بالله عليكم خلوا بالكو

[romahamada]

السلام علكم ورحمه الله وبركاته
الحمد لله على اى شىء يحدث لنا

حبيت احكى لكم اخواتى الحبيبات على حاجه حصلت معايا قريب
كانت ممكن تكون كارثه عليا و على بنتى الرضيعه بس الحمد لله ربنا سترها معانا

كنت بحمر منذ اسبوع تقريبا منتظره زوجى و بحضر الاكل فاليوم ده كنت حعمل بطاطس محمره

فقلت اسخن الزيت بسرعه عشان جوزى لما يجى يلاقى الاكل جاهز

فتحت البوتجاز على الزيت و رحت الحمام لغايه الزيت ما يسخن

رجعت لقيت النار ماسكه فى الطاسه و عين البوتجاز مولعه حاولت ادخل المطبخ
بس النار كانت عاليه قوى و خفت جدا لأنى مكنتش عارفه النار حتوصل لغايه فين
وكمان بنتى كانت معايا

اتصلت بالامن يطفوها لغايه ماطلع انا طبعا فتحت باب الشقه و الأنذار بدأ يشتغل لأن الدخان كتر جدا وكل السكان نزلو من العماره

للاسف النار اشتعلت اكثر و اتصل الأمن بالمطافى و الحمد لله طفوها

الحمدلله ان ربنا نجانا انا و بنتى حبيبه قلبى

انا بس بكتب لكم حكايتى عشان تخلوا بالكم من الزيت و محدش يستهون باى حاجه
ربنا يسترها علينا امين يا رب

الحمد لله المطبخ جزء منه لونه بقه اسود و الشفاط ساح و الموكيت فى الريسبشن
ريحته باظت و اتبهدل من الرماد
الحمد لله

يارب يا اخواتى ناخد بالنا و احنا بنطبخ عشان و اللهى العظيم الدقيقه بتفرق
ربنا يحفظكم جميعا من كل شر

لا تنسونا بصالح دعائكم

[نور العيون123]

جزاك الله كل خير على التنبيه

والحمد لله على سلامتك انت وبنتك
احنا كتير بننسي غصب عننا وبنترك الحاجه ونقول هنجيها علطول وننسي

الموضوع ده حصل معايا اكتر من مره وربنا ستر بسبب برضه

الزيت الحمد لله ربنا بيستر كتير
مشكورة اختي

[مرات جوزها]

الحمد لله على سلامتك حبيبتى

[bichebicha1]

حمد الله على سلامتك اختي
فعلا ربنا يسترها غالبا نتصرف هكذا الله يحفظ
حمد الله على سلامتك و سلامة بنتك
تحياتي

[~~داليا~~]

الحمد لله على سلامتك انت وبنتك......ومشكورة على التنبيه
هذه الاشياء بتصير دائما في كل بيت والقرار الصحيح اللي بناخذه في هذه الدقائق
او حتى الثواني بينقذ حياتنا، الحمد لله انك ما حاولتيش تطفيها بالماء كان صارت كارثه
انت تصرفت صح وانقذت حياتك وحياة بنتك

[سميحة بوزيان]

الحمد الله على سلامتك وسلامة بنتك وبيتك

[ام الروزوبس]

الحمد لله على سلامتكم ومعاكي حق المفروض مانستهين قي هالاشياء .

[ام شهدوعبد]

الحمد لله على سلامتك يااختي
الله يحمينا جميعا من كل ابتلاء

[قمـ بغداد ـر]

شكرا عالتنبيه
والف حمدلله على سلامتك وسلامة البنوته
ماتشوفي شر يارب

[oum saad]

الحمد لله على سلامتك حبيبتى

[ام سما - العراق]

جزاك الله خيرا اختي على التنبيه والف سلامة عليكي وعالبنوته الحلوة

يارب ماتشوفون شر

[@ام الخير@]

الف حمدالله على سلامتك انت والبنوتة


الحذر الحذر عند استعمال النار خاصة بوجود مواد تزيد من الاشتعال

[ورده في البستان]

وعليكم السلام ورحمة الله وبركاته
الحمدلله على سلامكتم
الله يجعلها سلامة دائمة
جزاك الله خير
شكرا لحبك للخير

[christina75]

AL HAMDOULILAH ALA SALAMITKOM ANTI WA BINTIK YA OKHTI RABINA YAHFADKOM INCHAALAH

[doaa hamdy]

الف حمد الله علي سلامتك انتي والبنوته