حسبي الله ونعم الوكييل...شو بدها مني؟!!

[charry]

السلام عليكم عزيزاتي انا اول مره بحكي عن قصتي و الله يشهد علي حتى اهلي مابعرفو عن الي في خليني احكيلكم عن حالي شو بالاول انا تربيت في بيت الحمدلله كنا كتيييير مدللين بس كان كل شي بحدود طبعن بس اهلي كانو مو منقصين علينا شي كانت ماما كتيييير نظايفيه يعني ممنوع النوم و هو في شي مو مكانه و ربتنا على هدا الاساس و الحمدلله ما بدي امدح بحالي بس انا طلعت اكتر وحده في خواتي زي ماما مو لدرجة الهوس او الوسواس بس اهم شي عندي يكمن كل شي مرتب و نظيف اعزروني ازا بحكت بالتفصيل بس هدا اساس القصه.....
انا مضره اروح هلا بنكمل بعد شوي ان شالله

المهم كان يجيني كتير عرسان بس ما يتم النصيب كل مره يكون في شي مو مناسب في يوم من الايام تقدم لخطبتي شاب حسيت انه هو نصيبي من اول زياره لا امه عند اهلي حسيت اني حبيته حب مو طبيعي و كانت في كل مواصفت فارس احلامي من كل النواحي بس المشكله الوحيده كانت انه الشب مغترب و انا كتييير متعلقه بامي المهم تمت الخطبه و تزوجنا بعد شهر و هو الحمدلله كان كتيير حنون و نساني غربتي من اول يوم كان كل حياتي و هو كان كتير مبسط معي لاني بدلعه وبحبه و ما كنت اردله كلمه ولا حتى اناقشه و كنت ازا حسيته ما بحب شغله مستحيل افكر فيها حتى نفسي تشيل عنها (على فكره هاي نصيحه ااي بدها تكسب جوزها اهم شي لا تعانديه) وعشنا حياه كان يضربو فينا المثل و الحمد لله ربنا كمل علينا فرحتنا في احلى وردتان في الدنيا بناتي احملت في بنتي الاولى بعد زواجي 3 شهر و التانيه لما ولدتها كان عمر اختها سنه و نص واحد هلا حياتنا مثاله مليانه نشاط و حب و تفاهم و الحمدلله ....
لي معكم عوده بس انا لازم اروح هلا ان شالله بكمل بعد شوي بس احكولي حابين تسمعو قصتي ولا اخليها بقلبي احسن

[قرطاج]

اكملي أختي نحن في انتظار القصة

[charry]

شكرا لاهتمامك اختي

[بنت -الغلاااا]

كملي غاليتي انتظرك

[charry]

انكمل القصه بعد ما ولدت بنوتي التانه اضطرنا نرحل لبيت اكبر و الحمدلله بعد تعب و جهد كبير من زوجي و الكثير من الدعاء و الاستخاره ربنا وفقنا في بيت رائع كبير و مرتب كنا متفقين انا وزوجي انا نرحل يوم الجمعه يعني كان باقي 4 ايام للجمعه و كنا سهرانين فجأه قررنا انا نرحل تاني يوم و بالفعل حكينا مع شركه و اتفقنا على كل شي طبعا كل الشغل علي هلا...
المهم طلع زوجي على شغله و انا مسكت البيت ورحلنا في نفس اليوم خلصنا الساعه 2:30 الفجر ترحيل طبعا من التعب زبطت فراشنا ونيمت بناتي و نمنا وكنت كتير مبسطه بالبيت الجديد كل شي في زي ما بدي....
المهم طلعت زوجي على شغله و اطلعت حوالي والله ما كنت عارفه من وين ابدأ حسيت بغصه لاني لحالي وقلت لو عندي اي حدا من اهلي كان على الاقل بنتسلى و بساعدوني بالبنات بس الحمدلله من كثرة التسبيح و الدعاء بناتي الله هداهم و ما غلبوني بالمره بعد ما طلع زوجي بساعه تقريبا اتصل فيه انا استغربت اتصاله بس قلت يمكن بده يطمن علينا رديت على تلفوني قلي اسمعي انا حكت معي ..... فلانه(هاي بتكون قريبته من بعيد شوي بس جران اهله و علاقتهم من زمان قويه هي مرأه كبيره بس مو كتير في اخر 30 بس زوجي صاحب اخوها من الطفوله و علاقتهم كتيير قويه و هي ارمله) قلتله حكت من وين من .... (البلد الي احنا منها)قلي لا هي هون في دبي جاي زياره شهر عند اخوها و اصرت انها تيجي عنا اليوم قلتله طيب اهلا و سهلا فيها اي وقت بس ليش ما خليتها لو على الاقل لبكره البيت كان كتيير مكركب و انا مستحيل ارضى حدا يدخل بيتي و هو هيك خصوصا انها اول مره بتدخل بيتنا و الله اعلم ادا رح تيجي مره تانيه قلي والله حاولت بس هي اصرت بشكل مش طبيعي لدرجةانها احرجتني بالاخر قلتلها خلص اهلا و سهلا بعدين قلي انه بده يروح يجيبها المساء و قلي يا ستي ادا كان البيت مكركب ما فيها شي احنا الفجر خلصنا ترحيل...
قلتله خلص من عيوني بس جيب معك ضيافه تليق فيها وعشا (طبعا احنا ماكان عنا غاز ولا ثلاجه لسه) و اتفقنا انهم جاين 7مساء
و بلشت بالبيت موتت حالي من كتر الشغل و الف حمدلله يا رب الله وفقني لما زوجي حكى معي كان بده 10دقايق كان باقي علي اني اجهز حالي ....
طبعا وصلت ست الحسن لما دخلت عالبيت حسيتها مو طبعيه صارت تتطلع في كل شي بطريقه غريبه.....
لحظه و راجعتلكم

[بنت -الغلاااا]

كملي غاليتي

[*LAMAR*]

حبيبتي أنا أنصحك لا تدخلي أحد غريب لبيتك مهما كانت الأسباب غير أمه وخواته وقرايبينه المقربين جداً فقط وأنا لا أعرف قصتك كامله حتى أنصحك هذه النصيحة لكن المكتوب مبين من عنوانه ديري بالك حبيبتي والله لأني اللي مريت بيه في حياتي خلاني شديدة الحذر في كل شيء . وربي ينصرك حبيبتي

[charry]

انا ما اخدت في بالي ورحبنا فيها طبعا كان كل شي بمكانه م كنت معطره البيت بس مشان الصراحه كان في شنطه صغيره فبها كراكيب ما لحقت اعملها بس حطيتها بالخزانه مو مبينه اجت الاخت قال شو كم شغاله جبتو مشان تخلصو بنفس اليوم كل شي قلها زوجي والله ما جبنا حدا انا قلتلها انجيب وحده تساعدها بسهي مارضيت قال بدها كل شي هي اترتبه واتحطه مكانه قلتلو و انا سامعه هاي شكلها بتكدب عليك ما في وحده بتخلص كل الشغل لحالها و عندها بنتين و والده جديد قلها انا مرتي غير و قعد ساعه يمدح في و في نظافتي انا ما كنت قاعده بس كنت سامعه المطبخ قريب من مكان قعدتهم المهم يومها حسيتها موطايقيتني بالمره بس قلت شو بدي فيها انا بعمل باصلي و مشام زوجي كمان المهم قعدت الي في النصيب و قام زوجي مشان يوصلها و اصر اني اروح معه طبعا هي انجنت و كل شوي تقله ما في داعي هلا غلبه مشان بناتها لما شفت زوجي مصر قمت لبسة و رحت معهم وصلناها....
لما روحنا حسيت بتعب مش طبيعي قلي زوجي هدا يمكن من الارهاق و التعب ان شالله بتصبحي احسن مر اول يوم و تاني يوم و مر اسبوع والتعب ما راح و صرت اضل اشوف كوابيس وما اعرف انام لحد ما زوجي يضل يقرا عليه....
المهم اجا الشهر الكريم وهيا كان باقيلها اسبوعين و تسافر قلت لزوجي لازم نعزمها ما بصير تاخرنا عليها كتير عيب قلي خلص اي يوم بدك قاتله اول يوم رمضان و فعلا حكينا معها و مع اخوها و عزمناهم يومها كان بالنسبه الي زي التحدي بدي كل شي يكون ممتاز و الحمدلله ربنا عاني و كان يوم رائع ما خليت شي ما عملته من مقبلات لفطور بشهي لحلويات اشكال و الوان كانت الفرحه علي وجه زوجي موطبيعيه وكل شوي يقلي الله يبيض وجهك زي ما بيضتي وجهي حتى لما كان بده يطلع على صلاة التراويح دخل يتوضأو صار يبوس في ايدي و كان كتيير كتيير مبسط....
المشكله بلشت هون كنت فاعده و بصراحه مفتخره بحالي ومبسوطه حسيت بدوخه خفبفه فجاه طبعا ضليت قاعده و ما خليت حدا يحس عليه بعدين صابني وسواس غريب ما بدي هاي المرأه تقعد لحلها و خفت منها المهم كان هدا الشي صعب لانه الرجال كانو بالصلاه و انا كل شوي بقوم اعمل شغله و زوجت اخوها كانت في اخر حملها كل شوي تدخل عالحمام حاولت قد ما اقدر ما اخليها لحالها بس ارجع و احكي انا شو مالي ليش هيك بعمل انا مؤمنه والحمدلله و ما عندي وسواس من شغلات زي هيك بعدين هاي مرأه كبيره لشو بدها تعملي شي
المهم مرت الليله على خير و قامو مشان اروحو وهما طالعين اطلعت علي بطريقه غريبه و قالتلي لاتفكري لو تموتي حالك شغل ما بتطلع معدله قد ربع بنتي انا ستغربت كتير من كلمتها خصوصا انها مو بمحلها بالمره يعني انتي في باتي و انا مو مقصره فيكي لشو هالحكي بعدان الطريقه كانت غريبه شوي حكتها في داني لما سلمت علي مشان تروح صراحه انا اول شي ما عرفت شو احكي بس بعدها قلتلها ماشالله عليها بنتك عرفتي تربي(مع العلم انه بنتها يارب لا تحسبها نميمه معروفه انها قويه و مو نضيفه بالمره )
اتسهلو الجماعه من هون و بدت ماساتي الحمد لله بناتي نامو قبل ما روحو بشوي و البيت ولا كانه اجا عليه حدا كل شي مرتب دخلت على الحمام اخد شاور بعد تعب يوم حافل و ما بعرف شو صار....
ما لقيت الا انا بحضن زوجي في غرفتي وصوته خايف و ملهف مو عالرف شو يعمل لما سالتو شو في قلي كنت قاعد بتلع عالتلفزيون فجأه سمعت صوت شي خبط بالحمام صار يطبل عالباب و انا ما كنت ارد عليه فتح باب الحمام لقاني مرميه على الارض مو حاسه بشي ضليت تقريبا ربع ساعه فاقده الوعي كاملا ومو حاسه بش حاول يقنعني اني اروح عالطوارئ بس انا ما رضيت كانو البنات نايمين و كنت كتير تعبانه....
طولت عليكم كتير بالحكي سامحوني بس مالي حد غيركم افضفضله....
لحظه و بنكمل.....

[charry]

والله اختي لامار من دون ما تعرفي قصتي نصحتيني يا ريت لو كنتي من زمان موجوده كان ريحتيني من كل العداب الي شفته

[نانسى91]

كملي حبيبتي

[charry]

انكمل بعد هداك اليوم صرت اضلني تعبانه و اكره شي علي اشتغل في البيت بعد ما كانت نظافتي ينضرب فيها المثل اولها زوجي ما كان يعلق على شي بس بعد فتره البيت صار بده شغل و انا اصحى اعمل الطبيخ و الجلي و اضبضب الحرامات وبس لا اكنيس ولا اشطف ولا شي و صرت اخلي الغسيل لحد ما يخلصو لبس ما يضل عندهم شي يلبسو و ادا زوجي حكالي كلمه صغييييره او انتقدني كنت ازعل كتير و اعصب وبعدين يغمى علي و يقعد يصحي و يصالح فيه لدرجة انه بطل ينتقدني في شي و ما خلينا دكتور اعصاب و باطني ولا نسائي و ما في فايده ما في شي طيب و الدوخه هاي شو بعدين حولوني على اخصائي للدماغ و قالو لزوجي احتمال عندها ورم بالدماغ(حسبي الله ونعم الوكيل)طبعا ما كان اي حدا يعرف عن حالتي انا كنت مخبيه كل شي عن اهلي و بيت حماي مشان ما يخافو
اجا زوجي عيت و قلي بدنا انروح عالمستشفى اليوم في عندك موعد بدنا نعملك صوره للدماغ طبعا انا سمعت هدا الكلام من هون وانهارت اعصابي و صرت بس افكر شو رح يصير في بناتي من بعدي بس زوجي قلي انتي ما فيكي شي بس الصوره مشان ملفك و انا زي الغبيه سدقته هو ما قلي في شو الدكتور شاكك ورحنا و عملتها كان يوم كتير صعب و بعدها جا زوجي مبسوط كتيير قلتله شو في قلي الحمدلله على سلامتك حبيبتي انتي ما فيكي شي و فهمني شو كان الدكتور قايله الف الحمدلله .....
بس المشكله صارت تزيد عندي صار يغمى علي عند اقل مشكله و بعدين ركبني وسواس (الطلاق)كل يوم بالليل احكي بكره اول ما يصحى بدي اطلب الطلاق و بطلت اطيق زوجي بالمره و لا حتى اغلى شي بحياتي (بناتي)صرت اضلني معصبه و منرفزه لما زوجي يطلع على الشغل اصير اشمشم في اواعيه الملبوسه مشان اشم ريحته و اضل اشم في عطره و نفسي يروح بسرعه ا شتقله كتير بس اول ما يدخل عالبيت ولا اطيقه و اضلني احكي لحالي انه هو الي نكد و شكله متعرف على وحده من وراي مع انه كتير بحبني و متدين ما عنده هاي الاشياءلو ما كان يحبني كان ما تحملني هلقد...بس الحمدلله كنت اجبر على حالي و ولا مره طلبت الطلاق ولا كنت احكيله اني مو طايقيتهم....
وصارت حالتي كل يوم تسوء ومن دكتور لدكتور باصدفه زوجي اجا شغل على بلدنا واضطر ينزل لحاله اجنت قريبتي نامت عندي لانه خاف عليه لادوخ (بس هي ما كانت تعرف شي) الحمدلله الله ستر و ما صار في شي وهي عنا بس الاخ زوجي فضحني عند اهلي و حكالهم عن كل شي (طبعا انا لهلا ناسيه شغلت المرأه كلها) بباب لما عرف انجن جنونه و قله لما ترجع بتنزلها على اول طياره ....رجع جوزي من سفره و قلي شو صار مع اهلي طبعا انا انجنيت فيه و صرت ابكي و احكياه ليش تحكيلهم والله ماني مسافره لو بتموت و هو يهدي فيه و يقنع فيه و انا ولا يمكن اسافر (طبعا انا قبل كل هدا كنت ما اناقش زوجي في اي شي و هو عصبي شوي بس بروق على طول ونت ماعندي مشكله من عصبيته نهائيا)بعدين حكى معي بابا و قلي ادا ما بتيجي انا باجي اوخدك وما في ترجعي و ضليت معنده...بعد كم يوم ومن الصبح صارت مشكله كبييييييييييييييره بيني و بين زوجي و يومها فعلا كنت خلص رح اطلب الطلاف وحست اني مش طايقه العيشه معه و قلت ادا بده بناته ياخدهم بس يتركني بعد ماطلع بنص ساعه حسيت حالي رح انهار (انا مشان كنت اضل ادوخ مسجله رقم زوجي في موبايلي على رقم2 بالاتصال السريع و علمت بنتي الكبيره حبيبت قلبي قلتلها ادا بتشوفي ماما نامت عالارض (هي كانت تفكرني نايمه عالارض) اتصلي في بابا مشان يشيل الواوا بس كنت دايما اصحى لحالي وتكون بنتي تبكي(الله لايعيد هديك الايام واللله دموعي ملت وجهي)
بس ما تكون متصله على ابوها في هداك اليوم كانها حست بشي غلط او حاولت تصحيني بس بدن فايده المهم حبيبتي اتصلت في ابوها ما عرفت تحكيله شي بس بحكيلي كانت تبكي بطريقه مش طبيعيه و هو عرف انه في شي لانها كانت تصرخ و تنادي ماما
بنات انا مو قدره اكمل بس اتدكر خوف بنتي بنجن دموعي ملت تيابي بكره بكمل ان شالله....
ادا ما عندكم مانع تسمعوني

[ام البنين2004]

الله يعينك

متابعتك اختي

[سعادز]

لا حول ولا قوة الا بالله

اعانك الله على ما أنتي فيه اخية
وابعد عنك وعائلتك كل مكروه
يااارب

[دفا امي]

الله يعينك عزيزتي
في انتظارك

[infirmiere]

ربنا يفرج همك و يشفيك و يحفظك لبناتك و زوجك و يصلح حالك......أختي بما أن الدكاترة أكدوا أنك لا تعانين من مرض عضوي....يمكن فيك عين أو حسد أو سحر ربنا يحفظك عالجي نفسك بالقرآن و التوكل على الله و الدعاء و لا ترضخي لأفكارك حاولي أن تعودي كما كنت خطوة خطوة آجعلي عزيمتك قوية بالله ....و آن شاء الله كل شيء سيصلح و تعود المياه لمجاريها بناتك بحاجة ماسة لك الأم لا تعوض من أجلهما لا تستسلمي