السلام عليكم أخواتي العزيزات عندي مشكلة بعملي و اتمنى اسمع منكم الرأي السديد فيها
اولا احكي لكم بداية التحاقي بالعمل و هو بمعهد للحاسب الالي
في البداية كان المعهد في حاجة لمدرسة حاسب مؤقته حتي تاتي المدرسة اللي هم متعاقدين معاها من مصر لانهم تعاقدوا معها لكن اوراقها اتاخرت
فاضطروا يبحثوا عن مدرسة مؤقتة وكانت انا ولله الحمد قدرت اثبت نفسي خلال الفترة اللي عملت بها حتي تاتي المدرسة الاساسية من مصر
طبعا نظام المعهد ان لكل مدرسة معمل خاص بها وهم كان عندهم 3 معامل و ثلاث مدرسات و بعد حضور المدرسة من مصر اصبح انا لاداعي لوجودي
لكن مع اثباتي لوجودي في التدريس ومع خبرتي السابقة 6 سنوات في الادارة (عملي في مصر قبل ما اجي للسعودية)
قرروا انهم يضعوني كادارية و انهم بالفعل كانوا في حاجة لادارية
طبعا كان فيه مدير اداري و للاسف هو مصري شعرت انه لا يرغب في وجودي بالمكان و ناس قالوا لزوجي انه لا يرغب في وجودي لانه راح يجيب زوجته ويضعه ادارية طبعا احنا لم نصدق هذا الكلام
المهم الحمد لله لي للان اكثر من عامين ونصف اعمل ادارية بنجاح و كذلك في ادرس مكان اي مدرسة تاخذ اجازة طويلة كانت او قصيرة و قيمتني مديرتي بامتياز
وعلة فكرة المدير الادراي كان بيعترض و يتضايق جدا من تقييماتي لنه كان بيحاول يسوء صورتي جدا امام مدير المعهد
وده انعكس في الامور المالية لان المدير الاداري هو المسؤول عن الرواتب و المكافأت لكن ما اقول غير حسبي الله و نعم الوكيل فيه
وخلال الفترة بالاضافة لنجاحي الوظيفي الحمد لله اكتسبت حب وثقة زميلاتي جميعهن
لكن فين المشكلة
تبدأ المشكلة من حوالي شهر ونصف لما اخذت واحدة من الزميلات اجازة مدتها شهر و طبعا المفروض انا اللي ادرس مجموعاتها
الكلام ده حصل السنة اللي فاتت واخدت زميلتي دي 3 شهور وكنت ادرس و اعمل بالادارة بنفس الوقت
لكن السنة دي قرر المدير الاداري انه يحضر زوجتي تحل محلي بالادارة علي اساس اني انا ادرس مكان المدرسة اللي باجازة
على العلم انه له اكثر من 4 شهور يحاول مع المسؤولين ان زوجته تتوظف لكنهم كانوا بيرفضوا لان العمل لايحتاج
لكنه طبعا وجد هنا الفرصة مناسبة وقال لهم انها راح تحل مشكلة نقص المدرسة
المهم بالفعل حضرت زوجته وكنت اشوف منها نظرات مش كويسة لي و كل زميلاتي لاحظوا نفس الشيء و برروا الموضوع على انه غيرة لاني الحمد لله الكل بيحبوني ولامور اخرى لا احب اتكلم عنها زميلاتي هم اللي تكلموا عنها
طبعا بعد مرور الفترة هذي لم تستطع اكتساب صداقة احد بل احسينا جميعا انها جاسوسة و حصلت مشاكل كتيرة وتدخلات منها و من زوجها في امور عديدة لم يكن له الحق الكلام عنها و قرارات و كل شيئ تعرفه بالتليفون وهي بالدوام يكون عنده وفي لحظتها يتصل على المديرة و يتدخل فيه ويعطي اوامر و الكل كان بيتمنى الشهر ده بس يمر على خيرعلشان هي تمشي
لما قرب الشهر على الانتهاء بدأ يطلب من المديرة تقييم زوجته و هي كانت بترفض لانها مؤقته لكنه اصر و قال لها التقييم ده لي انا مش للمسؤولين فاضطرت ترسل تقييم لكنه كان غير مرضي بالنسبة له و عرف وقتها ان زوجته لم تنل الاستحسان فبدأ يحاول انه يمدد اجازة زميلتنا المدرسة بدون علمها و يدعي ان زوجها رجله مكسورة و انه مش هايقدر يسوق ولا يوصلها
طبعا ده اثار المدرسات الاخريات خاصة ان زميلتنا دي قالت ان زوجها كويس جدا و انها هتداوم بالفعل
طبعا هو لما عرف كده غضب جدا وقال للمديرة يعني كده زوجتي خلاص؟
لم يجد من المديرة اي ردة فعل فبدأ يبحث عن حل اخر
وهو انه يتخلص مني انا
اتصل على المديرة امس وقال لها اني انا راح اكون بالتدريس وان زوجته راح تظل بالادارة قالت له المديرة انهم 3 مدرسات و 3 معامل طيب فين هي هاتدرس قال لها زي ما باقول كده بعدين نتصرف
يمكن نعمل لها معمل في المعهد الجديد اللي نبنيه
يعني انا راح اكون جالسة بس علشان زوجتهتجلس على مكتبي و تاخذ مكاني
زوجي اصلا بيعرفه وبينهم علاقة طيبة اتصل عليه علشان يفهم اللي حصل رد على زوجي ده شيئ يرجع لي انا و علي كيفي زوجي قال له شكرا و قفل الخط
طبعا اتصلت انا على مدير المعهد و اكتشفت انه لا يعلم اي شيئ عن الاحداث دي و قال لي كلام كويس جدا و اني الحمد لله اثبت وجودي وان المعهد بحاجة لي وقال لي لا انا لن اكون راضي عن اي شيء من ده وانه هايتكلم مع المدير الاداري و يعرف هو ليه عمل كده
لكن المشكلة اني اذا داومت انا مش هاقدر اتكلم نهائيا مع زوجته وهو كمان بما انه مدير اداري و مسؤول عن التدريب راح يتقصدني ومش هايسيبني في حالي انا قررت اني اترك العمل
زميلاتي يقولوا لي لا لا تتركيه لها ، وزوجي يقولي بلاش مشاكل و لاعاد تداومي مش عارفة اعمل ايه
ايه رايكم يا جماعة اداوم و لا اترك الدوام
واسفة على الاطالة
لمدة شهر بس
تعليق