حرام عليكم قتل الزوجـــــــــــات *** امال رفقي ****

[امال رفقي]

السلام عليكن
تحياتي لكل اخت مسلمه تحمل علي عاتقها مسئوليه الاسره
الزوج في بلاد الغربه وهي في بلدها يصل بينهم رنه تليفون

ازيك ياحبيبتي عامله ايه انت والولاد وتنتهي المكالمه وتعيش الزوجه علي رنه تليفون بعد فتره من زوجها

تخيلوا ممكن في نفس البيت واللي يربط بينهم موش رنه تليفون لا

اللوم والعتاب والخاقات وحقد الاقارب والقريبات
ســــامعه صديقه بتقول بالذمه دي عيشه

انا صديقتي امس بتبكي وتلقي اللوم علي ابنها انه لايسمع كلامها
طبعا الزوج مسافر في البحر الاحمر الغردقه وهي في القاهره المسافه تخيلوا بين القاهرة - الغردقة 504 كيلومتر

هي بتموت مشاعرها كل يوم ولكن لم تحلل واقع نفسها ولم يخطر ببالها ان تحلل ليه هيا

بتتخانق مع الهوا


انا سألتها هو زوجك بيشتغل ايه
قالت في السياحه في البحر الاحمر

والعيال مجنني خصوصا ابني

الابن الاكبر في الصف التالت بكليه السياحه والابنه في التانويه العامه والصغيره ف 3 ابتدائي

قالت انا حاسه اني باضيع
قالت لي انا عندي 40 سنه ولم اقدر استحمل زي الاول
طبعا انت فاهمه فيه حاجات للزوجه موش عايزه افسر
قلت ليها فرصه انت غير منتظمه في الصلاه

حاولي تملي الوقت اللي انت بتحس انك في ضياع بقراءة القران والاهتمام باولادك


فوجئت انها بتقول يقطع الفلوس علي اللي عايزينها

قلت لها وحدي الله

قالت لي اللي ايده في الميه موش زي اللي ايده في النار

اتصلت اليوم الاربعاء ولاول مرة يرد عليا ابنها الساعه 9 صباحا

مين معايا انا محمد اهلا يامحمد

مزعل ماما ليه يامحمد دي دعوتها ليك بالدنيا وما فيها


لا والله ياطانط ماما مابقاش الواحد قادر يتفاهم معاها شخط ونطر بسبب ومن غير سبب
وموش عايزة تسمع اي شكوي مننا


قلت له الستات طول عمرهم ياحبيبي بيشيلوا المسئوليه علي حساب اعصابهم

انا ليا طلب عندك يامحمد نبقي اصدقاء بمعني لو فيه حاجه انت شاكك انها تكون مزعلاها منك يمكن اقولك تتصرف فيها ازاي

طبعا انت الراجل وبابا سايبهم امانه في رقبتك
موش معني انل بتشتغل وانت بتدرس معناه انك كبرت علي ماما وتبجح في وجههها
الاسلام ماقلناش كده ولا ايه يامحمد
قال تعالي
ولا تقل لهما اف ولا تنهرهما
طبعا محمد خاطب واشتري هديه صواني لام خطيبته ونسي يجيب هديه لامه
قلت ليه فيه بيجامات هيا امه نفسها فيها
50 جنيه اشتري لون بتحبه وفاجئها وانتظر منه النتيجه

وربنا يهدي الأزواج والولاد يارب العالمين

[noran_87]

فعلااااااا الغربه صعبه انا ضد ان زوجه تبقي في بلد والزوج في بلد الله يصبرهاااااااااا

[ام اسيل وايه]

انا مريت بي هالتجربه كانت قاسيه احيانا
الله يكون في عونها خاصة عندما لا يحس احد بها.
انا كنت صابره لان اهلي كانو دائما بجانبي ولكن مش متل زوجك.
والحمد لله فتره وراحت.وربي لايفرقنا ابدا...

[أم مــــالــــك]

بارك الله فيكي اختي على هذه القصه

[أم رحمة 2009]

قصة حلوة و مؤثرة و ذات مغزى

فالمرأة مهما كانت قوية هي أنثى و لها احتياجات و مشاعر و أحاسيس

و لكن أين الرجال الي يقدروا و يعرفوا قيمة زوجاتهم

ربنا يهدي الجميع

[امال رفقي]

السلام عليكم

فيه مثل كان يدايما بيتقال
زوجك يحبك عفيه وحماتك تحبك غنيه علشان تشتري ليها هديه ههههههههها
اليومين دول اول مره احس اني بدات يتسرب الي جسدي الهشاشه
هشاشه العظام نتيجه نقس الكالسيوم رغم اني باكاكل اكل الحمد لله متوازن لكن ده بيحدث نتيجه الحمل والولاده وعدم شرب فيتامين سي عقب شرب اللبن
انا ليا شهر ونصف تقريبا ذراعي الايسرشبه مكسور لاني وقعت عليه وانا باجري الللي المطبخ
يعني اصابه طبيعه عمل
وطبعا كل مره ان شاء الله بكره
نذهب اللي الطبييب
انا لفاه بالرباط الطاغط
والشافي هو الله
من عند الكوع
مصطفي ابني ماتحطي جلده للكوع ياماما

[امال رفقي]

دعواتكم لي بشفاء ذراعي زي ماتقولوا كده هشاشه العظام
مع اني صغيره وعندي 45 سنه

[نانى صلاح]

بصراحة عجبتنى القصة وهى جزء مما نعانيه فعلا فى غياب زوجى

ولكن عجبنى أكتر موقفك انتى مع الأم المسكينه دى

وخصوصا ان نموزج الصديقة اللى بتشيل هم صحبتها وتساعدها على حل مشكلاتها

ده نموذج نادر وبحييكى على تصرفك ولكى ثواب عظيم عند ربنا ان شاء الله

وألف سلامه على زراعك ويارب ما تشوفى شر ابدا

[ماريااا]

[semsema_elbadry]

الف سلامة عليكى طمنينا عملة ايه دلوقت

[roza1]

سلامتك يا أمال
أنا ما كنتش عارفة انك وقعتي وان ده هو السبب في الم ايدك
كان لازم تروحي للدكتور فورا
موضوعك عجبني جدا لأنه واقعي جدا وهذا هو حال الدنيا
الزوج بيهتم بعمله اكتر من اى شىء
والأولاد ينطبق عليهم أحيانا المثل اللي بيقول ( قلبي على ولدي انفطر وقلب ولدي على حجر )
ولكن يجب أن يكون لدينا الأمل دائما في تحسن الأحوال بإذن الله

[امال رفقي]

ماذا تفعلي اذا كان زوجك دمه خفيف وانت بتكلمي صديقاتك

انتظر ثم اخذ التليفون المحمول ومسح جميع الارقام للستات صحباتك

ووضع شريحه جديده برقم محدش يعرفه

[roza1]

لأ
دي مش خفة دم دي قلة ذوق

أو يمكن بيعتبر كلام الستات في التليفونات رغى ما لهوش لازمة (كل الرجال بيفكروا كدة )

[بنت فرج آدم]

مرحبا
سيدة أمال رفقي
أولاألف لابأس أن شالله
ثانيا والله أنا مبسوطه أني بكتبلك
وقولك بارك الله فيك وربي ايخليك لولادك وبيتك
أنا كنت بغربه عن أهلي وعن زوجي حتي
بس متتصوريش كتاباتك أثرت فيا وفي حياتي
تصدقي ..أنا دخلت المنتدي علشان أشكرك
مش عارفه لما أدخل المنتدي أروح أدور عليكي
أسفه طولت في الحكي.لك مني كل الحب والتقدير .

[اللهم ارض عنا]

اشهد الله انى استريح حين اقرء كلماتك واشعر بالألفه والصحبه

تقبلى منى فائق الود وشفاكى الله وعفاكى

بارك الله فيكى