زواج صالوناااااااااااات

[sandy rose]

السلام عليكم ورحمة الله وبركاته
انا خلاص هتخرج ان شاء الله كمان اسبوعين ولست مرتبطة وربنا وحده يعلم انا اد ايه نفسى جدااااااااا جدااااااااا ارتبطت ان شاء بالزوج الصالح لكن حصل موقف ابكانى, انا الحمد لله كل صحابى اللى فى الجامعه ااتخطبوا واحده فرحها كمان شهر والتاية بعدها بفتره قصيره جدا والتانيه اتقرت فاتحتها واكيد انتوا فاهمين احساسى بالوحده اكيد بقى مضاعف المهم فى يوم لقيت والدى بيكلم واحده قريبته وهى جده وعندها احفاد وهى للامانه والله محترمه جدا ومتدينه وبيقولها ضعى بنتى عندك فى الليسته list عشان تشوفلى عريس واكد عليها كذا مرة , وطبعا اول ماسمعت كده لقيت نفسى لوحدى انفجرت فى البكااااء ما اعرفش ليه بس حسيت ان بابا مش معززنى خالص........
ووالدتى عرفت قالتلى ما تزعلى وبابا قالى اللى عملتوا ده عااااااادى المهم عدت الايام وامبارح سمعت ماما من غير ماتاخد بالها ان الست ده بتكلمها و ماما بتوعدها انها هتعمل زياره ليها انا وهى فى الاجازة عشان تشوفنى واللى عرفته انه فى واحد قريبها بيدور على عروسه .....مش عارفه لقيت نفسى بابكى جاااااااااامد حسيت انى بدلل على نفسى .
انا عايزة اقولكوا حاجه انا بفضل الله ماكلمت ولا ولد طول الجامعه ومقتنعه انى هاجوز جواز صالونات بس كنت احب ان الطريقه انى اكون فى بيتى واللى عايز يجى يسال عنى ويشوفنى سواء ان كان عريس او اهله ..بجد انا حسيت انى مش عزيزة , هو الللى بيحصل ده طبيعى ولا انا اللى مش فاهمه ومش طبيعية ؟؟؟؟؟؟؟؟؟

[bichebicha1]

ا

لسلام عليكم

اختي ربنا يوفقك و يسهل امورك و يرزقك الله الزوج الصالح
اختي لا تلومي أهلك في زمننا هذا اصبح العديد يتصرف بهذه الطريقة
و هناك من يراها عادية و ليس فيها اي شيء أو عيب فهذه الطريقة
مثل الخاطبة التي تخطب للناس و يتصلوا بها هاتفيا و تنزل اعلانات في الجرائد
و تكتب بالبند العريض الخاطبة فلانة ....أي أصبحت مهنة

أحس بك و بمشاعرك يعني الواحدة منا تحس كانها بدل نفسها
مثلا حديث اهلك معها في الهاتف عادي و لكن مسألة أن تذهبوا عندها في الاجازة
لتشاهدك مبدئيا ستأتيك صعبة الواحدة منا تحس كانها تعرض نفسها .
على قولك المفروض هم يطرقون بابك .
اختي لا تبكي و لا تزعلي بل صلي الىالله سبحانه و تعالى ليرزقك الزوج الصالح
في أقرب وقت .
و لا تزعلي من اهلك فأي ام و أب يحبون أن يفرحوا بابنتهم فالبنت تكون حمل ثقيل على اهلها
و لايرتاحون حتى يرونها في بيتها .
وفقك الله

[sandy rose]

جزاكى الله خيرا يا اختى والله كلامك ريحينى كتيييييييير وعندك حق الله وحده هو الرزاق ويقدر على كل شىء .

[ورد على ورد]

زهرة الرمال يا قلبييييي ......................العزيزات الشريفات الصحابيات كان اباؤهم يبحثون لهم عن عريس عمر بن الخطاب رضي الله عنه وعن ابنته حفصة عرضها على اثنين من الصحابة ورفضووووووا وشكى الى رسول الله صلى الله عليه وسلم ذلك وتزوجها الحبيب صلوات الله عليه
ليس ذلا ان نبحث عمن يناسب اخلاقنا والتزامنا هذا افضل بدلا من ان نمر بتجارب مريرة في التعرف والتلاقي مع شباب لا نعرفهم ونظل نبحث خلفهم عسانا نطمئن ان نعطيه بناتنا
ابوك رجل عاقل وقلق على زهرته الجميلة التي يعرف قيمتها جيدا ويخاف ان تقع في يد من لا يقدر
لو انا مكانك سأكون سعيدة جدا ان سخر لي مثل هذا الأب الحنون

[rosan32]

11111111111

السلام عليكم ورحمة الله وبركاته
بسم الله الرحمن الرحيم
هل تعلمي عند ي تفس المشكله هل تعلمي كان عمري 22سنة بالنسبة لي عنست واليوم 33س بس مع تجربتي مع الوقت واعتصمت بربي وجدت ان
صحتي هي الاهم للاني ممررت بايم صعبة خاصة ةان مرضي صعب اشوي لما شفيت علمت انه ابتلاء من عند الله عزوجل فمابالك الشاب الذي كنت احلم به افكر به لم يزرني
ولو لمرة حتى بعض الزميلات رنت هاتف لم اسمعها واللذين زاروني جاؤا لمضرتى لا لشفائ عرفت قيمت نفسي واكملت العيش متمسكة بربي والله رازقي انلميكن في الدنيافالاخرة خير لي وتوكلت على ربي الصبر الجميل اجمل ويوجداحسن منه وعندما
تتختاري اختاري الشخص الذي يعرف قيمتك ويحبك وذواخلاق نبيلة و لا تتسرع

[راما333]

يارب يسعدك وتلاقي الشخص اللي يستاهلك يارب

[sandy rose]

جزاكم الله خيرا
الاخت ورد على ورد انتى فعلا عندك حق لكن انتى بس بتخافى من قلوب الناس لان زمان الصحابه غير زمننا تخافى ان حد يفهم غلط او يكلم كلام مش ظريف وجزاكى الله خيراااااااا
اختى روزان ربنا يفرج همك وعندك حق انا بجد صحتى ادمرت وحياتى كلها بقت متمركزة حول الموضوع ده بتجيلى لحظات بابكى فيها وخلاص وبحس انى قلبى بيتقطع وانى اكيد هيحصلى حاجه ساعات بدعى ربنا دعاء عن الرسول صلى الله عليه وسلم "اللهم بعلمك الغيب وبقدرتك على الخلق احينى ماعلمت الحياة خير لى وتوفنى ماعلمت الموت راحة لى واجعل الحياة زياده لى من خير والموت راحة لى من كل شر" بجد بيريحنى اوى وجزاكى الله خيرا
الاخت راما جزاكى الله خيرا وآآآآآآمييييييييين ليا ولكل بنات المسلمين

[ام مريم-7-2008]

حبيبتى ساندى
كما فهمت انتى لسه هتتخرجى يعنى سنك لا كبر ولاحاجه بس والدك خايف عليك
وانتى قلتى عمرك ما كلمتى ولد
انا كمان زيك عمري ما كلمت ولد مع انى كنت فى كلية اداب وكان تلات ارباع الدفعه مخطوبين ومتجوزين
عارفه وانا فى اخر اختبار فى سنه رابعه كان كتير حوامل
بس كان عندى يقين ان ربنا هيجزينى خير لانى لم اعصيه وهيرزقنى الزوج الصالح وكنت زيك خايفه وساعات اعيط لانى فضلت سنتين بعد الكليه كمان
بس ماما علمتني دعاء كنت دايما اقوله اللهم ارزقنى الزوج الصالح الذى يكون قرة عين لى واكون قرة عين له

مش المهم انك تتجوزى وخلاص ولاانه يكون صالح وخلاص ممكن يكون صالح بس مفيش وفاق بينكم
المهم صالح ويكون فيه وفاق بينكم ويكرمك ويحافظ عليك
فانتى عليكى بالدعاء المستمر وان شاء الله ربنا هيعوض صبرك خير

بجد انا الان بندم ان جه يوم بكيت فيه لان فعلا ربنا جزانى خير واعطانى زوج لم اكن احلم بيه وده عن طريق زواج الصالونات زى ماسمتيه

بس المهم انك تركزى على الدين والاخلاق معا ولا تفصليهم عن بعض
لان الرسول عليه السلام قال من جائكم من ترضون دينه وخلقه
يعنى التنين متلازمين

وجددى نيتك بينك وبين ربنا انك هدفك من الزواج ارضاؤه وتكوين اسره مسلمه تعبده
وان شاء الله ربنا لن يخذلك ابدا

معلش طولت عليك بس فعلا انا حاسه بيك
بس خليكى عندك ثقه كبيييييييييره جدا فى ربنا

[am_dareen]

عليك بالاستغفار اختي وربنا حيفرج همك وكربتك وربنا يرزقك بالزوج الصالح الطيب المتفهم أنا ياحبيبتي قبل ما أتزوج كانت وحده صاحبتي ناوية تخطبني لاخوها عرفت دا من تلميحات أخواتها وانا ماكنت حابه الموضوع وخايفة أجرحها وأخسرها لاني خسرت وحده قبل كذا واول ماعرفت إنها جت من الغربة وناوية هي تختار لاخوها انا لزمت الاستغفار ،والدعاء كل يوم جمعة وفي الاوقات المستجابة والله يا اختي إن ربنا بعث لي ما كنت اتمناه وفي شهرين بس أتزوجت زواج صالونات، إنتي إدعي وإستغفري وربنا قادر على كل شئ وقادر يبعثلك عريس لحد عندك يخبط باب بيتكم قبل الاجازة الصيفية

[high wave]

شوفى يا ساندى الموضوع بسيط يا قمر بس يمكن لانك سمعتى باباكى بيكلم الست قريبتكم دى فأنتى مضايقه شويه وحاسه انه مش معززك يا قمر انتى لسه صغنونه ولسه الدنيا قدامك وان شاء الله ربنا هيكرمك بشخص كويس انتى شكلك حساسه قوى يكفى انك عمرك ما كلمتى ولاد ودى ان شاء الله جزائها عند ربنا كبير انه يعوضك ويكرمك بواحد محترم وهقولك نصيحه خليكى دايما متمسكه بمواصفات شريك حياتك ومتتنزليش عنها لمجرد انك تتجوزى وخلاص وكمان جواز الصالونات انا شايفه انه بينجح بنسبه كبيره جدااااااااا احنا بس اللى سمناه كده مش عارفه ليه مع انه بحسه جواز صح وهوا دا اللى دينا قال عليه مش حب وكلام فاضى انا طولت عليكى بس ان شاء الله ربنا هيكرمك بزوج صالح تقى يعرف قيمتك تقبلى مرورى

[الاميره الطيبه]

بصي يا ساندي عايزه ااقولك حاجه انا لما كنت في سنك كنت بفكر نفس تفكيرك كده والله العظيم وكنت بنتقد جدا اي ام واب يعملو كده. دلوقتي بقي انا مع ابوكي وامك جدا هما يا حبيبتي مش بيقللو منك خالص ولا هيبعوكي. العريس الي هيجيلك مش هياخدك ببلاش.. لا خالص هو بس تقريب للاطراف بمعني انا عندي عروسه وفي حد تاني عندو عريس يبقي نقرب الطرفين لبعض وربنا يسهلهم وانتي لكي مطلق الحريه في القبول والرفض.

يا ساندي ده احنا في زمن صعب احمدي ربنا انكو تعرفو حد شغلته يوفق راسين في الحلال انتي يا بنتي مش واخده بالك من زياده نسبه العنوسه؟ مش بتكلم عنك طبعا انتي لسه صغيره بس ده حال بنات كتير اوي
والرجاله الي عايزين يتجوزو قلو كمان..... والله يا ساندي مافيها حاجه خالص ومتاخديش الموضوع علي اعصابك دانا ليه اقارب بنات نفسي اجوزها او اكون سبب في جوزهم لكن للاسف معرفش رجاله عايزين يتجوزو حتي اصحاب زوجي كلهم متجوزين

هدي نفسك كده واعرفي ان ده الصح ومتزعليش من اهلك بالعكس ادعلهم دول خايفين عليكي

[sandy rose]

جزاكم الله خيرا كلمكم ثبتنى جدا وريحنى وان شاء الله هبدا فى الاستغفار لانى للاسف بطلت من فتره استغفر و هحاول اجدد نيتى باذن الله وربنا يصبرنى صبر جمييل لحد مانصيبى يجيلى
ام مريم وام دارين وهاى ويف جزاكن الله خيرا واسعد قلوبكن ..آميييييييييييين

[janilda]

الله يرزقك ما تتمني

[جاه]

عادي خالص

لا ده شئ عادي بس انت هايبه الموقف وعادي شوفي عريسك ربنا يوفقك

[باحثه عن الحب]

زهرة الرمال يا قلبييييي ......................العزيزات الشريفات الصحابيات كان اباؤهم يبحثون لهم عن عريس عمر بن الخطاب رضي الله عنه وعن ابنته حفصة عرضها على اثنين من الصحابة ورفضووووووا وشكى الى رسول الله صلى الله عليه وسلم ذلك وتزوجها الحبيب صلوات الله عليه
ليس ذلا ان نبحث عمن يناسب اخلاقنا والتزامنا هذا افضل بدلا من ان نمر بتجارب مريرة في التعرف والتلاقي مع شباب لا نعرفهم ونظل نبحث خلفهم عسانا نطمئن ان نعطيه بناتنا
ابوك رجل عاقل وقلق على زهرته الجميلة التي يعرف قيمتها جيدا ويخاف ان تقع في يد من لا يقدر
لو انا مكانك سأكون سعيدة جدا ان سخر لي مثل هذا الأب الحنون

أنا مع كلام الأخت .. هو ليس يدلل عليك .. لكنه يقتدي بالرسول صلى الله عليه وسلم وأصحابه ..

بالعكس افرحي ولاتزعلي ..