بتفكري في الطلاق ؟ تعالي ادخلي

[bero333]

السلام عليكم
كل أخواتي الحبيبات
أنا لي رأي مختلف شوية و أعتقد انه سوف يثير غضب البعض
و لكن أنا هأقوله و هأنتظر تعليقاتكم
بالنسبة لوضوع الطلاق عشان الطرف الأخر نزل من نظري
بصوا بقي
لو زوجك خانك أو أهانك أو أي سبب أخر و عندك أولاد منه أو حتي ولد واحد

التفكير هنا مختلف تماما و ده عن تجربة مش كلام و بس
انا عايزاكم تفكروا معايا بواقعية شوية
انا فكرت و قلت لنفسي لو اتطلقتي ايه اللي هيحصل؟
هتروحي بيت أهلك؟
و بعدين؟
هتتجوزي تاني؟
لا
لأنه هياخد منك ولادك
و كمان مش هتقدري تدخلي عليهم زوج أم و تحطيهم في الموقف البشع ده
طيب و بعدين
الأولاد دول من يوم ما قرتتي تنجبيهم و انتي في مسئولية كاملة عن حياتهم
انك توفري لهم حيان سليمة في بيت سليم بين والديهم
عشان كده فكري كويس قبل القرار البشع ده بهدم البيت و معاه حياة أولادك
دلوقتي بقي هدفك أكبر من الحب و الكرامة و الخيانة
هي أه حاجة صعبة و قاسية بس عشان عيونهم تهون و عشان راحتهم تهون
طيب بس لو اتطلقتي هتستفيدي ايه؟
راحتك فقط
مقابل
لقب مطلقة
قهر أهلك
تدمير حياة أولادك
الصاق صفة ان أبوهم و أمهم منفصلين مدي الحياة
ليه ده كله؟
خلي هدفك أكبر من كده
عيش في بيتك مع أولادك و خلي أبوهم معاهم يصرف عليهم و يعزهم من مسألة الناس حتي و لو كانوا أهلك
و باقي الأمور خلي عندك أمل في الله أن تتغير و اذا لم تتغير فاحمدي الله
هذا ليس ضعفا و استسلاما
و لكنه قمة القوة ان تسطيعي الحفاظ علي بيتك و أولادك
أما زوجك فاتركيه لله
و اذا كان لابد ان تنزلي به اي عقاب فاجعليه خارج قلبك فهذا هو أقسي عقاب يريحك لأنك في هذه الحالة لن تنتظري منه أي شيء و بالتالي لن تتعذبي ببعده
طبعا كل هذه الكلمات لمن تملك الأختيار و لديها القدرة علي الحفاظ علي بيتها
و في النهاية خليكي واثقة انه
لا يصح الا الصحيح
و أيضا الأجر و الثواب عند الله
و صدقيني عن تجربة
لن يخذلك الله

[ommammar]

ماشاء الله كلامك جميل فعلا الاولاد هما اللي بيجبرونا نتحمل اي شئ والله المستعان يارب يجعل صبرنا ياتي بخير لنا ولاودلانا اللهم امين

[high wave]

انا معاكى جدا لو فيه اولاد الموضوع بيختلف لان لازم الام تضحى على شان خاطر اولادها ..بس لو مفيش اولاد يبقى الانفصال اريح وفرصه لكل طرف يبدأحياته من جديد ..تقبلى تحياتى

[&نورالامل&]

كلامك 100% صحيح
كأنش تتكلمي عني
انا على الا اعانيه من خيانة زوجي لي
الا اني مستحملة علشان اولادي
ياااااااااارب اعطينا الصبر..
تسلمي على الموضوع

[نانا_فلسطين]

ادعو الله يهديلي زوجي

[eng2008]

وجهة نظر محترمة لكن التعميم صعب في العلاقات الزوجية و قد شرع الله الطلاق لحكمة من لدنه, فقط هو أبغض الحلال

[bero333]

انا معاكى جدا لو فيه اولاد الموضوع بيختلف لان لازم الام تضحى على شان خاطر اولادها ..بس لو مفيش اولاد يبقى الانفصال اريح وفرصه لكل طرف يبدأحياته من جديد ..تقبلى تحياتى

أنا معاكي جدا أكيد لأن لو مفيش أولاد ليه تستحمل الست الألم مفيش دافع و لا سبب
و شكرا ليكي

ماشاء الله كلامك جميل فعلا الاولاد هما اللي بيجبرونا نتحمل اي شئ والله المستعان يارب يجعل صبرنا ياتي بخير لنا ولاودلانا اللهم امين

اللهم امين
و خليكي فاكرة انه "لا يكلف الله نفسا الا وسعها" وأنا أنظر لهذه الأية الكريمة نظرة ايجابية بمعني ان الله لن يبتليني بشيء الا اذا كان يعلم قدرتي علي احتماله و تخطيه بأذنه
سبحانه علام الغيوب

كلامك 100% صحيح
كأنش تتكلمي عني
انا على الا اعانيه من خيانة زوجي لي
الا اني مستحملة علشان اولادي
ياااااااااارب اعطينا الصبر..
تسلمي على الموضوع

"و بشر الصابرين"
أختي نور الأمل ربنا معاكي و يلهمك الصبر بس عارفة النظرة في وحه أولادك و الفرحة اللي بعيونهم و لو بلعبة صغيرة تسوي الدنيا و ما فيها و صبري نفسك بأنك سوف تجزين أجرك و وهو هداه الله سوف يوفي أجره هو الأخر
و نتمني له الهداية

ادعو الله يهديلي زوجي

اللهم اهديه و سخره لكي في طاعة الله

وجهة نظر محترمة لكن التعميم صعب في العلاقات الزوجية و قد شرع الله الطلاق لحكمة من لدنه, فقط هو أبغض الحلال

أكيد حبيبتي ان التعميم صعب في أي شيء و أنا كتبت في موضوعي ان هذا الكلام لمن لديهن حرية الأختيار بين الطلاق او عدمه
و بالطبع هناك حالات لا تملك فيها المرأة القرار رغم وجود الأطفال
شكرا لمرورك

[≈ احـتِـوٍآءْ ≈]

كلام اكثر من رااااااااااااااااااااااااااااااااائع

[تنـاهيد روح]

موضوعك ضرب على الوتر الحســـــــــاس ... وتجعل اي زوجه تفكرفي الطلاق.ان الطلاق

تدمير لحياة ابنائها وشتاتهم لانهم لو عاشو معها يمكن زوج الام ما يتحملهم ... ولو عاشو مع

ابيهم يمكن تكون زوجه الاب ظالمه وقاسيه عليهم .... فليش نخليهم يمروا بها الامور ويعيشو

طفولتهم في صراع وشتات ....

(ربي يحفظهم لنا ويحفظ ابناء المسلمين والمسلمات ).

[(حمرة الورد)]

أنا معاك في كل اللي قلتيه

بس ما أعتقد أن وجود الأطفال هو المانع الوحيد لطلب الطلاق

و أنا أكبر مثال على ذلك

متزوجة من سبع سنوات وليس لدي أطفال لعقم زوجي

حبي وعشقي وهيامي به في السنوات الأولى كان أهم عندي من أي شي ثاني وما كنت أتخيل أعيش مع شخص ثاني لو يعطوني كنوز العالم كلها

والآن مازلت أحبه رغم أن عدم وجود الأطفال ينغص حياتي صباح مساء, وبالرغم من تغيره تجاهي من جهة مقابلة معظم طلباتي بالرفض إلى جانب عدم مراعاته لي عندما أشعر بالحزن بسبب هذا الموضوع و إهماله في العلاج رغم استجدائي إياه في معظم الأحيان . وهو فيما عدا ذلك زوج صالح محب و ذا دين وخلق ومحبوب لدى جميع الناس . الآن أفكر في الطلاق بجدية لأعيش حياتي مثل بقية الناس ، ولأن لددي إحساس إني لو استمريت معاه كذا راح أندم بعد مرور السنوات ولكن عندها لن ينفع الندم .

هذه تقريبا رابع مرة نتخاصم و أفكر في الطلاق لكني لا أملك الجرأة للإقدام على مثل هذه الخطوة لأني أحس إني بأندم و أحس أنه الطلاق كان المفروض يكون من زمان قبل لا اتعلق فيه أكثر و أكون كبرت في السن , رغم إني ما زلت في الثلاثين من عمري .

هاه إيش رأيك ؟

أتمنى كل اللي تقرأ ردي لا تحرمني من رأيها .

[77sara77]

كلامك رائع الله يجزيك كل خير
انا عن نفسي بتحمل زوجي عشان بنتي رغم معملتو السيئة وخيانتو ليا
لانو هي ما الها ذنب

[bero333]

أنا معاك في كل اللي قلتيه

بس ما أعتقد أن وجود الأطفال هو المانع الوحيد لطلب الطلاق

و أنا أكبر مثال على ذلك

متزوجة من سبع سنوات وليس لدي أطفال لعقم زوجي

حبي وعشقي وهيامي به في السنوات الأولى كان أهم عندي من أي شي ثاني وما كنت أتخيل أعيش مع شخص ثاني لو يعطوني كنوز العالم كلها

والآن مازلت أحبه رغم أن عدم وجود الأطفال ينغص حياتي صباح مساء, وبالرغم من تغيره تجاهي من جهة مقابلة معظم طلباتي بالرفض إلى جانب عدم مراعاته لي عندما أشعر بالحزن بسبب هذا الموضوع و إهماله في العلاج رغم استجدائي إياه في معظم الأحيان . وهو فيما عدا ذلك زوج صالح محب و ذا دين وخلق ومحبوب لدى جميع الناس . الآن أفكر في الطلاق بجدية لأعيش حياتي مثل بقية الناس ، ولأن لددي إحساس إني لو استمريت معاه كذا راح أندم بعد مرور السنوات ولكن عندها لن ينفع الندم .

هذه تقريبا رابع مرة نتخاصم و أفكر في الطلاق لكني لا أملك الجرأة للإقدام على مثل هذه الخطوة لأني أحس إني بأندم و أحس أنه الطلاق كان المفروض يكون من زمان قبل لا اتعلق فيه أكثر و أكون كبرت في السن , رغم إني ما زلت في الثلاثين من عمري .

هاه إيش رأيك ؟

أتمنى كل اللي تقرأ ردي لا تحرمني من رأيها .

حبيبتي الله يعطيك ألف عافية
و يرزقك بالأولاد ان شاء الله
و يجعل في زوجك السكن و الحب لكي
و الله قلبي اتقطع يا أختي
انا شايفة انك بتقولي انه انسان طيب
ممكن تكوني انتي حساسة شوية بسبب موضوع الأطفال ده فتكبري المواضيع بينكم
و كمان ممكن يكون مش بيوافق بسهولة علي موضوع العلاج عشان التوتر اللي بتعيشي فيه انتي و هو
و يمكن يكون هو رضي بقسمة ربنا و مش عايز يجرحك و يتعبك
و كمان كون انه لا يهتم بزعلك ممكن يكون عشان مش يحسسك ان الموضوع عنده مش مهم فيخفف عنك الزعل
يا أختي
تريثي في موضوع الطلاق و لا تستعجلي و صلي استخارة
يا أختي خراب البيوت مش سهل
و مين قالك انك هتعيشي بعد لا قدر الله الطلاق كأي انسانة عادية؟
بالعكس سوف تطاردك ذكريات حياتك معه و حبك له و تندمي علي تسرعك في اتخاذ القرار ده
صلي لله و استغفري كثيرا
أسفة للأطالة
ابقي طمنيني عليكي
السلام عليكم

[doaa hamdy]

كلامك اكيد صح
موضوع رائع
جزاكي الله خيرا

[oum saad]

كلامك 100% صحيح

تسلمي على الموضوع

[azmiralda000]

دائما تعجبنى مواضيعك يا بيرو و حماسك و تفاؤلك

انا طبعا مع الكلام اللى قلتيه مليون %

بس انا هقولك ان مش فى كل الحالات ينفع الكلام ده

بالعكس ممكن اوى ى ظل الخلافات و المشكل بين الزوجين يطلعوا الاولاد معقدين و حالتهم النفسية سيئة

يعنى تجربة شخصية جدااااااااااااااااا
و هى حالتى انا
انا بنت من ابناء الطلاق
و لولا اتمام الطلاق بين ابى و امى ماكنت بينكم الان و الله اعلم

كانت حياتنا سيئة مليئة بالمشاكل و الظروف الصعبة
ليس فيها بريق امل
انا و اختى كنا اطفال و لا نعيش مثل الاطفال

حتى تم الطلاق و عشنا مع امى

تغير حياتنا تمامااااااااااااااااااا

اصبحنا اكثر سعادة و استقرار و تفوق فى الدراسة

و الان الحمدلله
انا خريجة جامعة و متزوجة و عندى ولد الحمدلله
و اختى كمان خريجة كلية كويسة اوى و بتشتغل فى مكان مرموق و الحمدلله و مخطوبة ربنا يتمم لها على خير يارب

و امى ربنا يكرمهاو يباركلها على تربيتها لينا اللى الكل بيحلف بيها و الحمدلله

يعنى اللى عايزة اقوله ان الام هى اللى تقدر تحدد مصلحة اولادها حسب المشكلة و حجمها و ابعادها و فى الاول و فلا الاخر كله نصيب

شكرا على موضوعك
و ربنا يهديلك زوجك و يسخره لك و يباركلك فى ذريتك