ساعدونى بفكر فى الانفصال

[عصفورة الكنارية]

بجد نفسيتى تعبانة كل واحد فينا واخد جنب وانا ذهقت خلاص وكمان الاجازة خلاص قربت تخلص وهيسافر ساعونى انا تفكير صعب بيحوم حولى وهو الانفصال خايفة اخد القرار دة بصراحة اندم لانة مش وحش هو انسان بردة كويس يمكن هو عصبى جدا بس من حقى انى احس انى زوجة واحس بوجود زوجى بجانبى خايفة ابهدل ابنى اللى لسة 7 شهور معايا مش عارفة اعمل اية ارضى بنصيبى وخلاص واقلم نفسى عشان خاطر ابنى ولا اخد قرار وادور على حياة جديدة اعيشها نفسى احس بحبة لية وحنانة عليا اعمل اية ساعدونى

[zoozaa]

لاحول ولا قوة الابالله
استعيذي بالله وان شاء الله خير ودورو علي حل ينفعكم انتم الاتنين

[roza1]

اتناقشي معاه بالراحة وقوليلوا على اللي انت بتشعري بيه
وعامليه كأنه طفل ودلعيه
الرجال أهم حاجة عندهم في علاقتهم بالمرأة هو الجنس , اديله جنس يديكي حب
ما تكونيش معاه زى العسكري دلعية واتدلعي عليه
حسسيه انك محتاجة له وانه هو اهم حاجة عندك بس من غير ما تخنقيه
اسمعي كلامه ومتناقشيهوش كتير
النصايح دي انا جبتها لك من على لسان رجل (زوجي )
وربنا يوفقك

[soso*waleed]

السلام عليكم ورحمة الله وبركاته ربتا يهديه ليكى فكرى كويس حاولى تتجنبي اى حاجة بتعصبه وتتجنبيه وهو عصبىركزى فى دماغك على مميزاته لانك طول ما انتى شايفة عيوبه هتكبر فى عنيكى لحد ما هو يبقى مشكلة كبيرة متحركة وفكرى برضه فى مستقبل النونو وعلى فكرة هو ممكن يكون عصبى بس محترم عشان كدة حاولى برضة تتكلمى معاه وتناقشيه كصديقة فى وقت يكون هو فيه هادى فهميه ان انتى عاوزة النونو يتربى فى جو هادى وعاوزة حياتكو تبقى جميلة ما فيهاش مشاكل وطبعا تدعى ربنا انه يهديه ليكى وربنا يسعدك يا حبيبتى

[ريم أحمد]

اللي أعرفه إن العصبية

ليست سببا للانفصال ولا يجب ان تكون

ويقال إن معظم العصبيين طيبين

فكري بهدوء وطولي بالج

[ضــ ح ـــى]

لا حرام يا عزيزتي العصبية سبب غير مقنع للانفصال ولا كلنا انفصلنا من زمان كل رجل فيه عيب بس بالنقاش والتفاهم كلو بينحل او وكلي حدا من اهلك او اهلو يكون انسان علي دراية وخبرة وانسان محترم وكلمتو بتنسمع

وان شاء الله يقدر يحللكن مشكلتكم

والله يكون بعونك ويساعدك ويوفقك يارب

[ريم الشرق]

ما فهمت عليكي انتي بدك تنفصلي بسبب عصبيته ولا لانه بدو يسافر وبعيد عنك

ياريت توضحي اكتر المشكله والله يوفقك يارب

[*YSmsma*]

ربنا يهديكى ويهديه

اعرفى وافهمى انكم لو لسه فى بدايه زوجكم يعنى اول خمس سنين مثلا يبقى انتم لسه بتعرفوا بعض

ومش كل مشكله او خنقه هتنفصلوا بسببها

اصبرى

ديما نصيحى ابويا وامى مدام الزوج كويس وتقدرى تصبرى اصبببببببببرى وربنا هيديكى خير كتير اوى على قد الصبر

كمان الطفل لسه صغير ومحتاج استقرار مش مشاكل ونكد

وبما انك مكتبتيش مشكله معينه يبقى الخلافات اللى بنكم خلافات يومية او خلافات على الطباع

وده لازم تعرفى انه مش هتتاقلمى بسهوله واكيد من قبل متتجوزى عارفه انك هتاخدى شخص غيرك تماااااااااما

ربنا يهدى حالك اصبرى وحطى طاقتك فى ابنك وكمان اقرى كلام البنات فوق برده هتستفيدى

[نسائم حائره]

حبيبتي ربنا يسعدك مش سبب خالص انك تهدمي بيتك و انت لسه
بتبتدي و عندك طفل صغير
فكري بهدوء** و ياريت تروقي كده و كل مشكله لها حل استغفري كتير
و اجازة جوزك قربت تخلص حاول تقربي منه متزعليش نفسك و تضايقيه
حسسيه بالفرق لما بيكون معاكي و لما بيكون لوحده ولازم يكون معاكي هي الكفه الراجحة
و خليه و نقشيه في فكرة انك تبقي معاه بس اكيد مش في الاجازة ديه اصبري
شويه كلنا عنينا من سفر الزوج لوحده بس اصبري و استغفري وادعي ربنا يقرب بينكم
و ان شاء الله كل الخير لكم

اتمنالك حياة سعيدة هنئة باذن الرحمن

[بيبي مون]

لا تتسرعي

عزيزتي عصفورة الكنارية

قرار الانفصال ليس من السهل اتخاذه ، وقبل ان تتسرعي
ارجعي لموضوع ناقشناه في هذه الزاوية الاجتماعية بعنوان " هل ندمت المطلقات" لعلك تجدي فيه ما يريح بالك
ندعو لك ان يهديك الله لما فيه الخير

[true love]

الانفصال مش سهل اقعدى مع نفسك و شوفى حياتك هتكون ازاى لو انفصلتى هتلاقيها اسوا من حياتك و انت متزوجة مش كل الرجاله بتبين حبها هو ممكن يكون بيظهرلك حبة بتصرفاتة مش بالكلام و كمان انت عندك طفل حرررررررررررررام يتبهدل بانفصالك اصبري و ادعى ربنا انه يهديكم لبعض و ان شاء الله هتبقوا اسعد اتنين في الدنيا

[عصفورة الكنارية]

ياجماعة واللة مش العصبية بس هى السبب هو كويس وكل حاجة بس بيسافر برة مصر مش بيجى الاشهر او شهر ونص كل سنة وانا مش قادرة اتحمل دة وعندى بيبى كمان مش قادرة اتحمل دة زهقت غير كدة كمان ساعات بحس انة مش بيهتم بية ياريت تكونو قريتو رسالتى السابقة الابعنوان مشكلة حساسة ورسالة تانية بعنوان انا ذهقت وانتو تفهمو انا خايفة عشان ابنى ما يتبهدل وهو لسة ولا حول لة ولا قوة

[عصفورة الكنارية]

واللة العظيم نفسى اكون سعيدة ونفسى احس انى زوجة مش زوجة مرة واحدة فالسنة وخلاص

[عصفورة الكنارية]

لالاسف مش حاسة انى زوجة سعيدة وكان الجواز كان اسوأ قرار فحياتى

[عصفورة الكنارية]

والاسوأ من كدة ان الواحدة ترتبط بانسان بيسافر حياتة كلها برة ياريتنى انا ندمانة نفسى احس بوجود راجل جنبى