يوميات كل أم مطحونـــــــــــــــــــــــــــــــــــــــــــه

[كنزى2009]

هههههههههههههههههههههههههههههه
لذيذة اوى ياريت تكملى ودمك زى العسل

[خوخه24]

رهيــــــــــــــــــــــبه يا ام رودي
منتظرين تكملة القصه
لا تتاخري,,

[omrody2005]

نتااااااابع

[omrody2005]

فضلت مى وقت مغلبانى فى موضوع النوم بسهر لوقت متأخر جدا وانا زمان كنت غلبانه و بنام من الساعة تمانية و يوم ما اقول سهرت تبقى عشرة لكنها كانت مبتنيمنيش قبل الفجر ..

اضافة للزن بقى واللى ميحلاش الا وانا بغسل الغسيل او المواعين او بطبخ و البصلة هتتحرق ع النار او اكون اتهديت و جيت اترمى جمبها الاقيها فتحت بالوأوأة

يا بنتى ارحمينى انتى مستقصدانى

و الظريف بقى فى الرجاله انهم طول ما العيل بيضحك و يلعب يشيلوه من باب انهم لقيوا حاجة يلعبوا بيها "مش يلاعبوها"
واول ما يزن او تحدث منه بادرة زن الراجل ممكن يرميه من اقرب نافذة مفتوحة ويدخل يشوف اى ماتش يتفرج عليه
فكنت بضايق جدا اما بكون بعمل حاجة و مى تزن و الاقى محمد ولا كأنه هنا من اساسو مالوش دعوة خاالس
:طيب شيلها بس هتسكت عقبال ما اخلص
:لاء تعالى شوفيها و بعدين كملى طبيخ

اجى اشوفها و اقعد بيها شويه عشان تسكت الاقيه يقولى

:هو احنا مش هناكل بقى والا ايه
:يا تاخد مى تسكتها يا اما تقوم تكمل طبيخ مش فاضل الا الرز

دا غير مشوار السوق و اللى كنت لازم اشيلها على قلبى وانا رايحة و الف انقى فخضار و فاكهة و اجيب عيش و انا شايلاها لا قادرة امشى و لا عارف اخد راحتى و اشترى كل اللى عايزاه مرة واحدة


لغااية ما بقى مى عندها اربع شهور بالتمام و الكمال

:محمد انا مرهقة جدا .. حاسه بهفتان و ضعف حيلي اتهد
:معلش حبيبتى ربنا يقويكى
:منتا لو بتساعدنى وقلبك عليا مكنتش بقيت زى عامله الجاموسة فى الساقيه كدا مبلحقش ارتاح
:انا مبعرفش اعمل حاجة فى البيت وانت عارفه
:ما تعرف يا اخى ما تتعلم ما تقوم توضب اى حاجة على اد ما تعرف
:انا عارف مش هنخلص
:طب انا عاوزه اروح اكشف انا تعبانه بشكل غير عادى
:طيب روحى







بعد العودة من الكشف










:محماااااااااااااااااااد الحقنى انا حامل اعااااااااااا

اعاااااااااااااااااااااا
اعااااااااااااااااااا


محمدددددددددددددددددددددددددددددددددد الراجل أغمي عليه ليه !!!!!!!!!!!!



يتبع

[omrody2005]

يغمي عليه بقي يعني

اومال لو كان زي الزوجه


الزوجه






أن أطالب بتبادل الادوار لمدة يومين لكل منا






الزوج

[omrody2005]

السلام عليكم ورحمة الله وبركاته

بعد العودة من الكشف


:محماااااااااااااااااااد الحقنى انا حامل اعااااااااااا


: مش قولتلك تروحى تنظرى حولك انا كلامى ولا على بالك انا كلامى مببيتسمعش
انا بهاتى مع نفسى
: وانا مالى ما هما قالولى اللى بترضع نضيف مبتحملش ثم انا انشغلت ثم المفروض الحكاية دى تبقى ع الرجاله ما كفايه الهم اللى الستات شايلها كل حاجة فوق دماغتنا كدا
:نعم رجاله ايه رجاله ازاى يعنى مالها الرجاله ومال الموضوع دا من اساسو
: و بعدين
: ولا قبلين ياختى مبروك و اعمليلك قفله بقى
: اعملى قفله ايه انت شايلنى فوق راسك ومش طايقلى كلمة وانا حااامل و تعبااانه
: معلش
: اعاااااااااااا
: ما خلاااص معلش
: اعااااا
: معلش يا حبى ربنا يقومك بالسلامة
: ميرسى


*************


فترة الحمل دى كانت من اصعب ما يكون برغم انى مكنتش لا برجع ولا بدوخ انما الارهاق اللى كان بيعصرنى من رعاية مى ووهن الحمل نفسه كان تقريبا قرب يقضى عليا تماما
لغاااية ما ربنا اكرمنى و صلت لمرحلة ولادة محمود "مودى"
كانت ولادة صعبة جدا لدرجة تخيلت انى مش هطلع منها وكان مودى مولود بحالة اختناق نتيجة التفاف الحبل السرى حول الرقبة و دا عملى فزع اضافى وانا فى غرفة الولادة و بقيت اقول مبيعيطش ليه مش طالعله صوت ليه
مبيعيطش مبيعيطش
حكاية خدت نص دقيقة يمكن انما فاكرة شعورى لغاية دلوقتى و الرعب اللى حسيت بيه وازاى كان قلبى هيقف
لغاية ما سمعته بيعيط اطمنت و كما العادة قعدت اعيط


اللذيذ بقى ان مودى اللى كنت بقول مبيعيطش ليه
طلع زنان اكتر من مى بمراااحل


***************************


لكم ان تتخيلوا رعاية طفلين واحدة عندها سنة وشهر و التانى لسه مولود ومعاييش حد يساعدنى لان محمد شغله بياخد النهار كله و ماما صحتها على ادها و لوحدى تماما فى الحوار دا
اوقات كنت بضطر انزل اجيب حاجاتى وانا شايله الاتنين مى كانت لسه يدووب بتتعلم تمشى و تظبط اتزانها و مودى طبعا شايلاه و مى تتحرك خطوتين و عاوزه تتشال هى كمان


جبت عجلة بيبي تساعهم هما الاتنين لكنها بردو مشكلة فى التنقلات خصوصا لو رايحة عند اى حد لازم اقفلها و اشيلها و اطلع العيال و بعدين انزل اطلعها وحواااااار


وساعات كنت اسيب الاتنين نايمين و انزل جررررى ع السوق و السوبر ماركت اجيب طلبات البيت قبل ما يصحوا
اطبخ و اغسل و اراعيهم و افضل الف حوالين نفسى طول الوقت لغاية ما الساعة تدخل على 3 بالليل اسقط فى مش نووم وانما حاجة شبيهة بالغيبوبة


من المواقف اللى منسهاش فى الفترة دى انى فمرة قولت اشطه العيال نايمه انزل اجيب طلباتى نزلت و جيت بسرعة لقيت الجيران مستنينى فى الشارع
دخلت جرى قولت اكيد حصل مصيبة قربت من باب الشقة و انا سامعة صوت مودى بيصرخ دخلت بسرعة عشان الاقى مى جايبة واحدة يوسفى ودهساها فوش مودى زى ما تكون كانت عاوزه تأكله فدعكتها فوشه
كان مودى عنده حوالى شهرين ومن ستر ربنا طبعا انه مجرالوش اى شيىء ومن ساعتها حرمت و بقيت اخدها معايا وانا نازله او اخده هو المهم مسيبش الاتنين ابدا مع بعض حتى لو نايمين





ويتبع )


هااااا نكمل ولا زهقتوا

[خوخه24]

كملي يختي
في انتظاركـ,,

[امل المكي]

كملييييييي يييييييي

افتكرت معاناتي والله
الله يعين كل أم

[ليلآس ~]

متآآآآآبعه خلف الكوآليس .. "بصمـــت"

ننتظر ..

[ام ياسـ مريوم ـر]

مكنتش حابة اكتب وازعجك
يلا كملي
لان فعلا بتحكي عن معاناه كل أم

جزاك الله خير على النقل

[infirmiere]

ننتظر بشغف................

[noran5]

الموضوع فعلا دمه خفيف و شيق جدااااااااا

كثير من العبارات بتهلك من الضحك

سلمت يداك غاليتي ام رودي على نقله لنا


متابعين إن شاء الله

[محمد حبى انا]

فعلا موضوع اكثر من رائع تسلملنا يا غالية
وتقبلى مرورى ومنتظرين المزيد من موضيعك الشيقة

[زهرات شذيه]

الله يسعدك ضحكتينى وانا صاحيه على الصبح نكديه ويتفتلى بلادددددددددددددد
من التعب متفهمنيش غلط
مستنين التكمله

[redstrawberry]

هههههههههههههههههههههه رائعة منتظرينك لتكملي على أحر من الجمر