اريد نصيحه

[نانا الاموره]

السلام عليكم ورحمه الله وبركاته
انامن متابعين المنتدي من زمان وبدون تسجيل حتي سجلت فيه واستفدت كتير منه
انا ترددت كتير قبل ما اكتب مشكلتي بس ما بعرف اذا هي مشكله
المهم انا بدي نصيحه

هي المشكله فيها نصفين اول نصف انه انا امس اخذت سيارت زوجي وطلعت مع لاصغار الي السوق لانه زوجي اخد يصلح سيارتي ولما تركبت فيها وبالصدفه لقيت ورقه تحويل مصاري الي اخ زوجي مبلغ كبير من شهر 1 وزوجي ما حكي لي قبل
وهو ذكر لي انه اخوه اتصل فيه وحكاله ان ابنه مريض مع ان ابوه مامن وزوجي بساعد اخوانه مره مره وانا عمري ما قلتله ليش لاني بعرف انه زوجي حنون علي اخوانه واخوانه بعض الاحيان بمروا بظروف وهو ما بقصر انا ما جيبت له سيره عن الورقه بس حطيتها علي الكرسي الجنبي يعني ما رجعتها مكانها
وانا حتي لو قلي بدي ابعت هو ما بستني يوخد راي اصلا وانا ما بمانع يعني شئ عادي بس هدا الشئ حز في نفسي انه خبي عليي وانا بعرف حتي بتصل مع اهله وما بحكي لي انا اصلا دائما بقوله حكيت مع اهلك شو اخبارهم بقولي لا وبعدين بعرف بس ما بواجهه انه كذب عليي
الموضوع انا ما مكبرته بس انا بالغربه بحب اعرف اخبار اهله زي ما انا ما بخبي عليه شئ لما احكي مع اهلي وبحكي له كل شئ حتي اتفه الاشياء لانه بحب اشاركه معي

والموضوع التاني
انا تحجبت الحمد الله قبل فتره وكان زوجي مش قابل الفكره بس انا ما رديت والحمد الله تحجبت وهو كان رافض لاني في الغربه وبخاف عليي من بعض المجانيين
المهم له صاحب من زمان يعني 20 سنه او اكتر ولما تزوجت وايجت هون وتعرفت عليه
سبحان الله لما يكون الزلام مع بعض بدون نسوان بكونوا حبايب بس لما تدخل النسوان بعض الاحيان بصير التكابر والتفاخر امام بعض انا قصدي النسوان مش الزلام وبتصير تبين امام المره التانيهانها هي البتفهم وانها شاطره ومعدله وما في غيرها بفهم وما بعجبها حدي بتخرب العلاقه
انا عرفتها من اول مره بس زوجي كان بحكي لي انه اصحاب والحكي الفاضي طبعا بتصير التفاخر مش امام النسوان ببعض لا امام الزلام
وحتحكوا ليش بتختلط للاسف هون عند البعض وعندي للاسف ما في النسوان يقعدوا لبعض والزلام مع بعض لانهم بكونوا زي الاخوه وعائله وحده وما بقدر افصل لظروف تكوين البيت علشان هيك لا تعاتبوني ليش قاعدين مع بعض لانه يصعب شرحها
المهم مره صاحبه كانت تحكي معي دائما ونروح مع بعض ونيجي مع بعض وفجا بطلت تحكي من العام الماضي وسالتها ليش قالت مش فاضيه ؟؟ ,وكيف كانت قبل فاضيه علي كيفها وختي ما ايجيت طول العام الماضي كله 12 شهر غير مره مع انه دائما بندعيهم عنا واحنا روحنا عندهم اعتقد مره لانه بطلعوا يدعونا بناء علي رغبتها وزوجها مثل ما بدها بعمل
المهم امس زوجي شافه وقاله ليش بطلعتوا تيجوا واذا في شئ زوجها قله ما في شئ مع اني قلت لزوجي ما تساله خلص هم بدهم هيك بس زوجي عمره ما رد عليي

المهم كان يساله كيف الضغار والرجال سال زوجي كيف الصغار قله الحمد الله الكل بخير
زوجي راح حكي له اني بفكر اني اتحجب والرجال انبسط وبارك وقال لزوجي ان يشجعني
راح زوجي سال الرجل اذا مرته تتعرض لمضايقات او شئ لانها متحجبه
وهو لما زوجي حكالي صار زي الضربتني كهربا عصبت وقلتله ليش تجيب سيرتي وليش تستشيرهم انا ما بدي يعرفوا شئ عني ولا بستني تجربته مرته بالحجاب علشان اتجحب انا تحجبت وخلصت
والله انسم بدني وتقاتلت مع زوجي لانه حسيت شارك الناس في شئ بخصي والقرار كان قراري انا مش زوجي ولا حدي تاني
وانا كتبت موضوع حجابي هون في قسم الديني والحمد الله خواتي شجعوني كتير وتحجبت من خاطري وطالع من قلبي وحتي كان زوجي مش موافق بس انا رديت علي كلام الله
i give up what i like for what god like
هيك انا حكيت لزوجي لما قررت اتجحب وهو خاطره
المهم
هاي المشكلتين
وزعلت مع زوجي وكبرت الحكي بيناا ونمنا واحنا زعلانين وبالصبح جهزت الفطور والملابس واكل الشغل له وودع الصغار ولما ايجي دوري وقفنا امام بعض اطلعنا علي بعض زي الغرباء وغادر وسكرت الباب البيت
انا زعلانه كبير ومش عارفه شو اعمل ومقهوره من زوجي لانه له بالعاده اذا صار عنا شئ لازم يوخد راي صاحبه حتي لو راي صاحبه نفس رايي بس ما برد عليي
شو اعمل ؟؟؟
انا لي بالعاده انا اكتب له ورقه صغيره واحطها داخل شنطه اكل الشغل زي كلام حلوه او دعاء حلوه له
بس اليوم كتبت له الله يسامحك وحطيتها في الشنطه

[الألماســـــة]

اهلا فيكي حبيبتي نـــــــانــــــــــــــــــــــا انتي بتنورينا
وبتشرفينا يا عسل
بس اعذريني انو بعض من العبارات غير مفهومة
وتحتاج الى اعادة صياغة بس مو مشكلة ومعك عذرك كونك في بلد اجنبي


اطمني يا عسوووووووووووووووولة وبراي ما في داعي للنكد والزعل يا حبوبة

بالنسبة للجزء الاول من المشكلة:
والله انا من راي انو الموضوع جدا جدا جدا وبرضه جدا ولعيونك كمان جداطبيعي وما في اي مشكلة
يعني ما في اي خطا انو زوجك ما خبرك
وهذا كثييير بصير معنا يمكن يكون ناسي ويمكن ما حب انو يشغل بالك بمثل هيك مواضيع
لانو بحبك وبعزك
واذا ما حكالك فهذا حقه وهو مو غلطان ابدا يا غالية
فبنصحك ما تشغلي بالك ابدا بهذا الموضوع
واما انو ما بحكيلك عن اهله والله انا ما بعرف شو السبب بس بنصحك
انك تستمري في سؤالك عن اهله وامه وخواته وشو اخبارهم وصحتهم
وامدحيهم امامه واثني عليهم وبيني له انك بتحبيهم
وكل ما يحكي معهم احكيلو انو يسلم عليهم وانك مشتاقة تشوفيهم
وبعتقد مع الوقت رح يلين شوي شوي بس المسالة بدها صبر

اما بالنسبة للجزء الثاني:
فانتي والله سكرو وعسل ومربى وقشطة وووو << بكفي دبقنا
فانا اولا بباركلك يا حبيتي عالحجاب وربنا يثبتك ويعوضك خير
وهنيئا لك غفران الذنوب ومحبة الرحمن
وانتي رائعة رائعة رائعة
ولكن عندي ملاحظة:
انك اكثر من رائعة

وربنا لانو بحبك اكرمك بارتداء الحجاب فهناك من الاخوات من هي محرووومة من هذه الجنان
وهذا النعيم

وبرضه انا من راي انو مافيها اي مشكلة انو سال صاحبه
عن حجاب مرته لانه خايف عليك وبحبك فحابب يطمن عليك من جميع الجهات
والحمدلله النتيجة كانت اجابية فهو من باب الاطمئنان ليس الا
وهذا ما بعارض كون القرار قرارك يا قمممممممر
والانسان بطبعه بحب يستشير غيره حتى يرتاح نفسيا
فاكيد قرار لبسه هو قرارك ونص كمان
بل ونصيييين
واللي مو عاجبه مو ضروري يعجبه
فخليك مبسوووطة ومرتاحة وما تخلي الشيطان يفسد العلاقة بينك وبين زوجك
وهذا هو ما يتمناه ابليس
انتي اقوى من هيك واعقل من هيك واحلى من كل المتبرجات يا حبوبة

اما بالنسبة لصاحبتك فما في داعي تقتلي حالك عليها وتترجيها لحتى تصاحبك
اذا هي مرتاحة هيك ما في اي مشكلة اعملي اللي بريحها
بس برضه ما تشيلي عليها في قلبك وتحقدي عليها لانها بضل اختك في الاسلااااااام

سامحيني عالاطالة يا قمممر بتمنى اكون افدتك قدر الامكان
وممكن يكون رايي خطا
ومع السلاااااااااااااااامة وما تنسي تطمنينا عليك يا نانا الاكثر من امورة

[bichebicha1]

هي المشكله فيها نصفين اول نصف انه انا امس اخذت سيارت زوجي وطلعت مع لاصغار الي السوق لانه زوجي اخد يصلح سيارتي ولما تركبت فيها وبالصدفه لقيت ورقه تحويل مصاري الي اخ زوجي مبلغ كبير من شهر 1 وزوجي ما حكي لي قبل
وهو ذكر لي انه اخوه اتصل فيه وحكاله ان ابنه مريض مع ان ابوه مامن وزوجي بساعد اخوانه مره مره وانا عمري ما قلتله ليش لاني بعرف انه زوجي حنون علي اخوانه واخوانه بعض الاحيان بمروا بظروف وهو ما بقصر انا ما جيبت له سيره عن الورقه بس حطيتها علي الكرسي الجنبي يعني ما رجعتها مكانها
وانا حتي لو قلي بدي ابعت هو ما بستني يوخد راي اصلا وانا ما بمانع يعني شئ عادي بس هدا الشئ حز في نفسي انه خبي عليي وانا بعرف حتي بتصل مع اهله وما بحكي لي انا اصلا دائما بقوله حكيت مع اهلك شو اخبارهم بقولي لا وبعدين بعرف بس ما بواجهه انه كذب عليي
الموضوع انا ما مكبرته بس انا بالغربه بحب اعرف اخبار اهله زي ما انا ما بخبي عليه شئ لما احكي مع اهلي وبحكي له كل شئ حتي اتفه الاشياء لانه بحب اشاركه معي

اختي اولا لا تزعلي من تصرف زوجك لسبب واحد ربما لم يخبرك خوفا من ردة فعلك
ستقولين انا لا امانع ربما ايضا المبلغ الذي حوله على حد قولك مبلغ كبير اي ممكن
هذا هو السبب في صمته لهذا حاولي ان لا تبالي اتركيه على راحته فالمرآة من حقها
ان تزعل و تغضب او تحتج إذا رات حقوقها و حقوق اولادها مهضومة أي كما نقول انا اعاني
و هو يبعث لاخوته ليرضيهم هنا نعاتي كنساء و لانتقبل الوضع لكن مادام مكفيك و مكفي بيت
لنتجاهل الامر و نريح بالنا حتى لا نخلق مشاكل بيننا و بين الشريك في حين الاخر استفاد
من الفلوس و نحن حصدنا النكد و ............... انا معك ان كل ما نطلبه هو ان نخبر لا اقل و لا اكثر
و هذا ما عليك ان تفعليه ان تستغلي وقت او اي مناسبة دون ان تتحدثي عن موقف معين
مثلا هذا المبلغ ....قولي دائما احس انك لا تريد ان اعلم عن علاقتك باهلك هل تظن او تحس
انني امتنع او شيء من هذا بالعطس فانا لا اعترض و ليس لدي اي مانع كل ما اريده
هو ان اشاركك خطواتك احس انني نصفك الثاني واحس انك تشاركني كل شيء حتى الاشياء
التي ممكن ان تظهر لك انها تافهة فانا احب اشاركك اياها فانت زوجي واخي و صديقي و اهلي....
هذه المرة لا تبادري بالسؤال هل اتصلت باهلك فسؤالك ممكن ان يفسر على انه فضول
إن صح التعبير بدل هذا لنغير الطريقة نقول له اهلك وحشوني لنتصل بهم و تناوليه الهاتف ليتصل
و بهذا ستتعودوا على الاتصال سوا هذه طريقتي انا وزوجي نتصل سوا و نطمئن عليهم سوا
اي شاركيه ابسط الخطوات حتى تتمكني من مشاركته في جميع الخطوات .

ننتقل الى الموضوع الثاني :

سأرد عليك من الاخير اي مناقشة زوجك لصديقه في مسألة الحجاب التي اخذتها بحساسية
نعم لقد شرحت التصرف بطريقتك و حكمت عليه بشكل واحد هو انه شارك صديقه شيء يخصك
هذا ما ظهر لك في التصرف اي لم تناقشي اسباب التصرف ألا هو الخوف عليك نعم الخوف عليك
لانه هو لا يعترض على الحجاب كحجاب بل يعترض من الخوف عليك يخاف ان تتعرضي لشيء
و انت قلت هذا من المجانين اي من المعارضين.....و هذا هو الدافع لحكي كأنه يريد من يطمئنه
من يشجعه كما انت دخلت الى المنتدى ووجدت اخوات شجعوك على الحجاب هو ايضا احتاج الى من
يشجعه من يزيل الخوف المسيطر عليه لهذا اختي لا تقلقي من زوجك و تنكدي عليه
قولي له انا متفهمة تصرفك و لكن ما قبلت لان هذه العائلة من زمان و هي ما تزورنا ....
قلت لا داعلي ليعرفوا بما افكر فيه . فانا لا اتدخل في علاقتك في صديقك فهذا مثل اخوك
20 سنة عشرة ليست سهلة و لكن كل ما اطلبه هو ان لا تتحدث عني سواء معه او مع غيره
اختي لو زوجك تحدث مع صديقه عنك بدون سبب لقلت لك نعم من حقك ان تزعلي من حقك
ان ترفضي و ايضا اقول لك مهما كانت صداقتهم لا يحق له فعل هذا ان يقحم صديقه في شيء يخصكم
و لكن كما قلت لك و اكرر مسالة خوف و بحكم تجربة زوجة صديقه اي لهم تجربة ....لا اقل و لا اكثر .
و لقد أجبت على نفسك قلت كبرت الحكي فانت داخليا غير مقتنعة بردة فعلك لان سببها الحقيقي
هو انقطاع العلاقة مع هذه العائلة يعني انطلقت بتلك التراكمات التي بداخلك .
اختي اعانك الله و اهتمي بزوجك و بمعاملتك و بتصرفاتك ستجعليه يلجأ للحكي لك .
وفقك الله

[~~زهرة المدائن~~]

الحمد لله هذة ما تعتبر مشكلة
ما دام زوجك يحترمك ويحبك ومش مقصر بشي معك ومع الاولاد خلاص
يبعث لاخوة زي ما بدة ..ومن كلامك الظاهر انة طبعة هيك ما بيحب يحكي كل شي بيعملة مو شرط قاصد يخبي....وانت حاولي احكيلة انك ما بتزعلي ابدااا اذا بعث لاهلة فلوس ومش بس حكي اثبتي ذلك بالفعل كمان حتى هو نفسيا يرتاح ويعرف انك ما بتزعلي ....
بالنسبة للحجاب مبروك والف مبروك والله يثبتك يا رب اروع خطوة اتخذتيهاااا...
وبخصوص صاحبة
عادي يحكي زي ما بدة معه ويستشيرة ليش مكبرة الموضوع يمكن حب يوخذ راية
على شان يتشجع بينة وبين نفسة للموضوع لانك بتقولي كان معترض,,,,
وكمان انتو بغربة يعني شي طبيعي ما يكون حد امامة الا الاصحاب...
بالنهاية اقول لك ان التعامل مع اي شخصية رجل بحاجة لذكاء من المراة
يعني انت بتعرفي زوجك وبتعرفي طباعه بذكائك اخلقي السعادة ببيتك
وما تعملي من اصغر الاشياء حكاية
تحياتي لكِ

[نانا الاموره]

الله يسعدكم يا اغلي خواتي
والله انتو الوحيدات التي برتاح لما اكتب لكم

بالنسبه للقسم لاول
زوجي الحمدالله عمره ما قصر معي او مع اهله او مع اي حد حتي صديقه لو احتاج نقود بسلف له
مع انه صديقه مع عمل هيك مع زوجي لما تضايقنا
الحمدالله حتي لو ما عنده بدبر
بالنسبه لاهله هو بحكي معاهم لما يكون في البيت بس في بعض لاحيان بحكي بسريه لما يكون خارج المنزل بكونوا هم ضاربين عليه وهو رد اتصل عليهم ولما ييجي بساله في حدي حكي في شئ جديد بالشغل او اي شئ جديد لانني انا بالبيت وما عندي شئ جديد وهو البره
والمبلغ البعته لاخوه كبير بس ما حكي لي ما بعرف ليش انا مش حاعترض بس حاسي انه ما بدي اياني اعرف ليش وخاصه اخوه موظف وعنده تامين اكيد بده مساعده بس شو السبب ما بعرف اول كان يحكي لي انا بعتت لاخوي مبلغ طبعا مش قد هدا المبلغ بكون متضايق اخوه او عله ديون وانا عمري ما قلت ليش او لا لانه بخاف ابني او بنتي لما يكبروا يقسوا علينا او لا يساعدونا
وانا بحكي له كل شئ وخايفه انا اصير اعمل زيه يعني اذا حدي من اهلي حكي معي او في شئ ما احكي له ؟؟
طيب هيك الكل بخبي علي الكل ومش هاي العيشه اصلا

بالنسبه للقسم التاني
الجماعه هدول هم قطعوا علاقتهم معانا مع الرجال بحكوا مع بعض بس تلفونات وحاول اكتر من مره زوجي يقولهم تعالوا او نطلع بمكان الصغار بلعبوا مع بعض واحنا بنتسلي مع بعض
وللاسف هي المره البتحبوا بتحطوا علي راسها طبعا البعجبها والبكون زيها والما بعجبها بطنشوا
زي ما بدها انا مش رامي حالي عليها
حتي انا شوفتهم في السوق قبل كم اسبوع وزوجي شاف كيف انحرجت وسلمت عليي وانا كنت طبيعيه
وانا ما بدي يحكي لهم شو بعمل وشو صار عنا ولا حتي اشياء تافهه
وللاسف انا زوجي ما بسمع مني اول مره حتي لو صح بس لو صاحبه حكاله نفس الحكي بصدق علي السريع حتي انا شرحت له طريقه 10 10 10 في القرارات وكيف نتاخد قرارات بس ما بسمع مني لازم يعرف العالم كلها شو بنعمل او شو بدنا بس هم ما بشاركوا حدي
وانا زعلت ليش يحكيلوا او يستشيروا يعني لو صاحبه قاله انه زوجته تعرضت للمضايقات مش حيرد عليي
وانا اسفه لانني وجعت راسكم بس انتو الوحيدين البقدر احكي معاكم وانا بحكي لكم وما بحكي لاهلي

[الألماســـــة]

اهلين فيك احنا خواتك وصديقاتك
ومثل ما حكوا الاخوات وحكيت ما في داعي للنكد يا سكرة انا شايف انو ما في مشكلة
طيب خليني اقلك انو الانسان بطبيعته مستحيل مستحيل مستحيل
يحكي كل شي لاقرب الناس اله يعني اكيد رح تمر مواقف عليه ما يذكرها لسبب معين ما بنعرفه
حتى انتي شخصيا لو تطلعتي في حياتك الماضية كويس رح تكتشفي انوفي عدد من المواقف ما خبرتي عنها زوجك وهذا من حقك وامر طبيعي
والعلاقة الزوجية مش معناها انو يكون كل شي مكشوف عالطرف الثاني

واذا شايفة انو الموضوع لسة مضايقك فاعملي مثل ما قالت المشرفة

و هذا ما عليك ان تفعليه ان تستغلي وقت او اي مناسبة دون ان تتحدثي عن موقف معين
مثلا هذا المبلغ ....قولي دائما احس انك لا تريد ان اعلم عن علاقتك باهلك هل تظن او تحس
انني امتنع او شيء من هذا بالعطس فانا لا اعترض و ليس لدي اي مانع كل ما اريده
هو ان اشاركك خطواتك احس انني نصفك الثاني واحس انك تشاركني كل شيء حتى الاشياء
التي ممكن ان تظهر لك انها تافهة فانا احب اشاركك اياها فانت زوجي واخي و صديقي و اهلي....
هذه المرة لا تبادري بالسؤال هل اتصلت باهلك فسؤالك ممكن ان يفسر على انه فضول
إن صح التعبير بدل هذا لنغير الطريقة نقول له اهلك وحشوني لنتصل بهم و تناوليه الهاتف ليتصل
و بهذا ستتعودوا على الاتصال سوا هذه طريقتي انا وزوجي نتصل سوا و نطمئن عليهم سوا
اي شاركيه ابسط الخطوات حتى تتمكني من مشاركته في جميع الخطوات .

بالنسبة للمشكلة هاي:

بالنسبه لاهله هو بحكي معاهم لما يكون في البيت بس في بعض لاحيان بحكي بسريه لما يكون خارج المنزل بكونوا هم ضاربين عليه وهو رد اتصل عليهم ولما ييجي بساله في حدي حكي في شئ جديد بالشغل او اي شئ جديد لانني انا بالبيت وما عندي شئ جديد وهو البره

بنصحك تعملي مثل ما قالت المشرفة انو تغيري من طريقة سؤالك
لانها طريقة استجواب
وانا بحكيلك والله انا بالنسبة لي شخصيا بكره النوعية هذه من الاسئلة وفي بعض الاحيان
ما بجاوب لطريقة السؤؤؤؤؤال

والمبلغ البعته لاخوه كبير بس ما حكي لي ما بعرف ليش انا مش حاعترض بس حاسي انه ما بدي اياني اعرف ليش وخاصه اخوه موظف وعنده تامين اكيد بده مساعده بس شو السبب ما بعرف اول كان يحكي لي انا بعتت لاخوي مبلغ طبعا مش قد هدا المبلغ بكون متضايق اخوه او عله ديون وانا عمري ما قلت ليش او لا لانه بخاف ابني او بنتي لما يكبروا يقسوا علينا او لا يساعدونا

مثل ما قلت يمكن يكون في سبب معين ولهيك ما بدو يحكيلك وبرضه يمكن ما يكون في سبب
او انه شايف انو الموضوع مو مهم وسخيف وما في داعي يحكيلك الصغير والكبير وكل شي بحياته والناس طبائع يعني مو بالضرورة يكون زوجك من النوع الاجتماعي الفضفاض يمكن هو من النوعية الكتومة وهذا الشي طبيعي فالناس بتختلف عن بعض في طبائعا وبني ادم مش نسخ عن بعض
ولكن انتي بذكائك لازم تعرفي كيف تتعاملي مع الشخصيات الكتومة
ابحثي في النت عن صفات هاي الشخصية وباذن الله رح تلاقي الجواب

وما في داعي تخافي على اولادك من هذا الباب لانو من راي انو الموضوع غير مترابط
نهائيا وما في علاقة بين ان يكون اولادك قساة وبين هاي المشكلة

وانا بحكي له كل شئ وخايفه انا اصير اعمل زيه يعني اذا حدي من اهلي حكي معي او في شئ ما احكي له ؟؟
طيب هيك الكل بخبي علي الكل ومش هاي العيشه اصلا

لا لا انتي غلطانة ليش تصيري مثله ضلك عطبيعتك وشخصيتك ومثل ما قالت المشرفة
اختاري الوقت المناسب اللي بكون فيه رايق ومصحصح واقعدي معاه وناقشيه بهاي المسالة
ورح تلاقي عنده الجواب

وانا ما بدي يحكي لهم شو بعمل وشو صار عنا ولا حتي اشياء تافهه
وللاسف انا زوجي ما بسمع مني اول مره حتي لو صح بس لو صاحبه حكاله نفس الحكي بصدق علي السريع حتي انا شرحت له طريقه 10 10 10 في القرارات وكيف نتاخد قرارات بس ما بسمع مني لازم يعرف العالم كلها شو بنعمل او شو بدنا بس هم ما بشاركوا حدي
وانا زعلت ليش يحكيلوا او يستشيروا يعني لو صاحبه قاله انه زوجته تعرضت للمضايقات مش حيرد عليي

بالنسبة لهاي المشكلة لا تفكري فيها اصلا وانسيها
وارميها ورى ضهرك الموضوع ما بستاهل انك تعملي مشكلة
استعيذي بالله من الشيطان الرجيم
وتوكلي عربنا واهتمي بنفسك وزوجك

وانا اسفه لانني وجعت راسكم بس انتو الوحيدين البقدر احكي معاكم وانا بحكي لكم وما بحكي لاهلي

الله يسامحك
ابدا ما في اي ازعاج واحنا خواتك احكي وفضفضي مثل ما بدك

ربنا يوفقك ويسعدك