حماتى وسلفتى والاسعاف ( تم )

[أم عبد الرحمن3122010]

بصراحة انا هطق وهموت ومش عارفة اعمل اية ولا اقول اية

بنات كتير عارفين معاناتى ان حماتى فى نفس الشقة معايا

ومتحملة كلامها وشتيمتها ليا وبقت تشتم امى بشتائم جارحة جدا وبتشتم ابنى وتصوت طول منا فى البيت ونايمة وبتعمل نفسها مغم عليا واما مبدخولهاش تقوم لوحدها

اللى هيجننى انها بتخاف تروح لابنها التانى معرفش لية

اول مرة راحت السكر على عليها بعد شهر من قعادها هناك وفضلت اسبوع فى غيبوبة وجات على بيتى
تانى مرة كانت من حوالى اسبوعين وراحت بليل تانى يوم الصبح كانت فى غيبوبة السكر قل
واخيرا راحت بليل امبارح الساعة 12 اتصلو وقالو انها فى الاسعاف ومودينها المستشفى برضو فى غيبوبة

بجد مش عارفة اعمل اية
انا مش متحملة نفسيا وجيمانيا معملتها ليا ولا اهانتها ليا ولاهلى فى وشى
واهلى مش قابلين عليا انى اخدمها واشيل وانضف وهى بتعمل كل دة بقصد

وخايفة يجيبوها من المستشفى على عندى رغم ان رجالة عيلتهم اتفقو هتقعد شهر عندى وشهر عند ابنها التانى

نفسى اعرف فى اية بجد بيحصلها هناك اية
هجنن

[FOFFA]

حماتك ياكنزي ماعندهاش بنات ..وانت دلوقت بنتها ..الست دي مش هتعيش أد اللي عاشته ..ياتستحمليها إكراما لزوجك..وتحتسبي خدمتك ليها لوجه الله ..وربنا يعوضك خير في مرات ابنك ..وتأكدي إن زوجك مش هينسى معاملتك لأمه ..بس بعد ماتموت ..إن كانت معاملة طيبة هيشيل الجميل طول عمره ..وإن كانت سيئة هيذلك بيها ويقول لك إنت السبب في موتها مقهورة..لذلك لو عايزة حياتك مع جوزك تستمر ..جيبي شغالة تساعدك في شغل البيت ..ولو زوجك مرتبه مايكفيش الشغالة ..خلي أهلك يساعدوك ويدفعوا أجرة الشغالة ..مادام مش عايزينك تخدمي حماتك.
لو دي والدتك ..وإنت بنتها الوحيدة ..تتصرفي إزاي ؟

[angel85]

والله ما أنا عارفة الحل معها
الله يشفيها و يهديها
معلش هي ما أعتدقش بتسبب لحالها حالة الإغماء عمدا...يمكن نفسيا ما بتحب تروح هناك و بروح السكر عندها نازل
معلش يرجعوها من المستشفى على بيت سلفك و بتابعوها طبيا و شوية شوية حتتعود

[أم عبد الرحمن3122010]

حماتك ياكنزي ماعندهاش بنات ..وانت دلوقت بنتها ..الست دي مش هتعيش أد اللي عاشته ..ياتستحمليها إكراما لزوجك..وتحتسبي خدمتك ليها لوجه الله ..وربنا يعوضك خير في مرات ابنك ..وتأكدي إن زوجك مش هينسى معاملتك لأمه ..بس بعد ماتموت ..إن كانت معاملة طيبة هيشيل الجميل طول عمره ..وإن كانت سيئة هيذلك بيها ويقول لك إنت السبب في موتها مقهورة..لذلك لو عايزة حياتك مع جوزك تستمر ..جيبي شغالة تساعدك في شغل البيت ..ولو زوجك مرتبه مايكفيش الشغالة ..خلي أهلك يساعدوك ويدفعوا أجرة الشغالة ..مادام مش عايزينك تخدمي حماتك.
لو دي والدتك ..وإنت بنتها الوحيدة ..تتصرفي إزاي ؟

لا حبيبتى
انتى لو مكانى مش هتتحملى
يعنى انتى تقبلى على نفسك انك تشيلى حمام تقيلة بايدك وتعيشى فى الريحة دى طول اليوم
تقبلى ابنك يلاقى حمام عالارض ياكل منو ويتعب وكان هيموت

معتقدش
ولو والدتى كدة وتعبانة مكنتش هتقلع البمبرز ولا تقول عوزاكى تمشى من هنا زى ما هى قالتها
انا بعرف فى الاصول والله

والله ما أنا عارفة الحل معها
الله يشفيها و يهديها
معلش هي ما أعتدقش بتسبب لحالها حالة الإغماء عمدا...يمكن نفسيا ما بتحب تروح هناك و بروح السكر عندها نازل
معلش يرجعوها من المستشفى على بيت سلفك و بتابعوها طبيا و شوية شوية حتتعود

ربنا يستر بقى

[noor noor]

بصي يا كنزي يا مفيش حل غير انك تتحملي وشوفي حد يساعدك في خدمتها والله لكي اجر وثواب عظيم جربي وشوفي

وزوجك وأهله هيحطوكي في عيونهم صدقيني

ربنا معاكي باه

[FOFFA]

ماتزعليش من كلامي ...ليه وافقتي على الجوازة دي م الأول ..وإنت عارفة إنك هتسكني مع حماتك ؟..هو في حد بيرتاح مع حماته في بيت واحد ؟
وبالحالة بتاعتها دي مافيش دار مسنين ممكن تقبلها ..ياتجيبي شغالة ..تنضف وراها ..وتشوف طلباتها ..ياتسيبي البيت وتروحي ترتاحي عند أهلك
مافيش حلول تانية ..لغاية لما ربنا يسترد أمانته
واحدة قريبة زوجي ..زوجها وحيد أهله ..أمه ماتت ..وأبوه جاء وعاش معاهم في شقتهم ..كان راجل كبير فوق ال 80 ..وكان زي حماتك كده ..والله ياكنزي ..الست كانت بتنضف ..وبتحميه كمان ..وجوزها كان دايما يشكر فيها ..ويقول لها أنا من غيرك ماكنتش هاعرف أراعي أبويا ..وبعد عدة سنوات ..مات الأب ..وفي العزاء ..الست كانت بتبكي ..وتقول يارب سامحني ..أنا إمبارح زهقت من عمايله ..وزعقت له ..وكان بيبص لي زي الطفل الصغير اللي مش فاهم حاجة ..ودعيت عليه إن ربنا ياخده علشان أرتاح ..ودي كانت المرة الوحيدة اللي حصل كده ..يارب سامحني ..يارب ماتضيعش ثواب سنين استحملته وأنا راضية ..علشان دعيت عليه وأنا زهقانة
عارفة ياكنزي ..إحنا في العزا بكينا عليها ..كانت هتتجنن ..وقعدنا نقول لها هو مات علشان عمره خلص ..مش علشان دعيتي عليه

[FOFFA]

في الصيدليات الكبرى ..تلاقي كرسي بتواليت ..هاتولها واحد ..وحطيه في غرفتها ..يمكن تعمل فيه

[انسانه نادره]

يعنى انتى تقبلى على نفسك انك تشيلى حمام تقيلة بايدك وتعيشى فى الريحة دى طول اليوم
تقبلى ابنك يلاقى حمام عالارض ياكل منو ويتعب وكان هيموت

من جد .............كان الله في عونك

[eng2008]

لا حول و لا قوة إلا بالله

يا كنزي أنت قلت صعب تروحي لأهلك....و واضح إن حصل اجتماع للعيلة و قرروا حل بشكل ما.. فهل رضيتي به؟ و هل ذكروا موضوع الشغالة و الخدمة؟ يعني قرروا على أي أساس؟

ما فهمته أن حماتك لو خرجت من المستشفى المفترض تروح بيت ابنها الثاني
إذن انتظري هل سيطبقون ما قرروه أم لا
و لو لم يحدث اذهبي لبيت أهلك و لا تنتظري دقيقة واحدة

قلبي معك

[أم عبد الرحمن3122010]

فوفا حبيبتى انا مزعلتش منك لكن قريبتك حماها مريض فعلا و80 سنة

انا حماتى واعية جدا و59 سنة

انا قبلت دة لانى راعيت ربنا انها متقعدش لوحدها وانها قالتلى هتكون ام ليا

[ganna_267]

قلبي معاك يا كنزي

طيب موقف زوجك ايه من الكلام ده

وهي ليها شقة ولا ملهاش مكان تقعد فيه ؟؟

بقول لو ليها شقة تروح شقتها وتجيبولها شغالة وتقسموا أجرة الشغالة بين كل ولادها

وكل يوم حد يروح يقضي معاها اليوم .. وممكن تروحي تطلي عليها كل يوم بس تبقي متطمنة إنك في الآخر هترجعي تباتي في بيتك المستقل وده حقك وما أظنش إنه يتعارض مع البر بحماتك في حاجة لأن انت من البداية ماتجوزتيش جوزك على شرط إقامة حماتك معاك

جربي تعرضي على جوزك الحل ده

وأنا ليا واحدة صاحبتي حماتها برضه تعبانة الله يشفيها ومابتتحركش خالص ولا بتقدر تمسك حاجة بايديها حتى

وولادها ملتزمين جدا وعارفين يعني ايه بر بالأم وملتحين بس كل واحد في بيته مستقل وبيطلوا عليها يوميا وجايبنلها شغالة مقيمة معاها وهي فرحانة جدا بولادها وشايفة إنهم بارين بيها

[DAHUBA14]

غاليتي كنزي ما عليك سوى الصبر حتى تخرج حماتك من المستشفى
إن رأيت انها ستعود لبيتك و تترك بيت ابنها الثاني حينها يجب ان لا تسكتي
قولي لهم هذا دوركم اي هذه المده التي من المفروض انها تقضيها عندكم
ودخولها المشفى ليس سبب بأن تعود لبيتنا قبل ان تنتهى المدى الخاصة بكم
ولو تطلب الأمر منك ان تجمعي العائلة مرة اخرى لتجدي حل لهذه المشكله
وايضا يا اختي يجب ان تأتي خادمة لمساعدتك طول المدة التي ستقضيها حماتك عندك اي في بيتك .

دعواتنا ترافقك اختي .

[نظراتك تحرجني]

[QUOTE=FOFFA;12695999][SIZE=5][RIGHT]ماتزعليش من كلامي ...ليه وافقتي على الجوازة دي م الأول ..وإنت عارفة إنك هتسكني مع حماتك ؟..هو في حد بيرتاح مع حماته في بيت واحد ؟
وبالحالة بتاعتها دي مافيش دار مسنين ممكن تقبلها ..ياتجيبي شغالة ..تنضف وراها ..وتشوف طلباتها ..ياتسيبي البيت وتروحي ترتاحي عند أهلك




اختي الغاليه (foffa) ليش دار مسنين حراااام /يعني ممكن ابنها يرميها بدار المسنين بدل ماتوصي الاخت كنزى عليها. يالله الحمد لله ان في السالفه اجر من الله سبحانه وتعالى يعني التعب مايروح كذا ع الفاضي فيه بالمقابل اجر عظيم "وبعدين ليش تروح ترتاح عند اهلها اذا ماتوقف مع اهل زوجها بمثل ها المواقف متى توقف

اخت كنزى الله يعطيگ الف عافيه بخدمتك لحماتك بس لا تنسين اذا الله أعطانا العمر ان شالله كلنا مارين بمرحله الشيخوخه طبعا والمحضوضه فينا اللي تجيها مرات ابن كويسه بتعمل بظميروصفا نيه

للمعلومه أنا حماتي ساكنه معاي بنفس الشقه واكبر من حماتك ب10 سنوات وانا معاها تمام الحمد لله
والله على ما اقول خير الشاهدين بس حماتي مش تجلس ع طول عندنا تاخذ ست اشهر اوسبع هنا عندنا وتروح لمنطقه تانيه لان ليها هناك بيت بس اغلبيه الوقت عندنا (وماشفت منها الا كل خييير)ربنا يطول بعمرها يارب
وسوري للجمييع خاصه foffa

[FOFFA]

[QUOTE=نظراتك تحرجني;12696563]

[SIZE=5][RIGHT]ماتزعليش من كلامي ...ليه وافقتي على الجوازة دي م الأول ..وإنت عارفة إنك هتسكني مع حماتك ؟..هو في حد بيرتاح مع حماته في بيت واحد ؟
وبالحالة بتاعتها دي مافيش دار مسنين ممكن تقبلها ..ياتجيبي شغالة ..تنضف وراها ..وتشوف طلباتها ..ياتسيبي البيت وتروحي ترتاحي عند أهلك




اختي الغاليه (foffa) ليش دار مسنين حراااام /يعني ممكن ابنها يرميها بدار المسنين بدل ماتوصي الاخت كنزى عليها. يالله الحمد لله ان في السالفه اجر من الله سبحانه وتعالى يعني التعب مايروح كذا ع الفاضي فيه بالمقابل اجر عظيم "وبعدين ليش تروح ترتاح عند اهلها اذا ماتوقف مع اهل زوجها بمثل ها المواقف متى توقف

خييير)ربنا يطول بعمرها يارب
وسوري للجمييع خاصه foffa

الابنة العزيزة كنزي لها أكثر من موضوع بخصوص حماتها ..وأنا متابعة كل ماتكتبه ..وكان من ضمن ماذكرته العزيزة كنزي أحد الخيارات وهو إيداعها في دار المسنين
أرجو منك أن تعيدي قراءة كل مشاركاتي فيما يخص كنزي وحماتها ..لتتأكدي أني الوحيدة التي لم أقف في صف كنزي ..وأنا الوحيدة التي ألومها
أرجوك لاتقوليني مالم أقله ..وأنت مدينة لي باعتذار لأتهامك لي بالباطل

[نظراتك تحرجني]

الاخت العزيزه foffa«اولا أنا اخر شي كتبته بالرد الاول سوري ل foffa. ياريتك شفتيه
بعدين انتي صح معاها وانا راجعت اللي كتبته الاخت كنزى بس بالآخر قلتي لها روحي ارتاحي عند اهلك «
يعني أنا ردي كان ع الموضوع المرفق. عموما انت صح معاها من البدايه وجزاك الله خير
وانتي (كبرتي الموضوع اوي بكلمتك مدينه لي بعتذار ,,,,واكيه ي ستي باعتذر بس انتي لاتخرجي من موضوع بموضوع آخر. ورجاءً. بلا حساسيات هذا مجرد موضوع ونتناقش بيه ؛؛
وسوري ليك وللجميييييع. مع حبي