زوجي لا يهتم لدموعي وقهري

[lolola]

مرحبا يا متزوجات كيفكم
بدي منكم الحل السريع انا زوجي يزعلني كتييييير لكن موضوعي انه يعصب علي لاتفه الاسباب ولسااانه سلييييط لاسباب جدا تافهه والاهم لنه لا يهمه زعلي ابدااااا ولو ابكي قدامه لا يهتم ولو انتحر قدام عينه عادي ومره تركته وانا زعلانه 5 ايام وبالاخر انا اللي صالحته يعني مستحيل يججي ويعتذر مني ولو كان هوا الغلطان
يا بنات كيف اعاقبه واخليه يندم على تصرفاته التافهه بدي منكم خطه ويح ابلش فيها من هلا يلا ساعدوني اكيدد في حل

[infirmiere]

جربي أن تكوني شخصية قوية أمامه.... لا تبكي أمامه....لا تكثرتي للسانه السليط.......لا شيء يستحق أن تنغصي حياتتك بالبكاء و الأنين......لا تدعي للفراغ مكانا في حياتك حتى لا تفكري في كلام زوجك....عامليه بما يرضي الله عامليه بالأحسن بشخصية قوية يصعب الثأتير فيها ........و الباقي على الله..........مع كثرة الدعاء و الاستغفار ..و الذي فيه خير ربنا يكتب

[الطيب قلبي]

افضل خطه انك تطنشيه خليه يموت قهرررررر
في رجال يستمتعون بقهر النساء وبكائهن

[om radwan]

والله يا أختي الاجابة عليك محيره جدا
اولا يجب ان لا يكون بداخلك شعور بالتحدي لزوجك او لقهره
فالزوجة الصالحة لا تسعى لهذا التصرف
اذا اردت ان يشعر بك زوجك وان يكون لطيف معك
عليكما التبحر في الدين الاسلامي الحنيف
زوجك لو كان يخاف الله بحق لما تصرف معك بهذه الطريقة ولا اوصلك للي انت فيه من شعور
غريب ان تشعره الزوجة اتجاة زوجها
لا أقول لك اصلحي زوجك فهذا الامر صعب جدا
لكن اقول لك ابدئي باصلاح نفسك
تعلمي أمور دينك عاملي زوجك بأخلاق الاسلام سيأخذ منك ومن أخلاقك الكريمة
ابحثي لزوجك عن صحبة صالحة
ستجدين زوجك اصبح مطواع بيديك اصبح كريم الاخلاق بالتصرف معك
اكثري من الاستغفار والتجئي الى الله
وارجو ان تتحملي كلامي وتتقبليه
وفقك الله لما يحبه ويرضاه عنك

[جنة الطيور]

الله يهديلك ياه يارب
يااختي حاولي لما يحكي ويخلص خليكي هادية وساكتة ولا كلمة ابدا ولا تبكي
ولما يخلص ادخلي غرفتك واستغفري ربك كتتير والله اسمعي مني وراح تشوفي
هو اجى لعندك ولما بيجي حكيه بهدوء قليلو ليش بتحكي هيك ليش بتعمل هيك
هيك الدين بقلنا هيك الرسول بقلنا تتعاملو مع نسوانكون او ابعتيلو ايميلات عن الكلام البشع
واديش هو حرام وعم رفع الصوت وايميلات عن العلاقة الزوجية الهاديه وهيك معك معك بتصيري
يااختي مو كل مشكلة منحلها انك بدك تعاقبيه لان الرجال ما بيسكت بالعكس بزيدها اكتر انت
بزكائك مو بقوتك وانك تندميه راح تستفيدي خليكي شوي صابرة والله يااختي عم احكي معك من تجربة انا زوجي كان يطنشني كتير ادخل واستغفر استغفر وفعل الاقيه داخل عليه وعم بيحكي معي بهدوء وما كان هيك ابدا والله وبعد هالحكي بقلي بدينك مو استغفرتي ربك حتى لقيت حالي جاية لعندك ومو قادر على زعلك
بقا انت كوني حكيمة والله يسخرلك الخير يارب ويهديلك ياه

[نقآء الياسمين ~]

السلام عليكم

ماشاء الله الاخوات ماقصروا وكلنا اجمعنا ع رائي واحد هو انو حضرتك تغيري بشخصيتك

صعب نغير الناس دايماً .. لكن لو نحنا تغيرنا من جوا .. فهم رح يتأقلمو معنا ..

يعني مو انتي اللي تتأقلمي مع صفات زوجك السلبية ..

بعدين خلص انتي اكتشفتي يا اختي انو دموعك وزعلك ما عم يأثر فيه اذا زوجك من النوع

للي مابيحب الزوجة الضعيفة ام دميعة .. ف شو الحل ؟؟

انك تمسكي نفسك ولا تبكي ابداااااااااااا استنيه ليخلص كلامه

فوتي ع غرفتك ابكي قد مابدك .. واستغفري ربنا وقولي حسبي الله ونعم الوكيل وضلي ادعي

ربنا يآلف بين قلوبكن اكتر ويحنن قلبه عليكي .. وحطي قرآن بالبيت مشان تطلع الشياطين

ولما يجي زوجك لعندك حاكيه بهدوء وبعتب رقيق ..

قوليله رسولنا الكريم قال استوصوا بالنساء .. ليش ماتطبق كلامه ؟؟ انا مابحب شوفك زعلان

ولا بحب اسمع منك هالالفاظ هل لأني ضلع قاصر عم تحكي معي هيك ؟؟

بدك زوجة ياحبيبي ترد عليك الكلام نفسه ؟؟ اكيد انا مو هيك ولا بيطلع مني هالتصرف

انا بحاجة حنانك نفسي الاحترام يكون مفروض بينا ..

وتاكدي يا اختي لما انتي تخففي من الشغلات للي بيعصب عليها صدقيني هو رح يمل من المشاكل

ومارح يلاقي شي يتفشش فيه ..

ولما تروحي عند اهلك اعملي لنفسك شخصية ماعم كبر راسك عليه ولا بدي ينخرب بيتك

لكن بس ترجعي لبيتك قوليله انا فيني ضل هنيك سنة وما ارجع لتجي انت

بس انا بيهمني بيتي وزوجي الحبيب ما يضلو بعاد عنا

والله يخزي الشيطان ..

وبالتوفيق يارب والله يفرج همك وكربك ..

ونصيحتي اياكِ والعناد وفرض الشخصية القاسية جداً ..

تقبلي مروري

[um alhelween]

حبيبتي
ما شاء الله اخواتي الحبيبات ما قصروا

فعلا حاولي انك تغيري شخصيتك شوية
انت مافيك الا الخير ما شاء الله بس حبيبتي لازم تكوني قوية
مو قوية بمعنى انك تكوني سليطة اللسان لا قدر الله و تهيني زوجك
لالالالالالا

تكوني قوية بمعنى مثلا
لو زوجك قالك اي كلام سليط او جرحك قوليله الله يخليك حبيبي
يعني تخليه يحتار فيك و في شخصيتك الجديدة

اما الاعتذار فاغلب الرجال ما بيعتذرو للزوجة
على اساس بيعتبروه نوع من الضعف
لكن بدل الاعتذار الاحترام
لو الاحترام موجود اكيد راح يعرف غلطته و راح يعتذر

عشان كده خليك ذكية و عالجي الاحترام المفقود
بمعنى
لو ما اعتذر ليك لاي موضوع كان قوليله الله يسعدك و يهنيك
هنا هو راح يستغرب
راح يقول لنفسه انا اهزئك و انتي تدعيلي ؟
معليش حبيبتي لازم يكون عندك طولة بال يا غالية
اغلبهم كده حبيبة

بس لازم تكون الزوجة صبورة و ذكية
عشان تعيش حياتها مع زوجها بكل حب و سعادة صح؟
اي نعم هما يخلو طولة البال تطير و ما ترجع تاني
ههههه
بس حبيبتي
الله سبحانه و تعالى موجود
و اكيد بدعائك ليه و صلاتك ليه
اكيد الاوضاع راح تتحسن كثير

الله يوفقك حبيبة
تقبلي مروري

[مشمشه نبهانيه]

ماشاء الله الأخوات ماقصروا أبد

على فكرا في بعض الرجال لما يشوفوا المرأه تبكي يزيدوا إستفزاز وقهر ويطنشوها ومايعبروها أنا الوالد كان كذا ألله يهديه ‘ذا شافني أبكي يقوم يخاصمني ويزعلني أكتر بس لقيت الحل معه داااااااااااااااااائما مبتسمه على وجهه حتى لو كانت هموم الدنيا

والحمدلله رب العالمين

تقبلي مروري

[lolola]

شكرا لكم خواتي على كل ردودكم القيمة بس للاسف زوجي عندما تحدث مشكلة متل مبارح مثلا على شي تافه عصب وعمل مشكل كالعاده انا وهوا معصب ما حكيت ولا كلمه ولما خلص شتم وتعصيب رحت لغرفتي وبكيييييييييييييييت وهوا لما نعس اجا للغرفه ولا حكا معي ابدا وتاني يوم صحي وراح لشغله عادي واليوم لما رجع من الشغل بدو يتعامل عادي ولا كانه في شي يعني بهدوئي عم يزيييييد ويتمادىىىىىى

[~~داليا~~]

اختي العزيزة مشكلتك هي مشكلة اغلب النساء.......
عندما تحدث مشكله اعملي متل ما هو بيعمل، انسي الموضوع وتعاملي معه كانه ما في شي حاصل........استخدمي نفس طريقته، قومي بواجباتك والبسي وتزيني وغني كمان
ولا كأنه اشي صار واحكي معه عادي......يعني انسي المشكله واياكي انك تعتذريلو....
بس طنشي وهدي نفسك بالصلاة والقرآن والاشياء اللي بتحبيها.....هيك بتكوني هديتي المشكله اللي بينك وبينه، وراح تصفا القلوب اسرع وراح يتعود على شخصية جديده الك....
شخصية قوية لا مبالية و مطنشه وهمها تكون سعيده........ومهما كان هذا زوجك حبيبك ما بصير يوصل بينكم لحد انك تدوري طريقه تقهريه........
شوفي هذه المشكله بتشبه كتير مشكلتك والردود عليها كانت حلوة
http://www.lakii.com/vb/showthread.php?t=634575

[om radwan]

الله يفرج همك يارب
عزيزتي التغير ما يصير بين يوم وليله
وكثير من الرجال بكون هو غلطان وما بيتراجع يعني هذا مو حالك لحالك
حال كثير من النساء
الله يصلحلك زوجك ويحنن قلبه عليك
شوفي انت ما رح تقدري تغيره طبعه
لأنه طبع الانسان من المستحيل انه يتغير
لكن ممكن تهذبيله أخلاقة
ابحثي عن السبب اللي بخليه دائما معصب
دائما أعمليلة لبن وشربيه اياه لأنه جد بهدي الاخلاق
شربيه يانسون كمان وخليه يكثر من تناول التمر
ممكن تستغربي كلامي بس للأكل في علاقة بالسلوك
وفقك الله حبيبتي لما يحبة الله ويرضاه عنك ان شاء الله