سر سعادتي مع حب حياتي ؟؟؟؟؟؟؟؟؟؟؟؟؟؟

[mryr]

هااااااي بنات......
قرات كثير مواضيع وانتو كمان...عن الزوج وكيف تقدر الوحدة تكسب زوجها وكيف تخليه يموت فيها ويهتم فيها وبشعورها واحتياجاتها ويقدر كل اللي تسويه هي له
وبصراحة ياحلوييين حسيته كله كلام روتيني مع احترامي لكل اصحاب هالمواضيع....
بمعنى شوووو... يعني تقلك فاجئية بليلة مميزة ..سويله اكلة يحبها ..اخرجو سوا وغيرو جو..الخ...الخ....الخ
واكيد انتو حاولتو تسو كدا بس اكيد ماانحلت مشاكلك مع زوجك
يعني اكيد انبسط ..بس كمان اكيد رجعت ريمة لعادتها القديمة
اكيد انتي ماراح تقعدي كل يومين ثلاثة تجيبي فكرة وتنفذيها وهو طبعا ماراح تتصلح عيوبه اللي مضايقتك فيه عشان حفلة ولا هدية جبتيها له
المههههههههههههههههههههههههههههههههم
ان متزوجة من 11سنة والحمد لله عايشة مع زوجي حياة جدا رائعة ...
وعن جد قبل شهر احتفلنا (بيوم )زواجنا ال11 (احذرو من قول عيد لأننا كمسلمين ليس لنا الا عيدين) وحكينا كيف انه عدت كانها شهر
مع العلم انه عندي 4 اطفال.......
حبيباتي اللي بدها تعرف شو السر تتفضل....

[abeer taher]

السر هوه القناعه والرضا مش هيك ؟

[mryr]

اختي القناعة والرضا رح تجي لما بيكون الشخص سعيد في حياته
وماراح يهمه اي شي وماراح يتطلع باي حدا.........

[النجمةاللامعة]

خبرينا أختي شو سر السعادة بينكم
الله يديمها عليكم

[دلوعه سهرانه]

بجلس ع النت لحد متعطينا السر

[mryr]

خبرينا أختي شو سر السعادة بينكم
الله يديمها عليكم

اختي النجمة اللامعة احي فيكي اهتمامك ويارب يديم السعادة على الجميع

[mryr]

حبيبتي دلوعة ...كان بددي اتاخر شوي بالحكي عن السر عشان اخليكو تفكرو اكتر وتهتمو بالموضوع بس لعيونك ماراح خليكي تنطري اكتر وراح جاوب كل اللي اهتمو يعرفو...
شوفو حبيباتي....
انا من لما تزوجنا قبل 11سنة مااعتبرت هالزنمه(بقصد زوجي)هههه
مااعتبرته دخل لحياتي زوج وبس
اعتبرت انه زوجي وحبيبي وكل يالي بيخطر عابالكم فكنت بحكيله كل شي بيجي عبالي كنت اخد رايه حتى بشي طبخة كيف تكون الذ بشي فستان اذا بيلبأ علي اما لا
بشكيله من اي شىء زاعجني او من اي كلمة سمعني هي حدا وزعلني حتى لو كان هالحدا امي او امه خي خالتو زميلاتي بالجامعة (لاني لما اتزوجنا كنت بعدني ماخلصت دراستي)طبعااااااااااااا مع مراعات الوقت المناسب لمثل هادي المواضيع يعني برمي كل شي ورى ظهري بس يكون جاي من دوامه (لاني عارفه ان الحل معه بس المفتاح معي )استقبله وبشوف شو بده ومابده بس بيرتاح بيريحني هو من اي حيرة عندي او زعل (بلكي انته هلا بتقولو مش كل الرجال سوى وزوجي حتى لو عملتلو كذا وكذا برضو ماراح يهتم باللي عندي )بس ماتستعجلو وكملو ا الباقي....
المهم ياحلويييي....
انا مثل ماكنت الجألو في كل صغيرة وكبيرة بحياتي وبشكيلو من اي حدا يضايقني
sorry
بنات شوي كمان وكمل
باااي

[mryr]

انا جيت....
على فكرة بعد الشرح لاي نقطة راح الخصها بسطر للي مابدها تشغل بالها بكثر الحكي فبتصير تقرا الجمل اللي قبلها نجمة
المهم ..مثل ماكان هو الوحيد اللي بشكيلو وبحكيلو
كنت لما يزعلني او يعمل شي بيضايقني ماكانش حتى الجن الأزرقيعرف باللي صار بيننا فكنت اشكي منه لاله وابكي بسببه في حضنه لانه صدقينو عمره ماراح يكون حل مشكلة بينك وبين زوجك عند امك او اختك او اي حدا بالعكس بلكي بتزيد المشكلة بيناتكم اذا عرف حدا ثالث بللي صار
والخلاصة *السر الأول لحياة زوجية سعيدة بان يشعر زوجك وتصدقين انت بان سعادتك وراحة بالك هي بيد زوجك فقط وثقي تماما بانه لن يخذلك ما ان يتأكد من انه هو ملجأك وحاميك الوحيد حتى منه .

[mryr]

اللي بدها تعرف ثاني سر اناحاضرة
واللي حست انه كلامي مااله لازمة تقرا اي موضوع تاني لأنه المنتدى بجد بجد بجد مليء بالمواضيع الرائعة
thanks

[إم نبيل]

والله صدقتي ياأختي كلآمك صحيح لأني أنا كمان بعمل متل ما حكيتي إزا زوجي ضايقني بأي شغله في حياتي بصارحه هو وبحكيله إعتبرني صديقه وبتشكيلك عن زوجها وصدقيني لأني معاه هيك كبرت في عينه وأنا معك بأنه إزا فات شخص ثالث بين الزوجين راح تكبر المشكله وتآخد حجم اكتر من مابتستاهل ...لأنه ماحد راح يفيدها في مشكلتها أكتر من صاحب المشكله إللي هو زوجها.....والله يوفق بين كل زوجين

[دلوعه سهرانه]

[CENTER

]حبيبتي دلوعة ...كان بددي اتاخر شوي بالحكي عن السر عشان اخليكو تفكرو اكتر وتهتمو بالموضوع بس لعيونك ماراح خليكي تنطري اكتر وراح جاوب كل اللي اهتمو يعرفو...
شوفو حبيباتي....[/CEN

TER]

تسلمي انا معكي في الحكي100 0/0

[عطرالمشاعر]

شكره لكم جميعا على المعلومات القيمه فعلا الهديه والامسيه الرائعه ما ممكن تغير في طبعه شي بس الحور ثم الحور واكيد كتمان السر
اشكركم للمره الثانيه والله يهنيكم ببعض

[om radwan]

أولا ما شاء الله تبارك الله ولا قوة إلا بالله عليك انت وزوجك
لا بالعكس عزيزتي كملي كلامك منطقي وصحيح 100%
ربي يوفقك ويسعدك يارب دائما وأبدا

معاك متابعين ....(^_^)

[mryr]

مرحبا .....
بدي اقول شغله.. انه عن جد انبسط كتيير كيف انه اتغير تفكيييير النسوان وكبر عقلهن لأنه على فكرة انا اللي زمان مادخلت على اي منتديات يعني من شى 8 سنوات تقريبا
((((((((((اخواتي ام نبيل ودلوعة سهرانه و عطر المشاعر وام رضوان)))))))))))))))
احب اقول شيء صدقوني لو كملتو معي للاخر وجربتو تنفذو الحكي ياللي راح اقوله رح تحسو كيف انه حياتكن راح تصير قصة من قصص الرومانسية الجميلة ياللي بنشوفها بالأفلام وبنحكي انه شو هاد والله مستحيل بتكون هدي حقيقة كذبوا علينا ولما اتزوجنا انصدمنا
......................عموما انا رايحة مشوار صغير بس برجع بحكيلكن ..........................
thanks

[عمرى لزوجى]

السلام عليكم
ربنا يسعدك يامير
يلا كملى فى انتظار خبراتك الحلوه ياعسل