تقولوا اية لصحبتى علشان متطلقش؟؟؟؟؟

[lolo habeby]

السلام عليكم ورحمه الله وبركاتة
كل سنة وانتم طيبين
اتمنى ان اجد عندكم كلام اقوله لها علشان امنع موضوع الطلاق بينها وبين جوزها
الموضوع وما فية ان صديقتى جوزها اتجوزها عن حب ولكن للاسف هو فى الوقت الحالى حياتة كلها النت والشات مع البنات وكمان الدش والقنوات القبيحة اللهم احفظنا ودايما وابدا اعد على الاتنين يا النت يا الدش لو اخر فلوس فى جيبة ممكن يشترى دش احسن من القديم علشان يجيب اكتر قنوات اوربيا هى على فكرة مش مهملة فى نفسها خالص هى جميلة ودمها خفيف وبتعملة فيها قرد علشان يبطل لكن للاسف مش بيبطل ابدا ولدرجة انها شافته كذا مرة يكذبها ويقول انها غلطانة وعلى الشات مع البنات انها حاجة بتسلية وبيحل مشاكل الستات دول تتخيلوا فاضى يحل مشاكل الستات الاوربيات وسايب مراتة مع انها نظيفة جدا وجميلة ولكن اكيد مش هتقدر تسهر زاية هو ممكن يعد صاحى 24 ساعة عادى جدا بس ميكونش معاها جربت تقوم تعد معاه هو اول ما هى تعد معاها النوم يكبس علية وهى كانت طبعا مش بتقدر تسهر لانها مع الاولاد والمدارس وهو مش بيتقى ربنا فيها وهى طلبت منة الطلاق لانها اكتشفت انة مرض مش مسالة انها مهملة او وحشة اوى اى حاجة من دية لا دا بيبقوا كويسين جدا وفى لحظة حميمية وبعد ما يسيبها يروح يكمل مع الدش والنت
بصراحة شئ مقرف هى المفروض خلاص حاطة العقدة فى المنشار وهو شايف انة مش غلطان خالص هو بيتسلى تقولوها تعمل اية يا ريت الاخت سحر 66 تكون من اللى هيردوا على الموضوع لانى بصراحة كلمها دايما بحس انة كلام واحدة ست متزنة جدا وعقلة يا ريت تشاركينى المساعدة لعدم خراب البيت دة لانهم عندهم اولاد مين صح ومين غلط ؟واية اللى ممكن الست دية تعملة وعلى اى حال هى جربت كل الطرق بلى جدوى
تعمل اية تتطلق ولا اية ولا تستحمل بس كل دة على اعصابها يا ريت الاقى اجابة عندكم اقنعها بيها وشكر

[yehia2007]

اهلا يا لولو
كل سنه وانتى طيبه يا قمر
اقولك على نصيحه تقوليها لصاحبتك
اولا اذا هى مش عايزه تخرب البيت وتبعد اولادها عن زوجها يبقى خليها عايشه معاه وتعتبره كأنه مش موجود انا عارفه ان ده صعب بس عشان خاطر اولادها لازم تضحى
لان اللى زوجها فى ده مرض ومش ممكن حيتخلص منه ابداا مهما حصل
يا اما لو تقدر على الحياه من غير زوجها ويكون عندها امكانيات تقدر انها توفر لنفسها ولاولادها الحياه المناسبه يبقى تطلق منه

[lolo habeby]

حبيبتى ام نور ازيك وحشانى اوى وازى نور
بصى يا ام نور اعتقد هنبقى بنقسى عليها جدا لما نقولها تعيش معاه وهى عارفة انة فى الغرفة الاخرى بيعمل كدة او بيعمل حاجة من دية صعب جدا اه هى عايزة طبعا متخربش البيت بس دة هيبقى على حساب اعصابها وهى اصلا لسة صغيرة انتى عندك حق ان دا مرض هل معقول مفيش حل غير كدة ؟
شكر على ردك يا قمر

[yehia2007]

وانتى كمان يا لولو وحشانى اوى
الحل الوحيد ان يقتنع ان ده مرض ولازم يتعالج عند دكتور نفسى وطبعا مفيش راجل خالص بيقبل على نفسه حاجه زى دى

يبقى مفيش غير الدعاء ليه بالهدايه وربنا وحده العالم امتى يتهدى ويبعد عن الحاجات دى
وربنا يصبرها هى ويقويها على تعب الاعصاب ده وصعب طبعا تروح عند اهلها بأولادها
مع انى انا ضد الست اللى تشوف كده على زوجها من بدايه زواجها وتفضل تخلف منه على امل ان ينصلح حاله بالاولاد
لان ده كله غلط هى كده اللى بتتعب روحها بالاولاد والبهدله مع زوج مش عارفه ايه مصيرها معاه
وربنا يهديلها الحال يارب

[wbaby]

حبيبتي تهمله وماتكلمه فنفس الوقت متهملش نفسها تحط بين عنيها ولادها وان ربنا هيجازيها كل خير فالاخرة لانها حافظت على بيتها وربت ولادها ولانها صبرت على البلاء الي هيه فيه كمان خليها تدعيله كتير اوي ان ربنا يهديه واكيد ربنا مش هيخذلها وهيديها الاحسن ان مكانش فالدنيا ففالاخرة قوليلها ان ولادها اهم بكتير لان هيه اه بتتجرح منه لكن لو اطلقت هيه وزوجها هيجرحوا الاولاد كتير هتستحمل انهم يتجرحوا وربنا بيجزي الصابرين خير الجزاء

[ورده مصريه]

لولو ...

انا ليا رأى تانى وده متجرب من صديقه ليا جوزها بيعمل كده بالظبط زى زوج صحبتك اولا النت والدش دول ادمان وهو ادمنهم يعنى هو مريض
صحبتى ربت اولادها كويس جدا والحمد لله وبيصلوا وبيصوموا وبعد ما كبروا ودخلوا المدارس وبقوا يعتمدوا على نفسهم فى المعقول يعنى راحت اشتغلت ورمت طوبته بالبلدى كده ومدتهوش اى اهتمام وشافت نفسها واولادها اللى هما كل حاجه فى حياتها انا اعتقد انه مفيش منه فايده مع الأسف لو تقدر تستحمل تفضل معاه كنوع من ونيس او واحد بيصرف عليها والسلام وخلاص وتدعيله بالشفا من القرف اللى هو فيه ده اللهم احفظنا من دا ادمان ... وقلبى معاها يا لولو .. ربنا يقويها ..

[lolo habeby]

صح يا ام نور صعب اعوز بالله ربنا يستر علينا يا رب ويبعد عننا القرف دة طبعا صعب جدا انها تروح بيت اهلها مش هتستحمل طبعا وانها تقولوا ان هو اللى يسيب البيت دة طبعا مش هيحصل لان الاستاذ مقتنع ماية بالماية انة مش غلطان وانها مكبرة الموضوع
هى كمان خايفة تمنع نفسها عنة وتغضب ربنا وطبعا هو مش بيحتجلها الا مرة مثلا فى الشهر تخيلى

[lolo habeby]

وردة مصرية ازيك يا حبيبتى
انتى مش شايفة ان دة صعب جدا انها وهى عندها حاجة وتلاتين سنة وعندها تلات اطفال ولسة صغيرين وهى لسة فى عز شبابها انها تستحمل كل دة وتبقى لوحدة ومش بتشتغل ومش هينفع تشتغل طيب احساسها هى فين كبنى ادمة مبيسالش فيها الا مثلا كل شهر مرة بالعافية لما هى اللى تدعواه كمان ربنا يصبرها بجد

[ام سنفور]

لوتقدر تعتمد على نفسها تتطلق لومتقدرش تعيش معه وتفوض امرها لله وتربى اولادها وتصون نفسها وطنشو خالص كانه مش موجود وتستعين بالله قادر يصبرها

[سحر66]

بسم الله الرحمن الرحيم
السلام عليكم و رحمة الله و بركاته
اولا حبيبتى لولو جزاكى الله خيرا على اهتمامك بمشكلة صديقتك
و ثانيا الف شكر حبيبتى على ثقتك بى و لو انى اعتبر نفسى نقطة فى بحر من الاخوات الرائعات
هدانا الله جميعا الى الوصول الى حل منطقى لمشكلة صديقتك الصعبة
و اسمحى لى ان اتوجة بكلامى لها مباشرة
حبيبتى
لقد اجمع العلماء فى جميع بلاد العالم على ان ادمان الاباحيات على النت صار خطرا يهدد العالم اجمع ، بل و وصلوا الى انه اخطر من ادمان الهيروين نفسه حيث ان ادمان الهيروين يمكن العلاج و الشفاء منه اسهل من ادمان الاباحيات
و بالنسبة للاسباب فلاداعى لتعذيب نفسك و البحث عن التقصير منك فانتى مستحيل تكونين السبب و قد بحثت و بحثت على النت فلم اجد علاجا لهذا الادمان و لكن وجدت ردا للدكتور احمد عبد الله فى احد المواقع الاسلامية لمشكله مثل مشكلتك احببت ان تقرائيه

الزوج لا يفعل هذا ليجرح زوجته، أو أنه يستهين بمعاشرتها أو مشاعرها، ولا هو زاهد في الجنس معك... الدافع الأكبر لهذا السلوك هو الملل والضجر، والفراغ النفسي والذهني من الاهتمامات والأنشطة، ولذلك فإن الرد على سلوكه بمحاولة إغرائه أو إشباعه أو إرضائه جنسيًّا ليست حلاًّ؛ لأن هذه ليست هي المشكلة أصلاً كما شرحنا، وليس الإشباع الإنساني الذي يفتقده متعلقًا بالجنس وحده، ولكن الإنسان أكبر من مجرد شهوته.

الوازع الديني لا يكفي وحده للتعامل مع المسألة، وشرحنا أن الدين كما أنزل علينا أحكامًا فإنه أقام لنا أوضاعًا تكفل تطبيق هذه الأحكام، ومن الأوضاع الشرعية الأساسية اللازمة للعفة والعفاف، لاستثمار الوقت والطاقة بدلاً من الفراغ وأخطاره، أن يكون في المجتمع فرصة للحركة العامة وممارسة النشاط الثقافي أو الاجتماعي أو حتى السياسي، فهل حولك أية فرصة لأنشطة مثل هذه؟! أرجو أن تدققي في البحث والسؤال؛ لأن وجود مثل هذه الفرص سيكون هامًّا لبدء العلاج.

وهل يمكن أن يكون بينكما نشاط مشترك أو اهتمام مشترك غير تناول الطعام، وممارسة الجنس، والحديث العابر عن اليوميات أو الناس؟!

ما هي الحياة التي يمكن أن تسحب زوجك من أمام شاشة الكمبيوتر، وتجعله قادرًا على مقاومة إغراء الشبكة وعلاقاتها ومغامراتها؟!

ما الذي يمكن أن نقدمه له ليشعر أن له وجودًا ودورًا محتملاً في مساعدة غيره أو تطوير نفسه أو أي شيء نافع على الإنترنت أو غيرها؟! هل لديك إجابة؟!

ماذا تتوقعين أنه سيفعل في حالة امتناعك عن معاشرته؟!

هل سينهار ويركع بين يديك، ويبكي نادمًا ويقول: "مش حاعمل كده تاني؟!" أم سيدخل على الشبكة في أوقات نومك أو غيابك؟! أم سيزداد برودًا وتزداد الفجوة بينكما اتساعًا؟!!

بغض النظر عن الحكم الشرعي للامتناع عن زوجك في حالته هذه، هل تظنين أنه يكون حلاًّ فعالاً في وقف ما تريدين وقفه؟!!

وهل تعتقدين أن استمرار لومه ومعاتبته سيكون لها أي أثر فعال في نفس الموضوع؟! وهل هو لا يعرف أن ما يفعله خطأ وحرام... إلخ؟!

وإذا كانت هذه الأفعال خيانة لك أو ليست خيانة بالمعنى الكامل، فما هذه الأفعال خيانة لك أو ليست خيانة بالمعنى الكامل، فما الفارق ألا نريد وينبغي أن نفكر معها لوقفها، وهذا أهم من توصيفها أو تسميتها خيانة أو غير خيانة؟!

أنا معك، وأشعر بالآلام التي يمكن أن تجتاح نفس كل زوجة في موقفك، ولكن تجاوز الألم ضروري، والبحث عن أساليب أكثر فاعلية من الغضب واللوم وقلة الحيلة أو التهديد بعدم المعاشرة هو الأهم بالنسبة لك ولأمثالك.

تعالي ندع الغضب جانبًا ونفكر كيف نكسب زوجك؟! وكيف تتغير حياتكما بحيث لا يصبح فيها مكان لمثل هذا العبث؟! كيف نستثمر الفراغ؟! وكيف نبدأ خطة لأنشطة واهتمامات؟! وكيف؟! وكيف؟!

و كما ترين فانه عرض للمشكله و لم يتطرق للحل
و فى احدى الفتاوى قرات ان الزوجة عندما خافت على نفسها من ان تفتن فى دينها افتى لها المفتى بالطلاق ان استطاعت لتفر بدينها من هذا المستنقع
لكن حبيبتى
الطلاق مصيبة كبيره ستهدم البيت و تحطمك و الاطفال
اذن ما العمل
فى رايي المتواضع
زوجك يرتكب اثاما كبيرة بما يفعله
اليس كذلك ؟
و لكن لا تزر وازرة وزر اخرى فهل سيحمل اثامه على ظهره يوم القيامه و يقابل بها المولى عز و جل
و انت لا تمتلكى حق اجباره على الامتناع عن ما يفعل
اليس كذلك ؟
لكن له عليكى حق النصيحة
و هو حق المسلم على المسلم
و لا تملكى اكثر من ذلك
و لذلك فعليكى بنصحه و ارشاده و بتحذيره من غضب الله عليه
و من عذابه
و عليكى بتكثيف الدعاء له بان يشفيه الله مما هو فيه
و انتهى الامر
و هذا ليس كلام من عندى
بل قرات عشرات الفتاوى منذ نشر رسالتك حتى الان
ليس اماك الا تقديم النصح
ثم الدعاء له بالهدايه
و نحن ايضا سندعو لكى حبيبتى
بان يفرج الله ما انتى فيه
اميييييين

[bichebicha1]

بصراحة أنا من رأي ورده مصرية عليها أن تهمله و لا تكترث له لأن الرجل عنيد بطبعه
و ايضا لا يحب أن يطلع غلطان أمام المرآة
و صديقتك لو استمرت هكذا فزوجها لن يعترف أنه مخطئ سيضل مصمم انه على صواب
و انه لا يؤدي أحد او ن ما هو فيه مجرد تسلية
لنأخذها تسلية و نتركه لحاله يعمل ما بدا له انشاء الله يبقى للصبح أمام الجهاز
هي تتصرف معه بشكل عادي و تمارس حياتها بشكل عادي
و تطلب له الهداية من عند الله و تعتني بأطفالها و مرة مرة تطلق قرآن بالبيت
يعني ما تثير انتباهه لتكن عاقلة و لا تهدم بيتها و خصوصا أنك تقولين عندها 3 أطفال
ماذا بعد الطلاق هل فكرت في نفسها ماذا تعني امرآة مطلقة يعني امرآة مكسرة ضعيفة
مذا تفعل و هي ليس لها سلاح تحارب به و تدافع به عن نفسها و عن أطفالها
فالطلاق سهل و لكن ماذا بعد الطلاق كيف سأعيش من سيقبل على واحدة عندها 3 أطفال
حتى أهلك لن يرضون صحيح سيرحبون بك في البداية ولكن الحمل سيثقل و خصوصا في وقتنا
الراهن المعيشة الغالية و في ظل وجود 3 أطفال عليها أن تفكر بعيدا و تفكر في مستقبل أطفالها
و لتحاول أن تعيش لهم و تضاعف جهدها من أجلهم .
فالمرأة يا أختي تسمح في حقها من اجل الأبناء و خصوصا لما يكونوا مازالوا صغارا
و لا تحكم على زوجها حكم اعدام مصير يتغير
طريقة الضغط عليه أو مواجهته ليست طريقة مثلى فالرجل كما قلت لك عنيد
و لا يحب المرآة التي توجهه أو تفرض رأيها لتكن عاقلة و لتتعامل مع الوضع بحكمة
و تحاول أن تجعله يقوم بشكل من الأشكال من أمام الجهاز دون أن تبين ان لها موقف
من تصرفاته مصير يتعب و يعود الى رشده يا ما أناس اعرفهم كانوا يعملوا أكثر من زوجها
و ربي هداهم و اصبحوا من اخير الناس .
متمنياتي لها بالتوفيق و أكرر لا تفكر في الطلاق .

[hanan73]

ربنا يصبر صديقتك على هذا البلاء وعليها بالدعاء حتى يشفي الله زوجها
وتحاول معه بالحسنى وتذكره بالله باللين وإذاكان له أخ أكبر أو قريب يحبه ويوقره وتستطيع أن تستعين به دون أن تحرج زوجها تفعل وإن لم يستجب
فعليها أن تعتبره جار يسكن بالغرفة المجاورة لغرفتها وتقعد تربي اولادها وتنتظر الأجر والثواب من الله
وفقها الله للخير وهدى زوجها

[lolo habeby]

الاخت سحر حبيبتى اشكرك على مجهودك وعلى تعبك ربنا يجعله فى ميزان حسناتك يا رب ربنا يسهلها ويهديلها الحال يا رب

[lolo habeby]

بصراحة أنا من رأي ورده مصرية عليها أن تهمله و لا تكترث له لأن الرجل عنيد بطبعه
و ايضا لا يحب أن يطلع غلطان أمام المرآة
و صديقتك لو استمرت هكذا فزوجها لن يعترف أنه مخطئ سيضل مصمم انه على صواب
و انه لا يؤدي أحد او ن ما هو فيه مجرد تسلية
لنأخذها تسلية و نتركه لحاله يعمل ما بدا له انشاء الله يبقى للصبح أمام الجهاز
هي تتصرف معه بشكل عادي و تمارس حياتها بشكل عادي
و تطلب له الهداية من عند الله و تعتني بأطفالها و مرة مرة تطلق قرآن بالبيت
يعني ما تثير انتباهه لتكن عاقلة و لا تهدم بيتها و خصوصا أنك تقولين عندها 3 أطفال
ماذا بعد الطلاق هل فكرت في نفسها ماذا تعني امرآة مطلقة يعني امرآة مكسرة ضعيفة
مذا تفعل و هي ليس لها سلاح تحارب به و تدافع به عن نفسها و عن أطفالها
فالطلاق سهل و لكن ماذا بعد الطلاق كيف سأعيش من سيقبل على واحدة عندها 3 أطفال
حتى أهلك لن يرضون صحيح سيرحبون بك في البداية ولكن الحمل سيثقل و خصوصا في وقتنا
الراهن المعيشة الغالية و في ظل وجود 3 أطفال عليها أن تفكر بعيدا و تفكر في مستقبل أطفالها
و لتحاول أن تعيش لهم و تضاعف جهدها من أجلهم .
فالمرأة يا أختي تسمح في حقها من اجل الأبناء و خصوصا لما يكونوا مازالوا صغارا
و لا تحكم على زوجها حكم اعدام مصير يتغير
طريقة الضغط عليه أو مواجهته ليست طريقة مثلى فالرجل كما قلت لك عنيد
و لا يحب المرآة التي توجهه أو تفرض رأيها لتكن عاقلة و لتتعامل مع الوضع بحكمة
و تحاول أن تجعله يقوم بشكل من الأشكال من أمام الجهاز دون أن تبين ان لها موقف
من تصرفاته مصير يتعب و يعود الى رشده يا ما أناس اعرفهم كانوا يعملوا أكثر من زوجها
و ربي هداهم و اصبحوا من اخير الناس .
متمنياتي لها بالتوفيق و أكرر لا تفكر في الطلاق .

حبيبتى شكرا على ردك واهتمامك بس مش شايفة ان الحياة تبقى قاسية اوى وهى لسة شابة وصغيرة ؟هل سهل عليها او على اى ست انها تستحمل تبقى لوحدها واسمها متجوزة
هتستحمل اية ولا اية هتربى ولادها لوحدها وتعيش معهم لوحدها وكل حاجة لوحدها امال فين كرمتها وفين ادميتها هى مش بنى ادمة
ربنا يعينها ويهديه يا رب
؟

[lolo habeby]

ربنا يصبر صديقتك على هذا البلاء وعليها بالدعاء حتى يشفي الله زوجها
وتحاول معه بالحسنى وتذكره بالله باللين وإذاكان له أخ أكبر أو قريب يحبه ويوقره وتستطيع أن تستعين به دون أن تحرج زوجها تفعل وإن لم يستجب
فعليها أن تعتبره جار يسكن بالغرفة المجاورة لغرفتها وتقعد تربي اولادها وتنتظر الأجر والثواب من الله
وفقها الله للخير وهدى زوجها

شكرا على ردك