اريد الهرب

[أم جود87]

السلام عليكم

اخواتي الغاليات الله يعطيكم العافية على ردودكم اللي ريحتني

لما كتبت الموضوع كنت بحالة ما بيعلم فيها الا رب العالمين ما فكرت وما بعرف شو كتبت بوقتها

شكرا لنصائحكم

مشكلتي هي تابعة لمشكلتي الاولى في هالرابط

http://www.lakii.com/vb/a-13/a-763702/

طبعا قبل ما احكي المشكلة .. زوجي من قترة طلب مني نقعد نحكي وقلي انا حابب اعترفلك بكل اخطائي وبكل شي كذب علي فيه
وفعلا اعترفلي بكل شي وقلي انا رح صير انسان جديد وواضح معاك ومع الكل وانا ما بحب الكذب بس احيانا بضطر

المهم المشكلة ولموضوع بيتعلق بفلوس أهلي اللي استدانها وما بنكر خطأي الكبير بالموضوع والمشكلة اللي صارت
طبعا الفلوس اللي حولها زوجي ما وصلت لأهلي وصار ارتجاع بالمبلغ
لمهم انا بعدها قررت اسافر عند اهلي وقلت بالمرة باخد الفلوس معي، وكل يوم بقلو لزوجي جبلي الفلوس عالبيت
خليها عندي ... كل يوم بيقلي اليوم وبكرة ، بعدين قلي الصراحة طلبوا مني اشرف على خياطة أعلام للبيع لصالح الثورة السورية
واضطريت ادفع مبلغ القماش مني بس كم يوم وحيرجعولي سعر القماش

المهم بنفس الوقت كانت ماما كل يوم كل يوم كل يوم تسألني وين الفلوس
ما عطاك الفلوس؟
وين ودا الفلوس؟
لا يكون بيلعب قمار!
لا يكون بيطلع مع بنات
قلتلها أعلام ما كانت تصدق

وانا مع كل صفات زوجي السيئة الا انه بيصلي ومتأكدة انو ما بيلعب ولا بنات ولا عنده هالقصص

المهم خطأي وذنبي الكبير اني من كتر ضغط أمي علي اضطريت اكذب وانا اكره صفة عندي بالعالم هي الكذب
كذبت عليها وقلتلها خلص الفلوس معي (قلت لنفسي انو خلص مدام رح يعطيني الفلوس بعد كم يوم رح اسافر
واخدهم معي ما رح تحس اني كذبت) وفعلا بعدها ارتحت شوي من الأسئلة

بعد بيومين اتصلت فيني ماما وقالتلي عمك (اخو بابا) مجتاج فلوس ضرووووووووووووووري جدا ولازم ترسليله
المبلغ اللي عندك اليوم اليوم
لأنو عمي ساكن ببلد قريب علي يعني الحوالة بتوصل على طول ما بتاخد وقت

وانا اتورطت ما قدرت قول لماما اني كذبت عليها وما معي الفلوس

المهم قلت لزوجي اتصرف اعمل اي شي ودبر الفلوس وارسلهم لعمي.. ومن هون بدأت المتاعب والتوتر

زوجي ضل 24 ساعة برا البيت عم يحاول يجمع الفلوس ويطالب بفلوسو بدون فائدة
وانا حاولت اختلق اعذار حتى أأجل الحوالة شوي
واستمريناعلى هالحال يومين
حتى اتصل فيني زوجي يوم الخميس المسا وقلي خلص اوكي انا حولت الفلوس بس باعتبار اليوم خميس ما رح توصل الا السبت لانو بكرة جمعة
وانا ارتحت وخبرت أهلي وخبرت عمي قلتلو خلص الفلوس واصلة السبت عندك

وفعلا صار السبت وما حد اتصل بعمي حتى يجي يستلم الفلوس

وسألني عمي شو المشكلة قلتلو ما بعرف

اتصلت بزوجي اللي كان طول النهار برا البيت قلتلو انت حولت ولا كذبت علي؟ قلي لا حولت
بعد بساعتين بعثلي مسج كتبلي فيه انا كذاب انا حقير انا انا انا بحاول اتغير بس ما قدرت وانا والله
كل كذبي عليك من قبل كان من الضغوط المادية وهلأ كذبت عليك لأنك ضغطتِ علي كتير وقلت اني
بقلك اني حولت لأني السبت الصبح كنت موعود بفلوس بس للأسف ما تم الأمر

وهون عرفت انو رجعت حليمة لعادتها القديمة، وانو رجع كذب علي وما صار انسان جديد متل ما وعدني

انا المشكلة بهالموقف اتورطت واضطريت احكي مع ماما واقلها الصراحة طبعا ماما ما خلت ولا مسبة الا سبتها
علي وعلى زوجي ومعاها حق مية بالمية
وانا قلتلو لزوجي بحياتي ما رح سامحك
ووقتها كتبت هالموضوع لأني كنت بحالة يعلم فيها رب العالمين ...........

بعدين قلت خلص ما عاد عندي اي حل الا اني انزل بكرة (يعني اليوم) وابيع كل دهبي ودهب بنتي
واروح احول الفلوس

ولما رجع زوجي قلتلو انا بكرة خلص رح ابيع الدهب

ولما صار بكرة (يعني اليوم) طلع زوجي من البيت من بكير كتير وقلي امانة ما تبيعي الدهب خليني احاول
اخر محاولة عطيني فرصة
وفعلا عطيتو فرصة كبيرة لحد الساعة 7 المساء وانا بنتظر، وبعدها قدر ياخد فلوسه وقلي بدي أحول، قلتلو لأ! تعال عالبيت
أول خدني معك لأني ما رح اصدق انك حولت الا لما اشوف بعيووووني . وفعلا اخدني ورحنا حولناهم لعمي مع انو المبلغ ناقص
عن المطلوب شوي بس مو مشكلة

بعدها أمي اتصلت فيني وقالتلي لا تكوني سامحتيه يا ذليلة؟ لازم تتركيه هاد واحد كذاب ومحتال ونصاب وحرامي لازم تعمليله مشكلة
وتحكي لأهله لازم تسبيه ووو .............. انا بقدر زعل امي وغضبها والله معاها حق وهي على فكرة سترت علي وما قالت لبابا أي شي
عن هالكذبة من زوجي ومني ،،،،،، بس كلامها جرحني وخلاني اندم اني ما اخدت موقف أقوى من زوجي وحسيت اني فعلا بدون كرامة
لأني ما تركته ورحت او ما تصرفت تصرف اخليه يندم ما بعرف شو كان لازم اعمل ............. مصيبتي اني شو ما عمل بحبه ودائما بلاقيله عذر
هالمرة ما بنكر انه نزل من عيني كتير بس مع هيك برجع بفكر وبلاقي حالي صعب اعيش بدونه ........ يا الله شو احساس صعب وشو قلبي مشرشح

اسفة طولت عليكم بس والله من القهر اللي فيني من زوجي ومن حالي .......... دعواتكم


ام شهد وعبد/ انا والله لازمني هرب عشي مكان نائي يعني سطح القمر او تحت المي لحتى ما عود شوف مخلوق عوجه الأرض، شي كم يوم لحتى ارجع ارتب افكااري الضايعة

[rejena]

انا من رئي الاخوات بكل كلمه تروي ياحبيبتي انت هلا غضبانه سمي بالرحمن واستغفري الله واقرئي قران صدقيني القران بيذهب الهموم
ربي يفرج همك يارب
اختي ماتزعلي مني برضو وامك غلطانه مالازم تغلط هيك على زوجك وتعبي راسك عليه بدل ماتقولك ياماما معلش باذن الله رايح يتغير شوي شوي بيتغير مالازم امك كبرت الموضوع بهاي الدرجه وصدقيني يااختي ماحدى بينفعك غير زوجك بكفي انه عنده دين وهي الصفه خلاص تعود عليها معك شوي شوي ان شاء الله بيتغير وماتعودي تدخلي اهلك بموضوع زوجك حتى يضل بعينيهم كبير وخلاص ماتعودي تستلفي منهم اختي انت بتحبي زوجك وهو كمان بيحبك ماتخلي شئ يكسر المحبه بيناتكم
يعني اختي مصيبتك بتهون عن كتير مصايب ناس تانين بنسمع بازواجج بخونو زوجاتهم وبيضربوهن يعني مافي انسان كامل وانت خلاص اعرفتيه لذلك من اليوم وطالع كوني حذره
طمنينا عنك

[DAHUBA14]

الحمد لله ان الموضوع انتهى على هيك
اسمعي يا سمر بيقول المثل ( إن اردت ان تطاع فطلب المستطاع )
انتي يا عزيزتي ضغطي على زوجك كتير في هل موضوع
وكمان كملتي عليه لما كذبتي على والدتك يعني مثل ما بيقولوا زودتي الطين بله
زوجك باين عليه معدنه طيب و لا كان ما اعترف لك بالحقيقة قبل ما يرجع للبيت
وصدقيني لو انه طماع و محتال كان خلاك تبيعي ذهبك و ارتاح من هل مشكله
ولكنه طلع صادق بكلامه وعمل مثل ما وعدك و رجع الفلوس و اخذك معه و قام بتحويلهم لعمك
حتى لو كان المبلغ ناقص المهم انه وفا بوعده و ما تهرب ولا اركن على ذهباتك .
سمر حبيبتي اسمعي مني الحياة الزوجية تحتاج للكثير من الصبر و التسامح
اصبري على زوجك و ما تحاولي تحمليه اكثر من طاقته لحتى ما يالتجئ للكذب و يعتبره هروب من المواجهه
حاولي تعطيه شعور بالثقه و حاولي تحتويه قدر الإمكان تقربي منه حاولي تتعرفي على شخصيته عن قرب
صدقيني من كلامك باين عليه معدنه طيب ولكن يحتاج منك ان تصبري و تدعميه نفسيا
حاولي تنسي موضوع السفر خاصة في هذه الفترة بذات لآنه حصل بينكم خلاف و كان الجو غيرصافي
السفر لن يفيدك ما يفيدك هو ان تعطي زوجك فرصه كي يعيد ثقتك فيه
وانت يا سمر اصبري الأيام قادمة و ان شاء الله بتسافري عند اهلك و تفرحي بشوفتهم
اجلي سفرك للربيع او لبدايه الصيف بيكون الجو اجمل في اوروبا و ايضا بيكون زوجك حوش القليل من النقود
تكفيك للسفر ، اعود و اقول لك انسي كلام والدتك إلي قالته في ساعة غضب عن زوجك
زوجك لا هو نصاب و لا محتال لو كان نصاب كان ما تعب بهذا الشكل لحتى يجيب الفلوس
و لو كان محتال كان ما اعترفلك بالحقيقه صدقيني ، و ايضا يا سمر هو لم يهين كرامتك
و لم يجرح شعورك ما في داعي تلومي نفسك انك ما تركتيه يا بنتي لو كل زوج عرض زوجته لموقف محرج مع اهلها
رح تتركه كان البيوت اصبحت خاليه من الزوجات ، اذا عايزه تعلميه درس و تفشي قلبك فقط
تعاملي معه بطريقة حازمه من غير زعل فقط خليه يشعر انه سببلك الضيق
و احرجك لذلك غيري معاملتك معه خففي الحنيه او لنقل لا تظهريها له مثل السابق
تعاملي معه بذكاء و تعقل ، و اياك ان تضغطي عليه في اي موضوع لحتى ما تحوجيه
للجوء لأساليب انت تكرهيها ، حاولي انك تحسني صورته امام والدتك
وحاولي توضحي لها الأمر قوليلها ما هان عليه ابيع دهبي و ما هان عليه يظهر امامك انه كذاب
وعمل المستحيل لحتى يدبر النقود يعني دافعي عنه و حسني صورته على قد ما بتقدري
وما تقولي انه سقط من عينك لا يا سمر الحياة الزوجية بيصير فيها امور اكبر من هيك
و بتفضل الزوجة تحارب و تحاول لحتى تمشي حياتها و تحاول تجد لزوجها اعذار خاصة
حين يكون الزوج فيه صفات جميلة و ايضا المحبة موجوده ( يا ام قلب مشرشح ههههههههههه )

ربي يسعدك و يهدي سرك و يسخر لك زوجك .

[صفاالزمن الصعب]

السلام عليكم ورحمة الله وبركاتة
اختي سمر اخت dahuba14 كلامها درر ماشاء الله
ان معها في كلامها تناسي الموضوع ولادخلي موضوع الفلوس مرة تانية
لاحظت من كلامك ان زوجك بيوعد وبيخلف وعدة في مسألة الفلوس
بدي احكيلك اذا زوجك تاجر فتجارة ربح وخسارة وأكيد هو مش لحالة فيها
يعني لما يوعدك يمكن بخلف الان غيرة بخلف معه خلي حسن النية موجود
واطلعي علي اجبيات زوجك مش السلبيات واعطيلوا مئة عذر
والله يوفقكم ويسعدكم ويجمع بينكم علي خير والله بسخرلك أية امين
ويهدي ما بينكم يارب
تحياتي

[kamer14]

أختي سمر لو تقرئي كلامك مرة ثانية ، ستجدين صفات طيبة في زوجك ما عدا الكذب

وقد يكذب الزوج ليغطي عن أخطائه أو لأن صدقه و صراحته سيغضب زوجته
و في كلتا الحالتين هو يبحث عن رضاك
زوجك طيب و يحبك و لو رجل آخر لما اعترف بكذبته و خطئه
و لو كان نصاب لوافق على بيع ذهبك

ربما مازال قليل الخبرة في التعامل و ربما ضعيف في تحمل المسؤوليات فيكذب ليتجنب المواجهة
و علاج ذلك الصبر عليه و إعطائه فرص ليثبت ذاته و إمنحيه ثقتك
ولا داعي أن تشكي فيه ، و إن صدقت شكواك فلا تواجهيه فهذا يؤلمه
يكفي أن تلمحي له في الكلام

إنس ما قالته أمك و لا تواجهي به زوجك و هو درس لك فليس كل ما يكون بين الزوجين يحكى للأم
كما هو درس لك آن لا تتدخلي في أمور زوجك المادية ، هو رب البيت فليدبر أموره و حده
كل مايمر بنا من تجارب دروس نستفيد منها فلا تجزعي

مشكلتك كبرت لأنها متعلقة بزوجك و أهلك و لولا ذلك لكانت صغيرة

المهم إنت لا زلت في السنوات الأولى من الزواج و تكتشفين زوجك و تحديات الزواج ، فخذي الأمور بهدوء و تروي
و ابحثي عن أعذار لزوجك و حسسيه بثقتك حتى لا يضطر أنه يكذب عليك يعني لا توبخيه و لا تنتقديه
ا
ربنا يفرج همك

[نورم]

الحقيقه انا لاحظت ان زوجك انسان كويس وما يستاهل انك تهربي منه والحقيقه انا مش عارفه ايه سر الغضب الرهييييب من والدتك يمكن في اشياء اخري قديمه هي شيلاها في قلبها منه وانت ما ذكرتيها لان هذا الموفق ما يستاهل كل هذا لغصب انت بتقولي بيصلي ولا يقامر ولا يعرف بنات وهذا جيد اعتقد عيبه الوحيد انه مسرف ولذلك يستدين ويضع نفسه في حرج وبعدين ما يقدر يرد الدين وكمان كذاب من اجل ينقذ نفسه من المواقف المحرجه والصفتين مقدور عليهم انشاء الله مع شويه حزم وصرامه منك انه لا يستدين ابدا ويعيش علي قد الحال وحاولي تقنعيه بحلاوه الصدق معكي وكيف ممكن ينجيه من المشاكل وانك ممكن تسامحيه علي الخطا لكن ما تسامحيه علي الكذب ولاحظت انه يحبك وعاملك خاطر حقيقي مشكلتك مش كبيره لسه فيها امل كبير بس محتاجه شويه صبر وحكمه ورضا كمان

[شيمه الحب]

اختى سمر حياكى الله
ماشاء الله الاخوات قالوا كل شئ
وكلام دهوبه وقمر 14 عجبنى كتير

شوفى يا اختى انا من رايى انك مكبره الموضوع حبتين اختى كلنا نقف نفس المواقف دى انا بعت دهبى كله من دون ما اهلى يعرفوا
خلى اللى بينك وبين زوجك لا تعرفه امه حتى لا تقفى مثل الموقف ده وكمان عشان امك ما تتغير نفسيتها من زوجك هى اكيد الوقتى مش طايقاه ولا مطمنه عليكى منه
اختى كمان حاولى تحتوى زوجك اكتر وبلاش تحسسيه انه يا يجيب فلوس لا تصير كارثه بالعكس حسسيه انه يكون صريح معاكى وانتى تتحمليه لما هيكون صريح معاكى وبثقه منك هتقدرى تدبرى امورك على قدر المستطاع والمتاح اليكم
اختى تروى كده واحتوى زوجك وادعى لله ييسر احوالكم
دمتى اختى

[ام شهدوعبد]

والله ياسمر برايي امك عبتبالغ
المصاري ورجعت
مالها علاقة باللي بصير بينك وبين زوجك
تتركيه او تبقي معه هاد قرارك وما لازم حدا يتدخل فيه
طالما بتحبيه
عمرك ماتفكري تتركيه
والامور ببتتصلح مع الزمن كل رجالاله علة وواجبنا مو بس نتحملها لا ونساعدهم بتخلصو منها مع الوقت
عيشي حياتك وانبسطي مع بنتك وزوجك وارمي هالموضوع خلف ضهرك
وصدقيني كلنا عنا شي منتمنى نقدر نهرب ونتركه ورانا
بس عسطح القمر بعيد شوي ههههههههههه اختاري مكان اقرب شوي

[فاطمة العايدي]

والله يا اختي لو زوجك مو طيب وما بحبك كان ما عمل المستحيل حتى يدبر المصاري .. وبصراحة كان ما صبر على اسلوب كلامك معه لانه الرجل بشكل عام حتى لو كان غلطان ما بحب اي احد مين ما كان يتكلم معه كلام ثقيل وما بتحمل هذا الشي وانا بصراحة متعجبه من عدم غضبه من هذه المسألة
وهذا دليل طيبته وحبه الك فاستغلي هذا لصالحك وما تطلعي احد من اهلك على خصوصياتك مع زوجك وما تذكريلهم عيوبه لانه كلنا النا عيوب .. وتذكري قول الرسول صلى الله عليه وسلم " لا تظهر الشماتة بأخيك فيرحمه الله ويبتليك " او كما قال عليه الصلاة والسلام

ودائما ادعيله انه الله يخلصه من هاي الصفة في صلاتك وتحري اوقات الاجابة .. وبعد ما يهدى الوضع وترجع المياه لمجاريها تقربي منه ودائما اتكلمي معه باسلوب تحسسيه فيه انك واثقه فيه
وان تعرض لموقف ما اسئليه عنه وتحاوري معه كيف انكم تخرجوا من هالورطة مع بعض حتى لو كان الموضوع ما بخصك .. بس حسسيه انه انتو جسد واحد اذا هو تعب انتي بتتعبي اذا هو مهموم انتي بتنهمي لهمه " اظهريله هذه الشي موشرط تهمي حالك عنجد " يعني الحياة الزوجية بدها شوية مجاملات مع الصبر والحكمة اللي اسأل الله ان يرزقني اياها

حاولي تصلحي صورته عند امك وقوليلها انك كنتي فاهميته غلط وما تحكي لزوجك انك حكيتي هيك لامك او انك تواسطيله عندها ابدا خليه حاليا يحس بتأنيب الضمير شوي من غير ما تشدي عليه كتير متل ما قالتلك اختي دهوبة الله يبارك فيها

اسأل الله ان يفرج همك وييسر امرك اللهم امين اجمعين يارب

[انسانه نادره]

مثل كلام الاخوات اقول زوجك طيب ولكن غير ناضج واسمحي لي بهده الكلمه , نصيحه لك ابدا ابدا لاتتدخلي بين زوجك واهلك خليه يدبر حاله وماتكدبي علشانه ولاتتورطي ويرتفع ضغظك عليه هو رجل ومسؤول عن كل عمايله , ودهبك من اليوم .. اقولك حطيه يا اما في البنك او عند امك .
وتقبلي تحياتي

[اندرولا]

الحمدلله اطمأنينا عليكي وما حصل الا كل خير. شوفي اولا أضم صوتي لصوت الأخوات كفؤ ووفو وما أزيد غير ابتعدي وأهلك عن التعاملات الماديه مع زوجك وغير هيك يبدو فعلا زوجك حيتغير للأفضل مع الوقت. والحياة بدها صبر. موفقه.

[أم جود87]

يسلم تم كل وحدة ردت علي ونصحتني
رب العالمين شاهد انو ردودكم هدأتني وغيرت تفكيري 180 درجة
انا شديت معاه شوي وكنت ناشفة معو بس مبارح ماقدرت استمر هيك لما طلب مني من قلبو وقلي سامحيني.....
ان شاء الله يتخلص من صفة الكذب ومن ضغوطه المادية
أمي هديت شوي بس هي بساعة الغضب طلع معاها هالكلام بس حاليا قالتلي ما تحكيلي عنه أي شي ابدا انت وبنتك على عيني وراسي بس هو رح انساه
طبعا بتمنى يكون هالشي مؤقت حتى تصفى القلوب
جزاكم الله كل خير والله ماني قادرة اشكركم هالمنتدى علمني كتييييييير الله يزيدكم علم وحكمة وعقل ياااارب

[@ام الخير@]

الحمد لله اختي انك هدأت والحمد لله انك لم تتعجلي ترك البيت

اقدر توترك مما فعل زوجك ولا اجد له مبرر لكني اقول لك يبدووو انه مضغوط ماديا وخجل من الاعتراف بذلك

كذبة تجر كذبات

انصحك اختي الا تتعاملي ماديا مع اهلك ابدا

والا تخبريهم اي تصرف سيء قام به زوجك الا بعد ان تكوني هدأت ومتاكدة ان هناك ضرورة لابلاغهم

خزفا من ان يكرهوه

اعملي حاليا على تحسين صورته امام والدتك لتغير نظرتها له واخبريها حبه لك ولاهلك بين الفينة والاخرى

اسال الله ان يهديه وان يمدك بالقوة

[القلم الأسير]

ماقدرت اطلع من الموضوع بدون ما أرد..

زوجك ما شاء الله عليه بيعتذر ويتأسف يعني بيحبك وبدو اياكي..اوعي تفكري تخربي حياتك..

الام احيان بتكون قاسيه واول شي يخطر ببالها اتركيه واتطلقي وتعالي لعندنا بتعيشي ملكة احسن من هالبهدلة..طبعن هالشي غلط والتفكير فيه اكبر غلط..

انتي تزوجتيه وجبتي منو بنت يعني بديتو سوا وهتضلو لسوا لاتسمحي لحدا ينهي هالشي ..اتحمليه ساعديه كوني معه لاتحكيل اهلك شي مش منيح عنه ..الام غالبا بتحكي من قلبها مش من عقلها..

انا سمعت كلام ماما مرة وندمت ولهلقيت ندمانة تبهدلت من وراها بهدلة الله العالم فيها..

من يومها بطلت حكيلها ولا مشكلة بتصير بيني وبين زوجي ..بتلاقيني معصبه وبتعرف انو فيه شي زاعجني بحكيلها مضغوطة من الاولاد..

والله من ساعتها وانا بعتبر حالي اسعد وحده جوزي على طول بيعتذر بنقدر نتفاهم نتصالح ..حس انو كل شي بحياتي فاعتبرني كل شي بحياتو ..بيعاملني قدام اهله احسن معاملة..

يمكن زوجك كان طمعان شوي بمصاري اهلك..هالشغله بتكون احيان ..بس لما شافك قديش مزعوجه وحس حياتو بخطر تراجع..الله يهديه ويحنن قلبه عليكي ويرزقه من وسع..

الام بترضى عن زوج بنتها بس تعرف قديش بيحب بنتها ومراعيها امدحيه واحكي لامك انو جابلك اشي احكيلها قديش مدللك ..قديش ندمان..

الحياة الزوجيه مش شغله سهله نقدر نهيها بهالسهولة ..هيا اكبر من هيك ..حاولي تتحملي المقبول وتساعديه وتعدلي عليه..

الله يهدي بالك ويطمن قلبك..

ويرزقكو من وسع وما يشمت حدا فيكو..

[شيمه الحب]

حبيبتى الحمد لله ربنا يهديكى ويصلح لكى الاحوال يارب ويهديكى ويهدى زوجك يارب