يا قاعدين يكفيكو شر النصابين

[mirololo]

يا اخواتي او سيادت المحامين او المحاميات الاعزاء ارجو ان تدلوني علي الطريق الصحيح
انا من اربع سنين اتنصب علية من نصاب ربنا ينتقم منة وحسبنا الله ونعم الوكيل منة والموضوع هو
بنت خالتي دكتورة واحنا صحاب وجاتلها مريضة ادعت انها كويسةوفضلت تودها وفضلو صحاب فترة وجت قاليت لها اخويا عاوز يتجوز ومش هلاقي احسن منك عروسة واخويا بيشتغل في المطار وفعلا اتقابلنا مع الشخص النصاب وبعد فترة قالها انة عارف حد كبير جدا ممكن يشغلني في البنك لانهم بالفعل عاوزين ناس وكالعادة لازم ياخد فلوس من تحت الطرابيزة ودفعت فعلا مبلغ كبير وساعت المقابلة وانا بمنتهي حسن النية الحيوان مضاني علي ورق كتير
الملاحظة هنا يا جماعة
الورقة كبيرة الجزي الي فوق مصوغات التعيين في البنك وحوالي 4 سطور وبعدين باقي الصفحة فاضي وفي اخر الصفحة التوقيع وخلاني اوقع وابصم بمنتهي الغباء وحسن النية كنا فاكهة يتنصب علينا
ولما خلصت منة والحمد الله لاقيناة بيماطل ومعرفناش ناخد حق ولا باطل مكناش نعرف غير البلد بيتاعتة وغير رقم التليفون ومن طيبتنا قولنا ربنا يعوضنا وخلاص سلمنا امرنا للالة او من عبطنا
الكلام دة من اربع سنين
المشكلة انة امبارح عسكري جة لامي وبيقول انة معمول فية محضر اني خدت فلوس من واحد عشان اديهم لحد تاني ومديتهمش الفلوس الي هو مبلغ مهول 100000 وخت الفلوس وعامل علية وصل امانة
وممكن حد يسال ما يمكن ميكنش هو لا هو لعدة اسباب الورقة اخويا بعتهالي وشفتها والوحيد الي مضيت وبصمت للاسف علي الورق الي عندة بعديها حرمت نهائي بس بعد اة واة الي فكرة بية اعتقد مزنوق في الفلوس وورقي معاة فا فكر يستغلة احسن استغلال وعاينة ليوم زنقة عاوز فلوس باي شكل
فا اكيد الحقير قطع الجزي الي فوق وكتب بالكمبيوتر وصل الامانة دة وطبعا امضيتي وبصمتي تحت
حتي اخويا بيقولي الامضاء والبصمة باهتين عن الكلام بالكمبيوتر والكلام دة من سنة اني خت منهم الفلوس وجاية تقدمة فية دلوقتي من اسبوع بالظبط عمر المحضر
انا اصلا مسافرة مع جوزي برة
اة موقفي القانوني واعمل اة انا هاتجنن والي اكدلي انة هو اسم اختة النصابة متقدمة باسمها المحضر علي انها المحامية وكمان الشاكي من نفس البلد الي هو منها
المشكلة ان القانون لا يحمي المغفلين بس يحمي مين وانا انسانة حسنة النية
انا انسانة مسالمة وبثق في الناس وبحبهم وبحبلهم الخير ودي صفات معديتش تنفع في الزمن دة
اعمل اة دلوني

[howba]

أختى ميرو انت ضحيه مجنى عليها بكل معنى الكلمة !!! ... بعد السلام والموساة لك فى مشكلتك الخطيرة ... والله سبحانه وتعالى يخفف عنك الحيرة والقلق اللى انت فيها !!!.

أختى العزيزة هل معك صورة من الورقة التى وقعتى عليها وبصمتى ؟؟
وأعلمى ان ايصال الأمانه يكون قوى اذا تمت كتابته باليد وليس بالكمبيوتر ... ويمكن اثبات أن الورقة مقطوعة من أعلى وأنه قد استجدت الكتابة مرة آخرى على الورقة حديثا عن طريق الطبيب الشرعى الذى يقوم بفحص الورقة ليحدد تاريخ البصمة وتاريخ الكتابة بالكمبيوتر حديثا طبعا تاريخ وقوع البصمة يسبق تاريخ الكتابة .. فهمانى طبعا ً ... فانصحك أن تطعنى بالتدليس والتزوير فى هذه الورقة .
علما بان الحكم فى قضية تبديد ايصال الأمانه هو دفع قيمة الأيصال وما ترتب عليه من أضرار التأخير ... وإذا لم يتم الدفع بعد فى الميعاد الذى تحدده المحكمة فان الحكم يكون بالحبس والدفع ... !

ربنا سبحانه وتغالى ينجيك من هذه الورطه أن شاء الله.

[mirololo]

يا اخي مفيش بكل اسف اي صور بس انا متذكرة جدا وهو لما جالنا العسكري امين شرطة معرفة خاليناة يجيب لينا الورقة والمحضر يعني يصورهم الامضاء والتوقيع بخطي انا لكن الورقة الي ربنا ينتقم منة كتبها كتبها بالكمبيوتر وانا متذكرة جدا لاني انا الامضاء والبصمة كانو تحت بعض وانا مش موجودة في بلدي هل ضروري اكون موجودة ولا افضل زي منا في بلد الغربة

[mirololo]

وفي نقطة مش عارفة صح ولا قالك لو طعنا بالتزوير وعملنا صحة توقيع مهو توقيعي فعلا بس الكلام الي جد علية وممكن هو يكسب واكون ادنت نفسي اكتر

[still_here]

ربنا يفرج همك ويزيل عنك الضيق....

[إنجــــــــي]

اختي العزيزة ميرولولو
اهلا و سهلا بك

اعانك الله حبيبتي على الورطة التي وقعت فيها
سهل لك الخروج منها على الخير
و حسبي الله على من يستحل اموال الناس
و يستغل حاجاتهم
مع العلم انك اخطأت من حيث المبدأ
حين قررت دفع رشوة للحصول على العمل
هدا الامر خطير و محرم كما تعلمين

حبيبتي صعب جدا ان يستطيع افادتك
الا من كان له باع في الامور القانونية
يعني محام او قاض او هكدا

ان شاء الله تجد من يساعدك و يعينك
و لعل هده التجربة تكون سببا في اعادة حساباتك
حول طريقة تعاملك مع الاخرين

اسأل الله ان يفرج همك و يكشف غمك امين

[howba]

يا أختى ميرو .. وضحى لى تاريخ سفرك الى بلد الغربة .. وكذلك التاريخ المكتوب به الايصال .. فاذا كان تاريخ الأيصال مكتوب بتاريخ وانتى كونتى خارج البلاد فهذا دليل على عدم وجودك أصلا اثناء كتابه الورقة والتوقيع عليها ... ومن واقع تاريخ جواز سفرك .. لانه كيف انك مش موجوده وكيف انك توقعى .. فهذا دليل على التزوير .. يعنى ياريت يكون تاريخ سفرك قبل التاريخ المكتوب بالورقة .... وباذن الله نجد حل .

[noorelhoda]

السلام عليكم ورحمه الله وبركاته
طبعا شئ مؤسف جدا جدا ما حدث ولن الومك لان الوقت ليس وقت لوم
بصى يا غاليه
من الناحيه القانونيه
هناك طب شرعى يستطيع المقارنه بين وقت كتابه الورقه ووقت التوقيع
بل يستطيع وبكل سهوله ان يكشف ان الورقه مقطوعه من ورقه اصليه
ولا تنسى ان الورقه مكتوبه عالكمبيوتر وهذا فى مصلحتك وليس ضدك ابدا
نعم القانون لا يحمى المغفلين ولكن اساليب القانون لكشف النصابين كثيره
لذا عليكى وفورا رفع قضيه تزوير وأطلبى عرض الورقه عالطب الشرعى
ويا حبذا لو تستطيعى احضار صوره للورق الاصلى اللى مضيتى عليه
وان شاء الله ربنا يفك الغمه
وحاولى اسناد الموضوع لمحامى كبير
وللعلم المحاكم والقضاه يعلمون يعلمون يعلمون تلك الأمور والمهاترات ومر عليهم كثيرا
من قضايا النصب
لذا فالأمر ان شاء الله ليس بمخيف
لا تنسى ارجوكى ارجوكى
محامى شاطر يتولى القضيه

[omfatema]

ربنا يفرج همك وغمك

[zineb gharbia]

اختي العزيزة ميرو ميرو

فك الله ضائقتك ويسر امورك


انصحك باتباع ارشادات الاخت نور الهدى مشكورة فهو راي مختص

وكلي محام واطعني بالزور .

وانصحك ان تبعدي عن كل ما به شبهة تسلمي .

[z84]

عزيزتي كان الله في عونك اتبعي نصائح نور الهدى وانا برأي انك لا ترجعي الى بلدك الى ان تنحل المشكلة لان في هاي الحالة انت معرضة للسجن لا سامح الله

الجأي الى الله والله لا يوجد افضل من الله في هذه المحن اقيمي الليل وادعي الله كثيرا واستغفري كثيرا وان شاء الله ستنحل المشكلة قريبا

[mirololo]

اهلي بيسألو المحاميين ومعرفش انا مسافرة من شهريين والوصل الزوري مكتوب من سنة ولسة مش عارفين حتي حاجة علي الشاكي فية دة مين الي هو المفروض اداني الفلوس يا دوبك عرفنا الي انا كنت هاوصالة الفلوس انة من بلد النصاب
هي المحامية بيتاعت النصابين لسة مقدماة من اسبوع

[mirololo]

وانا سالت محامي قالي لا مش هانلعب علي التزوير الا اخر مرحلة لانة توقيعك بالفعل هاعمل الاول شوية حجات مش نفعت هالعب علي التزوير مفهمتش قوي بس صح ولا غلط معرفش

[mirololo]

يا اخت انجي كل حاجة في بلدنا بيتمشي بالكوسة ولازم الدفع تحت الطرابيزة وكدة كدة كانو عاوزين ناس في البنك ومكنتش هاخد دور حد لاني منكتش هاضر حد بس انا حسيت ان النصاب عاوز فلوس علشان يكلم الراجل المهم واستخرت ربنا كتير وسهلها علي الاخر ولة في خلقة شئون وحكم ربنا المنتقم

[howba]

عزيزتي كان الله في عونك

وأتبعي نصائح نور الهدى والأخت z84 .. لأنها تتفق مع ما كتبته لكى من قبل فى مشاركتى رقم 2 !!

وربنا ينصرك باذن الله