محتاجة مساعدتكم قبل يوم الخميس

[dodymido]

ازيكم جميعا يارب تكونوا بأحسن حال
أنا بصراحة اتعودت خلاص الجألكم بعد ربنا طبعا لما تواجهني مشكله لأنكم اخواتي في الله وبثق فيكم . أنا هقولكم مقدمة ممكن تكون طويلة شوية بس زي ما بيقولوا جزء لايتجزأ من الموضوع.

أنا مخطوبة لإبن عمتي عن حب وساكن في محافظة غير بتاعتي باباه متوفي ومامته ست كبيرة ومريضة ( ربنا يشفيها)وعنده اخ واحد لسه مخلص كليه السنه ديا.خطيبي سافر السنة اللي فاتت دولة خليجية والحمد لله رجع بالسلامة من أسبوع . في خلال السنة دي قعدنا ندور على شقة في محافظته ملقيناش حاجة فدورنا عندنا هنا في القاهرة والحمد لله لقينا شقة وشطبنا فيها شوية وفاضل تركيب السيراميك والدهان ودي حاجات بنلف عليها دلوقتي . المشكلة بقى :


ان خطيبي امبارح كان هنا وبيقول إن أخوه جاله عقد في نفس الدولة اللي هوا كان فيها وانه قرر يسافر . دلوقتي لو أخوه سافر يبقى مين هيعد مع مامته يخلي باله منها فخطيبي قال هيشوف شغل هنا لحد ما أجازته خلص لو ملقاش هيسافر تاني بس المشكلة انه مش عايز يعد بعيد عن مامته هنا في القاهرة وهيا رفضت تسيب شغلها وبيتها عشان تيجي تعد معانا فهو عايزني أسيب شغلي وكل حاجة وروح أعد هناك مع مامته في الشقة ونا خايفة ومقدرا ظروفه وقولتلوا امبارح إن معاه حق بس والله حماتي اللي هيا طبعا عمتي بالمصري ماتتعشرش ونا قلقانة من المشاكل ومش مستعده أسيب شغلي وحياتي عشان واحدة عرفه انها مش بتحبني معتبراني خطفت ابنها منها بعد تعبها عليه

دبروني اقوله ايه أنا مش عايزاه يسيب مامته عشاني علشان طبعا كما تدين تدان ونا على استعداد قعد معاها بس خايفة من المشاكل دا غير بابا اللي هيقول بعد دا كله هتعدي في قوده عند مامته دبروني ايه الحل هو هيجي هنا يوم الخميس ويعد يكلم مع بابا بس أنا مش مقررا حاجة وخايفة

ربنا يجازيكم خير بكل كلمة تساعدوني بيها

[نزف الاحاسيس]

بصي يا حبيبتي مهما كانت ممته معلش تعالي علي نفسك وروحي اقعدي معاهم وبعدين انتي تقدري تتغلبي علي المشاكل ومتخليش في مشاكل من الاول يعني اعتبريها زي ممتك حتي لو هي مش زيها بس اي ام بتيجي بكلمه حلوه وان شاء الله ربنا هيجزيكي خير فكري كويس ومتعمليش حاجه تزعله منك وهو هيكون مقدر انك ضحيتي علشانه وعلشان ممته .وربنا يوفقك

[سحر66]

عزيزتى دودى
الموضوع واضح وانتى قولتيه بنفسك

واحدة عرفه انها مش بتحبني معتبراني خطفت ابنها منها بعد تعبها عليه

طب حتعيشى معاها ازاى ؟

والله حماتي اللي هيا طبعا عمتي بالمصري ماتتعشرش

نفس السؤال السابق

وهيا رفضت تسيب شغلها وبيتها عشان تيجي تعد معانا

يعنى الست كويسه و بتشتغل مش مريضه للدرجه يعنى

ونا قلقانة من المشاكل ومش مستعده أسيب شغلي وحياتي

اذن انت قرارك واضح فى ذهنك لكن محرجه من خطيبك

وبيقول إن أخوه جاله عقد في نفس الدولة اللي هوا كان فيها وانه قرر يسافر

والله اللى انا شايفاه ان الاتنين عاوزين يتهربوا من مسئولية و الدتهم فالاخ شايف ان اشمعنى هو يقعد فى مصر و يخلى باله من والدته و التانى يسافر يجمع فلوس فالعدل بيقول كل واحد يسافر سنه

بابا اللي هيقول بعد دا كله هتعدي في قوده عند مامته

و كمان والدك لن يوافق !!!
امال فاضل ايه حبيبتى
الحقيقه الموضوع صعب و متوقف على قدرتك على التضحيه
بشغلك
بحريتك
بخصوصيتك
بشقتك
براحتك
تقدرى تضحى بكل دول ؟؟؟؟؟؟؟؟؟

[صاحبة البيت]

لا حول ولا قوة ألا بالله
ربنا يهديلك احوالك ويقدلر لك الخير
صلى صلاة أستخارة وربنا يبعث أليكى بالحل أن شاء الله
وعموما لو بتحبيه وهو يستاهل أنك تضحى عشانه وتعيشى مع والدته فكرى وقررى وفى الأول والأخر هو أبن عمتك وهى تعتبر صلة رحم بالنسبة لكى
وعلى قدر الأمكان حاولى أنك تراعى حقها وحق زوج المستقبل أن شاء الله
وربنا يساعدك فى هذه المشكلة وأعتقد أن المشرفات والأخوات معنا بردودهم سوف تجدى معهم الحل وفقك الله وأتمنى لك حياة سعيدة
سبحان الله دخلت الموضوع وافتكرت أنى أول واحدة ترد عليكى وبعد ما نزل الرد
فوجئت برد مدام سحر و نزف الأحاسيس
يارب تلاقى الرد المناسب بيننا

[إنجــــــــي]

اختي العزيزة دودي

انا ارى ان افضل حل هو ان يصطحبها
اخو زوجك الى البلد الدي سيدهب اليه
خاصة ان اعزب و اسهل بقاؤه مع امه
و المفروض انه فكر في هده الناحية قبل سفره
ان حدث و لم يكن هدا قابلا للتطبيق
فالمفروض ان تقنعي حماتك انت و زوجك
بترك شقتها القديمة و السكن معكم في الشقة الجديدة
طبعا هدا طبيعي لان الشقة جديدة و خسارة عليها
بعد ما اشتريتوها تتركوها قبل حتى ما تسكونوها
و عملك انت اولى لانك شابة
و هده الايام فرص العمل قليلة و صعبة

اما هي فمرأة كبيرة عملت بما فيه الكفاية
و أن الاوان ان يرعاها ولدها
هدا هو الشيء المنطقي

و على كل الاحوال
حاولي عزيزتي قدر الاستطاعة
ان تكون علاقتك مع حماتك على احسن ما يكون
و اي ملاحظة او امر تودون اقناعها فيه
اجعلي خطيبك هو من يفاتحها به
فهي تتقبل من ابنها اكثر

و تجنبي الاحتكاكات المباشرة و الحسياسيات بينكم

بالتوفيق ان شاء الله

[*رانيا*]

والله حيرتينا معاك بصراحة
بصي حقلك حاجة
اي بنت بالعالم بتحب تعيش باستقلالية مع زوجها حتى لو كانت حماتها طيبة وكويسة .
كل البنات بيحلموا في بيت يلمهم مع عريس الهنا

لكن بما انه الابواب تسكرت بوشك وما فيش غير حل انك تقعدي مع حماتك اقعدي معاها وليك الاجر ان شاء الله واكيد ربنا حيعطيك على قد نيتك .
وما تخافيش من المشاكل ابدا الستات الكبار دايما بحبو الكلمة الحلوة والمجاملة
وانت حاولي اكسبيها بالود.

وحاولي انك تدوري على شقة تكون جنبها يمكن تلاقو
اسالو اي حد يساعدكم ويدور معاكم على شقة لالايجار

ربنا يسعدك ويوفقك بحياتك يا رب

[bellegirl]

فكري كويس ومتعمليش حاجه تزعله منك...صلى صلاة أستخارة وربنا يبعث أليكى بالحل أن شاء الله

[دلع حبيبى]

والله مادري شقول الاخوات كفو ووفو بس عليك بالاستخاره والله يوفقك

[moon light 2]

السلام عليكم ورحمة الله وبركاته

أهلا بكِ أختي دودي.


الموضوع بحاجة الى تفاهم وحوار مع خطيبك
فهو الذي بيده الحل دون أن تظهري له بانك مستاءه
من القرار حتى لا يشعر بانك لا تريدي والدته فالزوج
مهما كان يحب زوجته فان والدته تبقى الأهم في حياته
ومنعا للأحراج حاولي ان تضعي الخيوط الرئيسيه
أمامه دون ان تتعمقي في أمور أخرى مثلا كالخوف
من المشاكل لانه حينها سيشعر بالاحراج .
فحاولي معه للوصول الى حلول على الأقل مبدئيه
الى حين تستقر أموركما ولربما يطرأ أمرا قد
يكون لصالحك فلا تستعجلي الأمور وتبادري بالرفض
حتى لا تخسري خطيبك.
واذا وجدتيه مصر على قراره فبامكانك ان تأخذي
أجازة مؤقته من العمل الى حين تستقر الأمور
وتجدا الحل .
وفي خلال هذه الفتره حاولي ان تتعاملي معها
كما تتعاملي مع والدتك من خلال شكرها واشعارها
بالرضا منك وكوني الرابط بينها وبين خطيبك حتى
لا تشعر بالغيره منك .
أخيرا اتمنى لك كل التوفيق

[*--هبة الجبل--*]

السلام عليكم
حبيبتي دودي والله رائي زي اغلب الاخوات الاحسن لاتزعلي خطيبك وتبعدي من المشاكل من الاول وماتخليه ياخد فكره عليك انك صعبت الطباع والاهم الاهم ماتحطي في عقلك المشاكل وتخيلي ان حياتك الجايه حاتكون مستقره بدون مشاكل ومدام يحبك وانت واثقه من هيك مستحيل حايرضى يحطك في مكان يسبب المشاكل لحياتكم الزوجيه ولاقدر الله اذا حصل مشاكل اعتبري عمتك امك الي مهما صار منها عمرك ماحتزعلي وتعوذي من الشيطان وتوكلي على الله ((عسى ان تكرهوا شيئا وهو خيرا لكم)) وربي يهنيكم ان شاءالله

[dodymido]

أنا عايزة أشكركم كلكم على ردودكم ونا شايفة إ، معظمكم بيقول اتكل على الله وقعد معاها وهو دا اللي أنا قلتهولوا ساعت لما اتكلم معايا في الموضوع قلتلوا طبعا مش ممانعه بس خايفة . وهو أخوه فعلا عرض أنه يبعتلها زيارة وياخدها معاه بس والله هيا صعبانه عليا لأنها هناك هتبقى لوحدها وبصراحة هحس بالذنب فعشان كده قلتلوا لأ إنت الكبير وأولى إنك تاخد بالك منها وربنا يسهلها ونشوف بابا هيقول إيه

ونا والله محتسبا الأجر عند الله وربنا أعلم بنيتي وياريت لو حد تاني ليه رأي يقولوا

وربنا يخليكوا ليا

[رعشة أهداب]

عليكي ياختي بالاستخاره
والله يوفقك

[***DoDi***]

عزيزتى دودى
الموضوع واضح وانتى قولتيه بنفسك

طب حتعيشى معاها ازاى ؟

نفس السؤال السابق

يعنى الست كويسه و بتشتغل مش مريضه للدرجه يعنى

اذن انت قرارك واضح فى ذهنك لكن محرجه من خطيبك

والله اللى انا شايفاه ان الاتنين عاوزين يتهربوا من مسئولية و الدتهم فالاخ شايف ان اشمعنى هو يقعد فى مصر و يخلى باله من والدته و التانى يسافر يجمع فلوس فالعدل بيقول كل واحد يسافر سنه

و كمان والدك لن يوافق !!!
امال فاضل ايه حبيبتى
الحقيقه الموضوع صعب و متوقف على قدرتك على التضحيه
بشغلك
بحريتك
بخصوصيتك
بشقتك
براحتك
تقدرى تضحى بكل دول ؟؟؟؟؟؟؟؟؟

انا اؤيد راى سحر بشده
لا تتسرعى

[egyfairy]

بصي يا جميل لو تقدري انت و جوزك توضبوا شقتكم عادي خالص في القاهره و تفرشوها كمان و تبقى جاهزه من كل حاجه .... و لو تقدري تاخدي اجازه من غير مرتب من شغلك و تروحوا في الاول تجربوا تعيشوا مع حماتك و تحاولي تكسبيها و تحتسبي الاجر على الله و حماتك تبقى عارفه ان ممكن في اي وقت ترجعوا القاهره و تعيشوا في بيتكم و لو لقدر الله تعبتك و مرتحتيش معاها ترجعوا بيتكم و هي اللي تيجي تقعد معاكم و ان شاء الله جوزك هيقدر اللي انت عملتيه و ثقي ان ربنا هيكرمكوا عشان كده و ربنا يتمملكوا بخير يا رب....