مخطوبه...............ولكن ؟؟؟؟؟؟؟

[basbosa.2]

حبيباتى اعضاء المنتدى الغاليين

السلام عليكم ورحمه الله...........ورمضان كرررررررريم عليكوا كلللللللللكم

الحقيقه انا اول مرة اكتب فالركن ده

وحاسه انى محتجالكم قوووووووووى لانى فى مشكله كبيييييييييرة ومش عارفه اعمل ايه!!!!!!!!!!!

انا مخطوبه لابن خالتى وهى كان فى مشاكل بينها وبين ماما ومكنتش موافقه على ارتباطنا .....واحنا كنا مرتبطين قبل الخطوبه وبنحب بعض جداااا بس لما لقينا الموضوع مش نافع سينا بعض لمده 8 شهور تقريبا

بس بعد كده مامته هى اللى رجعتنا لبعض وجاتلى البيت وقالت انها عايزة تخطبنى ليه وكده واننا ملناش ذنب فالمشاكل دى والكلام ده

وبعدين قرينا فاتحه لان جدى كان لسه متوفى وقعدنا سنه وشهرين وعملنا خطوبه شهر 7 اللى فات وكنا مبسوطين جدااااااااا طبعا وهى كمان كانت مبسوطه قوى

بس حصلت مشاكل تانى بينها وبين ماما وهم دلوقتى مبيكلموش بعض........وعايزة ابنها طبعا يسيبنى

هى مش معترضه عليا بس اعتراضها انها شايفه ان الاهل هيعملوا مشاكل....ومفيش حد كبير فالعيله ممكن ياثر عليه

وانا عندى فالبيت مش معترضين على الجواز....بس ماما مش موافقه تصالحها خالص

بس احنا متمسكين ببعض....ومش عارفين نعمل ايه لاهلنا دول هم بيعملوا مشاكل ويدفعونا احنا التمن

انتوا رايكم نعمل ايه؟؟ وعلى فكرة هى من النوع اللى ممكن تخيره بينى وبينها مش عارفه هى عملت كده ولا لاة بس بقول ممكن.......مش عارفين نعمل ايه؟؟؟؟ تعبنا جدااااا بجد

يعنى نضيع مستقبلنا وحياتنا وكللل الحب اللى بينا عشان حاجه ملناش ذنب فيها اصلا؟؟؟؟ وبعد ما اخترنا شقتنا والمطبخ والليفينج روم مع بعض....وانا جبت معظم جهازى تقريبا وخطيبى اختار معايا المفروشات كمان......نودى كلللللل ده فين؟؟؟؟؟؟

معلش طولت عليكوا بس بجد متضايقه جداااااااا وعيزاكوا تنصحونى لانه مش مجرد خطيبى بس ده حبيبى وصاحبى وكل حاجه حلوة فى حياتى قبل ما يكون خطيبى!!!!!!!!!

وفعلا مش هنقدر نسيب بعض ابدااااااااااا


مستنيه رايكم وادعولنا ربنا ييسرلنا الحال ويهدى اهلنا ويجعلنا من قسمه ونصيب بعض
ياااااااااااااااارب

[M!ss Mahy]

حبيبتى كل اللى اقدر اقولهولك دلوقتى اننا كلنا ندعى لمامتك و مامته بالهدايا وانهم تصالحوا
وانتى حاولى مع مامتك وانك تفهمها انكو ملكوش ذنب وبتحبوا بعض ومينفعش خالص انكو تسيبوا بعض
وان دى اختها ولازم يتصالحوا دول لحم و دم
وخلى خطيبك يكلم مامتك وانتى كلمى مامته برضه ممكن تاثروا عليهم
وخلى باباكى و باباه برضه يحاولوا معاهم

وانا بصفه عامه لما بيبقى فيه مشكله كبيره بقول صلوا استخاره وشوفى الجوازه دى فيها خير ليكى ف المستقبل ان شاء الله ولا لا
لان خدى بالك ان المشاكل دى حتفضل حتى لما تتجوزوا و مش حتعرفى تعزميهم عندك ف يوم واحد و الكلام دا كله

فصلى استخاره

[noran_87]

ازيك يابسبوسه كل عام وانتي بخير
حبيبتي انا والله اتفاجئت لما شفت موضوعك دلؤقتي
ليه كده بس
حبيبتي دول اخوات يعني ميصحش كده المفروش يرجعو يكلمو بعض وانتي كلمي مامتك وهو يكلم مامته وحاولو تقنعوهم انهم اخوات وكمان انتي وهو بتحبو بعض ليه يكونو سبب في تدمير حياتكم وكمان فهموهم انهم في رمضان والخصام حرام فياريت يابسبوسه تقنعي مامتك وهو كمان
وانا هدعيلك ياقمر والله اتفاجئت

[حبة اللؤلؤ]

انتهزى فرصة رمضان والعشر الاواخر ودخلى حد كبير فى العائلة او مقرب من العائلة يكونو بيحترموه وبيسمعو كلامه يصالح بينهم وبالاتفاق مع خطيبك حاولو تلطفو الجو بينهم ... ربنا يوفقك

[نور العيون123]

اصلاح ذات البين من اكبر الاعمال الصالحه التي تقرب الى الله تعالى لازم تدخلي احد يصلح بينهم يون عاقل وبيعرف يتكلم ويصلح وحاولوا تتغلبوا على مشاكلكم وتقللوا الاحتكاك كلكم ببعض الى ان يحدد الفرح وكلمي امك تتنازل شويه عشان خاطر سعادتك وهو يكلم امه تتنازل شويه عشان سعاده ابنها ودخلوا الرجاله في الموضوع ابوه وابوك اين دور الرجال ووجودهم كل راجل يعقل زوجته

امشوا في اجراء التجهيز رغم المشاكل وان شاء الله لما يحصل الزواج هتتلاشى كل حاجه


ولو مش كاتبين الكتاب اسرعوا في كتبه عشان الكل يعرف ان الموضوع لم يعد قابل للفشل

[abeerbebo]

بسبوسة حبيبتى ربنا ييسرلك امرك ويصلحلك حالك ويرزقك باللى فيه الخير ليكى دايما

والله اانا حاسة بيكى لان نفس الموضوع حصل مع اخى وبنت خالتى والموضوع بردو حصل فيه مشاكل كتير بسبب الاختين

سبحان الله الزيجات اللى بتبئى مع الغرب بتمشى وتعدى واللى بين الاخوات والقرايب هى اللى بتتعقد بدل العكس

واضح ان مامتك ومامته الطريق بينهم مسدود طالما الموضوع متكرر كدة

زى ماقولوك الاخوات استغلى الفترة دى من الايام المباركة واابذلوا انتى وخطيبك اقصى جهد ليكو انتى مع مامتك وهو مع مامته وحاولو تخليهم يتقابلو عند ارض محايدة ويصلحو بينهم فى هذه الايام

دول فى الاول وفى الخر اخوات بردو يا عالم

ولازم مامتك ومامته يتنازلو علشان ما يشلوش زنبكم

وهددى مامتك وهو بردو انك مش هتتجوزى غيره وانها هتكون سبب تعاستك وهو بردو بالمثل

ربنا ييسرلك امورك يا رب

واهم حاجة عليكى بالدعاء فى الايام المباركة دى واقيمى العشر الاواخر

وكثرى من الاستغفار صدقينى هيجيلك الفرج من حيث لا تحتسيبى بس التزمى بالاستغفار

وابئى طمنينا عليكى

[basbosa.2]

حبيبتى كل اللى اقدر اقولهولك دلوقتى اننا كلنا ندعى لمامتك و مامته بالهدايا وانهم تصالحوا
وانتى حاولى مع مامتك وانك تفهمها انكو ملكوش ذنب وبتحبوا بعض ومينفعش خالص انكو تسيبوا بعض
وان دى اختها ولازم يتصالحوا دول لحم و دم
وخلى خطيبك يكلم مامتك وانتى كلمى مامته برضه ممكن تاثروا عليهم
وخلى باباكى و باباه برضه يحاولوا معاهم

وانا بصفه عامه لما بيبقى فيه مشكله كبيره بقول صلوا استخاره وشوفى الجوازه دى فيها خير ليكى ف المستقبل ان شاء الله ولا لا
لان خدى بالك ان المشاكل دى حتفضل حتى لما تتجوزوا و مش حتعرفى تعزميهم عندك ف يوم واحد و الكلام دا كله


فصلى استخاره

مرسى حبيبتى لكلامك واحنا فعلا صلينا استخاره من اول ما ارتبطنا وصلينا كمان قبل ما نقرا الفاتحه ويكون الموضوع رسمى...واحنا بنحاول بس المشكله انهم مش بيسمعوا لحد اصلا....ربنا يهديهم ادعيلنا

[basbosa.2]

ازيك يابسبوسه كل عام وانتي بخير
حبيبتي انا والله اتفاجئت لما شفت موضوعك دلؤقتي
ليه كده بس
حبيبتي دول اخوات يعني ميصحش كده المفروش يرجعو يكلمو بعض وانتي كلمي مامتك وهو يكلم مامته وحاولو تقنعوهم انهم اخوات وكمان انتي وهو بتحبو بعض ليه يكونو سبب في تدمير حياتكم وكمان فهموهم انهم في رمضان والخصام حرام فياريت يابسبوسه تقنعي مامتك وهو كمان
وانا هدعيلك ياقمر والله اتفاجئت

الحمد لله يانورا وكل سنه وانتى طيبه ياااارب

انا عارفه انك هتتفاجاى فعلا لما تقرى الموضوع...بس هنعمل ايه ربنا ييسرلنا الحال ياااارب ويهديهم..........وانا فعلا بعد كلامى مع ماما اقنعتها انها توافق على الجواز بس مش راضيه تصالحها خااالص....وطنط هى اللى مش موافقه عالجواز اصلا ربنا يسترها......ادعيلى حبيبتى

[basbosa.2]

انتهزى فرصة رمضان والعشر الاواخر ودخلى حد كبير فى العائلة او مقرب من العائلة يكونو بيحترموه وبيسمعو كلامه يصالح بينهم وبالاتفاق مع خطيبك حاولو تلطفو الجو بينهم ... ربنا يوفقك

حبيبتى للاسف مفيش حد كبير فالعيله بيسمعوله ولا بيسمعوا كلام حد...بس احنا بنحاول نلطف الجو فعلا وربنا يسهل...ومرسى لردك ياقمر

[basbosa.2]

اصلاح ذات البين من اكبر الاعمال الصالحه التي تقرب الى الله تعالى لازم تدخلي احد يصلح بينهم يون عاقل وبيعرف يتكلم ويصلح وحاولوا تتغلبوا على مشاكلكم وتقللوا الاحتكاك كلكم ببعض الى ان يحدد الفرح وكلمي امك تتنازل شويه عشان خاطر سعادتك وهو يكلم امه تتنازل شويه عشان سعاده ابنها ودخلوا الرجاله في الموضوع ابوه وابوك اين دور الرجال ووجودهم كل راجل يعقل زوجته

امشوا في اجراء التجهيز رغم المشاكل وان شاء الله لما يحصل الزواج هتتلاشى كل حاجه


ولو مش كاتبين الكتاب اسرعوا في كتبه عشان الكل يعرف ان الموضوع لم يعد قابل للفشل

حبيبتى عندك حق بس اخواتهم بيحاولوا بس هم للاسف منشفين دماغهم ....وكمان مش هنقدر نكمل التجهيز لان مامته مش موافقه اصلا وكمان خطيبى مسافر مش هنا بس احنا فعلا مقللين الاحتكاك...وبالنسبه للرجاله بيحاولوا بس بقولك هم دماغهم ناشفه قوى بالذات مامته وطبعا كتب الكتاب مش هينفع فالظروف دى خصوصا انه مسافر.....ربنا ييسر الامور

[basbosa.2]

بسبوسة حبيبتى ربنا ييسرلك امرك ويصلحلك حالك ويرزقك باللى فيه الخير ليكى دايما

والله اانا حاسة بيكى لان نفس الموضوع حصل مع اخى وبنت خالتى والموضوع بردو حصل فيه مشاكل كتير بسبب الاختين

سبحان الله الزيجات اللى بتبئى مع الغرب بتمشى وتعدى واللى بين الاخوات والقرايب هى اللى بتتعقد بدل العكس

واضح ان مامتك ومامته الطريق بينهم مسدود طالما الموضوع متكرر كدة

زى ماقولوك الاخوات استغلى الفترة دى من الايام المباركة واابذلوا انتى وخطيبك اقصى جهد ليكو انتى مع مامتك وهو مع مامته وحاولو تخليهم يتقابلو عند ارض محايدة ويصلحو بينهم فى هذه الايام

دول فى الاول وفى الخر اخوات بردو يا عالم

ولازم مامتك ومامته يتنازلو علشان ما يشلوش زنبكم

وهددى مامتك وهو بردو انك مش هتتجوزى غيره وانها هتكون سبب تعاستك وهو بردو بالمثل

ربنا ييسرلك امورك يا رب

واهم حاجة عليكى بالدعاء فى الايام المباركة دى واقيمى العشر الاواخر

وكثرى من الاستغفار صدقينى هيجيلك الفرج من حيث لا تحتسيبى بس التزمى بالاستغفار

وابئى طمنينا عليكى

اااامين يااااارب.....مرسى قوى حبيبتى وواضح ان موضوع اخوكى فشل !!!!! وفعلا الناس الغرب بيحترموا بعض اكتر من القرايب سبحان الله....انا فعلا قلت لماما الكلام ده بس برده مش راضيه هى اللى تبدا بالصلح بس وافقت عالجواز.....وانا فعلا هستغل العشر الاواخر وربنا يهديهم ياااااارب ويتمم لنا على خير...وان شاء الله اطمنكوا عليا

[$ام لولي$]

الله يكتب لكم الي فيه الخير
وانا انصحك باصلاة الاسخاره ...........اذا فيه خير حتمشي الامور واذا فيه شر لك حتتعقد الامور ..........وانا اتمنى انك تتزوجينه لان بحبك وانت بتحبيه واذا في الموضع فيه خير ان شاءالله تتزوجين

[abeerbebo]

طيب يا بسبوسة انتم كدة عملتم اللى عليكم مافيش اودامك غير انك تفرى الى الله

صدقينى فرى اليه وارمى حمولك عليه واقيمى الليل واخشعى وابكى واتذللى ليه بمسالتك واستغفرى ليه لا ملجا منه الا اليه

وان شاء الله انا حاسة انك هتفرحينا عن قريب ان شاء الله

[basbosa.2]

الله يكتب لكم الي فيه الخير
وانا انصحك باصلاة الاسخاره ...........اذا فيه خير حتمشي الامور واذا فيه شر لك حتتعقد الامور ..........وانا اتمنى انك تتزوجينه لان بحبك وانت بتحبيه واذا في الموضع فيه خير ان شاءالله تتزوجين

ياااااارب حبيبتى احنا فعلا صلينا استخارة...بس فاول الموضوع مش دلوقتى.....وربنا يوفق ياااااارب

[basbosa.2]

طيب يا بسبوسة انتم كدة عملتم اللى عليكم مافيش اودامك غير انك تفرى الى الله

صدقينى فرى اليه وارمى حمولك عليه واقيمى الليل واخشعى وابكى واتذللى ليه بمسالتك واستغفرى ليه لا ملجا منه الا اليه

وان شاء الله انا حاسة انك هتفرحينا عن قريب ان شاء الله

والله حبيبتى احنا برده بنحاول واكيد ملناش غير ربنا سبحانه وتعالى هو قادر على كل شئ.......ربنا ييسرلنا الامور ياااااارب

وبجد بتمنى يكون احساسك صح يااااااارب......ومرسى لردك ياقمر مرة تانيه