زوجة حائرة

[سومة11]

تبدا مشكلتى من اول زواجى واحيانا كنت احس بهذه المشكله اثناء خطوبتىوهى حب زوجى لاصدقائه اكثر منى ومن اهله ومن اهلى وايضا حبه لاهل زوجات اصدقائه وتفانيه فى خدمتهم حتى دون طلب منهم وطبعا حسيت بده جدا بعد الزواج دائم التحدث عليهم بطريقه بتستفزنى وكنت بطنش ده كتير وبحاول ميبنش عليه ان ده بيضايقنى طبعالكن من فتره عرفت انه بيسافر مع صديقه ومراته وامهاوحمات صديقه رايحه تكشف ومسافت السقر دى بعيده لدرجه انه بيرجع البيت الفجر وعلى فكره بيقولى انه رايح شغل ويلبس كويس اوى وانا بكون مستغربهمن طريقته دى وفعلا بحس انه مسافر معاهم لكن مكنتش بقوله وكنت بعد السفريه دى بتصل بزوجه صديقه ومامتها وكنت باكد احساسى ويحكولى عن المقالب والضحك ال حصل وهما مسافرين وانا طبعا جوايه نار من الباشا ال لما بحتاج اروح لماما مش بيسالنى حتى هتروحى ازاىولاحتى بيعزم انه يوصلنى بالعربيه حسيت انى صبرى خلاص نفذ ومش قادره وخصوصا انه انسان كتوم جدا وتقريبا اخرس فى البيت ومش بيحكيلى على اى شى سواء مهم ام لا حياته كلها اسرار انا وهو بنتعامل بشكل غريب هو يخبى عليه كل حاجه وانا بحاول اعرف ايه ال مخبيه وكمان وانا مش حابه اقول انه حتى لو حكالىجاجه بتكون مش صح وعرفت بالصدفه مره تانيه انه سافر معاهم وعلى فكره زواجنا منذ خمس سنين ونصف ومش قادره اخليه ميكذبش عليه المهم فى عيد جوازنا من اسبوعين كان تعبان ومحتفلش معايه خالص ونزل الشغل تانى يوم ورجع بدرى فرحت اوى وقلت اكيد هيخرجنا ولقيته بيكام صديقه بالتليفون وبيقوله ابعتهملى وانا هاسافر معاهم وقالى انا هانام ساعه وصحينى وبعد نصف ساعه لقيت صاحبه بيتصل وقالى زوجتى وحماتى وابنها جيين فى الطريق طبعا انا مصدقت لقيت فرصه وانفجرت فيه وبقى مش عارف يرد عليه وقلت كل ال جوايه ورجع باليل وحاول يصالحنى بس مفتش المشكله خالص كالعاده وانا من اليوم ده اخذت موقف من اصدقائه ولما جه العيد طلب منى اكلمهم ورفضت وطبعا اتخانق معايه جامد وقالىالناس دول هما كل حياتى وبصراحه انا نسيت كل مشاكلى معاه وتفرغت للمشكله دى ....



أرجوكي ساعديني
اشيري عليا بالحلول المناسبة وكيف اتعامل مع زوجي الغامض فى كل شى
سانتظر ردك على احر من الجمر

[للصداقة عنوان]

والله مش عارفه شو احكي تصرفات زوجك كتيييييييير غريبه ومزودها مع اصدقاؤه
بس انتي لازم تاخدي موقف منه وحطي حد للتعامل مع صديقه وزوجته وتضلي تحكي لزوجك انه يحد من التعامل معهم فالزايد اخو الناقص......
الله يوفقكم

[ام سما - العراق]

ربنا يكون في عونكبس انتي لا تعطي مجال ابقي زعلانه فترة حتى يحس بخطأه بس زعل برواق يعني من غير مشاكل وربي يعينك

[دندونه حنونه]

عن جد الله يعينك مشكله عويصه حاسه فيكي كلميه بهدوء وحاولي تفهميه ان هالشي يخرب حياتكم وانه غلط واذا مافي فايده الجأي لحد عاقل هو يفهمه واهم شي يكون انسان زوجك يثق فيه ويسمع منه واحسن مايكون من اهلك حتى ماتزيد الطين بله والله يعينك ويهدي زوجك ويفرج همك ننتظر جديدك ان شاء الله اخبارحلوه

[Rody 2005]

مش عارفه اقولك ايه
ربنا يعينك على المشكله العجيبه دي
و يهدي جوزك و يبعده عن صاحبه شويه

[~~زهرة المدائن~~]

جد مشكلة
الموضوع اصلا مش طبيعي(انا ما بدي اخوفك) بس شو يعني يسافر مع عائلة صديقة لوحدة؟!لو كنتي معه حتكون سفرة عائلية اما لوحدة غريبة!!
والاهتمام فوق العادي باصدقاءه!!!!
انا رايي تتخذي موقف من الموضوع هذا ,,,ازعلي بصمت,,فاهمة علي
يعني اصمتي وما تحكي معه انطوي على نفسك ,,واصبري وشوفي انة بيحاول يرضيكي ,,واذا كان فعلا بيحبك اكيد رح يسأل نفسة هي متغيرة لية وحزينة لية
وهيحاول يتقرب منك
الله يفرج همك يا رب

[نور العيون123]

هقول لك ممكن تقولي له هاجي معاكم والزقي له ف كل مشاويره ده لو مش معاك اطفال

لو معاك اطفال لازم تاخدي موقف جامد لان الاختلاط ده فتنه وهو ليس محرم لهم هاتيها من الناحيه الدينيه وقولي له لا يجوز في الشرع وهو ليس ملزم يحل محل صديقه

اجلسي معاه وحاولي تعرفي منه ليه بيخبي وقولي له اللي بيخبي ده معناه انه عارف انه بيعمل حاجه غلط وان حياته الشخصيه وبيته اهم من كل اصحابه

يمكنك الاستعانه باهله يشدوا عليه واكيد انه لن يعجبهم هذا الوضع

اذا لم يفلح اي شيء يمكنك ان تكلمي صديقه انك مستاءه من هذا وكلميه بصراحه وقولي له المفروض تغير على زوجتك عن كده او ممكن تكلمي ام هذا الصديق او زوجته واكيد هيخفوا لما يعرفوا

وربنا معاك حاولي لما يكون زوجك في البيت تشغليه معاك باي حاجه

[مرات جوزها]

الله يعينك حبيبتى ...بس عايزه اسالك سؤال انتى اهلك بيتعملو معاه ازاى يعنى بيحبوه بيرحبو بيه لما بيزورهم ...بيهادوه ...يعنى طبيعه العلاقه بيهم عامله ايه...ممكن يكون من الرجاله اللى بتحب العزوه والاهل والعلاقات الاجتماعيه

[سومة11]

تسلمولى جميعا لكن ياريته صديق واحد دول كتير اوى ورزقنى ربى ببنوتين زى القمر ما شاء الله وللحق هو انسان محترم ولكنه لا يعرف اى كلمه حلوه تقريبا جاف المشاعر لدرجة انى نسيت انى ست

[ورده برونزيه]

اول شي مطمئن ان الاصدقاء الي مع زوجك عددهم كبير لان مثل هذه التصرفات مع صديق واحد مشكله اكبر في

ثانيا الزن في الودان امر من السحر بس مش خلافات لا دائما اذكري امام زوجك مساؤ الاختلاط مثلا قولي ان واحد صار يشك في صديقه لانه يقوم بخدمة زوجته وخسر صديقه نتيجتا لذلك اكثر من الكلام في هذا الموضوع معه واعطي زوجات اصدقائه انك لا تحبي بهذا النوع من العلاقات

ثالثا لاتخلقي مشكله في حياتك بسبب هذا الموضوع ولاكن لاتقبلي به ابد لان الخطأ يؤدي الى الخطأ

رابعا ربما زوجك يحب الاطراء والمدح ويقوم بهذه الخدمات لهم حتى يقوموا بمدحه
ويمكنكي ان تقومي انتي بهذا الدور

[باحثه عن الحب]

للأسف كمان زوجي فيه هذه الصفة أنه كتوم جدا ..
وأنه يعمل سائق لدى أصدقائه وزوجاتهم ، وأمهاتهم ، وقريبهم ..

أما أنا لايخرجني غلا بطلوع الروح ، ياريت حد يساعدنا ويفيدنا كيف نحل المشكلة ..

[سومة11]

السلام عليكم اقتراحتكم رائعه لكنه انسان غريب برغم انه انسان متدين ومحترم وكريم وكمان زكى جدا الا انه بيكتفى مثلا فى المشاعر بالصمت التام مفيش اى تعبير تحسى منه انه بيحبك وضيفى على ده انه كتوم جدا جدا كله اسرار وايضا ممكن يحرجنى جدا قدام اهله واهلى وطبعا حبه لاهل زوجات اصدقائه مع انى على فكره تقريبا ولله الحمد اكاد اتميز عنهم قليلا بشهادتهموقد ذكرت هذا لانى مش عارفه ايه السبب
انا نفسى ااخذ موقف بس مش عارفه ازاى خصوصا انى بحبه وبيقدر يصالحنى بسهوله وكمان مش بيفتح الموضوع سبب الخناقه تانى وطبعا مش بستريح لانى مش بطلع ال جوايه ومينفعش ادخل اى حد بينى وبينه

[سومة11]

يا اهلا بيكى انضمى لموسوعتى اكيد انتى حاسه بيه

[ommammar74]

بصي اختي الغالية الموضوع صراحة كبير ومش كبير يعني الحمد لله اشعر ان الموضوع مفهوش حاجة تخوف ان تكون حاجة تغضب ربنا الحمد لله
لكن هو حاجة تزعل ولك كل الحق لان الموضوع زايد عن حده بس انتي قولتي في سياق كلامك لما كلمتي زوجة صديقه انها بتقولك انه قضوا يوم حلو قعدوا يهرجوا ويضحكوا اعتقد هنا مربط الفرس زي ما بيقولوا
كتير من الرجال تحب اوي قعدت التهريج والضحك وانه يقضي يوم خفيف بعيد عن هم البيت والولاد وطبعا الخطأ مزدوج او ثلاثي من زوجك وصديقه واهل زوجته وزوجته لان ده كله اختلاط غير شرعي وخلطة تؤدي لذنوبي ليس لها داعي
لذلك يجب ان يكون لك موقف معه دون تكبير المشاكل عرفيه انك زعلانة من كل ده وادخل له من مدخل كل اللي مزعلك انه بيشيل ذنوب ليس لها داعي وانك خايفة عليه من حاجات صغيرة تزعل ربنا منه واتكلمي معه من هذا الباب وفعلا قول له ما تجبرنيش اعمل حاجة بعرف ان استمرارها بيضرك وهو انك تتصلي بيهم وتوطدي العلاقة معهم قول له رايك وقول له انت حر انت نبهتك وكمان صراحة لما تكون عايزة مشوار ولا حاجة لا تتساهلي في انك تختار الوقت المناسب له وتطلبي منه انه يوديك ويجيبك لان ده اقل واجب عليه تجاهك وتجاه بنتاتك وربنا يصلح لك الحال

[سومة11]

السلام عليكم
بصراحه كلامك كله منطقى اختى الحبيبه
فعلا عملت كده ويارب نجيب نتيجه
وعلى فكره من اهم الاسباب فى المشكله انه دائما مشغول
حتى فى فتره وجوده فى البيت بيشتغل برده
مع انه بيرجع متاخر وبيخرج بدرى
وكل منطلب حاجه منه
يقول انا مش فاضى