مشكلتي في فترة النفاس

[زهرة الجنة]

السلام عليكم ورحمة الله وبركاته

كيفكمـ أخواتي المتزوجات والحوامل واللي بيربوا ؟

جيت لكمـ كاالمعتاد طالبة مشورتكمـ ومساعدتكمـ لأن أهل الخبرة أكيد بيفيدوني وبيقدمون لي حل أو رأي يسهل علي !
ماأطول عليكم :

انا الآن حامل وعلى وشك دخول شهري السادس وهذا أول حمل لي بكريه يعني
وصاير خلاف كبير بيني وبين أهلي وبين زوجي واهلي سبب قطاعه بيني وبينهم تقريباً سبع شهور مع انه المسافه مو كبيره بيني وبينهم لكن المشاكل
الآن مابقى غير 3 شهور على الولادة وطبعاً زوجي مانع منعاً باتاً روحتي لهم بعد الولادة
هذا غير أن أنا ماأظمن استقبالهم لي وصعبه اني ماأوقف مع زوجي واروح لهم بعد غياب عنهم 7 شهور

فبأذن الله بتنفس في شقتي لكن ماأعرف شيء ومتورطه في موضوع الأكل ورعاية الطفل بداية الولادة ورعايتي لنفسي والضيوف وغيره

اكيد بتقولون أهل زوجك لكن برضوا ماأقدر اثقل على ام زوجي ووش بيقولون الناس عني ؟؟

الحين انتوا اش رايكم ؟
قلنا بنجيب خدامه بالآجار لكن الحبشيات ابدا ماتستفيدين منهم

فخدمتكم اذا تعرفون احد يأجر خدامات اندونيسيات فلبينايات المهم تعرف تطبخ وتنظف
فأقدر أعتمد عليها بعض الشيء ؟؟
لأني سمعت أن في من يأجرون شغالاتهم كذا ، يارب تقدرون تفيدوني وتدلوني على رقم لهم ..

هذا مشكلتي بإختصار وكل العشم في انكم مابتقصرون ..

وجزاكم الله خير .

[\مسك\]

الله يقومك بالسلامه
ان شاء الله الاخوات يقدروا يفيدوكي اذا يعرفون شغالات للإجار...

[همسه ولمسه]

الله لايجيب الزعل بينك وبين اهلك لكن بقولك شي (رضاالله من رضا الوالدين وسخط الله من سخط الوالدين ) وهذولا اهلك جنتك ونارك ولاطاعه لمخلوق في معصية الخالق وانتي ضامنه عمرك لبكره لان هذا اسمه قطيعة رحم فالله يهديك ويصلح حالك ومعليش اذا ان كلامي ازعجك لانك استثرتي حفيظتي ....

[الجازي2000]

حبيبتى معليش هذولاااهلك بغض النظر عشان تتنفسين عندهم اولاااااااااااااااااااااااا لازم تفكرين كيف تصلحين الوضع قبل ولادتك

بالنسبه للنفاس شوفي قوقل فيه معلومات


رضا الله من رضا الوالدين

[سدراالمنتهى]

الله اهم شي تفكري في رضا اهلك والخادمات مافي اكتر منون

[ام سهيل]

شوفي اقول لك شي عمره الزوج ماينفع زوجته






انت فرحانة بالوضع اللي قلتيه مع اهلك

اذا امك وابوك موجودين ارجعي لهم

هم اللي ينفعوك

والله صدقيني الزوج عمره ما ينفعك

طالما انه امرك بالقطيعة المفروض تخافين منه

وتخافين على نفسك منه

انت اول وحدة حتتاثر نفسيتك في النفاس لبعد اهلك عنك

هو ماراح يتاثر ولا راح يتحمل تعبك والامك وبكاء الرضيع

راجعي نفسك واهتمي بنفسك

معليش قلبنا الموضوع عن طلبك لكن حز في انفسنا سالي نفسك لو صارت مشكلة
بينك وبين اه لزوجك وقلت له خلينا نقاطعهم هو راح يسمع كلامك ويقاطعهم
والله لو تموتين قدامه وتبيكن حيقول لك هذول اهلي
واعرفهم من زمان وقبل لا اعرفك
انت بسرعة اتخليت عن اهلك .

ا

[خيرزاد]

اسال الله العظيم ان ييسر امرى وامرك
ويهديلك زوجك واهلك
لكن اولا احرصى انك تصلحى بينهم وبين زوجك وستجدى ان الله ييسر
كل امر عسير

[mrmr1400]

حبيبتي,,,, ساعة الولادة تتمنين رضى أمك عنك عشان ربي يسهل عليك هالساعة وما تتعسر
يا أختي,,,,, أنا ناصحة لك ما في شي بالدنيا يعوض عن حنان الأم والوالدين
يا أختي ,,,,أنا ما ألومك يمكن ما أدري وش الظروف اللي خلتك تقاطعينهم لكن مهما كان الزوج ما يغني أبدا عن الوالدين وهذي أولها إنك احتجتيهم وقت ما ضامك الزمان حين إنك تبغين الرعاية من أهلك
يا حبيبتي,,,,, راجعي نفسك واقنعي زوجك وباقي قدامك وقت عشان تصلحين اللي بينكم وفكري بأمك وأنتي ضناها مثل ما تخافين على اللي بطنك الحين وش إحساسك فيه هل تخافين عليه ؟ هل تحبينه؟؟؟؟؟ هل يرف قلبك من الفرح والشوق لما تسمعين دقات قلبه؟؟؟؟؟؟
حبيبتي,,,,, هل تتمنين لما يكبر يجي يوم ويستغني عنك بزوجته أو إذا كانت بنت بزوجها وتتركك وتقاطعك أسبوع واحد فضلا عن سبع شهور ؟؟؟؟؟!!!!!!! والله مدة طوييييييييلة
والله احنا ما عرفنا قدر والدينا إلا لما جربنا الموت في الطلق والولادة لكن الله يتوب علينا وعسانا نوفيهم قدرهم والله يقدرنا على ذلك حتى لو كانوا هم الغلطانين يبقون الجنة برضاهم ,
واعذريني لو طولت عليك لكن ما قدرت أتحمل وودي لك الخير
الله يهون عليك ويرزقك ساعة يسر ويوفقك ويصلح شانك ويسخر زوجك وأهلك يارب
استودعك الله.

[samsara]

انا مع كلام ام سهيل.....
الله يهديلك هالرجال ويصلحه يارب

[omhussein1]

ربنا يقومك بالسلامه ويفرح قلبك برؤيه المولودسالما ان شاء الله وربنا يهديكى انت وزوجك الى مايحبه ويرضاه وان لا تكونوا من قاطعى ارحامكم والدنيا ماتستاهل انك تقطعى اهلك
تخيلى يا اختى لو انك فقدتى احدا من اهلك فى فتره القطيعه بعد الشر لسوف تندمين اشدالندم لانك ضيعتى لحظه واحده كنتى قاطعتيهم فيها فارجعى لعقلك وانسى كل شئ قبل فوات الاوان
آسفه على قسوتى معكى ولكنى ارى الموضوع بموضوعيه اكثر منك ولانى خائفه عليكى
ربنا يحفظك ويهدينا واياكى

[زهرة الجنة]

كل كلامكمـ صحيح وعين العقل لكن اذا عرف السبب بطل العجب

أنا ماتخليت عنهم ببساطة وبسهوله كذا لا والله صارت لي ضروف مايعلم بها الا رب العالمين
ولو وحده يصير لها كذا في بداية زواجها مابترضى ،
وبعدين هل بتخسرين حياتك علشان امك وابوك وهم طاردينك ومايبغونك في بيتهم ؟؟
ياليت هي بس بعد الزواج هي من قبل لاأتزوج !

أعرف الموضوع كبير وكل وحده اخذته من وجهة نظرها لكن الله يعلم حبي لهم وشوقي لهم لكن أجري عند ربي
والله مابيضيع حق !!!!

[NICE]

بالنسبة لموضوع الشغالات أنا ما أعرف إن فيه غير الحبشيات لكن في ناس أعرفهم كانو يستأجرون محرم السواق حق بنتهم حقة الروضة وكانت أندونسية

لكن الأهم في الموضوع أمك وأبوك خلي ولادتك سبب للصلح بينكم صدقيني ما في أم ما تفرح بأحفادها واحتمال كبير تكون أمك ناوية تراضيك أو بمعنى آخر قلبها يحترق حرق على بنتها اللي ربتها وتعبت فيها وإنت بكرة رح تحسي بها الشي طالما إنك حامل وعلا وشك ولادة وفي النهاية يصير بينهم قطيعة


حبيبتي الله وصى الأولاد وبآبائهم وما وصى الأهل بأولادهم فكري ليه؟؟ لأنهم مفطورين على حب أولادهم

راضي أمك بأي طريقة حتى لو برأيك هي الغلطانة كلميها أو ارسليلها رسالة واعتذري منها هذي أمك بينيلها قد إيش إنت مقصرة معاها وبس تتمنين رضاها بينيلها انو أمنيتك تقبلي جبينها ويدها وخدها وتخدميها بعيونك بيني لها إنو الشيطان فرق بينكم وإنو هي أغلى عليك من روحك وبعد كذا لا يمكن أمك ما تحن عليك حبيبتي هذا باب الجنة لا تضيعيه لاتضيعيه.. بكرة لما تفارقيها وقلبها مو راضي عليك تعضي يدك من الندم..

بإمكانك مثلا تسمي مولودك الجديد على اسم أبوك أو أمك مراضاة لهم
بإمكانك تشوي أي شي بس اتعوذي من ابليس والله يوفقك وييسر لك أمر ولادتك

ويرجعك لأهلك ويرجع أهلك لك ..

[حب الروح]

وانا بعد رائي انك تصالحي اهلك اول
بعدين فكري فى امور النفاس وحرام تحرميهم من شوفت حفيدة

[خوخه24]

والله البنات صادقين في كل كلمه كتبوها لك
ماراح تحسين بالحسره الا وقت الولاده اللي هو اهم وقت
تحتاجين فيه امك تصبرك وتوقف معاك وقت آلمك
صدقيني مستحيل اتخيل اني اولد وانا بعيد عن امي(اللـــــــــــه لا يحرمني ياها)
ادعي ربك في جوف الليل يصلح احوالك مع اهلك وصدقيني راح تفرج بأذن الله
غيرك كثير في غربة وتتمنى تشوف امها ولو دقايق

[Mano0]

والله انا مع الاخات بكل الي قالو فكري الحين برضى والديك وخلي الدنيا جعلها ما تبارك على جنب

بس اسمحيلي من موقف زوجك هذ(اللي ما يخاف اللله خف منه)

وقطع الارحام لاوالوالدين اكبر اثم اشوفه بصراحه