اجمل ذكرى

[ام ملك وادهم]

بســــــــــــ( الله الرحمن الرحيم )ـــــــــــم


كل واحد منا له ذكرياته الجميلة.......و مواقفه الحلوة



وبعضها اشياء صغيرة ..يمكن ما تكون في قيمتها المادية .....شي يذكر .. ولكنها بقيمتها لنا


شئ كبير وغالي .......



بما فيها من ذكرى لنا تشكل اهم الاشياء ونحتفظ بها يوم بعد يوم ..سنة ورا سنة ..كلما



نظرنا لها تتجدد الذكريات وتحرك المشاعر ........



يمكن تكون رسالة....... او ساعة ........او قلم .......



او ميداليه نقش عليها حرف غالي ...............او ورد..............او.....



تتعدد اشياءنا الصغيره في حجمها .......الكبيره في قيمتها لارواحنا وحياتنا ......



سؤالي لكم ؟




ما هو أقدم شي تحتفظ به الى الان؟؟؟؟؟

[ام ملك وادهم]

انا عن نفسي هبدا
اقدم شئ انا محتفظه بيه هو صندوق لعبي الخشبي
كان بابا عمله عند النجار وانا صغيره علشان احط لعبي
وكل ما كانت ماما تحاول تتصرف فيه كنت اعيط لاني بحبه قوي
علشان انا كنت مع بابا عند النجار وهو بيعمله
ولما اكرمني ربنا المره اللي فاتت وحملت صممت اخذه معايا
ولسه موجود لحد دلوقتي
وعمره حوالي 20 سنه
والله ليه معايا ذكريات حللللللللللللللللوه

[ام ملك وادهم]

20 مشاهده وولا رد؟؟؟؟؟؟؟؟؟؟؟؟؟؟؟
ليه هو الموضوع ممل للدرجادي؟

[raouane]

لا تحزني هو الموضوع كثير حلو بس مش لاقيين ايه الذكري الجميلة
لانه ماشاء الله ذكرياتهم الحلوة كثيرة لهذا ماردو
المهم انا ذكراي الجميلة على قلبي من جدتي الغالية رحمها الله اهدتني مصحف عندما حفظت اول جزء من القران الكريم
وفرحت به كثيرا
وبعد 18سنة مازلت احتفظ به وهو عزيز على قلبي كثير
رحمة الله عليها وعلى موتانا

[نزف الاحاسيس]

حبيبتي موضوعك حلو اوي
بصي بقي انا عندي لعبه كان جدي الله يرحمه جابهالي ولسه لحد دلوقتي عندي وكان جايبلي لغعب كتير وكلهم اديتهم للاولاد خالتي بس الا دي عندي من 19 سنه

[ام ملك وادهم]

لا تحزني هو الموضوع كثير حلو بس مش لاقيين ايه الذكري الجميلة
لانه ماشاء الله ذكرياتهم الحلوة كثيرة لهذا ماردو
المهم انا ذكراي الجميلة على قلبي من جدتي الغالية رحمها الله اهدتني مصحف عندما حفظت اول جزء من القران الكريم
وفرحت به كثيرا
وبعد 18سنة مازلت احتفظ به وهو عزيز على قلبي كثير
رحمة الله عليها وعلى موتانا

الله يجبر بخاطرك
اول رد ترديه عليا
الله يرحم جدتك وكل اموات المسلمين يارب
تسلم ايديكي عالمرور

حبيبتي موضوعك حلو اوي
بصي بقي انا عندي لعبه كان جدي الله يرحمه جابهالي ولسه لحد دلوقتي عندي وكان جايبلي لغعب كتير وكلهم اديتهم للاولاد خالتي بس الا دي عندي من 19 سنه

الله يرحم جدك
جزاك الله كل خير
الحمد لله تاني واحده تجبر بخاطري

[مس عسل]

والله يا ملوكة عندى حاجات كتير جدا جدا
منها صورة من مدرستى من وانا فى ابتدائى صورة لسلاحف النينجا اصل كنت بحبهم اوى وكنت مختارة السحلفاة الزرقا
وعندى الاوتوفراغ بتاع الاعدادية كل المدرسين كاتبين فية تقريبا نص مدرسين اسكندرية
وعندى كتاب الاقتصاد بتاع اولى اعداداى اصل بحبة اوى الكتاب دة
وعندى عقدمن الخرز الازرق جدتى كانت عملهولى بايديها عشان الحسد
وعندى حاجات كتير اوى من كترها مش عارفة افتكرها كلها
زهايمر بعيد عنك
وموضوعك حلو يا عسل عشان منك يا كميل

[المرج الوردي]

أجمل ذكرى إسواره جميله في يوم زوجي أهدتني إياه الحبيبه نور العين امي رحمها الله احتفظ بها إلى الان

[sorry fals]

اجمل ذكري مصحف كنت طلبته من جدي رحمة الله عليه وكان اول مصحف خاص بي ولا ازال لا احب اقرا الا فيه والاتواجراف بتاعي وانا في المدرسة الذي كلما اقرا فيه اضحك علي ايام الطفولة الجميلة

[high wave]

موضوع حلو قوى يا ملك ....انا كمان عندى مصحف خالى هداهولى وانا فى ظرف صعب قوى ومن يومها وهوا معايا ........

[نور تقية]

فكرتينى بالذى مضى يا سلمى.....بصى اجمل يوم عندى هو اول مرة قابلت فيها

زوجى الكلام ده من 10 سنيين....فاكرة كان لابس ايه و فيين و كل التفاصيل

و احلى هديتيين مصحف اخدته من بابا الله يرحمه ...كنت بحبه جدا و نفسى فيه

و ساعة جوازى فوجئت بيه يا حبيبى بيديهونى هديه و ساعتها ماما اتغاظت علشان

كانت عاوزاه هههههه...و المصحف اهو جنبى و كل ما اقرا فيه ادعى لبابا

ربنا يرحمه و يغفر له يا رب ....

و الهدية التانية اول هديه من زوجى الحب الحب انت فهمانى طبعا هههه.....

كانت برواز صغنون و حلو اوى و معلقاه دلوقتى فى الشقة منورها ....

و ربنا يبارك لك يا سلمى و يسعدك زى ما رجعتينى لاحلى ذكرياتى........

[yehia2007]

اا كمان عندى مصحف بابا اهداهونى وبقاله معايا تقريبا 17 سنه ولحد دلوقتى بستعمله على طول وهو شكله جميل اوى
وكل ما اسافر اخده معايا وارجع بيه ومقدرش اقرا قران الا بيه دايما معايا على طول

[فرح1983]

لا والله موضوعك جميل بيرجعنا لذكريات جميلة الواحد كان ناسيها
انا على فكرة اول ما كتبتي الموضوع رديت بس جيت ابعت الرد الجهاز هنج وحصل اللي حصل، بس هكتب تاني وربنا يسهل.
انا بقى يا ستي باختصار من النوع اللي مش بيفرط في حاجة ابدا بسهولة، بحب الذكريات، عندي شنطة كدة صغيرة شايلة فيها حاجات غريبة، ابتداء من ورق شكولاته، اوتجراف، مذكرات جوابات من والدي( اصله مسافر)، رقم الجلوس بتاع الثانوية العامة، وكل اما الاقي نفسي فاضية وزهقانة افتح الشنطة وافتكر.

[ام ملك وادهم]

ما شاء الله عليكم
بجد عشت معاكم اجمل ذكريات
ربنا يسعدكم يارب
تسلمولي عالمرور

[amoOora KSA]

اجمل ذكرى مريول امدرسه اول ابتدائي
وددوب اشتريته من سفر واحبه موت من كنت صغيره محديلمسه ولا يقرب عنده
وكمان تجراف المدرسه
و صور لي وانا صغيره