تويت
السلام عليكم ورحمة الله وبركاتهـ
تحية مــعطرة وبعد ..
الي صج شدني اكتب هالموضوع سالفه صارت اليوم بالمدرسة وحبيت اقولكم اياها
ورايي فيها ..
كنت قاعده بالكفتيريا كـ العاده .. شوي ضايق خلقي ومالي نفس اسولف
وافكر متى ارد البيت لاني حدي تعبانه نفسيا
المهم وحده من رفيجاتي حبت شوي تفرفش وتسوي جو
جان تقولي بوريج صوري بالعرس مال ولد خالتي
انا بصراحهـ ما كان لي خلق اشوف
وهم بنفس الوقت مابي اضيق خاطر البنت
طالعت الصور وعبارة عن صورها وصور امها وخالتها والعريس
و قمت اشوف الصور واسرح شوي
صورها احس جنها على قوله امي " باربي " لعبه
ماجنه انسانه من صج
جنه احد كاب عليها شي من كثر الميك اب
صج ان شكلها حلو بس حلات الواحد يكون على طبيعته " سمبل "
والصور خلفياتها كلها مركبه بالكمبيوتر
وقمت اقولها حلوه وجذي
بعد احس ان الواحد لازم يعلق .. لوول
وشوي ولا اييون بنات ويقعدون
عاد اهي راحت وطلعت الصور عشان يشوفونهم ..
ولا وحده تقول بجم سويتي الصور .. وأنا وقتها صج كنت معاهم بس فكري مو معاهم
ولا تقول 150 دينار
أنا هني عيوني طلعت لي بره
صور بهالسعر ليش ؟!
شالسالفه .. لحظه لحظه وين قاعدين
جان تقولها الثانيه رخيص !
جان تقولها البنت هذا ومسوين خصم
انا سكت وماحبيت اعلق
بس تبون الصج .. // هذا تخلف بمعنى الكلمة //
اذا الصور بهالسعر عيل شنو خلت حق الميك اب
والتسريحة ؟!
ترى والله هالزمن ماادري شلون صاير
يعني الناس قامت اذا تبي تروح عروس تقوم من صباح الله خير
تشرب لها كوفي بالطريج وهناك بالصالون تتريق !
وتسوي هالشعر والتسريحه اللهم ياكافي
والميك اب قول طحين ياييبينه من الجمعيه
ربي لك الحمد !
بصراحه انا شخصيا لما يكون في عرس لو مهما يكون ومنو كان
ميك اب بيدي احطه .. واللبس عادي وسعره مايوصل فوق الـ 70 دينار
ولا بعد هاللبس البسه باليمعات مو نفس بعض الناس لبسه وحده وتقطه وين قاعدين !!
وشعري انا استشوره واسويه ستريت
وربي شحلاتي اهبل .. على الاقل عيوني تبين
على سالفه العيون ماقلت لكم
مره رحت عرس بسلم على وحده من كثر الميك اب ما اشوف عيونها ! 
قعدت اطالع بويها بس للاسف ماشفت عيونها !
وبعدين فلوس الصالونات هلي تقطونها يعني وحده تدخل صالون تطلع بـ 350 دينار
يييااااي .. لو شاريه غرفه قصدي سرير وكبت احسن بوايد
والمشكله ولي يقهر ان بس ترد البيت تمسح كل الي بويها
طارت الفلوس .. صج حرررررررام الي يسوونه
ناس مو لاقيه تاكل وناس تلعب بالفلوس لعب
وهالفلوس تروح حق الي يشتغلون بالصالون حافين حواجبهم وملعونين
وعلى فكره ترى كفاله اليتيم بالشهر 5 دنانير بس يعني يمكن تفكرون
تخيلي هالـ 350 دينار الي قطيتوها على الصالون
ياترى جم شهر تكفي لـ هاليتيم المسكين ؟!
حالكم يرثى عليه ..
اختكم الحلا
خير الامور الوسط
بعد قرقرت النسوان فوق راسي حسيت اني مو شي قمت ورحت الصالونات وصرت اجرب من ذا لذا لغايت ما مليت
مرة بيقولو لي حلو ومره ببهرهم 
ومره انا بخاف من حالي
وزوجي المسكين بينفجر من هاذي القصه بس شسوي الزمن حكمه علينا قوي وان طاعك الزمن ولا طيعه 
تعليق