مشكلتي هي ( امي) ما الحل معها

[عــــبير]

مساااا الخير لكل اعضاء المنتدى

انا من فتره طووووووويله كتير بتابع هادي النافذه وكل موضوع بعرفو فيها .. وشفت ئديش الكل هون بخاف ع بعض واهم اشي انو الخوات بيبعطو نصائح بيتقوا فيها رب العالمين مشان هيك ما لقيت غيركم اخد رأيكم بمشكلتي ... لانو بدت من زمااان مش عارفه شو الحل !!

انا بنت مخطوبه لشب بخاف الله وبصلي وكتير منيح وحنون وكريم وبحبني وبخاف علي اكتر ما بتتصورو وانا كمان كتير مرتاحه معاه وبحبو كتيررررررررر وما في بينا اي مشكله والحمد لله

بس مشكلتي بالقصه هي ( امي) الله يصلحها ..

دار حماي بيكونو صحاب لأهلي قبل ما نخطب يعني معرفه من قبل وامي صاحبة امو كتييير وكل يوم حكي ع النت وع التلفون ومن هالكلام .. المشكله انو امي عندها عاده نقل الكلام بعرف مش ئصدها بس بتحكي هيك بدون تفكير

وكل ما اشتشيرها بموضوع او شي بلاقيكي دار حماي عرفو فيه وصارت قصه
واكتر من مره خطيبي يحكي معها بموضوع خاص او ياخد رأيها بشي ويحكيلها ما تحكي لحد لانو بينا هالكلام .. الاقي امو بتعرف جد اشي بجلللللط وخطيبي كمان كتير ملاحظ هالشي وحكالي المهم انتي ما بتحكي اشي وبتحفظي السر وبالنهايه رح اعيش معك مش مع امك بس من جواتو كتير مقهور من هالشي

وكمان امو بتحكي شغلات .. كل هادا بحكم انهم صحبات كتير
بس الي صرت الاقيه جديد انو مشان هلأ صارت القصه جد وصار فيها زواج صارت امي بدها تفرد رأيها وبحسها بكلشي حابه يكونلها دور .. مرات بحس انو هي العروس مش اااانا وبتحب تتدخل كتير .. لدرجه انو انا حكتلها هادي حياتي واهادا خطيبي ما تتدخلي ولا تغلبي حالك بشي بخصنا وحكيت معها مشان نقل الكلام بتصير تنرفز وتقلي ما بحكي اشي والي بحكي كلام عادي ... ولسا لو بدي احكي والله ما بخلص عن المشاااكل

مش عارفه شو الحل مع امي !!! اتركها هيك وبس اتزوج اخلي علاقتي معها بكلام عادي وما احكي ولا بأشي لا عام ولا خاص لانو بحسو بصير اذاعه .. يعني انا هلأ ولا مررررره بفكر الجئ الها بأي مشكله

وانا هلأ بعتبر كل حياتي بس خطيبي .. وانا كمان بالنسبه الو كل حياتو لانو الدنيا كلها مسكره بوجهو وانا وهو مش مستعدين نتخلا عن بعض لو بدنا نخسر الدنيا كلها

اسفه تأخرت عليكم .. اعطوني رأيكم ..........!!

[hbsoker]

امك ثم امك ثم امك حتي لو كانت كافره مش بتنقل الكلام اتقي الله في امك واللي مالوش خير في امه مالوش خير في حد حتي لو خطيبك

[مجد الاقصى]

اختي الله يخليلك خطيبك ويوفقكم مع بعض
بس بدي احكي شغلة اوعك تفكري انه الام ممكن تتعوض
الام مافي اطيب ولا احن منها بكل الدنيا
بدي احكي كمان شغلة وياريت ما تزعلي
ما تحاولي تحكي على امك قدام خطيبك او تسمحيلو يحكي عليها
لانه صدقيني بصير يعايرك فيها ويحكيلك مانتي كنتي تحكي عليها
مهما عملت ومهما سوت ما ترمي واطي قدامه لانه الرجال بس يتجوز بتغير وما بعود زي وهو خاطيب وبجر ناعم
وبس تتجوزي انتي بتقدري بطريقتك الخاصة تعملي حد لحياتك
يعني ما تخلي حدا يدرى اللي بينك وبين جوزك لو شو ماصار
والله يهدي امك ويصلحها يارب

[عــــبير]

ما فهموووني غلط انا محترمه امي وحاطتها ع راسي من فوووء

وعمري ما حكيت عنها لخطيبي انو لمحتلو انوو انا متدايقه من تصرفاتها

بس هو الي لاحظ هالشي وحكالي انو هو بحترمها ورح يضل يحترمها ع طول وهي زي امو واعز ...

المشكله مش بخطيبي انا عارفه وجهة نظرو بأمي وبأهلي كتير بحبهم وبحترمهم

بس المشكله بعاده امي انها بتحب تحكي كلشي بتسمعو مع انو مش بقصدها ...

انا عارفه بس مرات هادا الشي بسبب احراج

[مجد الاقصى]

عبير متل ما حكيتلك حبيبتي
بس تتجوزي اي اشي بصير عند بيت حماكي او بصير بينك وبينهم ما تخلي امك تدرى فيه
يعني حياتك الخاصة الك انتي وجوزك
هو في نسوان كتير هيك
والمصيبة هاي العادة بتزيد لما الانسان بكبر ما بتقل

[بطاطا مقلية]

السلان عليكم
اختي انا حاسة فيك
اولا عليك بالدعاء ثم الدعاء ثم الدعاء لامك وان الله ييسر اموركم
ثانيا مثل ماقالوا الاخوات لاتحكي امام خطيبك ان امك لاتحفظ الاسرار بس ممكن تكوني حدرة معاها لانك اكيد فاهمة امك مية مية
ممكن تحاولي تنصحاها بطريقة حلوة ماتتدخل بمواضيعك او تحكيلها قصص مشابهة ممكن تفهم منها
وخلي روحك عاااااااااااااااااااااادي امام خطيبك ولاكانه فيه شئ مزعلك لان هده امك شئت ام ابيت ولايمكن تتبدل بس تتصلح
طبعا بطرق ليييييييييييييييييييييييينة جدا ولك الاجر في هدا
اختي ادخليلها من باب الدين وان الغيبة حرام ونقل الكلام وجيبيلها مواقع دينية بما انها تتصفح النت
المهم لاتحكي عنها امام خطيبك لا الان ولا بعد الزواج مهما صار فقط برري موافقها وفي نفس الوفت حاولي تعالجي المشكلة وحدك ,اعتبري هده قضيتك في الحياة لعلك تتدخلين بها الجنة

اااااااااااااااااااااااااااااااااااااااسفة طولت عليك بالكلام

[.*لولو*.]

الحل بسيط وبيدك .. اي شي يخصك انت وجوزك مو لازم لا اهلك ولا اهله يعرفوه بالنسبة للاختلافات كل ماكانت محصورة بين اتنين كل ما اتلمت الحكاية بسرعه ,, صحيح الواحد اوقات يحتاج استشارة من احد اكبر منه شوفي مين في عندك تثقي فيه وكتوم تقدري تأمنيهوتستشيريه ..

بالنسبة لأمك عادي ارضيها وخليك معاها عادي , وداوي امورك بالكتمان زي ما قال المصطفى عليه الصلاة والسلام

[bichebicha1]

السلام عليكم


اختي امك تتصرف مع حماتك على اساس انها ليست حماتك لا بانها صديقتها
المقربة لهذا تحكي بدون ما تعمل حساب لشيء اي تتصرف كعادتها بحكم انها صديقتها
اي زواجك او خطبتك من ابن صديقتها لن يغير شيء هي تدري ان حماتك تعرف كل اسرارها
اي اسرارهم مع بعض كل واحدة منهم ظلت على عادتها و هذا ما عليك ان تفهميه انت لخطيبك
اي لا تبيني تدمرك اي تقولي له ماما و ماماك صديقات و على هذا النحو يتصرفن فامي لا ترى انك امك
حماة لي بالقدر ما ترى فيها الصديقة الحميمة لها اي ارتباطنا لن يجعل ماما تتغير مع والدتك و تخفي عليها
اي شيء .
وانت يا اختي دائما حاولي ان تقولي لوالدتك الاشياء العادية اي ما تريديه ان يبقى سر بينك و بين زوجك
احتفظوا به و بهذا تتفادي اي مشكل و ما تريه عادي ان يقال احكيه لها و اتركيها على راحتها .
لان كما تعلمين اي ام لا يمكن ان تضر ابنتها او تحب ان تخرب عليها لكن هي طبيعتها هكذا .
وفقك الله

[hodaleman]

عزيزتي عبير ..

أولا اطمئني عزيزتي فمشكلتك لها حل ، والحل بيدك أنت لا بيد أمك .

إذا ضاق صدر المرء عن كتم سره _ فصدر الذي يستودع السر اضيق

فلا تلومي أمك عزيزتي ، ولا تفكري في لومها أو عتابها مرة أخرى ؛فلن تستطيعي تغييريها ، لكن على الأقل يمكنك تغيير نفسك ؛فتحرصي على أن لا تخبريها أمورك الخاصة أو أسرارك أنت وزوجك ، وأبقيها بينك وبينه ولا تفشيها لا لقريب ولا لصديق ، خذي نصيحتي هذه بعين الاعتبار وضعيها نصب عينك وجاهدي نفسك أن تبقي أمورك بينك وبين زوجك ، فلا الصديق يؤتمن أن يحفظ السر فترينه يضيق صدره بكتمانه ، ولا الأهل أيضا ، فلماذا أخسر أهلي وأصدقائي وأخبرهم أسراري وأنا اعرف بأن لا مكان عندهم لحفظ الأسرار !!؟

ولا تشعري بتأنيب الضمير إن لم تعودي تخبريها بكل ما يحصل لك ، بل على العكس ستريحينها من تحمل عبء الأمانة التي ثقل على الجبال حملها ، وستسعد حين تراك دوما سعيدة مع خطيبك ،زوجك مستقبلا .

أحكي لك أختي مما أعايشه ، فلا أحكي لأمي إلا الأخبار الجميلة عني وعن عائلتي ، ولا أشكو من زوجي أو من وضعي لها ، وقليلا ما أفعل ، لكن بعدها أقلع عن ذلك لما من كشف ستر بيتي من عواقب سيئة .

داري على أسرارك بالكتمان ، وسارعي بحل مشاكلك بينك وبين زوجك ، ولا تدعي الأمور تخرج عن سيطرتك بإفشائها ، وفقك الله لرضاه ،و لرضا والديك ورضا زوجك .

[hanan73]

حبيبتي عبير
وفقك الله أنت وخطيبك وحقق أمانيكم
أعتقد ان والدتك ست طيبة حسنة النية
فأحمدي الله انها ليست لئيمة أو مفترية متسلطة والعياذ بالله
وتأكدي ان أهل خطيبك يعلمون عنها هذا فإفتخري بأمك حبيبتي
بس أنا عاوزاك تفرحيها إية يعني إن يكون لها دور في كل صغيرة وكبيرة ؟ بكرة يكون عندك بنت وتكبر أمام عينيك لحظة بلحظة ساعتها بس هتفتكري أمك وتقولي كان معاها حق
أنا والدي كان أحد اسباب خراب بيتي لكني عذرته عندما رزقني الله بإبنتي التي هي حبة قلبي ولا أعرف كيف سأتركها تتزوج ربنا يهديني للخير دعواتك ياقمر