هل فكرتى تزورى لطبيب نفسى؟؟!

[*YSmsma*]

السلام عليكم يا صحباتى

كلنا عندنا ضغوط

وحياتنا مليئه مشاكل وهموم وعصبية ومشاحنات

وممكن كتير منلاقيش حد نفضفض معاه

حتى نفسنا احيانا من كتر مهى شايله هموم مبنقدرش نكلم نفسنا

وكتير منا جاله حالات اكتئاب خصوصا الحساسين وذو المشاعر المرهفة

ومؤخرا سمعت طبيب نفسى بيقول ان حالات الاكتئاب اللى مبتتعلجش فى وقتها

بتأثر فى باقى الحياه بالسلب وتجيب الامراض العضويه بجانب النفسية

فهل فكرتى يوم تزورى طبيب نفسى ؟؟

[مراهقة24]

تصدقي اني نفسي اروح بس فعلا" ما في أحد يجشع ......ليش لأن الناس بيأخذوا بالهم انو مجنون لو تلاحظي في المستشفيات ألاحظ ان المرضى اللي قدام غرفة الطبيب النفسي مرة قليلين ......البعض يرفض ذا الشئ ويقول أنا ما أحتاج بس الصراحة كل الناس دول محتاجين لانو ما في انسان كامل المراه بعد الولادة محتاجة ....البنت اللي في عز مراهقتها محتاجة .....الطفل اللي من عمر 5 سنوات محتاج احد يسمعه ويفهمه .....حتى الشايب (العجوز ) محتاج أحد يفضفض له لكن ايش نسوي .....نظل نكبت لحد ما تيجينا هه الامراض (القولون - السكر- الضغط-القلب ........الخ)الله يعين ......موضوعك جدا" رائع تحياتي لك

[بنت أصول]

زمان فكرت في فترة سابقة من حياتي لكن الأن الحمد لله لم يعد هناك ما يدعو لذلك
اللهم إلا بعض العصبية التي تدفعني إليها بنتي الصغيرة جعلتني أفكر في مهدئات ولكن تراجعت عندما عرفت أضرارها

[أوراق العمر]

فكرت كثير أني أراجع الاستشاريين النفسانيين
ولكني تراجعت كونهم رجال ..وصعب التحدث معهم

الحمدلله ماأشتكي من أمراض نفسيه بس أحس بعض الناس غربيين الأطوار
ودي أحديساعدني شلون أتكيف معاهم ... ذهابي الى الطبيب
علشان اقوي من شخصيتي ..
والحمد لله ظهرت كتب كثيره تراعي هالجانب


شاكره لك أخيتي هذا الطرح المفيد

[high wave]

موضوع جميل ايوا مريت بفتره كنت فى اشد الحاجه لطبيب نفسى ولكن ترددت مش لانى مكسوفه لا انا مقتنعه جدا ان الدكتور النفسى زيه زى اى تخصص بس محدش شجعنى اروح ولحد دلوقتى انا مقتنعه انى لو كنت رحت كنت بقيت احسن كتير ولكن دا اللى حصل والحمد لله موضوع جميل اختى الغاليه ومميز ....

[ام هيا وحارث]

من قبل عمري ما فكرت اذهب لطبيب نفسي
لكن الان اتمني بجد اذهب وافضفض و ارتاح

[lollypopy79]

لأ مفكرتش أنا رحت فعلاً و كنت فاكرة أني هنام على الشيزلونج و أقعد أحكي و يسجلي زي الأفلام بس ملقتش حاجة من دي حصلت
قعدت على الكرسي عادي و سألني سؤالين كده
عندك مشاكل .. مرتاحة مع جوزك... في أزمة مالية
وخلاص على كده و كتبلي على أدوية إكتئاب بس مرضتش أخدها
و على فكرة أنا قعدت سنتين بفكر أروح و حاسة أني لو رحت هبقى أحسن
بس خرجت من عنده زي ما دخلت
و إكتئابي خرجت نفسي منه بنفسي و الحمد لله

[يسرمن الله]

السلام عليكم

لا مفكرتش قبل كده ان اذهب لطبيب نفسى ومعتقدش انى اقدر اذهب له لان بصراحة فى مجتمعنا النظرة لطبيب النفسى نفسه ان مش زى اى طبيب عادى فمابالك بالمريض
اشكرك اختى على الموضوع

[ommammar]

انا كمان ذهبت وبرضه تخيليت اني حفضفض وارتاح وتديني الطبيبة حل او كيفية التعامل مع امر معين بس فعلا زي ما دخلت زي ما خرجت لان كانت الطبيبة زحمة مش زي ما تخيليت انها هي حتفتح كلام وتخرج كل اللي جوايا لكن مفيش وقت الظاهر حتي عند الدكاترة لمعالجة البشر نفسيا وليس عقليا والحمد لله عسانا جميعا نجعل طبيبنا الشافي الم عافي هو الله من لجأ له لا يخيبه اللهم لا مهرب ولا منجا منك إلا اليك

[azmiralda000]

انا نفسى اروح عشان افضفض
بس برجع و اقول الشافى هو الله

و لا ايه يا ام هوبا

ربنا يفرج كربنا و يكشف غمنا و يهدينا الى الصراط المستقيم

[. تيوليب***]

وعليكم السلام ورحمة الله وبركاته

موضوعك جه في وقته
الأيام اللي فاتت فعلاً ولأول مره في حياتي أفكر في زيارة طبيب نفسي
لأني مريت بحالة إكتئاب جامده
بسبب أحداث متلاحقه
بداية من حالة وفاه في عيلتي مروراً بالحرب على غزه ومرض أختنا مايوتا
غير المسائل الشخصيه
لدرجة إني مستغربه ..نفسي أسمع خبر واحد مفرح
أرجع وأقول استغفر الله العظيم و اللهم لا إعتراض
أخدت بالأسباب وكنت بقول الأذكار اليوميه ودعاء الكرب ودعاء الهم والحزن
بدأت أقرأ القرآن
ولزمت الإستغفار بعد ما كنت إنقطعت عنه فترة الإكتئاب
وهما دول أسباب تفريج الهم والكرب
لأي إنسان
بس زيارة الطبيب في الحالات الشديده لازمه
وربنا هو الشافي
طولت عليكي
شكراً يا سمسمه على موضوعك الجميــل

[رشا اوشا]

اه بصراحه فكرت لمجرد الفضفضه

بس لقيت انى افضفض مع اصحابى احسن

[sweet narnory]

فكرت اني اروح بس ما حصلش نصيب
وفعلا خلال اجابتكم علي السؤال الحمد لله ما فيش مشاكل نفسيه لاكن الموضع كل فضفضه عما في نفسك
انا شايفه بجد انك لو حاجه مضايقك اشكي لربنا ربنا هو الي خلقك هو القادر ان يحللك مشاكللك وبعديها حتسي بارتياح


وتاني حاجه اكتبي كل مشاكللك في ورقه وبعدين احرقيها حتلاقي نفسك مرتاحه شويه بس يعني بتضحكي علي نفسك

[*YSmsma*]

يا ماشاء الله على التفاعل

انتم مصدقتوا بقى


ثلاث اربعنا عايزين دكتور نفسى


طيب راجعلكم تانى

[zineb gharbia]

اهلا بك سمسمة وبموضوعك الجميل والحساس

لم افكر في الذهاب الى الطبيب النفسي
لان المتاعب التي تمر علينا نتجاوزها بحسن تدبيرها

وبقراءة القران والخلود الى الراحة حتى يصفى الذهن
ونعيد التفكير فيتبين انها ليست بالحجم الذي اعطيناه اياها في البداية .
وهناك من يطرح مشاكله هنا وبحمد الله
و اقتراحات ونصائح الاخوت تحل او حلت الكثير من المشاكل
كانت صاحباتها على حافة الطلاق او الانهيار.

الطب النفسي كطب الاسنان سيء الحظ لان الناس
لا يلجؤون اليه الا في الحالات القصوى
التي يصبح فيها الالم فو القدرة على التحمل .
اعتقد انه ان اقتضت الظروف لا مانع عندي من استشارة
طبيب نفسي شريطة ان يكون معروفا بفعاليته ..
في هذه الايام كما قالت الغالية تيوليب نحن جميعا
نعاني حالة قلق عميقة بسبب ما يحدث حوالينا
فهل نلجا الى عيادة نفسية جماعية .

اعجبتني ردود الاخوات التي تعبر على ان الانسان
يستطيع ان يتجاوز مشاكله بنفسه .

الا ان هذا الفرع من الطب له اهميته في بعض
الحالات المستعصية عن الفهم.