تويت
السلام عليكم ورحمة الله وبركاته
اخواتي الحبيبات
انا بصراحة موضوع اخوات جوزي دة موضوع كبير ومتشعب وليه خلفيات كتيرة وابعاد اكتر، بس الخلاصة انهم السنة اللي فاتت تسببوا في مشكلة كبيرة في حياتي، أثرت عليا وعلى بيتي واضطريت اسيب الشغل والدنيا بحالها ليهم، وذلوني وقرفوني.
هما اصلا 3، واحدة مشغولة ولله الحمد لانها قوية جدا،(اكبر مني ب14 سنة) والتانية بتشتغل وعندها طفلين وحامل وفاضيالي جدا، (واكبر مني ب11 سنة) ، والتالتة برضو بتشتغل من 9 ل9 مش مجوزة واكبر مني بسنة واحدة، اكتر واحدة مقرفة هي اللي في الوسط، فظيعة، متطفلة جدا، وبتحب تحشر نفسها في حياتي بالرغم من فرق السن اللي بيننا، وهي سبب المشكلة الاساسي السنة اللي فاتت، كل سنة بتكرهني في الصيف لانها عاوزة تصيف معانا وانا اتفقت مع جوزي من ساعة ما راحت معانا مرة وقرفتنا هي وعيالها اننا ما ناخدهاش في حتة تاني، وهي استحلتها، لاني جوزي من النوع الكريم ، وهي ما بتصدق طلبات طلبات هي وعيالها دة غير انهم مش متربيين من الاساس لاسباب كتير ، الولد عنده 11 سنة اي موضوع احنا ككبار بنتكلم فيه لازم يتحشر فيه، ومامته عادي حتى لو كان موضوع جواز وحمل وولادة، والبنت سوسة وفظيعة عندها 6 سنين وبتتعمد تعلم بنتي (سنتين ونص) العاب مضرة عشان تإذيها لانها بتغير منها جدا، او تشبطها في الحاجة وتخليها تعيط، طبعا دي كلها خلفيات عشان تفهموا ابعاد المشكلة.
المشكلة اني حامل في التامن دلوقتي، المشيمة عندي منخفضة واراس البنت نازل لتحت من يمكن الشهر الخامس، وبحس بتعب وتقل فظيع، ومن الاخر الدكتور مانعني من المشي وحتى من الجلوس والمجهود عشان خايف يحصل انفصال مشيمي، لاقدر الله، ونا ولا بروح ولا باجي خالص، حتى جوزي بيخرج مع بنتي لوحدهم لاني مش بقدر انزل،ماما بس اللي بروحلها عشان متابعة مع دكتور عندها، ومش بروحلها غير مرة في الشهر لانها بعيدة، هي زي ما قلت بتشتغل ومجوزة وعندها طفلين وحامل وفاضيالي، عاملة نفسها قدي، ومبسوطة قوي انها حامل معايا، ماعلينا كل واحد حر، كل شوية تعد تكلمني، ارد مرة وعشرة لأ لني بقصر معاها لان كل كلمة بقولها ولو بحسن نية تحورها على مزاجها وتعمل فيها ومنها قصة، حتى ابسط الاشياء، وانا اكتر حاجة بكرهها في حياتي اني اكون في حالي وقاعدة في بيتي كافية خيري شري، والمشاكل تيجي لحد عندي، بقالها فترة كدة اختها الصغيرة جابت عربية وهيا كل شوية معاها دي مش مشكلتي، المشكلة ان انا وسلفتي حمايا كان واخد شقتين في مدينة من المدن الجديدة ييجي من 10 سنين، ويشاء ربنا ان المدينة دي تنجح وتبقى نار، وفيها كل الخدمات، وجوزي واخوه يعدوا فيها، طبعا البنات هيطقوا من الغيظ وحاقدين علينا جدا جدا، بالرغم من ان الشقق لسة باسم ابوهم، يعني لو حصلوا حاجة هيدخلوا ورث، ومع ذلك حقد غريب، الهانم بقى من ساعة ماجابو ا العربية الزفت دي وهما كل كام يوم هنا في المدينة دي، وعاوزين يجولي انا وسلفتي
بغض النظر عن التوقيت والتعب والارهاق، دي مش مشكلتهم، وبعدين مش يتصلوا يشوفوني، لا يتصلوا بجوزي يسألوه انا فين؟ يقولهم في البيت، يقولوا طيب احنا هنروحلها، يتصلوا بيا احنا هنا وجايينلك بعد شوية، بعد الساعة 10 بالليل، اولا ما حدش بيروح لحد كدة، ثانيا انا مواعيد جوزي من 10 الصبح ل12 بالليل مش بييجي غير بالليل، فالطبيعي ان الساعتين اللي قبل ماييجي بابقى مش فاضية لحد غير ليه، وللبيت وللاكل، ولتجهيز نفسي لاستقباله، ييجوا هام في التوقيت دة، من اسبوعين ويمشوا 11 ونص
وانا مش ملاحقة على اللملة وراهم قبل ماجوزي ييجي، هتقولوا ليه ما اعملش حاجتي بدري، السبب ان جوزي مش بيحب الاكل ولا بايت ولا متسخن، والشقة بنتي مهما نضفت بتقلبها الا لوعرفت انا بابا جاي خلاص، المهم الاسبوع اللي فات كرروا الحكاية مع سلفتي بالضبط واتصلوا بجوزها، وقالولها هيعدوا عليا انا كمان لاني فوقها ، بس هي كانت في السوق، راحم مقابلينها برضو، والاسبوع دة امبارح اتصلوا بجوزي، بس انا شاورتلوا ان ما يقلهمش احنا فين، واحنا اصلا كنا في النادي، ولو كانوا عرفوا كانو جم، وهات يا طلبات وقرف، وبنتها بقة تعمل في بنتي بلاوي، وبقوا دلوقتي ييجوا يوم الجمعة اجازة جوزي الوحيدة، وهو كمان امبارح كان بقاله 3 اسابيع ماخدهاش، وانا كانت دي اول خروجة لية معاه من شهور، واتعكننت، وهو قاللي عادي لازم تتعودي تستقبلي الناس عادي وكدة، انا مشكلتي اني مش بحبهم وهما فعلا وربنا يشهد بيعملوا مشاكل فظيعة، وبعدين انا ولا بكلمهم ولا بروحلهم وهما فارضين نفسهم عليا، وييجوا يدخلوا الأوض كدة ويعدوا متنكين قوي مش بيراعوا اي حرمة ولا اي زوق، وكل حاجة بيسألوا عنها ابتداء مني لحد ماما واخواتي كلهم، وجوزي وحتى كلنا ايه وشربنا ايه، وهما ماحدش يعرف عنهم حاجة ، انا اصلا ولا بحب اعرف لا عنهم ولا عن غيرهم لانها حرمات.
سؤالي هو كدة ابقى أوووووووووووفر؟ يعني مزوداها وللا دة الطبيعي؟؟؟
انا متأسفة جدا على الاطالة بس والله دي مواضيعهم مش بتنتهي وتفاصيلها اكثر قرفا.
اخواتي الحبيبات
انا بصراحة موضوع اخوات جوزي دة موضوع كبير ومتشعب وليه خلفيات كتيرة وابعاد اكتر، بس الخلاصة انهم السنة اللي فاتت تسببوا في مشكلة كبيرة في حياتي، أثرت عليا وعلى بيتي واضطريت اسيب الشغل والدنيا بحالها ليهم، وذلوني وقرفوني.
هما اصلا 3، واحدة مشغولة ولله الحمد لانها قوية جدا،(اكبر مني ب14 سنة) والتانية بتشتغل وعندها طفلين وحامل وفاضيالي جدا، (واكبر مني ب11 سنة) ، والتالتة برضو بتشتغل من 9 ل9 مش مجوزة واكبر مني بسنة واحدة، اكتر واحدة مقرفة هي اللي في الوسط، فظيعة، متطفلة جدا، وبتحب تحشر نفسها في حياتي بالرغم من فرق السن اللي بيننا، وهي سبب المشكلة الاساسي السنة اللي فاتت، كل سنة بتكرهني في الصيف لانها عاوزة تصيف معانا وانا اتفقت مع جوزي من ساعة ما راحت معانا مرة وقرفتنا هي وعيالها اننا ما ناخدهاش في حتة تاني، وهي استحلتها، لاني جوزي من النوع الكريم ، وهي ما بتصدق طلبات طلبات هي وعيالها دة غير انهم مش متربيين من الاساس لاسباب كتير ، الولد عنده 11 سنة اي موضوع احنا ككبار بنتكلم فيه لازم يتحشر فيه، ومامته عادي حتى لو كان موضوع جواز وحمل وولادة، والبنت سوسة وفظيعة عندها 6 سنين وبتتعمد تعلم بنتي (سنتين ونص) العاب مضرة عشان تإذيها لانها بتغير منها جدا، او تشبطها في الحاجة وتخليها تعيط، طبعا دي كلها خلفيات عشان تفهموا ابعاد المشكلة.
المشكلة اني حامل في التامن دلوقتي، المشيمة عندي منخفضة واراس البنت نازل لتحت من يمكن الشهر الخامس، وبحس بتعب وتقل فظيع، ومن الاخر الدكتور مانعني من المشي وحتى من الجلوس والمجهود عشان خايف يحصل انفصال مشيمي، لاقدر الله، ونا ولا بروح ولا باجي خالص، حتى جوزي بيخرج مع بنتي لوحدهم لاني مش بقدر انزل،ماما بس اللي بروحلها عشان متابعة مع دكتور عندها، ومش بروحلها غير مرة في الشهر لانها بعيدة، هي زي ما قلت بتشتغل ومجوزة وعندها طفلين وحامل وفاضيالي، عاملة نفسها قدي، ومبسوطة قوي انها حامل معايا، ماعلينا كل واحد حر، كل شوية تعد تكلمني، ارد مرة وعشرة لأ لني بقصر معاها لان كل كلمة بقولها ولو بحسن نية تحورها على مزاجها وتعمل فيها ومنها قصة، حتى ابسط الاشياء، وانا اكتر حاجة بكرهها في حياتي اني اكون في حالي وقاعدة في بيتي كافية خيري شري، والمشاكل تيجي لحد عندي، بقالها فترة كدة اختها الصغيرة جابت عربية وهيا كل شوية معاها دي مش مشكلتي، المشكلة ان انا وسلفتي حمايا كان واخد شقتين في مدينة من المدن الجديدة ييجي من 10 سنين، ويشاء ربنا ان المدينة دي تنجح وتبقى نار، وفيها كل الخدمات، وجوزي واخوه يعدوا فيها، طبعا البنات هيطقوا من الغيظ وحاقدين علينا جدا جدا، بالرغم من ان الشقق لسة باسم ابوهم، يعني لو حصلوا حاجة هيدخلوا ورث، ومع ذلك حقد غريب، الهانم بقى من ساعة ماجابو ا العربية الزفت دي وهما كل كام يوم هنا في المدينة دي، وعاوزين يجولي انا وسلفتي
بغض النظر عن التوقيت والتعب والارهاق، دي مش مشكلتهم، وبعدين مش يتصلوا يشوفوني، لا يتصلوا بجوزي يسألوه انا فين؟ يقولهم في البيت، يقولوا طيب احنا هنروحلها، يتصلوا بيا احنا هنا وجايينلك بعد شوية، بعد الساعة 10 بالليل، اولا ما حدش بيروح لحد كدة، ثانيا انا مواعيد جوزي من 10 الصبح ل12 بالليل مش بييجي غير بالليل، فالطبيعي ان الساعتين اللي قبل ماييجي بابقى مش فاضية لحد غير ليه، وللبيت وللاكل، ولتجهيز نفسي لاستقباله، ييجوا هام في التوقيت دة، من اسبوعين ويمشوا 11 ونص
وانا مش ملاحقة على اللملة وراهم قبل ماجوزي ييجي، هتقولوا ليه ما اعملش حاجتي بدري، السبب ان جوزي مش بيحب الاكل ولا بايت ولا متسخن، والشقة بنتي مهما نضفت بتقلبها الا لوعرفت انا بابا جاي خلاص، المهم الاسبوع اللي فات كرروا الحكاية مع سلفتي بالضبط واتصلوا بجوزها، وقالولها هيعدوا عليا انا كمان لاني فوقها ، بس هي كانت في السوق، راحم مقابلينها برضو، والاسبوع دة امبارح اتصلوا بجوزي، بس انا شاورتلوا ان ما يقلهمش احنا فين، واحنا اصلا كنا في النادي، ولو كانوا عرفوا كانو جم، وهات يا طلبات وقرف، وبنتها بقة تعمل في بنتي بلاوي، وبقوا دلوقتي ييجوا يوم الجمعة اجازة جوزي الوحيدة، وهو كمان امبارح كان بقاله 3 اسابيع ماخدهاش، وانا كانت دي اول خروجة لية معاه من شهور، واتعكننت، وهو قاللي عادي لازم تتعودي تستقبلي الناس عادي وكدة، انا مشكلتي اني مش بحبهم وهما فعلا وربنا يشهد بيعملوا مشاكل فظيعة، وبعدين انا ولا بكلمهم ولا بروحلهم وهما فارضين نفسهم عليا، وييجوا يدخلوا الأوض كدة ويعدوا متنكين قوي مش بيراعوا اي حرمة ولا اي زوق، وكل حاجة بيسألوا عنها ابتداء مني لحد ماما واخواتي كلهم، وجوزي وحتى كلنا ايه وشربنا ايه، وهما ماحدش يعرف عنهم حاجة ، انا اصلا ولا بحب اعرف لا عنهم ولا عن غيرهم لانها حرمات.
سؤالي هو كدة ابقى أوووووووووووفر؟ يعني مزوداها وللا دة الطبيعي؟؟؟
انا متأسفة جدا على الاطالة بس والله دي مواضيعهم مش بتنتهي وتفاصيلها اكثر قرفا.
[
تعليق