عاية فكرة مشروع

[zizisafi]

مرحبا بنات
انا ان شاء الله رايحة ع السعودية قريب

و بالتحديد لجدة
و عايزة ان شاء الله اعمل هنا مشروع املى فيه وقت فراغي

شو تقترحو عليا يا بنات

شكرا

[من الشام]

ممكن توضحي بس قديش حجم المشروع.. يعني بدك تفتحي شغل براس مال معين مثلا او مشروع صغير بالبيت؟

[zizisafi]

لا بدي مشروع براس مال مش مشروع صغير بالبيت

[من الشام]

ازا عندك شوية خبرة انا رأيي انو صالون تجميل كتير مشروع ناجح ومافي كتير مسؤولية...
وفي مشروع تاني من كم يوم كنت عم اقترح على وحدة بعرفا انها تعمل مشروع دورات للخادمات الجدد.. وانت رايحة على السعودية... يعني بيعتمدو على الخدامات بشكل كبير وفي عدد كبير منون...
وكتير احيانا بتكون ست البيت ماعندا وقت او جلد انها تعلم الخادمة,, بتعملي انت دورة مابدك أيا راس مال كبير ابدا لمدة اسبوعين مثلا او تلاتة بتعلميا شغل البيت, والكوي وبعض الاكلات والحلويات,, وترتيب الخزاين وترتيب السفرة بشكل احترافي,,...وهي مابدا لا خبرة ولا راس مال,,, وحتى بتعلميون كيفية العناية بنظافتون الجسدية.. وحتى بتعطي السيدة خيارات ازا كان بدا تعلما التعامل مع الاطفال او الطبخ او تنضيف البيت بس...وممكن تعطي حالك برستيج كتير عالي بشكل انو يلي بدو يسجل عندك يكون عرفان انو الخادمة رح تطلع متل عاملات الاوتيلات..
ازا كان معك راس مال اكبر ممكن تفكري بروضة صغيرة,, هلأ هاد المشروع كتير بطلع مصاري, لكن بدو خبرة وشهادات معينة...
وممكن ازا عندك ميول تعملي مشروع مكتب صغير لتجهيز الافراح من الألف الى الياء, بس هاد بدو وقت ليمشي وفي كتير منافسة....
مابعرف هي الشغلات يلي اجت ببالي, ازا كان عندك خبرة بمجال معين او شهادات معينة,, قوليلي لحتى حاول فكرلك بشي تاني...

[zizisafi]

شكرا شكرا حبيبتي على مجهودك معايا
مش عارفة كيف اشكرك حبيبتي

طيب ممكن تضيفيني على اميلك حتى نقدر نتكلم بحرية اكتر




بس لو ها الشي بيضايقك انا ما عندي مانع اننا نتواصل على المنتدى
اللي يريحك حبيبتي

طيب الان برد على اسئلتك
حبيبتي
انا الخبرة و الشهادات اللي عندي هي بمجال الادب الفرنسي
يعني انا بتكلم فرنسي كويس اوي اوي وي
بس انا ارتحت اوي لفكرة صالون التجميل

يا ليت نركز فيه ونتكلم فيه بصورة اعمق لو ما عندك مانع يعني
و شكرا ليكي حبيبتك

[zineb gharbia]

يمنع وضع الإميلات

[ام يوسف77]

حبيبتى ... ليه متفكريش تشتغلى مدرسة فى اى مدرسة انترناشيونال ويكون اللغة الاولى فيها فرنسي طالما اللغة الفرنسية عندك قوية .والله انا رأيى كده أحسن من مشاريع ومسئولية ومكسب وخسارة ووجع دماغ . وياسلام لو كمان أعيتى دروس خصوصية فى البيت عندك أو تروحى للتلاميذ فى بيوتهم شغلها تمام . بس كل شئ عايز مجهود ومش عادى لأن هنا فى كل مكان بيفضلوا ابناء السعودية فلازم يكون عندك تميز .

[من الشام]

اختي انا ماعندي ايا مانع نتراسل على الايميل بس متل ما شفتي ممنوع وضع الايميلات..
اما عن موضوع الصالون... اهم شي بهيك مشاريع المظاااااااهر....
لازم لما تبلشي تبلشي بقوة... يعني اهتمي كتير كتير بالديكور...وبالعاملات يلي بدك تجيبون... واختاري المواد يلي بدك تساوي فيا الديكور بشكل تعيش عمر طويل, نصيحة ابدا لايهمك الشكل اكتر من الجودة بهل المجال... لأنو كتير منروح على محلات اول ما تفتح بتكون حلوة كتير بعد سنة بتصير مهرهرة وعتيقة وبصير بدها صيانة ورح تحطي اكتر من لو ساويتيا بجودة عالية من البداية... واهتمي كتير كتير بالنظافة... مشان هيك الديكور لازم تكون الوانو فاتحة لأنها بتعطي ايحاء بالنظافة.. والبنات يلي بدك تشغليون عندك, لازم تكون عليهون لاحة النظافة كمان, بتفرضي عليهون لباس فاتح ومغسول ومكوي كل الوقت... وانت لازم يكون شكلك على اخر طرز كل الوقت.. مكياج وشعر ولبس...
لازم من البداية تحددي الشغلات يلي بدك تساويا بالصالون.. انا رأيي ماكتير تشتتي حالك(كمان حسب الامكانيات المادية وقديش المساحة يلي ممكن تستأجريا, وكم عاملة بتقدري تيجبي)
بتحددي انت بدك تعملي بس شعر, ومكياج,أو بدك تدخلي عناية بالاظافر كمان,, أو عناية بالجسم كمان....وازا كان بدك تعملي مساج او ايروبيك معا ولا لاء..هل الشي متل ماقلتلك بيفرضو راس المال...
وعلى اساسا بتبدي المشروع..أنا رأيي كتير عطي اهتمام كبير للمكان يلي بدك تفتحي فيه المحل...كموقع وكديكور...وبعدين بتعملي دعاية قوية بالجرايد وببعض منتديات النساء السعودية , كمان خلي خبير يعملك الاعلان ويكون الك لوغو حلو...
وفي شغلة انا كتير بحسا انها بتجيب زباين...يلي هي انك تعملي (ازا حسنت تستأجري مكان كبير) غرفة صغيرة بتحطي فيا مشرفة للأطفال يلي بيجو مع امهاتون وبتحطي بالغرفة كم لعبة صغيرة... وانشالله موفقة
ولاتستهيني باللغة يلي بتجيديا بهل المجال, متل ماقلتلك النساء زباين الصالونات بحبو المظاهر واستعمالك للغة الفرنسية ببعض الكلمات وبتجيبي مجلات تجميل فرنسية..وممكن تسمي اسم في ايحاء فرنسي...
ممكن كمان تفكري بمشروع قريب للصالون, يلي هو مركز تنحيف... بتجيبي كم نظام ريجيم , مع مدربة (يفضل اجنبية من اوروبا الشرقية مثلا) وكم خلطة جسم تبعات الشد... وكم جهاز مشي...ازا حبيتي ممكن نحكي كمان بهل المشروع...
وانشالله موفقة اختي وطمنينا شو بصير معك

[zizisafi]

شكرا كتير حبيبتي على مجهودك معايا
انا في الحقيقة عاجباني فكرة الصالون و متحمسة ليها كتير
و ان شاء الله حبيبتي حبقى ارد عليكيقري بعد ما ادرسها و استشير مع وزارة المالية زوجي يعني
ههههههههههههه

بس ممكن طلب لو ما فيها احراج ليكي
ممكن تعرفيني بنفسك
لاني كتير ارتحت ليكي حبيبتي

مستنية رسالتك