السلام عليكم ورحمة الله وبركاته
كيفكم يا حلوات
انا هاحكيلكم حكايتى وانتوا احكموا فى الأخر
انا بقالى سنتين متزوجه وبعد شهر من زواجى زوجى سافر للعمل ببلد عربية
ولما سافر مامته كلمتنى وسألتنى سؤال مباشر وهو اخر دورة جاتلك امتى
وطبعا رديت عليها بس كنت مستغربه وكان المفروض معاد الدورة اللى جايه بعد خمس ايام من المكالمة
المهم فضلت اجهز هدومى لحين زوجى يبعتلى استقدام
وفات الخمس ايام ولاقيتها طلبت وبتسألنى هل الدوره جات وللا لأ
وفعلا ماكنتش جات فقالتلى روحى اعملى تحليل حمل
فلما قولت لماما قالتلى اكيد حماتك اتجننت هى ليه مستعجله
المهم انا ماروحتش وبعد يومين زوجى كلمنى وسألنى على الدورة ولما قولتله ماجتش قاللى نفس كلام امه
فاروحت وعملت تحليل وتلع سالب يعنى مافيش حمل وطلع اليوم اللى مشى فيه زوجى كان اول يوم فى ايام التبويض المهم
بعد شهرين سافرت لزوجى والدوره مانزلتش خالص
روحت لدكتورة قالتلى انى عندى تكيس على المبايض وطبعا ممكن يكون مأخر الحمل وبعدين لما مامته اتصلت قالها ويومها ماكلمتنيش زى مايكون انا اللى عملت الأكياس دى وبدأت معاملتها تتغير معايا فى التليفون مش زى الأول
وفضلت اروح للدكتورة وامشى على الأدويه والدوره نزلت واستانينا فترة الأباضه وبرده ماحصلش حمل روحت للدكتوره تانى قالتلى ان بويضاتى صغيره ماينفعش تلقط حيوانات منويه واخذت منشط كل لما الدورة تيجى اسمه كلوميد
والحمد لله جسمى استجاب
بس برده مافيش حمل بس عايزه اقولكم ان فى هذه الفتره حسيت ان كل حاجه امامى وحشه وان ربنا غضبان منى ومعاملة حماتى ليه حتى زوجى معاملته اتغيرت قوى قوى
بعد كده روحنا عملنا عمره واول حاجه دعيتها وانا ببكى
ان ربنا يزيح عنى هذه الغمه
وبعد شهر من العمره الدوره اتأخرت كالعاده وروحت للدكتوره وقالتلى انتى مافيكيش حاجه بس دى ممكن تكون اضطرابات بس احنا كان فات على جوازنا سنه ونصف المهم
الدكتوره كتبتلى على حقنه تفجيريه قالتلى عشان احتمال ان البويضه مابتنزلش قناة فالوب لكن انا كنت زهقت والدنيا اسودت فى وجهى مش لاقيه تحسن ولا معامله حلوه وكلام بقى من حواليا كلام سم من امه واخواته ومرتاتهم
المهم روحنا تانى للدكتوره فأقترحت على زوجى الذهاب لطبيب رجال
فقاللى دى مجنونه وانا مالى هى المشكله عندك وللا عندى المهم راح من غير مايقوللى وشوفوا قدرة الله سبحانه طلع عنده الحيوانات مابتدخلش عندى يعنى مش نشيطه ومن يومها معاملته معايا اتحسنت لكن ماقلش لأهله وانا طبعا فى نظرهم عقيمه اعمل ايه هل اقول لمامته واقولها ماتقولوش عشان استريح من كلامهم ليا وللا اعمل ايه
على فكره انا قولت لزوجى قولهم عشان انا شكلى وحش قدامهم قاللى لأ مش هاقول وماتبقيش تردى عليهم لو كلموكى
بس ده مش حل
قولولى ايه رأيكم فى قدرة الله وقولولى اعمل ايه
وليه الأزواج بيتغيروا بمجرد ان الزوجات عندهم مشكله
مع العلم ان الزوجات بتصبر وتتحمل
معلش طولت عليكوا
كيفكم يا حلوات
انا هاحكيلكم حكايتى وانتوا احكموا فى الأخر
انا بقالى سنتين متزوجه وبعد شهر من زواجى زوجى سافر للعمل ببلد عربية
ولما سافر مامته كلمتنى وسألتنى سؤال مباشر وهو اخر دورة جاتلك امتى
وطبعا رديت عليها بس كنت مستغربه وكان المفروض معاد الدورة اللى جايه بعد خمس ايام من المكالمة
المهم فضلت اجهز هدومى لحين زوجى يبعتلى استقدام
وفات الخمس ايام ولاقيتها طلبت وبتسألنى هل الدوره جات وللا لأ
وفعلا ماكنتش جات فقالتلى روحى اعملى تحليل حمل
فلما قولت لماما قالتلى اكيد حماتك اتجننت هى ليه مستعجله
المهم انا ماروحتش وبعد يومين زوجى كلمنى وسألنى على الدورة ولما قولتله ماجتش قاللى نفس كلام امه
فاروحت وعملت تحليل وتلع سالب يعنى مافيش حمل وطلع اليوم اللى مشى فيه زوجى كان اول يوم فى ايام التبويض المهم
بعد شهرين سافرت لزوجى والدوره مانزلتش خالص
روحت لدكتورة قالتلى انى عندى تكيس على المبايض وطبعا ممكن يكون مأخر الحمل وبعدين لما مامته اتصلت قالها ويومها ماكلمتنيش زى مايكون انا اللى عملت الأكياس دى وبدأت معاملتها تتغير معايا فى التليفون مش زى الأول
وفضلت اروح للدكتورة وامشى على الأدويه والدوره نزلت واستانينا فترة الأباضه وبرده ماحصلش حمل روحت للدكتوره تانى قالتلى ان بويضاتى صغيره ماينفعش تلقط حيوانات منويه واخذت منشط كل لما الدورة تيجى اسمه كلوميد
والحمد لله جسمى استجاب
بس برده مافيش حمل بس عايزه اقولكم ان فى هذه الفتره حسيت ان كل حاجه امامى وحشه وان ربنا غضبان منى ومعاملة حماتى ليه حتى زوجى معاملته اتغيرت قوى قوى
بعد كده روحنا عملنا عمره واول حاجه دعيتها وانا ببكى
ان ربنا يزيح عنى هذه الغمه
وبعد شهر من العمره الدوره اتأخرت كالعاده وروحت للدكتوره وقالتلى انتى مافيكيش حاجه بس دى ممكن تكون اضطرابات بس احنا كان فات على جوازنا سنه ونصف المهم
الدكتوره كتبتلى على حقنه تفجيريه قالتلى عشان احتمال ان البويضه مابتنزلش قناة فالوب لكن انا كنت زهقت والدنيا اسودت فى وجهى مش لاقيه تحسن ولا معامله حلوه وكلام بقى من حواليا كلام سم من امه واخواته ومرتاتهم
المهم روحنا تانى للدكتوره فأقترحت على زوجى الذهاب لطبيب رجال
فقاللى دى مجنونه وانا مالى هى المشكله عندك وللا عندى المهم راح من غير مايقوللى وشوفوا قدرة الله سبحانه طلع عنده الحيوانات مابتدخلش عندى يعنى مش نشيطه ومن يومها معاملته معايا اتحسنت لكن ماقلش لأهله وانا طبعا فى نظرهم عقيمه اعمل ايه هل اقول لمامته واقولها ماتقولوش عشان استريح من كلامهم ليا وللا اعمل ايه
على فكره انا قولت لزوجى قولهم عشان انا شكلى وحش قدامهم قاللى لأ مش هاقول وماتبقيش تردى عليهم لو كلموكى
بس ده مش حل
قولولى ايه رأيكم فى قدرة الله وقولولى اعمل ايه
وليه الأزواج بيتغيروا بمجرد ان الزوجات عندهم مشكله
مع العلم ان الزوجات بتصبر وتتحمل
معلش طولت عليكوا


تعليق