كيف أقنع زوجي بزيارة عائلتي ..!!

[ياسمين شامي]

السلام عليكم أخواتي ..

..
تزوجت على سفر ..
زوجي ما احتك كتير بعائلتي بالمعنى الأصح بأقربائي.. (أعمامي ,.و و )
..

كل مرة مننزل ع سوريا منزور أهلي ,,

لما بطلب منه نزور عمي .. بيرفض .. حتى اني بتزاعل انا وياه

وكل فترة جلوسي بسوريا أعمامي بيسألوني عن زوجي وانوا ما شافوه ولازم بتعرفو عليه

..
ودائما بيعزمونا على غدا أو عشا وانا بعتذر منهم
بصراحة بحطني بموقف محرج وبيسألوني ليش زوجك هيك هو صهر العيلةمو غريب عنا
ليش هالخجل الزائد !!!

حتى انو ملو من السؤال عنه وأكتر من كلمة كيفه زوجك مافيه ,,
ما عاد قالولي تعو سهرو عنا مثلاً ^^

واذا طلبوه عالتلفون بقلي قولي انا مو هون..
أحيانا بيحكي بس بالزووووووور

مرة وحدة رحنا ع عزيمة من عمتي بعد نقااااااااش طوييييييييييل
حتى أمه أدخلت .. وقالتله ((الله يرضى عليك روح مو حلوة تقول لأ كل مرة ))

..
..
(مرة وحدة اجتمع مع أعمامي وقت بابا رجع من الحج ^^)

فياريت تفيدوني ..
كيف لازم اقنعه (مع اني متأكد أنو صعب كتيييييير يقتنع , )

وشو لازم أحكي قدام أهلي عن زوجي ؟؟

وكيف بتفسرو موقف زوجي من عائلتي ..
يعني هل ممكن تعذروه أو ..... تزعلو منو وتحكو عليه ^^

..
يا بنات بدي أجوبة صريحة هههههههه
..


هو طبعه خجول وما بيحتك بالناس كتير بس هدول مو ناس هدول أهلي

وشكرااااااااً ع كل حال

[om radwan]

أهلين حبيبتي يا سمينو

بدك الصراحة ما تزعلي من زوجك
هيك احسن وانت ما تخلي اي طرف ثالث يكون سبب مشكلة بينك وبين زوجك
هذه العلاقة ليس فيها صله رحم له انما لك انت فقط اذا كان هو ما بيمنعك انك تزوريهم
هاي شغله ممتازة منه

اما انك تجبريه على أهلك من عمامك وخوالك فهذا مو من حقك

صحيح انت بتحبي انه يكون موجود ويتعرفوا عليه
بس ما تجبريه

ممكن يكون زوجك من النوع الانطوائي واللي ما بحب يجامل ويتعرف على ناس
وانت عم تقولي انه خجول
فيعني انت عم تحطيه بموقف محرج
انا زوجي هيك
فما فرضت عليه هالعلاقة

وانت قدام اهلك حطي حجج دائما لحتى يملو
وما بعودوا بيسألوك
وأكيد اله عذره
فكل عيله في عندها طباع مختلفة عن عيله اخرى

فنصيحتي الك لا تزعلي زوجك علشان اي حدا ثاني خصوصا انه هذا الشخص الثاني مو عايش معك ببيتك

فبارك الله فيك وجزاك الله كل الخير

وخلي اهتمامك لراحه زوجك وليس احراجة
وفقك الله حبيبتي لما يحبه الله ويرضاه عنك ان شاء الله

[ياسمين شامي]

أهلي حبيبتي أم رضوان ^^
,,

علافته مع خوالي تماااااااام (بكونو ولاد عمه ^^)

..
طبيعة بيت جدي(أهل بابا)اجتماعيين كتير

يعني زوج بنت ينت عمتي بزورنا بالأعياد,,

,,

معك حق الأحسن يكون أبعد ,,بس بحب يقرب لو شوي
..

تسلميلي عالدعوات الحلوة
وبالفعل زوجي وأخواته انطوائيين وأمه دائما بتحكي عن طبع ولادها وأحيانا بيحرجوها هههههه

,,

الله يقومك بالسلامة يااارب ^^

[om radwan]

لذلك حبيتي معلش استحملي
كثير شغلات بنحب انغيرها بأزوجنا لكن للأسف ما بنقدر
لذلك لازم نتقبلها مثل ما هي حتى ما تصير هالشغلات منغصات

وانت ما تخلي الموضوع حساس الك
اساسا انت بغربة ولما عم تيجي زياره عم تكون خاطفة مهما قعدتي

لذلك استمتعي باجازتك وما تفكري باي شي سلبي

ربي يسعدك دائما ويوفقك انت وزوجك

وطالما انك عرفتي انه هذا طبع لا تحاولي ولا تفكري انك تغيريه

انا مو حامل الشريط لعيد ميلاد بنتي اللي عمرها خمس شهور
ربي يسعدك ويعطيك ليرضيك

[ورده في البستان]

وعليكم السلام ورحمة الله وبركاته
عادي بطبيعته مايحب خلاص معناه معذور صعب نجبر على شي مانحبه
الحمدلله بما انه مامنعك وكف خيره وشره لاتكبري الموضوع عادي جدا

[ياسمين شامي]

ييييييي فهمت منه أنك حااامل
هههههه

.. عم فاول عليكي ^^

.. يخليلك ياها يارب ..

معك حق .. شغلات كتير منتمنى نغيرها
..
الحمد الله ع الصحة و العافية أهم الشي

شكر لمرورك

[ياسمين شامي]

وعليكم السلام ورحمة الله وبركاته
عادي بطبيعته مايحب خلاص معناه معذور صعب نجبر على شي مانحبه
الحمدلله بما انه مامنعك وكف خيره وشره لاتكبري الموضوع عادي جدا

هلا وردة ^^
..

الحمد الله مو مانعني من زيارتهم ..

شكرا لمشاركتك غاليتي

[حازمه]

أختي في الله
اولا عليك التحلي بالصبر والدعاء
حاولي التحاور الحوار له اهمية كبرى مع زوجك ب اسلوب طيب وقولي لزوجك انك بتحبينه وتحبين اهلك وانك مشتاقه لهم وان رضى زوجك مهم كثيركثير... الزمي الدعاء والاستغفار وامدحي زوجك كثير عند اهلك وقولي له الكلام الطيب واصبري واكثري من الدعاء لزوجك ب الله يهديه
اليك هذا الدعاء
"لا اله ألا الله العظيم الحليم، لا اله إلا الله رب العرش العظيم، لا إله الا الله رب السموات ورب الأرض ورب العرش الكريم، ياحي يا قيوم لا اله إلا أنت برحمتك أستغيث "

[ياسمين شامي]

أختي في الله
اولا عليك التحلي بالصبر والدعاء
حاولي التحاور الحوار له اهمية كبرى مع زوجك ب اسلوب طيب وقولي لزوجك انك بتحبينه وتحبين اهلك وانك مشتاقه لهم وان رضى زوجك مهم كثيركثير... الزمي الدعاء والاستغفار وامدحي زوجك كثير عند اهلك وقولي له الكلام الطيب واصبري واكثري من الدعاء لزوجك ب الله يهديه
اليك هذا الدعاء
"لا اله ألا الله العظيم الحليم، لا اله إلا الله رب العرش العظيم، لا إله الا الله رب السموات ورب الأرض ورب العرش الكريم، ياحي يا قيوم لا اله إلا أنت برحمتك أستغيث "

أختي حازمة ..

أسعدني مرورك غاليتي ,,

ما قصرتي

[FOFFA]

أعرف إبنة وحيدة توفى والدها وهي طفلة عمرها 4 سنوات ..ورفضت الأم الزواج لتربي إبنتها..وتزوجت الأبنة ..والزوج منع الأم من دخول بيته..تلك الأرملة التي شقيت وضحت لتقدم له إبنتها يمنعها من زيارة وحيدتها
إحمدي ربك أن مشكلتك هينة ولاتعد مشكلة إطلاقا بجانب مشاكل الأخريات
وربنا يهدي زوجك ويتغير للأحسن مع الأيام

[ياسمين شامي]

أعرف إبنة وحيدة توفى والدها وهي طفلة عمرها 4 سنوات ..ورفضت الأم الزواج لتربي إبنتها..وتزوجت الأبنة ..والزوج منع الأم من دخول بيته..تلك الأرملة التي شقيت وضحت لتقدم له إبنتها يمنعها من زيارة وحيدتها
إحمدي ربك أن مشكلتك هينة ولاتعد مشكلة إطلاقا بجانب مشاكل الأخريات
وربنا يهدي زوجك ويتغير للأحسن مع الأيام

معقولة ..

الله يفرج همها
قصتها حزينة

,,
أختي لا بالعكس مو شايفتها مشكلة أبدا

الله يجعلها أكبر المصايب


اختلاف وجهات نظر مو أكتر ,,

مشكورة عالرد الجميل