ليه الممنوع مرغوب؟؟

تقليص
X
 
  • الوقت
  • عرض
إلغاء تحديد الكل
مشاركات جديدة
  • suzanaaa
    عضو
    • Aug 2007
    • 65

    #1

    ليه الممنوع مرغوب؟؟

    السلام عليكم يا احلى ناس فى الدنيا

    انا دخلت بس اتكلم شوية معاكم
    لانى ماعنديش اخوات بنات ونفسى اتكلم مع اى حد
    مش عارفة ابدأ ازاى كلامى بس اكيد انتوا فهمتوا انا عايزة اقول ايه؟

    انا كده على طول نفسى اعمل حاجة نفسى فيها ونفسى اخد حاجة عايزاها واتمنتها يوم !!
    من ثانوى عام وبابا كان بيخلينى اخد دروس عند مدرسين مش بحبهم ولما وصلت للكلية بابا هو اللى اخترهالى ومع ذلك رضيت وحبيت الكلية وكملت صحيح كان صعب شوية ووقعت سنة بس بعد كده كملت عادى وقابلت زميلى فى الكلية بس بصراحة كنت عادى ولا بحبه ولا بكره بس هو حبنى جدا ومع ذلك كان عنده شوية مشاكل خاصة بيه فأهلى ما وافقوش عليه وانا بعد كده لقيت فيه عيوب كتير وكبرت دماغى منه وعادى

    بس جيت بعد كده والحمد لله قربت من ربنا جدا وكنت مبسوطة اوى وفى سنة رابعة اخدت بالى من زميل ليا فى الدفعة غصب عنى اتعلقت بيه وكنت معجبه بيه جدا ومتابعة اخباره على طول وكنت دايما ببص عليه وهو كمان كان بيبص لى كتير بس مكنش فيه كلام بينا لانى مكنتش بكلم ولاد ولا هو لانه ملتزم كان عارف اسمى طبعا وانا كمان بحكم اننا فى سنة واحدة ، كان بيقرأ علينا قران بين المحاضرات ويعمل مسابقات دينية ويوزع جوايز رمزية وجت امتحانات سنة رابعة لقيته نزل ورق المواد كلها بخط ايده وكتب رقم تليفونه فى الورق كله ، وطبعا اخدت النمرة وشلتها معايا .
    كان معايا واحدة صحبتى الله يسامحها بقى كانت مخطوبة وخطيبها مسافر واقترحت عليا ان لما خطيبها يرجع تكلمه فى الموضوع ده وتديله النمرة وتخليه يكلمه ويتعرفوا على بعض فى الاول رفضت وقلت لها بلاش
    بس هى صممت واقنعتنى ووافقت لانى عايزاه من جوايا بصراحة ومش عايزاه يضيع منى ، والفكرة اتنفذت بالفعل
    ومرة كان خطيبها بيتصل بيه لقى موبايله مقفول على طول ولما جرب من اى نمرة تانية كان بيسمع جرس عادى
    عرفنا ساعتها انه حاطط نمرة خطيب صحبتى فى قايمة التجاهل لان خطيبها قاله ان خطيبته دى اللى تبقى صحبتى وهو طبعا عارفنى وواخد باله انى كنت ببص له على طول وطبعا فهم انى انا صاحبة الفكرة دى وانا اللى بجرى وراه وطبعا كنت رخيصة فى نظره اوى وده كان واضح فى رد فعله مع خطيب صحبتى وتجاهله ليه بعد ما عرف انه تبعى !!
    بصراحة زعلت جدا ودمى اتحرق ولقيت نفسى بتصل بيه وعرفته بنفسى وشكرته جدا لانه أثر فيا وفى شخصيتى
    وكان سبب فى انى اقرب من ربنا وحتى وانا فى الكلية كنت بزاكر من الورق بتاعه وهو كان بيكلمنى عادى الصراحة وحاولت أفهمه سوء التفاهم اللى حصل وقلت له انى اتحطيت ادام الامر الواقع زيه ومش انا صاحبة الفكرة دى الكلام ده كان تقريبا من شهر وبعدها ما حصلش جديد

    المشكلة دلوقتى انى متعلقة بيه اوى وشايفة فيه فارس احلامى غصب عنى ولله العظيم بس مش فاهمة حاجة حاسة ان الموضوع باظ خلاص وانى مش فى دماغه اصلا ، بفكر فيه كتير واشتغلت وبحاول أشغل وقتى والحمد لله بصلى وبذكر الله كتير وبقرأ قران أحيانا كل ده علشان ما أفكرش فيه وبرضه مفيش فايده وجالى أكتر من عريس من ساعة ما أتخرجت لدلوقتى وأقسم بالله العظيم ببقى مش طايقاهم ومش عارفة اوصف لكم احساسى بيبقى عامل أزاى
    بدعى ربنا كتييييييييير ومفيش جديد !! يا ترى انا فعلا كنت رخيصة فى نظره وصحبتى هى السبب فى كده؟

    على فكرة صحبتى دى العلاقة بينى وبينها اتقطعت نهائى هى كانت عاملة متدينة بس بصراحة الحق يتقال انا شايفة انها مش كده اصلا كانت و خدانى مصلحة أزاكر لها وأعزمها وأوصلها يعنى حاجة كده مؤقتا لحد ما خطيبها يرجع
    حتى كانت بتقولى انتى بتفكرينى بيه فى تفكيره وطريقه كلامه !!
    وكان خاطب قبلها واحدة وكانت بتخرج معاه وهو فى ايده دبلة البنت التانية دى وبعدين سابها وخطب صحبتى قصدى اللى كانت صحبتى وباباها ملتزم ويوم قراية فتحتها هو اللى لبسها الشبكة وطبعا كانت بتخرج مع خطيبها من ورا أبوها ولا تعليق .
    حتى انا رحت لها قراية فتحتها من ورا ماما علشان أرضيها لان ماما مكنتش موافقة لانها ساكنة بعيد عنى جدا
    بس اكتشفت انى ضحيت علشان واحدة ولله ما تستاهل وحسبى الله ونعم الوكيل فيها.
    أنا حاسة بالعجز والحرمان وانى مش قادرة اعمل اى حاجة نفسى فيها ولا قادرة أوصل لاى هدف حطيته لنفسى
    ولا حتى عارفة أختار صح
    ،بجد مش فاهمة حاجة ؟!
  • وجودة
    عضو جديد
    • Feb 2009
    • 28

    #2
    يا قلبي وعسى ان تحبوا شيئا وهو شر لكم واستعيني بالله ادعي ان ينزع حبه من قلبك ثم اذا جاء لكي عريس مناسب كما قال الرسول عليه افضل الصلاة والتسليم ترضون دينه وخلقه فلا يجوز لكي رفضه لأنك يا عزيزتي ممكن تندمين بعد ذلك فكري في الامر جيدا ولا تكوني فريسة سهلة للشيطان ليتمكن منك فهو يريد لكي الهلاك وان شاء الله سوف تنسيه بمجرد الارتباط بشخص اخر

    تعليق

    • noran_87
      كبار الشخصيات
      • Oct 2008
      • 16781

      #3
      وعليكم السلام ورحمة الله وبركاته
      حبيبتي ليس الممنوع مرغوب ولا شيئ دي مقوله ملهاش لازمه
      لان ربنا هو الي محدد كلش يئ ومقدره
      والله انا شايفه لو ليكي نصيب مع الشاب دوة ربنا هيوفقكم مفيش يبقي برضو قدر ربنا
      وبصي انا رايي الشخصي انا اعتبر زيزكز في السن ومريت بفترة جامعه واعرف الي بيحصل فيها كويس وعقول الشبابا والبنات فااقدر ااقلك سيبك من الموضوع دوة وانتبهي لنفسك ولحياتك والله ده وهم في دماغك مش حب ولا حاجه
      صدقيني انا وحاولي متفكريش في الموضوع وكمااااااااااااااااان فكري انه هو محبش يكلمك ولا مهتم بيكي حطي في دماغك انه بيحب واحده تانيه
      صدقيني انا شايفه الي انتي فيه ده تعلق علي الفاضي وليس حب بمعني الكلمه ويارب يهديكي للصواب
      ⋞
      يارب احفظ لي ابنتي وزوجي وكل اهلي واحبابي
      امين يارب

      مسابقة افضل تقرير عن مدينه في بلدك شاركونا

      تعليق

      • bichebicha1
        كبار الشخصيات
        • May 2005
        • 6280

        #4
        السلام عليكم

        أختي لاتضعي اللوم على صديقتك لوحدها فأنت ايضا كنت موافقة
        ستقولين لا بلا داخليا كنت راضية و عايزة و كوني على يقين لو كان خطيب صديقتك توفق
        ماذا كنت ستقولين على صديقتك الان أكيد ستقولي الفضل يعود لها لولاها لما التفت لي فلان
        اختي ما حصل حصل و لا تفكري فيما يقوله عنك الان هل انت رخيصة ام لا ؟
        قولي الحمد الله انه لم يحدث شيء و قولي مع نفسك تصوري لو كان هذا الانسان قبل
        و توفقت صديقتك من قال ان يجرك الشيطان الى ما لا يحمد عقباه من قال لو كان ذلك
        الانسان مستهتر و استغل ضعفك و استغل حبك له .......لهذا قولي حمدا لله
        و قولي لنفسك علي ان انتبه الىمن يأتي لبيتنا من يطلب يدي شرعا هذا من علي ان انتبه له
        هذا من يجب على نفسي ان تحبه و قولي لنفسك ماذا تريدين أتريدين ان تذهبي عند فلان
        و لا تتوقفي على حبه حتى يقول لك لا اريدك او يقول لك اتقي الله او يقول لك كلمة تبكيك العمر كله ...
        كل شيء بيدك يا اختي و الحب الحقيقي تخلقه العشرة الطيبة و المعاملة ....أما ما انت فيه مجرد اعجاب
        سيزول و سيتبخر لما تعطي لنفسك الحق في رؤيةالاشياء من منظور الواقع .
        عليك ان توبخي نفسك على موقفها عليك ان تلوميها لتنسى ما هي فيه لا تجعليها تضع اللوم على صديقتك
        و تظهر مساوئها لا والف لا كلنا لنا سلبيات و كلنا نخطأ حتى أنت اخطأت و عليك اصلاح خطأك
        و هي التوقف عن الاستمرار في رفض من يريدنك في الحلال و إلا سيأتي يوم و ستجدي نفسك
        لوحدك و فات الاوان لن تجدي من يطرق بابك و ستكوني السبب في ذلك ؟
        وفقك الله


        sigpic







        اذا دعتك قدرتك على ظلم الناس لا تنسى قدرة الله عليك
        [/SIZE][/COLOR][/CENTER]

        تعليق

        يعمل...