الحقوووووني...بنتي خطفت حبيبي مني

[amanyy12]

السلام عليكم يا بنوتات
بصراحة الموضوع اللي هكلمكم فيه النهاردة غايظني وفااااقع مرارتي(بالمصري) الموضوع اني طول النهار أثناءما أنا بطبخ و بنضف أحط ماسكات وألف في شعري و قبل ما جوزي ييجي بشوية أرمي كل حاجة من ايدي وألبس و أتشيك وأضبط شعري و أحط ميك أب وبارفان وكلو تمام ويخبط حبيبي و قلبي يدق ياتري هيقوللي ايه علي الحركات اللي أنا عاملاها دي ... يتفضل الأستاذ ويقول :السلام عليكم ازيك يا أماني (وعنيه بتلف تدور علي حاجة تانية خالص) أمال هنون فين؟ هنا ! هنووونة !! حبيب قلب بابا والله !!! وحشتيني !!!! الخ الخ وهاتك يا بووس ... وأنا واقفة وراهم مش مصدقة . بقي النونو المنمنمة دي تاخده مني كده؟ يااااانا فين حبيبي بتاع قبل الولادة؟ ده كان مش يسيبني طوول ما هو في البيت ... وده كله ابتدا من بعد ما هنا بقي عندها حوالي شهر ونص وبدأت تضحكله لما يكلمها من ساعتها وأنا بقييت في أخر اللسته ... بس ياريت مش تفهموني غلط هنا حبيبة قلبي ونور عينيا بس أنا عاوزاكو ترجعولي حبيبيييي ... قولولي حد منكو زيي؟؟؟ وأرجعه ليا ازاي؟

[79nana]

هههههه يا اماني افتكرت ست تانية دخلت مابينكم انا ما انكرش انك من حقك تغيري بس والله انا لو عطاني بنت وحبها كدا لحمدت ربي الف وشكر عشان الي حب البنت اكيد بيحب امهالانها هي الي جابتها
فماتخافيش انت الاساس
بس مايمنعش انك تدللي عليه وتقوليله انا غرت من بنتي وانت ديما معها ومش معايا

ربي يحفظكم لبعض يااااااااااارب

[Egyptian Girl]

حبيبتى طبيعى جدا ان زوجك فرحان بابنتكم الله يحفظها لكما و هذا ليس معناه انه بطل يحبك او يهتم بكى انما فرحان بابنته و حبه لها من حبك

[azmiralda000]

طب يا جميل ما انتى كاتبة قبل كده انه بيخرجك و مش بتاخدوها معاكو
يعنى انتى شوية و هى شوية
و كلنا كده
و بالعكس دى حاجة تفرح

[صفاطمة]

ههههههههههههههه ضحكتينى والله ربنا يخليكى زوجك ويبارك يارب فى هنا وتشوفيها عروسة قمر
اكيد طبعا من حقك تغير بس معلش انا لسه مجربتش الاحساس ده
بس زى ما قالت الأخت نانا اللى يحب البنت اكيد طبعا بيموووووووووووووت فى مامتها يعنى اكيد جوزك بيحبك جداااااااااااااااااااااااااااا
ربنا يهنيكم ببعض

[سلسبيل المصريه]

ربنا يخليلكم هنون يارب ويسعدكم
واعتقد ان انتى بتقولى الكلام ده من ورا قلبك
اكيد انتى مبسوطه
وفى مثل مصرى بيقول العروسه تفضل عروسه لغايط ما تجيب عروسه

[همسة صبح]

احمدي ربك ان زوجك فرحان ببنتك
وهذي بنتك معقول تغاري منها
لو انا افرح والله وانبسط ان الله رزقني بزوج يحب عيالي
لاحول ولاقوة الا بالله
لو البنت مراهقة كان عذرتك بس البنت طفلة حراااام عليك

[QuEeN]

أكيد يا عسل انت بتمزحي !!!!!!!!!!!
في حد يغار من بنته؟؟؟؟!!!! وزوجك اكيد بيحبها من حبه ليكي يا عسل ...

الله يديم السعادة عليكم يارب....

[سلسبيل المصريه]

احمدي ربك ان زوجك فرحان ببنتك
وهذي بنتك معقول تغاري منها
لو انا افرح والله وانبسط ان الله رزقني بزوج يحب عيالي
لاحول ولاقوة الا بالله
لو البنت مراهقة كان عذرتك بس البنت طفلة حراااام عليك

اختى العزيزه
اكيد امانى ما تقصد طبعا
واكيد هى بتضحك

[amanyy12]

شوفتو؟؟ أديكو برده فهمتوني غلط .. دي بنوتتي وأغلي ما ليا في الدنيا وطططبعا أحب ان جوزي يحبها .. طب أنا هقولكو حاجة هنا أول ما اتولدت جوزي مش كان بيبصلها خاالص وكان يجيلي عند ماما يتطمن عليا أنا وبس وأنا كنت زعلانة و أخليه يشيلها بالعافية و أقوله بص عسولة ازاي ؟؟؟ وهو مفيش فايدة عاوز يقعد معايا أنا بس . انما لما بدأت تشاغل وتضحكله وكده وهو بقي مجنووون بيها و أنا في الخلفية وبس ..أصل جوزي مش بييجي البيت الا أوقات قليييلة يعني مش من حقي أزعل يا جماعة؟؟. تعرفو؟؟ حسستوني باذنب تاااني

[amanyy12]

ههههههه ... طبعا الموضوع مش مضايقني للدرجة دي ما تاخدوشهاش جد قوي كده ...حبايبي بيحبو بعض ايه المشكلة ... المهم يحبوني أنا كمان ...

[@han]

ههههههههههههههههههههههه الله يخزي شيطانك يا اماني
ماهو كلهم كدى يا بنتي
ربنا يخلهوملك ويفضلوا ماليين حياتك يارب

[عنق المها]

ولايهمك

اللي ليه عقل يعرف قصدك مضبوط واللي بده يتفلسف خليه يتفلسف

انا فاهمه قصدك وضحكت وقراته على زوجي لاني نفس قصتك

وقلتله شفت مش بس انا اللي اعاني هههههههه

بس انا عندي ولد مش بنت فا احس انهم مسوين علي حزب

[randoda2002]

الله يخليلك بناتك وزوجك

[فرح1983]

هههههههههههههه ربنا يخليكوا لبعض يارب، وبس على فكرة لسة يا ما هتشوفي، انا بنتي قبل معاد باباها يللة يامام نستحمى، ونلبس عشان بابا جاية، ماما حطيلي عينو وحطيلي روووووووووووووووج ، وتفتح الدولاب بتاعي وتلبس قميص او بدي من قمصاني، وتستنى باباها، وهو يسلم عليها الاول طبعا، وتعد تقوله شفت يا بابا البدي؟ شفت الروج، حبيبة جميلة صح؟
فياما هتشوفي ياقمر، هما البنات كدة، ماما بقى فرحانة فية بتقولي انت يا ما عملتي فية.
انت عارفة بابا دايما يقولي ايه؟ يقولي الراجل مش بيحب عياله غير لما بيكون بيحب مراته، ولو العكس مش هيحصل، لان الراجل مش بيحس قوي باطفاله هو بيحس بغلاوتهم من غلاوة مامتهم، فدي ماشاء الله حاجة كويسة، ودي كلمة راجل اهيه.