عاوزة زوجك او خطيبك مثل الممثلين الاتراك

[سمسمه احمد]

بسم الله الرحمن الرحيم

السلام عليكم ورحمة الله وبركاته

ارجو نشر الموضوع في كل المواقع والمنتديات ونشر الصور عالفيس بالمضمون الي اقصده مش شرط نقل الكلام بالحرف بس يمكن تنقذي خطوبة او زواج من الضياع واقري الموضوع لاخره والصور محطتهاش لان خفت الادراة تمسح الموضوع

ارجو ارجو ارجو الادارة بعدم حذف الموضوع ولو فيه حاجة اكتر من كدة اعملها عشان متحذفوش الموضوع كنت عملت لاني فعلا مش جاية اقول اخبار فنانين
او استعرض اسمائهم واسماء مسلسلاتاهم
بس القسم ده اسمه معاملة الازواج
يعني الغرض منه مساعدة الزوجات عشان يعيشو حياة سعيدة
واللي انا جاية اتكلم فيه ليه تاثير في كتير من اسباب انفصال المخطوبين او المتجوزين
او لو موصلتش للانفصال بتسبب كراهية بين الزوجين وندم عند بعض الزوجات
طبعا مش السبب الرئيس للطلاق او الانفصال هو المسلسلات التركي لكن فبعض حالات الطلاق بيكون السبب
وطالما حصل حالة طلاق ولو واحدة لسبب معين لازم ندرس السبب ده
لكن تخيلو
ارتفعت معدلات الطلاق خاصة فدول الخليج
والاعداد فالعالم العربي عامة وصلت للالاف يعني حاجة مقلقة وتخوف
هتقولي للدرجة دي يعني لا مش ممكن
هقولكم لا للدرجة دي و اكتر ادخلي عالنت وشوفي نسبة الطلاق بعد مسلسل نور وسنوات الضياع
وشوفي الحوارات الي بتدور بين الزوجين قبل الطلاق واسبابه
وفيه زوجة منهم قالت لزوجها انا عاوزاك مثل مهند والي تقول زي اسمر وغيره
وانا مش هنشرها هنا لان انا كده بعطي المسلسلات والفنانين دول اكتر من حجمهم وده مش غرضي
ابحثي بنفسك عالنت وشوفي
مش انا طبعا الي هقدر احل المشكلة دي انا هعمل الي عليا وبس
وياريت تساعدوني فنشر الموضوع والصور
وان شاء الله هحاول اقنع كتير من المخطوبات والمتزوجات والي لسة مرتبطوش بكلامي
وهجيب دليل يبين كلامي واتاكدو من كلامي
وهحاول ابين الفكرة الي اقصدها بس
على صحة كلامي ورايي
وهنقل لكم تجربتي الشخصية لاني عشت تجربة هتفيد نوعية الزوجات الي اقصدهم
ومش جاية عشان اعلمكم الادب او اظهر لكم اني متفانية فحب زوجي وانتم لا لا انا جاية انصح نفسي معاكم

نبدا الموضوع
اولا انا مش جاية اقولكم قاطعو المسلسلات التركية او الافلام الاجنبية او المصرية لان دي حرية شخصية ولا جاية افضح ممثاين اتراك او غيرهم
بس بعد ما تتفرجي انزلي على ارض الواقع وافتكري ان ده مسلسل يعني لا ده طبع البطل ولا دي تصرفاته الحقيقية
في الفترة الاخيرة من حوالي خمس سنوات
ظهر نوع جديد المسلسلات التركية المدبلجة باللهجة السورية
وظهر ابطال وعلى راسهم مهند
واكتر ناس اتشدو للمسلسلات البنات والمتزوجات لانهم شايفين فمهند فارس احلامهم للبنات والزوجات يا حرام
اعدين ادام المسلسل يتخيلو ان ده جوز واحدة فيهم واعدين ندمانين وانا بعتبر ده خيانة
ان مجرد تفكيرك ان واحد يكون مكان جوزك دي خيانة
ومش الابطال بس الي شدو الناس للمسلسل لا المناظر الجميلة والرومانسية القاتلة المستحيلة ومشاهد الحب والتضحيات الي بتكون موجودة فالمسلسلات مع ان بلادنا اجمل من بلادهم بكتير بس للاسف محدش بياخد بالو او اعلامنا مش بيظهر جمال بلادنا العربية
مع ان انا واثقة ان على اد مافيه رجالة بيبصو لنانسي واليسا وهيفا عمر ما زوج هيتخيل هيفا وهبي او نانسي انها زوجته ويحطها فدماغو بدالك
وانا شفت الحوار ده بعيني والله فجرنان وسالو كتير من الشباب بتتخيل هيفاء او نانسي زوجتك قالو ابدااااااااا ولا والف لا ولا هنتجوز حد زيهم او يشبههم لانهم بيدورو على الحب مش المظهر
وفيه شاب منهم قال لو دورت على الجمال هدور على الجمال والجاذبية الطبيعية مش المصطنعة
نرجع لموضوعنا
بكرر مرة تانية للادراة انا مش بعلن عن اسماء فنانين انا بعرض جزء من الشخصيات
من الممثلين الاتراك وغيرهم الي كانو السبب طبعا ميقصدوش يكونو السبب احنا السبب
هقول اساميهم فالمسلسلات
مهند مسلسل نور
امير مسلسل عاصي
أسمر
مراد بائعة الورد
سليم قلوب منسية
عمر الحلم الضائع
مصطفى الوردة البيضا
ومؤخرا كريم وسليم ومراد فمسلسل فاطمة غول وغيرهم
ومن المصريين معروفين ومش هقول اسامي عشان محدش يقول داخلة لهدف معين
من الامريكان طبعا ملهمش عدد براد بيت وتوم كروز وجاستين بيبر معجب المراهقات الاول وادوارد فيلم توايلايت وفرق و مطربين وغيرهم
الهنود: شاروخان وريتيك روشان وابيشيك باتشان وغيرهم
ده حتى مصطفى زماني الي عمل سيدنا يوسف فمسلسل يوسف الصديق متعتقش
وصورو اتنشرت اثناء عرض المسلسل عالفيس بوك وتعليقات البنات فظيعة جدا
ده طبعا مش الشخصيات دي بس فيه مذيعي برامج وشخصيات ثانوية فالمسلسلات الي قلت عليها غير موديلز الاعلانات وغيرهم كتير
تقدري تشوفي الفيس بوك وشوفي اغلبية صور البروفيلات للشخصيات الي انا قلت عليهم وطبعا السبب فشهرة صفحاتهم هما البنات ايا كانو متزوجات او مخطوبات او لسة مرتبطوش

والسبب الرئيس فكتابتي للموضوع اني اتفاجئت بالصور والاخبار دي عالنت بالصدفة البحتة بس طبعا مش هنشر الصور تقدرو تشوفوها عالنت لان لو حطتها الادراة هتحزف الموضوع
والغرض منها اني ابين لكم ان حتى الفنانات الجميلات الي مثلو اشهر مسلسلات وافلام مع اوسم ابطال
ويوم ما فكرو فالارتباط والجواز مفكروش فالوسامة او الشهرة او الجاذبية لكن فكرو فالحب والتفاهم وغيره
الصور موجودة فمواقع كتير لكن من غير قصد الفكرة الي عاوزة اوصلها موجودين بس كصور تكمل الخبر الي يخص الفنانة
ومش معنى كدة اني بحب الفنانة دي او غيرها لكن بوضح لكم فكرتي
الفنانة بيرين سات
مثلت مع مهند وهناك المسلسل بيتصور بالسنتين والتلاتة يعني تخيلو كانت بتشوف مهند يوميا تقريبا لمدة سنتين
وصورت فاطمة غول سنة او اكتر مع انجين اكيوريك
وتخيلو محبتهمش ولا دخلت معاهم فعلاقات وحبت واحد تاني وهتجوزه لا يقارن بيهم فالوسامة والجاذبية يعتبر بالنسبة لهم ولا حاجة هو اه معقول لكن مش شبههم ابدا
واحنا لما نشوف حلقة دماغنا تسافر ونقول يارتو كان زوجي ياريتو كان خطيبي
وخطيبها الاولاني يحيى بطل مسلسل سنوات الضيع هو طبعا ليه معجبات متزوجات كتير لكن مش بالنسبة الي وصل ليها مهند
لكن انا شايفاه شكله عادي مش وسيم وسامة تفتن يعني
تفتكرو ليه
لان الحب والاطمئنان والراحة النفسية والزواج ملهمش دخل بالشكل او الوسامة حتى عند الفنانات
يبقا احنا هنستنا الوسامة والمظهر وبس عشان خاطر عجبنا بطل فمسلسل او فيلم
ومش لازم جوزك عشان يكون بيحبك يبعتلك هدية كل يوم
ويتغاضى عن غلطاتك وييجي كل شويا يعتزرلك
تاني دليل عندي
الممثل انجين اكيوريك لو قراتي اخبار عنه مش عشان تتفرجي عليه لا طبعا عشان تصدقي كلامي هتلاقي انه بعيد كل البعد عن شخصية المسلسل
لانه الصحافة سالوه شعوره اي لما معجبة بتسلم عليه قال انه بيخجل جدا ومالوش علاقات وبيمثل للثمثيل وشخصية جدية
يعني بعيد كل البعد عن الرومانسية والجراة وعلى فكرة الممثل ده ظهر فمسلسل من تلات سنين بس كان شعره قصير ومش وسيم
لما ربا شعرو بقا البنات والمتزوجات هيتجننو ورافعين صوره عالفيس والمواقع والمنتديات
تالت دليل
مهند فواقع الحياة
شخصية متعجرفة ومتعددة العلاقات معتقدش انك تتمني واحد زيه يكون زوجك او خطيبك ده غير الفضائح عالانترنت واخر حاجة عرفتها انه كان
ففندق في ابو ظبي ومعجبة بتسلم عليه وبتقولو بالانجليزية انت مهند وكانت فرحانة جدا شاورلها براسه واداها ضهره
ومهند فتركيا ممكن يمشي فالشارع محدش يكلمه ولا فارق معاهم ولا من الفنانين المحبوبين
محدش بيكلمه او بيحب يتصور معاه في تركيا الا العرب المقيمين هناك ده غير انه ظهر قبل ما يمثل على مجلة للمثليين ومش اشاعة والصورة منتشرة عالنت انا شخصيا من ساعة ما شفت الصورة قرت جدا ومبقتش طايقة اتفرج عليه لان الارض انقلبت بامثاله زمان (قوم لوط)
عارفة ان ممكن بعضكم يقول معقولة يعني هتمناه يكون جوزي او خطيبي هقلك اه اعرف واحدة مستنية ترتبط بحد شبهو فشكلو وتصرفاتو
الممثلة توبا او لميس
اتجوزت ممثل شكلو معقول وسيم اه لكن مش للدرجة الي تخلي اي حد يشوفو يفتن بيه
جنب بقية الممثلين الي مثلت معاهم
مراد وامير وممثلين تانين معرفش اسمائهم بس فنانين معروفين بوسامتهم
ده غير طبعا
اخلاق الفنانين الاتراك على ارض الواقع
بحكم عاداتهم وطبيعتهم
بحكم انهم زي اوروبا
الخمر عادي
العلاقات المحرمة عادي فالمدن الكبيرة زي اسطنبول وانقرة يعني ممكن واحد يخلف من واحدة وميتجوزهاش عادي
الممثل بيرين سات عندها بنت ولسة لحد دلوقت متجوزتش
سونجول اودين بطلة مسلسل نور اللاحدث في تركيا ليها صور فاضحة مع مكيفانش تاتيلونج عالنت
الفنانة بيرين سات والفنانة بطلة ندى العمر ابطال افلام اباحية
المسلسلات التركية بتخضع لرقابة لانها بتحتوى على مشاهد جنسية كتيرة جدا لا تصلح تعرض على الشاشات العربية
يعني الافلام الاجنبية بتتعرض ادامنا 24 سنة لكن طول عمرنا عارفين وفاهمين ان هما عاداتهم غير عاداتنا ولا شبه بينا وبينهم
لكن المسلسلات التركية بحكم انهم مسلمين فيه ناس كتير بيحاولو يقلدوهم وده السبب الي شد النساء بالاكثر للمسلسلات والي هما بعاد كل البعد في الواقع عن شخصيات المسلسلات
طيب تخيلي انتي بتتفرجي على ناس زي دي وبتحبيهم وبتحبي فنهم لا والاكتر من كده انك بتقارنيهم بجوزك او خطيبك

　
　
　

　
　


سالتي نفسك الاول
انتي مين
طبعك اي
مين يستاهلك وانتي تستاهلي مين
باة جوزك حبيبك او خطيبك الي وثق فيكي واختارك تكوني شريكة حياته
تفضلي عليه فنان بيظهر ادامك ساعة ولا اتنين ففيلم او مسلسل
هو الممثل ده يعرفك ولا يمت ليكي بصلة
لو حصلك حاجة لا قدر ليه
مين الي هيتعذب جوزك او خطيبك ولا الفنان اياه

عارفة اخرتنا الي بنبص وعنينا تزوغ على حد غير ازواجنا مكانا هيبقا فين اعوذ بالله
جهنم
وعارفة جوزك الي انتي شايفاه مش حلو ومش وسيم ومش شيك ومش جذاب هيكون فين عشان اتحمل غدرك ونكرانك لحياتك
هيكون فالجنة
عارفة هو هيبقا عامل ازاي فالجنة
مش انا الي هقولك
صفات اهل الجنة
الرجال
يبعث الله الرجال على صورة ابيهم آدم جردا(بغير شعر يغطي ابدانهم)مردا(طوال القامة ستون زراعا اي حوالي ثلاثة وثلاثون مترا)مكحلين في الثالثة والثلاثين من العمر على مسحة يوسف وقلب ايوب ولسان محمد عليه الصلاة والسلام(اي يتكلمون العربية)وقد أنعم الله عليهم بتمام الكمال والجمال والشباب ولا يموتون ولا ينامون
يتببببببببببببععععععععععععععععع

　
　
　
　
　
　
　

تجربتي الشخصية
وشوفي وصلت لفين بس اتراجعت وانقذت زواجي
هتقوليلي الفنانين الاتراك السبب يعني مش للدرجة انتي زودتيها
هقلك اه والله السبب بعد الشيطان وبعدهم نفسي الضعيفة
والتجربة دي حقيقية وحصلتلي مش تمثيل ولا حاجة
المفروض منقلش الخصوصيات دي
بس طالما هتفيد غيري لا يمكن منشرهاش
انا بحب جوزي جدا بحبو بحبو يعني لدرجة ان لو حد جاب سيرة فنان وسيم اقول زوجي احلى
مالي عيني جدا
شايفاه الراجل الوحيد المناسب ليا وكنت بقول لو الزمن رجع بيا ورا هختاره هو كل مرة عشان اتجوزو
وخطوبتنا مكنتش صافية ولا حياتنا صافية عدت ليا مشاكل فوق طاقتنا بمراحل وعديناها مع بعض لاننا بنحب بعض جدا رغم اننا بنزعل ونتخانق وبنختلف كتير
لحد ماتجوزنا
كترت المسئوليات
والسفر
والمصاريف
الرومنسية قلت
والكلام الحلو قل
مبقاش يهتم بنفسو
ايام الخطوبة كن بيخاف اشوف شعره منعكش
مبقاش يهتم بلبسو كان زمان بيحب يجيب عالموضة
التدخين زاد جدا جدا
مبقناش لاقيين حاجة نقولها زي زمان
انا بطبيعتني كزوجة
انا انسانة
بحب الكلام الحلو
والرومنسية
وان جوزي يكون شيك جذاب
والناس تحسدني عليه
بس جالي وقت
زهقت ومليت تعبت
تعبت انصحه
ارجع زي الاول
ارجع زي الاول
بس مفيش فايدة
وفي يوم واناادام التلفزيون تسليتي الوحيدة ووصلت لادمان المسلسلات التركية لدرجة اني ممكن اسيب المطبخ فوق بعضو ومتكلمش خالص مع حد ومردش على اي تلفون وقت عرض المسلسل
بتفرج على مسلسل تركي
عجبني ممثل جدا
ركزي معايا وشوفي دخلة الشيطان
بالظبط
افتحي النت
شوفيله صور تاني اكيد ليه صور جامدة
ممثل شيك جذاب وسييييييم
بس هو احلى من جوزك شويا ورومانسي اكتر فالفيلم ده
وبعد كده قلت لنفسي
هو انا لو لقيت جوزي بيتفرج على الممثلة دي
هعمل اي
لالالالالالالا انا لو اتفرجت على فيلم هتفرج وخلاص مش هدور على صور ممثل معين واحملها عالكمبيوتر والموبيل
تاني يوم
الشيطان بردو
بس هو بيدخلي فدماغي لاني عندي استعداد اسمعلو
الممثل التركي اي ده جنااااااان فظييييييييععععععععععععع اي الشعر ده
والعيون دي
بصي بصي بيحضن البطلة ازاي
مش زي جوزك حضن مع وقف التنفيذ
ابتديت كل يوم اتفرج ع صور وفديوهات ممثلين اتراك واجانب وعرب ومصريين كمان
اشوف الفنانين اصحاب الوسامة والجاذبية
والعملية زادات اوي اوي اوي
لدرجة اني بقيت اخون بعيوني وابص فعيون اي واحد وسيم فالشارع او فاي مكان اروحه
وبقيت ارد على جوزي وحش جدا وتغيرت معاه حتى فعلافتنا وحصل حاجات لا يمكن تتخيلوها ومقدرش اخوض فتفاصيل
لكن جه وقت وتعبت جدا تعب جسماني والي وقف جنبي كان جوزي
وحسيت بالذنب جدا من ناحيته

مش عارفة اي يغفرلي غلطتي
بقيت اصلي وفكل ركعة ادعي ربنا يخليهولي ويحببني فيه
ومهما اشوف مشفش غيره هو وبس ويارب حليه فعيوني خليه اجمل راجل اشوفو وحببه فيا
لكن الظاهر اني اتاخرت شويا لان جوزي استنا بعد ما خفيت وساب البيت لانه سافر فشغل
لانه قال انه عايش مع واحدة مش مقتنعة بيه وميقدرش يعيش مع واحدة مغصوبة عليه
وقالي فكري شوفي انتي عاوزة اي
جوزي شغال شغلانة محترمة فبلد فلوسها حلوة
والبلاد الي زي دي بيكون فيها ستات كتير بيشتغلو ومش مرتبطين
وانا ليا اصدقاء معاه فشغله بنات
وعرفت طبعا عن طريقهم
ان فلانة الفلانية كل يوم تتتكلم معاه كتير
وكل يوم تعجب بحاجة شكل فيه
ومرة تقوله برفانك يجنن ومرة جزمتك شيك ومرة بدلتك
ومرة تيجي توصلني
طبعا صحابي عرفو لان مكاتبهم جنب بعض
تخيلو واحدة بتمدح فجوزي ادام الناس وكده
وجوزي كان بيتعامل معاها كزميلة
وطبعا سايبها تقولو الكلام ده لانه ودانه اتحرمت من الكلام الحلو عن طريقي
وفورا لما سمعت الكلام ده
بقيت احاول ارجع العلاقة بيني وبين جوزي زي ماكانت
وهو لحد دلوقت مخانيش الحمد لله معاها ولا مع غيرها
لانه ابتدي يرجع معايا زي زمان
وبقيت امدح فيه زي الاول واكتر
لكن تخيلو لو مكنتش انا تعبت وفوقت وعرفت قيمتو
كان زماني اي دلوقت بيخوني معاها او مع غيرها
او الله اعلم كان ممكن يتجوز عليا
واكون بالطريقة دي خربت بيتي وعزبت ولادي
وبقيت الف على كل مواقع ومنتديات معاملة الازواج عشان اعرف اتفاهم معاه وارجعه ليا
والحمد لله لما رجع من الشغل اتصالحنا وقلتله اني مليش غيره ويسامحني وفطريقي اني ارجع معاه زي زمان
لكن قلت لازم انقلكم فكرتي وتجربتي وننقلها لغيرنا لاني بقيت ادعي ان المسلسلات دي متتعرضش تاين لانها بتاثر على زوجات وبنات كتير بس هما مش معترفين بتاثيرها

لو عاوزة بجد تساعدي زوجات وبنات كتير انشري الموضوع ده وتجربتي على اد ما تقدري وانشري الصور واكتبي عنوان للصورة يوصل الفكرة الي نقصدها
او حاولى توصلي المضمون بالصورة
ولوفمقدرتك تنشريها عالفيس بوك انشريها واطلبي انه كله يعمل شير للصور والفكرة
لان فيه زوجات وبنات مخهم على ادهم ممكن يخربو بيتهم بسبب فنان او مطرب او لاعب
بترجااكم تنشرو الموضوع مش عشان انا الي كاتباه لا عشان نساعد غيرنا
تخيلي كده بيت بيتهد او خطوبة بتتفشكل عشان خاطر حاجة هايفة وجاية بطريقة غير مباشرة
حاولو معايا ارجوكم ارجوكم
ربنا يكرمكم يارب
اعرف وحدة والله العظيم واحدة كل يوم قبل ماتنام بتفكر ففنان تركي ومستنية عريس شبهو
اتحركو لان مفيش حاجة نقدر نمنع بيها المسلسلات دي غير اننا ننصح بعض وننصح الي حوالينا
ومش طالبة تقييم او رد او مشاركة
طالبة بس انك توعديني انك هتنشري الموضوع فمواقع او منتديات تانية وانك تنشري الصور والفكرة عالفيس بوك
وحسبنا الله ونعم الوكيل فالي يقصد انه يبعد الازواج عن بعض ويرفع نسبة الطلاق
كلمة اخيرة
ياريت الفنانين السوريين المدبلجين يشوفو طريقة ويتضامنو عشان يساعدو شعبهم بدل ما هما اعدين طول الوقت يدبلجو وينقلو فن مش بتاعهم
او ياريت يعملو فن لصالح بلدهم لانه من قبل الثورة وفنهم فشل بسبب اعتمادهم على الدبلجة

　
　
السلام عليكم
اللهم بلغت اللهم فاشهد


منقووووووووووووول

[FOFFA]

عزيزي الرجل :
زوجتك أو خطيبتك لن تنظر لغيرك ..لو إنت فعلا مالي عينها

[eng2008]

السلام عليكم

الموضوع طويل و سأحاول الرد باختصار طبقا لما فهمته

أولا: ليس كل الأتراك مثل الممثلين في المسلسلات التركية فتركيا التي كانت عاصمة الخلافة الإسلامية لا زال فيها الكثير من الملتزمين دينيا و نحن لا نتخيل هذا لأننا لا نرى سوى مسلسلاتهم فقط و التي تتحدث عن شريحة معينة

أذكر صورة رأيتها في جريدة منذ سنوات لطالبات تركيات قمة في الجمال و محجبات يتظاهرن ضد خلع الحجاب الإجباري في الجامعة
هذا جزء من شعب تركيا
و لو صدقنا كل المسلسلات و الأفلام سنصدق مثلا أن كل المصريين يشربون في الحانات و كل الفتيات منحرفات و كل امرأة لها ماض!

ثانيا: موضوع التفكير في أي شخص على أساس الشكل هو ببساطة تفكير سطحي و التفكير في شخص غريب يدخل في منطقة محرمة بالذات للمتزوجات

لكن هذا لا يمنع أن يهتم الزوج بنفسه و يعمل على إعفاف زوجته حتى لو كان متأكدا أنها لن تنظر لغيره "بدافع التزامها" فهذا واجبه و أي تقصير فيه هو أمر مشين و يؤدي لما لا تحمد عقباه على المدى الطويل و هو مكلف بهذا الواجب شرعا و ليس هذا تفضلا منه

إن إعفاف الزوج لزوجته سهل فالزوجة أكثر ميلا لأن تكون لرجل واحد بطبيعتها و لن يكلف الزوج نفسه كثيرا لو اهتم بنفسه و جعل زوجته "معجبة به" و ليست فقط "تعيش معه"

تحياتي

[كنعان فلسطين]

لاحول ولا قوة الا بالله

ربنا يهدينا ويهدي المسلمين والمسلمات لما فيه الخير لديننا الحنيف

مشكورة اختي الفاضلة على هذا الطرح الجميل

[oum saad]

لاحول ولا قوة الا بالله

[~~زهرة المدائن~~]

لا حول ولا قوة الا بالله
انا فعلا سمعت هيك اخبار
وكلة ضعف بالمشاهد وضعف الايمان بالقلوب,,,

[بيتي كل حياتي]

مشكووووووووووووووره يا عسل

[وردة البنسفج]

لاحول ولا قوةالا بالله
المشكله انهم يعرفون ان هذا تمثيل
والمسلسلات التركيه حرام لمافيها
من فتنه ....بسببها تدهورت البيوت
وحصلت المشاكل مسلسلات فاشله
والوحده منا رح تنسئل عن النظره الحرام
ياليت العالم يصحى اول كنا نقول حرام هل الاشياء
والافلام واليوم يشوفونها ويسولفون فيها ماعاد فيه حياء
يجاهرون بالمعصيه ويتكلمون ويفصلون في الكلام
حسبي الله على من روج هذي المسلسلات وعلى من ساعد في انتشارها
كانت القنبله اللي دمرت المسلمين ودسيسه عليهم
الله تلطف بالمسلمين يااارب
العقول صارت فاضيه على هذي المسلسلات صارت مشاكل
ومثل ما قالت الاخت واقعهم غير غير وسلمت يداك
الموضوع مهم ومثير للجدل وباارك الله فيك ونفع بك