أرجوكم حد يشفلي حل ...............

[برضه زملكاويه]

السلام عليكم

اخواتي انا عندي مشكله تعباني جدا وهي

ان خطيبي كل حياتي واغلي حد عندي

بيجيلي شعور ان ربنا هياخده مني ( بعد الشر عليه)

وده بيخليني قلقانه عليه كل لحظه مش عارفه ده

من كتر تعلقي بيه ولا ليه؟

انا ديما بدعي ربنا يحفظنا وهو في رعاية الله و ان شاء الله هيحفظه

لكن طول الوقت وساوس قلق لدرجه كبيره

مش عارفه هي ليه ولا اعمل فيها ايه؟

ربنا يجعل الحل معاكم

شكرا مقدما

احلي سلام

[برضه زملكاويه]

ممممممممممممممم؟

[noran_87]

حبيبتي برضه زملكاويه
زعلتيني اوي من احساسك ده
اول شيئ يارب يخلليكم لبعض وتتنهو دايما
انتي المفروض متسبيش نفسك للشيطان لما تلاقي كده قومي صلي ركعتين لله وياريت تستغفري ربك كتير
يعني طول مانتي في البيت او بره البيت ياريت تقولي استغفر الله العظيم
ومتفكريش في شيئ ان شاء الله بتتجوزو وتخلفو ويبقي عندكم زريه صالحه باذن الله

[عيون ساهرة]

انا كان عندى حاله مشابهه واخر ما تعبت رحت لدكتور امراض نفسيه وطلع عندى حاجه اسمها وسواس قهرى المهم كانت اهم نصيحه انك متسمعيش للوساوس مهما حصل واشغلى فراغك طول الوقت حاولى متكونيش لوحك استعيذى بالله من الشيطان واقراى قران وصلى

[برضه زملكاويه]

ربنا يخليكي بجد علي كلامك

بس بجد الموضوع تاعبني وسعات بفضل اعيط وممكن مش اعرف انام

مش عارفه ليه كده؟ عمري ما حسيت كده ابدا

[noran_87]

مانا قلتلكككككككككككككك استغفر الله ياقمر
وان شاء الله دي كلها وساويس وبتختفي وتزول ان شاء الله

[نبض الحياه]

حبيتي
ذكرتيني بنفسي ايام الملكه
هذا دليل علي حبك الصادق
انا من كثر ماكنت اوسوس كنت احس اني حموت قبل ماتزوج ولا راح اعيش معاه
واذا مارد علي الجوال اتجنن
ان شالله ربي يخليكم لبعض ولا يحرمك منه
وتفرحينا بزواجك وبالذريه الصالحه يارب
بس مع الايام تخف الحاله ان شالله

[برضه زملكاويه]

ربنا يخليكم بجد

ويانبض الحياه انا زيك كده و مش رد بتجنن

بس المشكله اني مثلا قلقي لما بيكون جوايا اوي بتعصب عليه واقول انه مستهتر ومش مقدر قلقي وكده

وبرضوا الوسطيه كويسه نفسي اللي جوايا ده يروح

ويانورا انا صليت وحسيت اني احسن الحمد لله

يعني الحمد لله طلع اللي جوايا الناس بتحس بيه عادي مش طلعت مريضه ولا حاجه؟

[cute dolly]

أنا كمان كان عندي حاله مشابهه جدااا و برضه رحت لدكتور نفسي و قالى تقريبا وسواس الخوف من الموت و عطانى علاج بقيت أحسن عليه

استعيذي بالله حبيبتى
و حاولى متفكريش في الموضوع و متخلهوش يتملك منك
لو فضلتى زى ما انتى
روحي لدكتور نفسي عادي
ممكن حالة نفسيه او لاي سبب
و ان شاء الله ربنا يصلحلك أحوالك يا رب و يكتبلك الخير كله

[برضه زملكاويه]

يا نهار ابيض وسواس قهري؟

صدقيني يا عيون انا حياتي مش فاضيه خالص وبلاقي وقت اقلق فيه مش عارفه ازاي

عالعموم يارب الخير للكل

[برضه زملكاويه]

طيب معلش لو سمحتو

تفتكروا اقوله حالتي دي علشان يحاول مش يقلقني عليه

ولا بلاش لاخوفه واقلقه هو كمان؟

[noran_87]

لا لا لا حبيبتي طبعا بيحس كل الناي بكده ده دور الشيطان مش عايز يريح قلبنا فاحنا لازم نتغلب عليه
وبالنسبه انك تقليله لا لا متقليش مالوش لزوم دي وساوس ملهاش لازمه

[نسمه بلا عنوان]

السلام عليكم

اخواتي انا عندي مشكله تعباني جدا وهي

ان خطيبي كل حياتي واغلي حد عندي

بيجيلي شعور ان ربنا هياخده مني ( بعد الشر عليه)

وده بيخليني قلقانه عليه كل لحظه مش عارفه ده

من كتر تعلقي بيه ولا ليه؟

انا ديما بدعي ربنا يحفظنا وهو في رعاية الله وانشاء الله هيحفظه

لكن طول الوقت وساوس قلق لدرجه كبيره

مش عارفه هي ليه ولا اعمل فيها ايه؟

ربنا يجعل الحل معاكم

شكرا مقدما

احلي سلام

اهلا برضه زملكاويه انا ادرس علم النفس بالجامعه ...وقرات لما نحب حد كتير نحس راح يضيع منا......وممكن هذا سبب راجع انك وجدتي معه الامان والحب والحنان وتخافي فجاءه كل شئ يضيع .....انا اشوف تحاولي ما تفكري هيك من اجل مستقبل عندما تزوجي ما يصير عندك حب الامتلاك وتصير موضوع غيره ....وتخافي عليه من كل شئ ..فهو لن يرضى بذلك ....صلي كلما وجدتي نفسك في هذه وساوس وحاولي ان تقولي لنفسك لن يحصل الا ما كتبه الله سبحانه وتعالى .....الله يخلي الك خطيبك ونفرح بيكي وترزقي بذريه صالحه ......على فكره ازكر جدتي في الاردن كانت تقول ......اللي يحلم او يفكر حد غالي راح يروح منه يعني عمر جديد.
اختك
نسمه

[SIRINA]

حبيبتي استعيني بالله
ولاتنسي الادكار واكثري من الاستغفار
وقراءة القران
ولا تستسلمي لوساوس الشيطان
الله يهنيكي ويتمملك على خير
تقبلي مروري

[مرات جوزها]

للاسف انا كمان كده وكنت بقول على نفسى قربت اتجنن بخاف على جوزى جدا ولو اتاخر بحس بعد الشر انه حصل حاجه وبترعب ودايما بفكر كده وللاسف انا كما بفكر فى نفسى كده وبحس دايما انى حيحصلى حاجه وحموت بدرى ..طبعا مفيش حاجه اسمها بدرى استغفر الله مع انى مش متشائمه نهائى ومرحه جدا بس الوسواس مبيسبنيش حتى وانا بصلى بيوسوسلى بحاجات كفر وليعاذ بالله لكن اعدت فتره ابكى وادعى ربنا يبعد عنى الوسواس ده ربنا والله رحيم بعده عنى بنسبه كبيره ومبئتش افكر بالطريقه السيئه دى اللى مبتجيش غير وانا بصلى ....الحمد لله على نعمه الايمان