محتاجة لكم أوى...أوى...أوى

[eman_for_allah]

السلام عليكم ورحمة الله وبركاته


أنا طبعا باشكركم كلكم على وقوفكم معايا
فى أصعب وأخطر موقف فى حياتى
وهو اختيارى لخطيبى

والحمد لله هو إنسان ممتاز فى كل حاجة

يعرف ربنا..وخلوق جدا..ومحترم..ومركزه الاجتماعى جميل ماشاء الله..وأهله ممتازين وبيحبونى جدا
وهو.......الحمد لله بيحبنى جدا
لكن انا لحد دلوقتى لسه فى مرحلة الراحة
يعنى أنا بس مرتاحة له

أنا قعدت معاه أول مرة من أسبوع واحد بس


بس أنا عايزة أسألكم
ياترى اللى اتجوزوا تقليدى فيكم
بدأوى يحبوا الطرف التانى بعد الخطوبة ولا بعد الجواز؟؟؟
وياترى لو بعد الخطوبة..كان بعد الخطوبة بفترة أد إيه؟؟

طيب لو حد متجوز تقليدى وماقدرش يحب الطرف التانى
ياترى كفاية انه يكون مرتاح فى حياته معاه من غير حب ؟؟؟

طيب هو انا لو عدّى وقت اد ايه على الخطوبة من غير ماأحبه أبدأ أقلق؟؟؟
طيب هو ممكن حبه ليا وحنيّته معايا يحببونى فيه؟؟؟

انا بجد محتاجالكم اوى
ونفسى كل واحدة متجوزة تقليدى تدخل تحكيلى الجواز التقليدى ده بيبقى عامل ازاى
خصوصا مع واحد هاسافر معاه

[إنجــــــــي]

حبيبتي ايمان
اولا الف مبروك على الخطوة السعيدة
ربنا يتمملك على خير و يسعدك يا رب

ثانيا لا تستعجلي على شيء حبيبتي
كما قلت انت لم تجلسي معه غير مرة واحدة
و كتب الكتاب لم يحصل بعد
من غير الممكن ان تحبيه من اول نظرة
و ما يسى بالزواج التقليدي
هي الطريقة الصحيحة الوحيدة في الزواج
و لا تعتقدي انها ممكن ان تكون السبب في عدم الحب
بالعكس هي الطريقة السليمة
حين يأتي من يطلبك مباشرة من الباب
دون لف او دوران و على الاصول

في المرحلة الحالية كافي جدا
شعورك بالراحة و القبول تجاهه
يكفي انك وافقت عليه بمحض ارادتك
و ليس بتاثير او ضغط من احد
و وافقت بعد عمل الاستخارة عدة مرات
هده اسباب تجعلك مرتاحة الى
ان اختيارك في محله ان شاء الله

اما الحب فيزيد مع الوقت
و مع التعرف اكثر الى الانسان
و المعاملة الطيبة
حتى لو كنت ستسافرين او
حتى لو مدة الخطوبة قصيرة او سيسافر قبلك


و تزيد اكثر بعد كتب الكتاب
و اكثر بعد الزواج ان شاء الله
المهم ان يكون الاختيار صحيحا
و مبنيا على اسس صحيحة

و كل شخص يختلف عن الاخر
لدا لا تقارني نفسك بالاخريات
فليس من الضروري ان كل الناس تشعر بنفس الشعور
في نفس الفترة و بنفس الحدة

ان شاء الله مع الايام ستسقر مشاعرك اكثر
و تكون في مكانها و مقدارها الصحيح

بالتوفيق ان شاء الله حبيبتي

[أم أولادي]

قال الله تعالي( وجعلنا بينهما مودة ورحمه)
حبيبتي انا تزوجت زواج تقليدي والان احب زوجي واموووووووووووت فيه واخاف عليه من النسمه الطايره
ومع الوقت والعشره والطيبه والاحترام المتبادل حتحبيه قوي خااصه لما تجيبوا اولاد وابقي افتكري كلامي
ربنا يوفقك ويبارك لك في زوج المستقبل ان شاء الله

[egyfairy]

بصي يا جميل انا اتجوزت جواز تقليدي و الحمدلله مبسوطه و و بحب زوجي جدا ... اهم حاجه في الخطوبه انك على الاقل تكوني مرتحاله و طبعه مريحك و كويس معاكي و بعد الجواز الوضع بيقبى مختلف عن الخطوبه هو اللي هيخليكي تحبيه لو هو حنين و كويس معاكي تفتكري كده انك اتجوزتي بطريقه ترضي ربنا و مكنش فيه بينكم علاقه حب حرام قبل الجواز تفتكري ربنا هيخليكي تكرهيه ؟؟؟؟؟ و كام واحده حبت قبل الجواز و طلع جوزها طبعه وحش و اهانات و ضرب خلاها تكرهه و تكره اليوم اللي حبته فيه ....و الحمدلله انت اخترتيه ان شاء الله على اساس سليم ذا خلق و دين و اهلك مرحبين بيه و صليتي استخاره يعني انت ختي بالاسباب لحياه زوجيه سليمه ان شاء الله فتوكلي على الله واحتسبي انك الحمدلله رضيتي ربك في اختيارك ليه و ان شاء الله ربنا هيجمع بين قلبك و قلبه و يحببكم في بعض و كل مبتزيد العشره بينكم هتلاقي نفسك بتحبيه اكتر و اكتر و اهم حاجه صلاة الاستخاره و ربنا يسعدك و يباركلكوا في بعض و يرزقكم بالذريه الصالحه ان شاء الله....

[نزف الاحاسيس]

حبيبتي الف ميروك علي الخطوبه معلش انا مش هقدر افيدك لاني لسه مش مخطوبه اصلا

[omfatema]

الف مبروك يا حبيبتى على الخطوبه
وزى ما اقالولك البنات ان الحب الحقيقى بيجى بالعشرة الطيبةوليس من النظرة الاولى
وبعدين هو خلوق ومتدين واهله ناس طيبين وبيحبك وحنين معاكى وانتى مرتحاله
امال البنت مننا عاوزة ايه اكتر من كده علشان تحب زوجها
ربنا يوفقك ويرزقك حب زوجك وحبه ليكى

[eman_for_allah]

انا باشكركم اوى ياجماعة
والله كلامكم ريحنى جدا الحمد لله
ربنا يخليكوا ليا يااااااااااارب

[bellegirl]

حبيبتي انا تزوجت زواج تقليدي والان احب زوجي...وبعدين هو خلوق ومتدين واهله ناس طيبين وبيحبك وحنين معاكى وانتى مرتحاله...هدا المهم حبيبتي الله يكمل عليكي و يخلي بينم موده و رحمة...الف مبروك يا حبيبتى على الخطوبه

[still_here]

شوفي يا ستي انا اتجوزت بين البينين يعني جواز تقليدي علي حب ..هو كان اتقدم وبعدين حصل ظروف أجلت أعلان الخطوبه فخدنا الفتره دي نتعرف علي بعض..وحبيته فيها مش هقولك لأ..بس عاوزه اقولك ان الاحساس بالارتياح والقبول والاهم الاحترام المتبادل هم دول الحب من وجهه نظري طبعا ده بيدعمه طريقه تعامله معاكي في المواقف المختلفه..وعموما عاوزه تعرفي بتحبيه ولا لأ تخيلي كده حياتك من غيره وشوفي هيكون انطباعك ايه؟وبعدين عاوزه اقولك ان الاحساس بالحب بيختلف بعد الجواز بيكون مترابط أكتر وبياخد صيغ أكتر قوه من أيام الخطوبه..وفي الاخر برضه هقولك فتره الخطوبه هي فتره اختبار لمشاعرك وانتي اللي هتقدري تحكمي ...ربنا يوفقك يارب

[eman_for_allah]

طيب ادعولى بقى انى احبه اوى اوى اوى
لانى مش متخيلة حياتى مع واحد وفى بيت واحد من غير حب
وكانت امنية عمرى دايما ان بيتى يبقى مليان بالحب

[نايس1]

الف مبروك يا يمان ربنا يقدرلك الخير
علي فكره مش لازم تحبيه من الاول ممكن بعد فتره
وعلي فكره الواحد طالما بيعرف رربنا وكويس لما هتحسي باهتمامه بيكي وخوفه عليكي ده هيخليكي تحبيه اوي وتتعلقي بيه لكن كل شيء بييجي بالراحه
انا قعدت مش حاسه بمشاعر ناحية خطيبي الي هوا زوجي الان حتي قرب الزفاف ولكني بصراحه لم اقطع الاستخاره حتي يوم الزفاف

وربنا معاكي

[ghada00]

انا كمان متزوجة زواج تقليدى و مشاعرى ايام الخطوبة كانت زيك بالظبط مجرد ارتياح و قبول لكن بصراحة معاملته و طريقته هما اللى خلونى احبه و طبعا زى ما الاخوات قالوا ان فعلا الحب بيقوى بعد الجواز و الحمد لله

انت بلاش حالة القلق الدائم اللى عايشاها و خليكى على طبيعتك و اتصرفى معاه على طبيعتك و ربنا حيكرمكو ان شاء الله لان من يتوكل على الله فهو حسبه و انت اخترتيه علشان دينه و ربنا مش حيضيع املك فيه باذن الله

تمنياتى لك بالتوفيق

[خلق الحياء]

الف مبروك على الخطوبة انا تزوجت زواج تقليدي واعدت فترة الخطوبة 42 يوم بس بس عنجد مارح تحبيه الا لما تتزوجوا وتعيشوا مع بعض

[eman_for_allah]

ربنا يطمنكم يااااااااااارب

بس فعلا يانايس فضلتى تصلى استخارة لحد يوم الفرح؟؟؟؟؟؟؟؟
ياخبرررررررررر؟؟؟؟؟؟؟؟؟

طب انا شكلى كده هاعمل زيك

[فرح الايام]

اختي ايمان خلينا نتفق على انو نسمي الزواج التقليدي " زواج شرعي " وهو الافضل بعيد عن العلاقات الحرام صدقيني افضل الزيجات هي الزيجات الشرعية التي سنها الله سبحانه وتعالى طالما ان خطيبك انسان ملتزم متدين يخاف الله فهو سيخاف الله فيك انشاء الله فترة الخطوبة لا تعطي الا مؤشرات بسيطة عن الطرفين ، ادعي الله ان يبارك لكي في زوجك وزواجك اما الحب الحقيقي فيأتي بعد الزواج بالعشرة الطيبة والمودة والرحمة والاحترام ، بارك الله لكي في زوجك ورزقكم بالذرية الصالحة .