قبل ما أتجوز ، كانت حماتي وواحدة من بناتها بيرسموا على بنت عم جوزي عشان يجوزوهم لبعض ، بس جوزي رفض لأنه وقتها كان بيفكر يخطبني وكان بيحبني ، بس البنت دي كانت أصلاً بتحبه ، وكل العيلة بتعرف الكلام ده ، المهم ان حماتي بتحبني قوي وكانت دايما تقوللي ان ابنها اللي هوا جوزي أكيد ماكنش حيرتاح مع وحدة تانية غيري ، بس أقول ايه عن بنت حماتي ربنا يسامحها .. معرفش أنا عملت معاها ايه ، دايماً بتسمعني كلام قاسي مالوش داعي .. ان أنا مش جميلة زي البنت اللي كانوا حيجوزوه اياها مع إني ولله الحمد أجمل منها أوي ، والكل بيشهد على كدة ...
المهم بنت عمهم دي تجوزت ، وتطلقت بعد جوازها بسنتين ... وهي عايشة في بلد تاني مع أهلها ، ومن كم يوم جالنا تلفون من عم جوزي أبو البنت دي ، وقال عايزين يزورونا الأسبوع الجاي ويقعدوا معانا كم يوم على أساس البيت اللي أنا قاعدة فيه هو بيت العيلة ، أنا والله معارضتش أبداً ، أصل انا واثقة من جوزي ، وبعرف انو بيحبني .. بس من ساعة ما بنت حماي عرفت وهي بتزن وبتسمعني كلامها البايخ ، على السفرة وقدام جوزي تقوللي ، الفاصولياء دي ما يطبخهاش غير فلانة ، أصل طبخها يجنن ، ولو حطيت مكياج تقوللي امسحيه مش لايق عليكي ، وتقول لجوزي لو شفت فلانة لما تحط الكحل ... وتقعد توصف فيها والمصيبة اني من كم يوم سمعتها بتقول لجوزي ، انا مش عارفة ايه اللي رماك الرمية دي ، دي فلانة (اللي هي بنت عمه ) أجمل منها خالص ، دي حتى من دمنا ولحمنا وعارفينها كويس ....
أنا متغاظة قوي .. خصوصاً اني متأكدة ان جية عم جوزي دي وراها حاجة ، وبقيت مش عايزة يجو البيت عندي ... وبنت حماي دي بصراحة ماقدرش اعمل معها حاجة أصل انا في بيت العيلة وهي أكبر مني ومش متجوزة لغاية دلوقت ...
أعمل ايه ... أنا حتجنن ..
المهم بنت عمهم دي تجوزت ، وتطلقت بعد جوازها بسنتين ... وهي عايشة في بلد تاني مع أهلها ، ومن كم يوم جالنا تلفون من عم جوزي أبو البنت دي ، وقال عايزين يزورونا الأسبوع الجاي ويقعدوا معانا كم يوم على أساس البيت اللي أنا قاعدة فيه هو بيت العيلة ، أنا والله معارضتش أبداً ، أصل انا واثقة من جوزي ، وبعرف انو بيحبني .. بس من ساعة ما بنت حماي عرفت وهي بتزن وبتسمعني كلامها البايخ ، على السفرة وقدام جوزي تقوللي ، الفاصولياء دي ما يطبخهاش غير فلانة ، أصل طبخها يجنن ، ولو حطيت مكياج تقوللي امسحيه مش لايق عليكي ، وتقول لجوزي لو شفت فلانة لما تحط الكحل ... وتقعد توصف فيها والمصيبة اني من كم يوم سمعتها بتقول لجوزي ، انا مش عارفة ايه اللي رماك الرمية دي ، دي فلانة (اللي هي بنت عمه ) أجمل منها خالص ، دي حتى من دمنا ولحمنا وعارفينها كويس ....
أنا متغاظة قوي .. خصوصاً اني متأكدة ان جية عم جوزي دي وراها حاجة ، وبقيت مش عايزة يجو البيت عندي ... وبنت حماي دي بصراحة ماقدرش اعمل معها حاجة أصل انا في بيت العيلة وهي أكبر مني ومش متجوزة لغاية دلوقت ...
أعمل ايه ... أنا حتجنن ..
، وحتعامل بطريقة رسمية مع بنت حماي ربنا يهديها ويرزقها بابن الحلال وارتاح منها ..
تعليق