اهلي بيمنعوني احكي مع خطيبي عالتلفون او اطلع معه او نقعد سوا مع بعض...؟؟؟شو اسوي

[غزل المسك]

السلام عليكم ورحمة الله وبركاته

اليوم كنت جالسة مع صديقتي وهي متضايقة جدا وحزينة ومش عارفة شو تسوي .. فسألتها عن السبب فقالتلي انها من لما خطبت ( يعني قبل شهرين ) واهلها ما بيخلوها تقعد مع خطيبها لحالهم او انو يطلعوا مع بعض او يحكو على التلفون بالليل او او او


اشياء كتير يعني اهلها مسكرين عليها طرق كتير وما بيحبوا خطيبها يجي عندها كتير واذا اجى بيجى كل اسبوع مرة وما يقعد اكتر من ساعتين وبس يروح اهلها بيبهدلوها ليش طول عندها ... وبيضلوا قاعدين معهم ..


فهي متضايقة وهو كمان بيتضايق ..مع انه خطيبها ابن عمها .. وابوها بيحبه وبيثق فيه ..وهو شاب ملتزم ومحترم .. بس مع هيك اهلها ما بيحبوا الاحتكاك كتير مع انه مكتوب كتابهم ...


انا الصراحة ما عرفت شو اقلها ..فقلت بستشيركم وباخذ رأيكم ...


الله يهدينا الجميع


اخواتي انا بحاجة ماسة الى دعواتكم فلا تحرموني ...


انتظر ردودكم

[ام حزم]

يا اختي معلش اهلها بيعملو لمصلحتهاوهما صح مش غلط
تقبلي مروري

[أم عبدالأله]

أهلها صح مش غلط حبيبتي لأنهم بيدورو على مصلحتها

بالنسبه لشرع ما يجوز البنت تجلس مع خطيبها قبل عقد القرآن لأنه يعتبر غريب عليها وليس من محارمها الشرعيين

أما لو عقد القران معها فلها الحق أن تجلس معه بقيود محدوده

وهذا اللي بيعملوه أهلها من صالحها بكره تذكر الكلام هذا إذا أتزوجت وكبرت وفهمت الحياه لأنها بتسير تخاف على بناتها


بعض المخطوبين جمعتهم شر على بعض ونسأل الله العفوا و العافيه

[زهرة حبيبى]

اختى اسمحي لي
اهل صديقتك معهم الحق لان فترة الخطبة هي مجرد وعد بالزواج ولا يصح ان يخرج الخطيبين او يجلسوا بمفردهم
ولكى تتعرف صديقتك على شخصية خطيبها ويتعرف اكثر عليها ممكن ان يخرجوا معا ولكن بصحبة اخيها او والدتها مثلا
والمع الوقت ستعرف ان البنت لا يخاف عليها احد اكثر من اهلها وسيحترم خطيبها فيهم ذلك مستقبلا دليلا على محافظتهم على ابنتهم

[ليلآس ~]

بس هم معقود قرانهم .يعني زوجها

يعني عادي يجلسوا مع بعض لحالهم أو يكلموا بعض

حلاااااااااااااااااااااااااااااااااااااااااال

[غزل المسك]

السلام عليكم


شاكرة لردودكم المفيدة واللي عنجد انا بفكر فيها هيك لاني من بعيد


بس هم معقود قرانهم زي ما قالت الاخت ليلاس


يعني كتبوا الكتاب على بعض يعني هو زوجها في الشرع مش ضايل غير الدخول...


وفترة الخطبة رح تكون طويلة يعني سنة تقريبا ..


وكل نا بدهم يقعدوا بدهم حارس يكون موجود؟؟؟؟؟


ااو ما يطلعوا مع بعض طول السنة...


الشب مؤدب ومحترم ... ومتدين يعني موثوق فيه وبيجلس ضمن الحدود الشرعية ...


بس الاهل شو او كتير متشددين ...


ما بعرف هي بتقلولي اقل ما فيها بدنا نقعد نسمع لبعض بيضلهم قاعدين اهلي يطلعوا علينا اي كلمة بنحكيها بدهم يسمعوها !!!!


طيب والله اشي بيعل ..


وبيسوي ملل في فترة الخطوبة...


والا شو رأيكم...؟؟؟؟؟؟؟؟؟؟؟؟

[ليلآس ~]

أنا معااااااااااااااااااااك غزل بكل كلمه ..........


أصـــلا قعدتهم مع بعض و حكييهم ع التلفون حلال

بما إنه كتبوا كتابهم << يعني ملّك عليها

و حتى لو أهلها مشددين المفروض انهم ما يمانعوا انهم يقعدوا مع بعض و يحكوا

لانه زووجها و الشرع محلل قعدتهم مع بعض لحالهم

و المفروووض هالشي يصير عشان يفهموا بعضهم أكتر ,.,,,,,,

و عشان كل واحد يعرف سلبيات الطرف التاني و ايجابيته

و يعرف طريقة تفكيرهـ شو اللي بزعله ... بضايقه ... بفرحه ... وووووووو

عشان يعرفوا يعيشوا مع بعض صح .......

صراحه انا مو عارفه كيف اهلها بفكروووا ؟؟؟؟؟؟

ازا ربي محلل هالشي ليش هم مانعينها ؟؟؟

آآسفه ازا طولت عليكِ

ليلاس ،،

[غزل المسك]

والله يا ليلاس انا بحكي زيك...


بس ما بعرف ... شو الحل ... كيف بقدر اساعد صاحبتي...؟؟؟؟


اخواتنا اللي ردوا بالأول ما عاد رجع حدا منهم ..


ليش ما يقعدوا سوا لحالهم ولوا ساعة بالاسبوع..؟؟؟

[*YSmsma*]

طيب ده شىء غريب

مدام معقود قرانهم ليه التشدد

ده حقه وحلاله

وهو المفروض يتكلم مع ابوها ويفهمه انه ده حلاله وانه عاقد قرانه وممكن ياخدها باى وقت

الله يجيب الخير

[غزل المسك]

خواتي بدي خطوات عملية


احكيها لصديقتي وتقتنع فيها وتطبقها من دون ما تزعل حدا لا ابوها ولا امها ولا خطيبها ....



شو بتقترحوا علي..؟؟؟

[*YSmsma*]

هى اعتقد صعب تتكلم مع ابوها

لكن ممكن تكلم امها وتقولها انها متضايقه من الوضع وانها متزوجه ومحتاجه تتكلم مع جوزها فى تفاصيل حياتهم

وزوجها نفسه يتكلم مع ابوها زى مقلتلك

كمان ممكن اهل جوزها اللى هو عمها مثلا يتكلم مع ابوها بان ده تشدد وان الاتنين لازم يقربوا من بعض

[أم عبدالأله]

مادام معقود قرآنها تجلس معاه في صالون مكشوف أو في مكان جلسه بس مايكون مقفول عليهم باب

بعدين هي لسا في بيت أهلها مقابلته ليها لازم تكون ضمن ظوابط و أوقات محدوده

وهي لسا ما سارت في بيته حت كل ما قلت روحات خطيبها عليها زاد شوقهم لبعض

[غزل المسك]

والله يا اخواتي انه امها مثل ابوها بتمانع وكأنها بتغار... انا مش عارفة كيف ؟؟؟افهمكم ...



وهي ما بتمانع انهم يقعدوا في مكان مكشوف بس اهلها ابصر كيف؟؟؟


لازم اخوانها الصغار يضلهم حواليهم ...يعني بس يجي خطيبها بيقعدوا جلسة عائلية دائما وكأنه جاي يشوف كل العائلة...


واشياء كتير بيتحرجوا يحكوها لبعض الا اذا عالتلفون ... وما بيحكوا كتير مع بعض...



اااااااااخ الله يعين ..


الخاطبين مش خالصين والعزابيين مش خالصين

[hbsoker]

معلش هي معاها حق تزعل بس كمان لازم تصبر ومع الوقت الامور هتلين بس اوعي تخليهم يكسرو القوانين لان ده ممكن يهز الثقة خلي خطبها يتقرب للاب والام ولا يظهر ضيقة ابدا وكمان البنت تصبره وتفهمة ان اهلها لسة مش متعودين ايوه ممكن يكونو غيرانين علي بنتهم فمش لازم نزود الغيرة ده وكمان يعني مع الوقت الكل هيمل وهيلاقو نفسهم واحده واحد بيقربو من بعض وهيتسبو لوحدة بس شوية صبر وذكاء في التعامل اهم حاجة ميخلوش الاب والام يفقدو الثقة بيهم او حتي انهم متضيقين لان ده هخليهم يصرو اكتر علي موقفهم وان شاء الله الامور تتحسن وبارك الله لهما

[noran5]

السلام عليكم ورحمة الله وبركاته


أختي العزيزة ... غزل المسك

بارك الله فيك على اهتمامك بمشكلة صديقتك و احساسك الجميل بمعاناتها

لقد اثرت موضوع يستحق النقاش فعلا
فهل نترك الخطيبين يجلسوا و يخرجوا معا بعد الكتاب
ام يفضل ان يظلوا بين الأهل و تحت أعينهم


غاليتي أعتقد انك و كلنا سمعنا عن قصص فسخ الخطبة أو الطلاق قبل الدخول
و هنا يكمن سبب حرص الأهل على ابنتهم
حتى لو انها مكتوب كتابها ... و لكن هناك عرف و تقاليد نتبعها
و لا يجوز ان نتخطى هذه الحدود ..تحسبنا من فسخ العقد لا قدرالله
فالخلوة بين الخطيبين قد تسمح بالكثير

و لكن يمكن لصديقتك ان تطلب من أمها و بكل تهذيب ..أن يسمحوا لها و خطيبها
في ان يجلسوا في مكان مكشوف و لو لبعض الوقت
حتى تتمكن من الحديث بحرية حول الأمور التي يهمها التعرف عليها في شخصيتة
كشريك لحياتها

و تحاول مرارا و ان شاء الله تقتنع والدتها
و تنتهي المشكلة على خير

نسأل الله أن يتمم هذه الخطبة بالزفاف السعيد
و أن يكتب للعروسين التوفيق