دموع محتارة

[ropa2010]

انا بحب زوجى قوى ولكن دائما بفتقده فهو مدرس لغة انجليزية وديما بينزل الصبح ويجى بالليل يدوب ياكل وينام وساعات بيفضل النوم على الاكل مشكلتى انى مش بعرف اتكلم معاه فى حاجات كتير بحتجله فيها مش بلاقيه ساعات كتير بقعد ابكى على حالى

[ropa2010]

برغم انى عارفة انه غصب عنه بس انا هعمل ايه مهى الحياة بشكل ده ممله و روتينيه هو بره البيت بيشتغل وانا فى المطبخ والعيال انا عايزة اقول انى معشتش حياتى معاه فى الاول انا منتقبة واحنا اتخطبنا 7شهور

[ropa2010]

ومكنش بيجى لأن بابا متوفى والبيت مفيهوش راجل مكناش جهزنا حاجة واتكتب كتبنا شهر مكناش بنخرج كل واحد مشغول وبعدين اتجوزنا وحصل مشاكل لدرجة ان كنا هنطلق وكل واحد قعد عند اهله 4شهور وبعدين الحمد لله رجعنا لبعد المهم حاسة انى محتاجله اوى وكل مكلمه يقولى مش فاضى استنى فى الاجازة هو انا بطلب حاجة مش من حقى او انا انانيه مش حاسه به

[تاملات الماضى]

لك كم متزوجة يا روبا 2010؟

[سمسمة22]

ربنا يهون عليكي
فعلا وضعك صعب وأنا حاسة بيكي
بس ياتري الوضع ده بقاله أد إيه؟
وإزاي تعاملتي مع الوضع ده من الأول؟

[oum saad]

كلنا كدا حتعملي ايه اصبري لغاية ماربنا يفرجها

[DAHUBA14]

السلام عليكم و رحمة الله و بركاته

اختي الغاليه ربى

هوني عليك يا اختي الموضوع لا يحتاج منك لكل هذا الحزن

زوجك اكيد بيتعب و بيقضي كل النهار في العمل من اجلك واجل ابنائكم ،

لذلك يا اختي انظري للموضوع من زاويه اخرى كي لا تشعري بأي احباط ،

فكري حين تكوني بحاجته و تريدي ان يكون بقربك لتقولي له شيئ معين

قومي بكتابه هذا الشيئ وعبري عن كل ما بداخلك و احتفطي بهذه

الكلمات وفي اقرب فرصه اعطيها لزوجك اما ان تضعيها في سيارته او ان

تضعيها في محفظته او ان ترسليها عبر البريد ، هو سوف يقرأها و يعلم كم انت

تحتاجي للحديث معه و كم انت مقدره مسؤلياته و لا تريدي ازعاجه هذا من ناحيه

ومن ناحيه اخرى سوف ترتاحي جدا بعد كتابتك لهذه الرساله لأنك سوف تقومي بأخراج كل

ما بداخلك، و لكن احذري من الشكوى الكثيره بل اجعلي رسالتك مليئه بالعواطف

وبكلمات الحب و المودة ،

هذه مجرد فكرة لك جربيها ، عندي احساس انها سوف تريحك لو قليلاً لغايه

ما تحضر الأجازة و تستطيعي الجلوس معه على راحتكم ،

اختي اعلمي ان دوام الحال من المحال و الدنيا و الظروف تتغير ، هذا الوضع اكيد

سوف يتغير المهم ان تصبري و توكلي امرك لله و ان تدعي الله ان يوفق زوجك

في عمله ، احمدي ربك عزيزتي ان زوجك يقضي وقته في العمل من اجلكم

هناك زوجات كان الله في عونهم يقضون كل الوقت بمفردهم و ازواجهم اين ......

اما مع الأصدقاء و اما في اماكن لا يعلمها إلا الله ،

اصبري يا اختي وحاولي ان تسلي نفسك بأشياء مفيده لك في دنياك

واخرتك ، واحمدي الله انه رزقك بزوج مثابر يسعى ويتعب من اجل اسرته

كان الله في عونه ،

دعواتي ترافقك غاليتي .

دمت بحفظ الله .