لو كانت فكرتك ان أحسست باي طمع او حتى ان كانت توصل لزوجها كلام بينك وبينها. كوني رسمي ولا تحسسيها بانك تختبرينها. سهل الله أمورك واعانك الله.

[أم عبد الرحمن3122010]

جزاكم الله خير يا بنات

كتير بستفاد من ارائكم

[DAHUBA14]

نصيحتي لك يا كنزي خلي علاقتك بسلفتك عل رسمي
ولا تفتحي سيرة حماتك إلا بالخير
المرأه في دار الحق و لا تجوز عليها إلا الرحمة
ولو حاولت سلفتك ان تقول اي شيئ عنها اقطعي عليها الطريق قولي لها الله يرحمها انا مسامحتها مهما قالت
ولا احب ان اعرف اي شيئ ارجوك و اقفلي الموضوع .

اما الغرفة و الأصوات التي تسمعيها هذا كله ما له اي وجود فقط عقلك الباطن ما يجعلك تتخيلي
لذلك اكثري من ذكر الله ومن الإستغفار و قراءة القران و الدعاء لها الله يرحمها و يذكرها بالخير

الغرفة حاولي تعملي عليها تغير كامل و شامل في كل شيئ
الجو ربيع و الوقت هذا مناسب للتغير ، حاولي تبيضي الغرفة بالون جميل
واغيري الستائر و الأثاث كله الموجود فيها و ستشعري بعدها ان هذه الغرفة جديده ولم تسكن من قبل
كل ما تدخلي الغرفة ضعي فيها لمسات جميلة و اجعليها تبدو مميزه عن باقي غرف المنزل
هذا سوف يساعدك على التجديد و تغير نفسيتك
غاليتي المرأه الواعية الذكية هى من تسير الأمور على هواها و كيفما تريد
دعواتي ترافقك

[أم عبد الرحمن3122010]

ربنا يكرمك حبيبتى فعلا كلامك صح
وسلفتى كانت بتوضح فقط سبب ان علاقتنا مكنتش حلوة واتفقنا نبدا صفحة جديدة