اختي بحاجة لمساعدتكم

[خلق الحياء]

مرحبا اخواتي كيفكم رح ادخل بالموضوع على طول واتمنى انكم تساعدوا اختي وتعطوها الحل الصحيح
اختي عمرها 21 سنة وهييي سنة رابعة بالجامعة الصيف الماضي بشهر ستة اجا خطاب الها والشاب كتير عجبها وهيي عجبته مواصفاته كتير منيحة وبصلي بس المشكلة انو كتير بسهر مع صحابه ونسوانهم وكان بحب وحدة ايام الجامعة بس ما كان بقدر يتزوجها فالبنت اتزوجت ولسا لهلأ بحكي معها المهم بالموضوع اجوا اهله وطلبوا اختي .احنا بالاردن طلع قرار فحص ما قبل الزواج لما راحوا يعملوا الفحص تبين انه اختي حاملة مرض التلاسيميا وهو مرض وراثي طبعا اهله ترددوا حول الموضوع والشب نفس الشي وكانت بنت عمه للشب هيي اللي فحصت وخوفت الشب من نتيجة الفحوصات مع انه الوضع مش خطير المهم الشب اعد يحكي مع اختي لحد ما انتهى الموضوع مبارح الخميس الشب حكا مع اختي وقال حابب يرجع هو واهله المشكله احنا خايفين انه يكون الشب هو اللي بده اختي واهله لا لانه لما عرفوا اهله عن المرض خافوا مع انه ما بخوف لانه الشب مو حامل المرض وسليم
اختي واهلي كلنا محتارين بالموضوع فحبيت اخد رايكم بالموضوع وياريت انكم تساعدونا امي كتير مترددة وحاسة انو الشب كتير شخصيته قوية وخايفة انه اهلوا يكونوا ما بدهم اياها

[اريز]

بتقولي اهلو خافوا
طبيعي هادا الشي بيخافوا (هادا طبع الاهل)
بيجوز انهن موافقين
لو كان عارف انو اهلو رافضين
اكيد ما قال انو بدو بيرجع

[إنجــــــــي]

أختي مرض التلاسيميا ان كأنت هي حاملة للمرض و ليست مصابة و هو لا حامل للمرض و لا مصاب
ما في خوف ان شاء الله يعني ما بيطلع في الاولاد حدا مصاب ان شاء الله
ممكن يطلع منهم حاملين للمرض زي امهم اللي هي اختك
اما مرضى ان شاء الله ما بيطلع

خلي هدي النقطة يوضح لهم اياها الدكتور لآهل الشاب و يوضح لهم انه ما في اي خطر ان شاء الله
و يشر حل هم الوضع بالتفصيل
و اهم شي الاستخارة بعدها ربنا بيسر لها الخير ان شاء الله

و أرى ان تحل مشكلة سهره و قصة البنت اللي كان يحبها
و حكيه معها الذي لا ارى اي داعي له ابداا و تضع النقاط على الحروف
بالنسبة لهدي المواضيع امام نفسها و امامه
اولى من حكاية المرض

بالتوفيق ان شاء الله