زوجى والنوم

[شذى الأرواح]

والله ياحبوبتي كانك تتكلمي عن زوجي ببداية زواجنا
بس كلمية باسلوب حلو قولي له انا بمل لوحدي ولو استمريت على هالشي حياتنا بتصير ممله وكئيبة قولي له انا بساعدك تخفف من النوم بس لازم تساعدني على نفسك شوي
قولي له جرب نام ثلاث ساعات واوعدني انك تصحى عاد انتى بدورك ياشطورة تعدلي وتبخري وسوي قهوه وحلى وحاجات حلوه تغرية انه يجلس معاك مو شرط تتطلعون من البيت المهم يجلس معاك كم ساعه وعقب تنامون والله يسعدك ياختي وتنحل مشكلتك

[razan07]

عااااااااادي...ولاتزعلي...انا جوزي لو تتركيه يوم كامل بيظل ناااااااايم ومتهني...لدرجة اني كثير بدخل على الغرفه اتاكد انه عايش.
وكلي امرك لله..والله وحده امريكيه مسلمه هون نصحتني بالحبه الزرقاء...قالتلي تخليه صاحي زي القرد..بس عندنا لاتصرف الا بوصفه

[عاشقة البهارات]

جربت وعملتله قهوه زى ماقولتولى بعد الغدا على طول
وبعد ساعتين عملت نسكافيه قاللى مش عايز
قولتله حرام يعن ارميه
قاللى خلاص هاشربه بس ماتعمليش تانى إلا لما تسألينى الأول
وبعد ماشربه رن التليفون دخلت ارد لاقيتها صاحبتى اتحرجت اقفل معاها
بس كنت باقصر الكلام والمكالمه بالضبط اخدت 7 دقائق
والمفاجئة
.
..
...
....
.....
......
.......
........
.........
..........
.........
........
.......
......
.....
....
...
..
.
لاقيته بيشخر والله العظيم كانت الساعه 7 ونصف مساءا
ايه رأيكوا بقى

بدال القهوه و النسكافيه ما عملوا مفعول ، خلاص حولى تاخديه و تخرجي اكتر من مره في نفس التوقيت الي بيحب ينام في يمكن بيتعود على انه يأخر وقت نومه شويه
و كمان ممكن ققلك يعمل تحليل او يشوف طبيب لان اوقات الواحد بيكون عنده ضعف او انيميا لاقدر الله ممكن تسبب النوم بكثره و بتخلى الواحد حاسس دائما انه مجهد و مهما نام ما بيشبع ابدا من النوم يعني ممكن شويه فايتمن بيبقي كويس و جربي

[*YSmsma*]

شوفى يا يويو

انا زوجى اول زوجنا كان كده والى الان كده لكن مش بالشكل ده لانى زعلت جدا من اول مبتديت احس ان النوم عنده مهم بشكل غير طبيعى

وكمان حسيت ان العمر بيضيع ويعدى

وقفت واقفه صح

اخذت موقف لانى مش متجوزة علشسان اعيش لوحدى وانت تنام

صحيح ممكن يكون بيتعب فى شغله بس انتى كمان مهمة ولازم تاخدى حقك

والا ليه بيلومونا لما نزهق ونقول مش قادرين نكمل

يبقى عايز حقك وعيش واستقرار ادينى حقى

ده را ئى

وربنا يهديله حاله

كمان المفروض انى اقولك حاجه لو هو نومه مش طبيعى وزيادة عن الحد لازم يشوف دكتور علشان موضوع الخمول او الاحساس بالكسل

وربنا معاكى

[SHIMO25]

هههههههههههه و الله يا بنتى هيه حاله من 3
الزوج المحب للنوم
الزوج الصامت
الزوج المحب للخروج و السهر
وانا كان نصيبي من الزوج الصامت
سبحان الله محدش مرتاح

[فارس بلا جواد$]

اختى فى الله

ادعوا الله ان يرزقك واياى و امة محمد اجمعين بالزريه الصالحه

واضم صوتى الى اختنا أم المـــــــــــقدام

فعلا النسكافيه له مفعول الســـــــــــــحر فى عدم النوم و بخاصة لو كان بلاك

و بأمانه انا واعذرينى على قولى بحسده هههههههههههههههه

ممكن يسلفنى ساعتين من عنده ؟

[yara.yara]

أسعدتونى بردودكم والله
حسيت إنى مش لوحدى بشتكى بس أنا إتفقت معاه إنه يتأخر شويه فى النوم عشان نخرج نشترى حاجات يعنى شوية ملابس للشتاء
لكن الإتفاق للأسف ماتمش
حسيت إنى كنت بتفق مع الهواء أو مع نفسى
بس والله أنا قولتله يروح للدكتور عشان النوم مرض يعنى نوم بيجيب نوم
اتنرفز عليا وقاللى إنتى مستخسره فيه أستريح
بجد جننى
بس أنا برضو مش هاسيبه هافضل وراه

[فارس بلا جواد$]

برافووو عليكى خلى عندك طول بال شويتين و زنى عليه بس بالراحه ومن غير ما توصليه للنرفزه وربنا معاكى

[*YSmsma*]

النوم مش مرض بمعنى مرض

النوم والكسل ممكن يكون ناتج عن كسل بعض الاعضاء فى الجسم وان يروح لدكتور ده كويس جدا له

فهميه ان النوم بيقصر ويضيع العمر

[razan07]

السلام عليكم يااختي
اتمنى منك عرض زوجك على اخصائي صدريه وامراض نوم.
دكتور قريبنا اخصائي بامراض النوم...ده بيكتشف حاجات كثيرة بعد الكشف...وعلاجها بسيط جدا.
الموضوع ومافيه ينومو جوزك في العياده او المستشفى ليله وحده..ويوصلوا الاجهزة بجسمه...وهوه مش بيحس بحاجه...ولابيدوله اي نوع دوا او مخدر...وبامكانك تباتي معاه كمرافقه...والصبح الدكتور بيقرا النتيجه ويوصفله العلاج.
تمنياتي لك بالسعاده

[yehia2007]

حلو العلاج اللى بتتكلمى عنه ده يا رزان بس عموما مفيش راجل بيقبل على مفسه يتحط تحت الكشف الطبى والفحوصات بيحسها انها مهينه على رجولته

[تسنيمم]

ربنا يعينك حبيبتي، و يرزقك شي بيبي يسليكي
إذا كان شغل زوجك متعب ما في حل غير تتعودي على الوضع و إذا ما قدرتي خليكي خلاقة و اعملي زيي، أنا كنت أشغله بالكلام و الحواديت مثل ما كانت تعمل شهرزاد مع شهريار هههه
و كنت بحكيها كأنها حقيقية و الله شاعات كانت بتكون من تأليفي و لما تخلص الحكايات كنت بعمل نفسي عيانه إن لزم الأمر و ساعات بيصعب علي و أخليه ينام
و لا تنسوا أحواتي أنه حاجة الجسم للنوم تختلف من شخص لآخر مثلا أنا ما أنام غير 3إلى 4 ساعت و تكفيني لكن زوجي لازم ينام على الأقل 11 ساعة و إلا يحس انه تعبان و مرهق
طول اليوم
ربنا معاكي