مخنوقة قوى ....

تقليص
X
 
  • الوقت
  • عرض
إلغاء تحديد الكل
مشاركات جديدة
  • sarah224
    حواريّة مُشرقة
    • Dec 2010
    • 1276

    #1

    مخنوقة قوى ....

    انا متزوجة تقريبا من 3 شهور وشوية والحمد لله انا بحب زوجى جدا
    لكن المشكلة انى ساعات مش بعرف اتعامل معاه ازاى ؟
    نفسى يواظب على صلاة الفجر وكل الصلوات فى اوقاتها
    هو احيانا بيقوم يصلى الفجر حاضر وقالى اكتر من مرة نفسى ارجع اصلى الفجر وكل الصلوات فى المسجد زى زمان المشكله ان شغله متعب اوى ولما بيجى ينام كتير بتروح عليه نومة من كتر التعب
    وامبارح حصل موقف زعلنا من بعض فيه اوى وهو اللى خلانى اكتبلكم دلوقتى
    طلب من اشغل اغانى على الكنبيوتر قالى غيرى جو البيت الهادى فسمعت كلامه بس شغلت اناشيد دينية بدف واللى بتتشغل فى الافراح شويه ولقيته قام زعق جامد وقالى اللى انتى مشغلاه ده ..وبعدين قام واقفل اللى انا مشغلاه وشغل اغانى عادية ..وراح نايم على السرير وادانى ضهره " فانا قلتله انا زعلانه منك "
    بس كنت اتضايقت اوى لانه زعق على الموضوع ده جامد وبعدين المغرب ادن فرحت مصحياه وقلتله صلاة المغرب ..قالى والله ما مصليها اجمعها مع العشا ...نفسيتى تعبت ساعتها جامد ورحت معيطة فى صمت وهو كان عارف فقلتله " انا زعلانه لان الصلاة ده اهم حاجه ومالها علاقة بزعلنا ببعض " سكت وبعدين جاله صداع جامد " لانى عصبته وانا السبب على كلامه وقالى انا مش قادر اقوم وكان بيتكلم بجد قالى انا عايز اقوم بس مش قادر فادلته اسبرين وبقى احسن " لكن العشا ادنت فقام صلاها على طول هى والمغرب ما اخرهاش ..وكل اللى نازل عليه بيقولى " كده تعملى معايا كده فى يوم اجازتى ؟؟؟؟؟" وانا ضحكت فى وشه وقلتله انا خلاص اتعلمت ومش هقولك على الصلاة تانى ولا هجبلك سيرتها " لانى برده كنت بصحيه كتير فى الفجر "
    والنهاردة مش صحيته للفجر واكتفيت بالمنبه اللى كان ظابطة وقمت صليت وكنت حاسة انى حزينة جدا " ومازلت " ومش عارفة اتعامل معاه ازاى ؟؟
    انا حسيت انه حس بيا وانا بصلى بس الله اعلم ..لكن قولولي اعمل ايه معاه ؟؟؟؟؟
    ازاى اساعده هو كتير والله بيقولى الواحد لازم يحاول يعمل الخير فى الدين والدنيا حتى رحنا الحج بعد شهرين بس من جوازنا ماشاء الله بالرغم انه حج قبل كده ماشاء الله وعمل عمرات كتير واكترها ماشاء الله فى رمضان. حتى مثلا سورة الكهف كنت بقراها يوم الجمعة وقالى مرة انا نفسى اقراها وبقى فعلا يقراها ماشاء الله وقبل مانام يقولى قولى سورة الواقعة سمعت ان فضلها كبير وقالى على حاجات دينية كتير .......نفسى ربنا يرزقه الصحبة الصالحة انا وهو ....انا تعبانة اوى قولولى اعمل ايه بالظبط وانا اعمله ؟؟
    التعديل الأخير تم بواسطة sarah224; 01-01-2011, 08:58 AM.
  • ** الشيماء **
    كبار الشخصيات
    • Jan 2009
    • 10000

    #2
    أختي إنت متياسيش يحتاج وقت وإصرار الموضوع
    أنت حاولي معاه بشويش وحتي صلاة الفجر صحيه ماتخليه
    ينام
    هو علي حسب كلامك ماشاء الله عليه بس يمكن مثل
    ماقلتي الشغل بيخليه يتعب بس إنت حاولي
    ومتيأسيش وحطي لما يكون موجود درس بيحكي
    عن الصلاة وعواقب تأخيرها مش تتعمدي خليها بالصدفه
    علشان مايزعل وينتبه
    وربنا يهديه يارب

    تعليق

    • sarah224
      حواريّة مُشرقة
      • Dec 2010
      • 1276

      #3
      المشاركة الأصلية بواسطة ** الشيماء **
      أختي إنت متياسيش يحتاج وقت وإصرار الموضوع
      أنت حاولي معاه بشويش وحتي صلاة الفجر صحيه ماتخليه
      ينام
      هو علي حسب كلامك ماشاء الله عليه بس يمكن مثل
      ماقلتي الشغل بيخليه يتعب بس إنت حاولي
      ومتيأسيش وحطي لما يكون موجود درس بيحكي
      عن الصلاة وعواقب تأخيرها مش تتعمدي خليها بالصدفه
      علشان مايزعل وينتبه
      وربنا يهديه يارب
      تسلمى يا شيماء على ردك ..انا فعلا حاسة انى اسلوبى هو اللى مش حلو لانه دايما بيقولى انتى " بقيتى زنانة " اوى ..وهحاول اغير اسلوبى وانا فعلا لما قعدت مع نفسى قولت فعلا انا غلطانه انى ماصحيته على صلاه الفجر ربنا يهديه ليا ويباركلى فيه

      تعليق

      • 0 طيبة القلب0
        عضو نشيط
        • Oct 2010
        • 458

        #4
        حبيبتي سارة ربنا يبارك فيكي
        يجب ان تكوني حريصة فعلا علي صلاة زوجك وانتبه
        لا لليأس .............لا للزعل .............لا لتقليده وتصبحي انت مثله
        مثل ما قلتي اكيد اسلوبك فيه خطأ
        -انتوا لسه متزوجين واكيد هو يحب يظهر بصورة جيدة امامك ولكن موضوع الصلاة هز هذه الصورة واكيد دي حاجة مضايقة وخصوصا انك حكيتي انه بينصحك بامور في الدين
        لذلك اعطيه الاحساس انه ما زال امامك الرجل الملتزم دينيا وانك بتستفيدى منه في امور الدين...... وهو سيحاول ان يعزز هذه الصورة لديك
        -امر اخر اكيد شغله مرهق فحاولي على قدر الامكان النوم مبكرا حتى يستعيد نشاطه وبلاش اكل دسم ليلا والاكل يكون صحي
        -النفسية وهذا امر مهم ....انتوا باين عليكوا في غربة واكيد هذا ماثر عليه.... تعب وارهاق ولا يوجد حياة اجتماعية يعيشها (اكيد طبعا انت مالية عليه حياته) ولكن ممكن هذا الامر يفرق معاه
        وهذا دورك التجديد والفرفشة والوناسة والجو المرح وصدقيني هذا كفيل انه يروح كل التعب اللي عنده ويحس بالنشاط والاستقرار اكثر
        -الدعاءءءءءءءءءءء
        وربنا معاكي ويرزقك الذرية الصالحة ويهد زوجك وجميع المسلمين

        تعليق

        • ملاذالدنيا
          النجم الفضي
          • Jun 2010
          • 1247

          #5
          السلام عليكم
          يا اختى الموضوع بسيط جدا فى الاوقات اللى موجود فى البيت خدى بالك من اوقات الصلاة
          يعنى خليكى قريب منه وبتتكلمى معاه وانهى الكلام عند رفع الاذان قائلة رايحة اتوضأ عشان الصلاة
          وفى الفجر بهدوء يا حبيبى ميعاد الصلاة قام كويس مكنش سبيه وبلاش ملامة
          مرة فى مرة هتلاقيه قام من نفسه
          افضل شئ للدعوة الهدوء وطول البال

          تعليق

          • ~~زهرة المدائن~~
            كبار الشخصيات
            • Dec 2007
            • 11612

            #6
            هو زي ما حكيتي الاسلوب
            انا اشوف انك تنبهيه بوقت الصلاه وتذكرية بفضلها بدون تشديد وعصبية...
            الله يهديه ويرزقك بالذرية الصالحة



            تعليق

            • totee
              النجم البرونزي
              • Dec 2006
              • 782

              #7
              الدعاء ان ربنا يهدى على طول و فى كل وقت
              الرجال لاتحب الامر ارجوك لاتأمرى بشئ خالص صلى او ماتصليش اقومى انت صلى امامة او اسألية كم من الوقت تبقى مثل لاى صلى
              تكلمى عن الصلاة اوغير بطريق غير مباشر
              ربنا يهدى الرجال ونساء

              تعليق

              • @ام الخير@
                كبار الشخصيات
                • Apr 2009
                • 11530

                #8
                الصلاة بالذات اختي تحتاج للرفق واللين

                وزوجك لا ينكرها ومؤمن بوجوبها ويريد تأديتها


                فما بقي الا ان تتوفر الظروف لها

                كزوال التعب او النعاس

                عندما قترب اذان المغرب اذهبي للمطبخ واعدي شيئا يحبه مع كوب عصير او شيء ساخن


                واستعملي سحر المراة في مساعدته ليستيقظ من نومه


                استغلي حاسة الشم واللمس

                وتكلمي معه بهدوء في اي شيء

                دون ان تشددي على اهمية استيقاظه

                ودون ان تضغطي عليه

                وعندما يستبقظ خلاص


                فانه سيصلي معك

                واطلبي منه ان تاتمي به وان هذا يسعدك

                وتاكدي ان هذا الامر يحتاج منك صبرا


                وكثرة الضغط ستؤدي لنتائج عكسية

                فلا تقرني استيقاظه بالصلاة حتى لا يكون للشيطان مدخل عليه

                بل ايقظيه شوقا له وحبا في قربه

                تعليق

                • الاسيرررره
                  النجم البرونزي
                  • Jun 2009
                  • 682

                  #9
                  معك يااختي اقوى سلاح وهو الدعاء استمؤي عليه ولاتياسي من الله
                  الله ييشرح لك صدرك ويزيل همك

                  تعليق

                  • sarah224
                    حواريّة مُشرقة
                    • Dec 2010
                    • 1276

                    #10
                    ربنا يجازيكم خير والله ردودكم احسن من بعضها وانا ان شاء الله هحاول اعمل اللى بتقولوا عليه وربنا يهدينا لبعض

                    تعليق

                    • نور العيون123
                      ميــلاد قلم " مشروع نبض الفيض "
                      • Apr 2008
                      • 5224

                      #11
                      جزاك الله خيرا اختي على حرصك على الطاعه هذا جهاد فلا تياسي

                      لك اجر الجهاد وكلميه دايما بالدليل يعني لو شغل اغاني ذكريه بحرمة الغناء
                      والموسيقي بالادله ابحثي عنها وحضريها ذكريه بموت الفجأه وان الانسان ممكن ان يموت على معصيه وان من محبتك له تحبي ان تنقذيه من عقاب الله لان الله تعالي يقول

                      (ياايها الذين امنوا قوا انفسكم واهليكم نارا وقودها الناس والحجاره)

                      فعلى كل الزوجين ان يعين الاخر على التقوي وينقذه من اتباع الهوي والتفريط

                      والعمل للاخره

                      الدعاء مهم جدا الله تعالي يقول (اجعلني مقيم الصلاة ومن ذريتي )

                      فهذا رزق والعون منه تعالي فانت تقولي اللهم خذ بقلبه اليك اللهم اجعله مقيم الصلاه

                      اللهم اعنه على طاعتك اللهم حبب اليه الاتيمان وزينه في قلبه وكره اليه الكر والفسوق والعصيان والله تعالي يتقبل منك بصدقك








                      التعديل الأخير تم بواسطة نور العيون123; 05-01-2011, 12:18 PM.


                      تعليق

                      يعمل...