بجد بقى انا تعبت

[عصفورة الكنارية]

طبعا فاكرين رسالتى انا تعبت النهاردة فعلا تعبانة نفسيا جدا بقى خلاص معنتش قادرة على سفر زوجى وغيابة ياجماعة اتجوزنة شهر وسافر ولحد الان ماجة بقالة سنة ومشاكلنا كتير بسبب السفر وساعات بحس بقلة اهتمامة بية وبمشاعرى انا بجد مش حاسة ان فى راجل فحياتى خلاص بقى تعبت بجد انا بندم على اليوم اللى فكرت اتجوز فية وكمان انا لسة صغيرة 23 يعنى عايزة اتبسط واستمتع بحياتى وبوقتى وهو 37 سنة اهتمامة كلة شغلة عملى يعنى زيادة عن اللزوم انا مش حاسة بنفسى معاة خالص وكمان مشكلتى بقى انى شكلى صغير جدا يعنى اللى يشوفنى ما بيصدق انى متجوزة خالص وكمان عندى بيبى 4شهور وشكلى الصغير دة عاملى ازمة مش عارفة بقى يعنى ملطشة معايا من كلةياترى الشكل الصغير دة نعمة ام نقمة وابن خالى اللى حكتلكو عنة انة صارحنى انة كان نفسة يرتبط بية واللة ياجماعة بيكلمنة بكل ادب واحترام لانة اساسا متدين ججدا ولقيت فية كل اللى انا كنت بتمناة بس سبحان اللى نصيب طبعا مش ممكن اعمل حاجة غلط الحمدللة بس تعبت من قلة وجود راجل جنبى جوزى طبعا مش حاسة بوجودة فحياتى وخايفة اخد اى قرار واظلم ابنى وبردة خايفة اظلمة كل اما اشوف اتنين متجوزين سعداء بتمنى اكون زيهم اوى لانى مش حاسة انى سعيدة فحياتى وخايفى شبابىوعمرى يضيعو بين سفر وقلة وجودة جنبى وقلة اهتمامة مش عارفة اعمل اية انا نفسيتى تعبانة اوى واهلة ماليش اختلاط بيهم لان مامتة متوفية وباباة متزوج ولة3 اخوات شباب متزوجين بس مراتتهم مااحب انى اختلط بيهم نهائى لانهم بتوع مشاكل حتى مش عايزة اعرفهم خالص انا زهقت انصحونى بقى اعمل اية

[زوجة ولي الفخر]

اختي الغاليه
هوني على نفسك
انا دائما اؤمن ان كل المشكلات تحل بشيئين
اولهما الدعاء واللجوء دائما لله عز وجل
ثانيهما التفاهم والحوار
لماذا لا تصارحين زوجك بكل هذا
كلميه في التليفون او على النت كما تفعلان
احكي معه ما تشعرين به
لكن حبيبتي ليس بطريقة التذمروالغضب
بل بكل هدوء
حبيبي افتقدك جواري الا ييصلح ان نسافرلك نظل معك
سنؤنس وحشتك وتؤنس وحشتنا
وابنك اما وحشك
انه جميل مثلك
ربي يخليك لينا
حبيبي انتظرك ترد علي واتمنى انه ما يكون فيه مشاكل لسفرنا
وان كان فيه عرفني ونحاول نشوف حل لبعدك
وكمان كلامك هيكون اشد وقعا لانه من القلب للقلب
ادعي الله
واختاه حاولي الابتعاد تماما عن ابن خالتك
لانه لو كان ملتزم كما تقولين لما فاتحك في موضوع كهذا وانت متزوجه
وايضا عليكي باغلاق هذا الباب تماما
غاليتي الشيطان لا يتوانى عن استغلال الفرص لايقاعنا بالخطا
لا تجعلي انشغال زوجك عذرا
وضعي ابنك نصب عينيك واصبري
وعليكي دائما بالاستغفار
وصيام يومين بالاسبوع
الله يكتب لك الخير ويبقي طمنينا

[meshmesh_2005]

ربنا يفرج كربك يارب
وصدقيني الحل الوحيد انك تسافرى معاه ا نتي لسه صغيرة ومش هينفع تعيشي من غير جوزك
اعرضى عليه فكرة السفر معاه وشوفيه هيقولك ايه وطمنينا عليكي

[yehia2007]

ربنا يعينك بس لازم تعرفى حاجه مهمه جدا
ان الحياه كلها تعب وممكن جوزك يكون معاكى وبرده يكون مشغول ومتعرفيش تشوفيه ويرجع تعبان من شغله ينام وتعيشى فى نفس الدوامه
وبرده تحسى ان وحيده وزهقانه
اتكلمى معاه على النت او فى التليفون واحكيله شعورك ونفسيتك اللى تعباكى ومتقوليش انا صغيره وكان نفسى وابن خالتى والكلام ده كله الدنيا اتغيرت والصغيره زى الكبيره والحياه صعبه جدا والرجاله اصلا العواطف عندهم تكاد تكون معدومه حتى لو قلتى انا تعبت وعايزه حد يفهمنى وابن خالتى هو الانسان المناسب او حتى اى شخص غيره بلاش تنخدعى فى المظاهر وتهدمى حياتك ممكن اللى تقولى عليه كده يطلع اوحش من زوجك وزوجك بالنسبه ليه ملاك
صلى وادعى ربنا واستغفرى وحاولى تتجمعى مع زوجك فى نفس المكان
وعدم نزوله سنه ده امر طبيعى ياما ناس بتغيب اكتر من كده
لو كل ست فكرت فى اللى انتى بتقوليه يبقى الدنيا حتخرب والستات حتطلق كلها
احمدى ربنا ممكن تكونى انتى احسن من ناس كتيرمتزعليش من كلامى بس ده الواقع
عمركما حتلاقى راجل يدلع يفضل معاكى طول الوقت وميسيبكيش ابدا او يفضل يقول كلام حلو على طول
انتى بس علشان لسه صغيره بتقولى كده لكن الدنيا فيها اهتمامات اكتر من كده بكتير
حاولى تشغلى نفسك فى حاجه مفيده تنسيكى الوحده
وربنا يهديلك الحال يارب

[eman_for_allah]

انا هدعيلك ياحبيبتى ان ربنا يحنن قلبه ويريحك معاه
وصدقينى ياحبيبتى الرجالة بيموتوا فى الحنية والدلع والرقة
حاولى معاه اكتر من مرة وادعى ربنا وان شاء الله هترتاحى اوى
بس عايزة انصحك بحاجة
اوعى توصّلى نفسك لاحساس انك مستكترة نفسك عليه
لانى لاحظت من كلامك حاجة زى كده
لانك لو استسلمتى للاحساس ده انتى اللى هتتعبى اوى
هاتى ورقة وقلم واكتبى مزاياه كلها بصراحة
ولو كان فيه مزايا كتير والعيب الوحيد هو التجاهل او قلة الاهتمام
يبقى الحمد لله انه عيب واحد بس مقابل مزايا كتيرة
وفى نفس الورقة اكتبى عيوبك انتى بكل صراحة
وشوفى هو ازاى ممكن يكون مستحملها ( لان مفيش بنى ادم خالى من العيوب)
ومش كل واحد بياخد كل اللى هو عايزه
ممكن كنتى تاخدى واحد رومانسى وظريف جدا بس اخلاقه تبقى مش تمام
يعنى حاجة بتعوّض حاجة
وطالما الحاجة الناقصة دى مش فى الدين ولا فى الأخلاق تبقى بسيطة ان شاء الله

[عصفورة الكنارية]

انا بشكركو اوى عشان بجد انا برتاح لكلامكو اوى وبهدا بجدانا اتكلمت معاة كتير فالموضوع دة قالى الحياة صعبة وبعدين انا بعمل كل دة لمين ماهو عشانك اما ياخدنى هناك قالى العيشة هنا فالسعودية مش هتتحمليها هو من جواة انسان كويس بس مش رومنسى خالص وانا عاكسة تماما وانا فعلا حاسة انى مش مرتاحة خالص معاة هو كويبس ودة اللى تاعبنى بس انا مش حاسة بوجودة جنبى خالص ماعندى استعداد اكمل حياتى بالشكل دة

[عصفورة الكنارية]

انا بشكركو اوى لردكو عليا لان انتو صحابى انا ما بتكلم مع اى حد فمشاكلى والكل متصور انى عايشة فمنتهى السعادة بس الحقيقة العكس خالص طبعا انا ماعنديش استعداد اكمل حياتى معاة بالشكل دة انا خلاص مش قادرة فعلا مش حاسة بوجود راجل فحياتى واتكلمت معاة كتير وحصل مشاكل كتير وقالى العيشة هناك مش هتتحمليها انا فعلا مش قادرة اتحمل ادعولى ربنا يهدينا لبعض ويفك ضيقتى

[yehia2007]

ليه بيقول مش حتتحملى العيشه فى السعوديه ما احنا عايشين مع ازواجنا ومرتاحين
لازم تفههى منه السبب
وبعدين ممكن تقوليلى هو فين فى السعوديه؟
ممكن يكون فى منطقه وحشه فعلا وصعب انتى تعيشى فيها

[حسناء حسن]

ربنا فرج كربك ويفك ضيقتك يا رب
ويقر عينك بكل اللي تتمنيه

[ام عباد الله]

الصبر ثم الصبر ثم الصبر
وخاصة وأن لديك طفل
فكري فيه فأنت لست لوحدك عزيزتي فلقد أصبحت مسؤولة عن إنسان ربما طلاقك سيدمره مستقبلا
وكل مشكلة لها حل
وأنت لم تعدي صغيرة فأنت الآن زوجة وأم سواء كان عمرك 23 او 40 فالمسؤولية واحدة
وحاولي مع زوجك كلما سنحت لك الفرصة ولكن بعيدا عن تفكيرك بأنك صغيرة وبعيدا عن تفكيرك في ابن خالك وبعيدا عن فكرة الطلاق

[عصفورة الكنارية]

هو شغال ف الرياض

[ROSE MARY]

الله يسعدك بس شيلي فكرت انك تنفصلين عنه

والحين ظروف المعيشه صارت صعبه خاصه العقار صار مرتفع صدقيني السعوديين مو لقين يسكنون اسمعي حبيبتي الحين هو مسافر عشان مين مو عشانك لازم تصبرين والله يعوضك خير

[yehia2007]

طيب لو فى الرياض الحياه حلوه وتقدرى تعيشى مبسوطه
اعرفى ايه الاسباب اللى مخليه رافض الفكره
وممكن يكون هو عايز يعمل مستقبل وينزل مصر نهائى يعيش معاكى على طول ووجودكم معاه حيعطله
اذا كان تفكيره كده يبقى معاه حق وكله فى الاخر ليكى
انتى بس استهدى بالله واتكلمى معاه بهدوء وافهمى منه
واوعى تفكرى ان بعدكم عنه عادى بالعكس بس هو مش عايز يبين لان شايفك انتى فى الحاله دى
ربنا يجمعكم على خير ويقرب ما بينكم المسافات

[زهرة حبيبى]

اختى الغالية
انا رأيى انك لازم تسافرى معاه هو ده الحل من وجهة نظرى لان انتوا اتجوزتوا وقضيتوا معا فترة بسيطة وسافر والا ستتسع مع الوقت الفجوة بينكم وتحسوا انكم غرباء عن بعض وتقل مشاعركم تجاه بعض حاولى تقنعيه انك تسافرى معاه دايما
والله يوفقك بحياتك