أنتى بتغيرى على زوجك

[صاحبة البيت]

الغيرة يا أبله هموت م الغيرة
فاكرين الأغنية دى بتاعة ليلى مراد
تصدقوا أنى لم أتعرض للغيرة على زوجى ألا
مرتين
طوال فترة زواجنا(15 سنة)
مع أن الواد حليوة وشعره أصفر
ومطمع للبنات قبل الستات
بس لما بلاقيه بيكلم زميلاته فى العمل
باخدها بتهريج وعادى بالنسبه لى
والله أنا موش باردة
طب بقولكم أيه
مين اللى غيرتها نار ؟
ومين اللى هادية فى غيرتها ؟ ومين اللى
زى حالاتى!!!!!!!!
لأ موش باردة بس يمكن
عاقلة
ومين اللى زوجها بيغير عليها
ومضايقها بغيرته
ومين اللى موش حاسس بيها أصلا
لأ متقولوش
همه كتير للدرجه دى

[***DoDi***]

انا انسانة غيورة

بس بعقل

انما الغيرة لو زادت عن حدها سواء للرجل او الست تسمى شك

ربنا يهدينا

ونهدى خااااااااااااااااااااالص

[*راميا*]

ما في انسان خلق من دون غيرة ولكن العقل هو ما يتحكم بدرجتها وشدتها والنسان الشرقي رجل وامرأة غيور على محارمه عكس الانسان الغربي الديوث

بالنسبة لي صارلي متزوجة 6 سنين وما صار ببيتي مشاكل بسبب الغيرة
انا غيورة ولكن بتعقل فطبيعة عمل الرجل وكثرة خروجه من البيت تجبره على التعامل مع الجنس الناعم

وانا لا اخاف من زوجي فهو يخاف الله ولكني اخاف عليه منها هي المرأة التي اذا حضرت حضر معها الشيطان
واخذت تتفنن في ابراز معالم جمالها وانوثتها واغراآتها فنحن في وقت الاغلب فيه لا يخاف الله ويلهث وراء اشباع شهواته سواء كانت جنس او لبس يعني تقليد للممثلات والمطربات في كل شئ بالحكي واللبس والمشي والتبرج

ولكن وبصراحة غيرتي على زوجي ونحن في بلدنا اكثر منها ونحن هنا في ماليزيا لاني هنا ضامنه انه الماليزيات ما رح يعجبوه ابدا ابدا ولكن المرأة العربية جميله وجذابة خصوصا بنات هالايام كله موضة وشياكة حتى لو دخلت في الحرام

يعني صرنا بزمن نخاف على الرجل اكتر من ما نخاف على البنت سبحان الله

[أم حبيبة الرحمن]

مين اللى غيرتها نار

أأأأنا

ومين اللى زوجها بيغير عليها

طبعا أنا

ومضايقها بغيرتة

واااااااء أنا

[شموخـ عزيـ]

السلام عليكم اختي صاحبة البيت


كيفك و كيف اخبراك ؟؟


اما عن الغيره و ما ادراك ما الغيره


فعن نفسي فهي تقتلني و تذبحني و تمزق أحشائي << كلمه متعوب عليها ههههههه


بس صراحه و الله قهرت زوجي و قهرني من الغيره

احب اغير عليه بس ما احبه يوم يغير علي

مين اللى غيرتها نار ؟ اناااااااااااااااااااااا

ومين اللى زوجها بيغير عليها
ومضايقها بغيرته انا و قهرني و الله بغيرته الزايده

مشكوره اختي على الموضوع الحلو مثلك

[sefo2]

أنا بقى مشكلتى أنى مش بغير على جوزى مش عارفة لية مع انة وسيم ودمة خفيف يعنى فى مميزات يمكن عشان عارفة ان طبيعة شغلة مافيهاش زميلات عمل كلهم رجالة وصحرا وكدة ههههههههه ولا أنثى
بس هو بيغير عليا ساعات بيخنقنى مع انى مش بخرج بس لما كنا فمصر كنت حفرقع منه يمكن هنا خف عشان ولا خروج ولا بنشوف حد
بس أنا شايفة ان الراجل بيفرح لما مراتة تغير علية عشان كدة ساعات أعمل نفسى انى بغير علية يعنى من باب الواجب ههههههههه وهو بيفرح أوى قال يعنى كدة مهتمية بية

[abeer taher]

حلوة من باب الواجب عجبتني .
والله يا عمي أنا بغار لشو الحكي ، وبصراحة خانقته بهالحكي ، بس المشكلة أنه هوه حليوه وبنخاف عليه من بنات (الحلال) اللي همه كتار طبعاً
مع اني متأكده أنه مش ممكن يلف ولا يدور بس شو بدنا نعمل في إبليس الله يخزيه (اللهم اخزيك يا شوشو)

[lanazn]

مممممممممممم ...انا غيورة؟؟؟؟؟؟ ما اظنيش....
بس هدا مش معناته اني بحبوش.. يمكن واثقة من نفسي زيادة عن اللزوم... وواثقة فيه طبعا...

بس مرات بتصير مواقف اللي هو بيفكرني فيها غيرانة... وانا ولا عبالي... بس منظرة.. بعمل انه اه غيرانة عليه..


اما هو... فبيغار... بس برضه مش كتير...

[نور تقية]

صباح الخير يا صاحبة البيت يا قمر وحشتينى انت و مواضيعك اللى زى العسل

بصى يا ستى انا بغيييييييييييييييييييييييير جداااااااااااااااااااااااااااا عليه بس بخدها ادامه

بتهريج لكن من جوايا ببقى هموووووووت

شغله الاولانى كان كله رجالة و ملتزميين جدا بصراحة الموضوع مكنش فى بالى الا مواقف

بسيطة كنت اهزر معاه فيها بس ببقى متغاظة و خصوصا ان فى ناس فظيعة و مش بتتكسف

على دمها ....

لكن ساب الشغل اللى كان مريح قلبى و نقل شغل تانى و من ساعتها الغيرة نااااااااااار

يا صاحبة البيت ...التليفون بتاعه مبقاش يرن الا باسماء ستات معرفش الرجالة اختفوا و لا ايه

ههههه....و تلاقينىى اليوميين دووول على اخرى و هفرقع من الغيظ بس بسكت و اعمل

عاقلة ..و حماتى تقعد تقوللى اسمعى منه و متعلقيش علشان متلفتيش انتباهه...

و ربنا يستر من الشغل الجديد و و الزميلات العزيزات الجداد و عينه مش تروح كدة و لا كدة

[صاحبة البيت]

حدش مشغول البال .....حدش ليه عندى سؤال

أيه ده يا بنات
الأغلبية بتغير
أأأأأأأأأأأأه
دينا ...........عاقلةبس يعنى
راميا.........يعنى
Sefo2 ................ أيه العقل ده كله
أم حبيبة الرحمن..................مجنونة
شموخ عزى.......................ده جنان ده ولا أيه
عبير طاهر..................غيورة بجنون
lanazn ..................معقولة
نور تقية.................غيورة موت
أهدوا شوية
بالراحة عليهم شوية
يا أما هيطفشوا
خلوا بالكم أنهم لما بيحسوا أنكم غيرانين
فبيزيدوا فيها
كل واحدة غيرتها زيادة .......تخفها شوية
الحياه موش ناقصها قهرة الغيرة
خليها ببساطة والحياة تمشى
وانتم الكسبانين
ربنا يهنيكم ويسعدكم يا حبايبى

[lanazn]

lanazn ..................معقولة

ليش مستغربة يا صاحبة البيت؟؟؟؟ يمكن جوزي حبيبي.. بيحطنيش بمواقف تستدعي الغيرة؟؟؟ وين الغلط؟؟ هههههههه

[صاحبة البيت]

lanazn ..................معقولة

ليش مستغربة يا صاحبة البيت؟؟؟؟ يمكن جوزي حبيبي.. بيحطنيش بمواقف تستدعي الغيرة؟؟؟ وين الغلط؟؟ هههههههه

أنا قصدى بمعقولة
أنك معتدلة فى غيرتك
وربنا يهديكى ويصلح لك حالك

[ام ملك وادهم]

والله ياستي انتي جيتي عالجرح
انا بقى مجنونه
يعني ايه
انا اول ما اتجوزت جوزي ربنا فتح عليه وراح شركه جديده
بعد كام يوم كده طبيت عليه قال يعني بباركله
وانا كان غرضي الحقيقي اعرف مين اللي معاه في المكتب
وشويه بشويه عملت صداقات مع سيدات معاه في المكتب ومنهم بعرف الاخبار بطريقه غير مباشره
وطبعا الامر مايمنعش اني افتش تليفونه وياويله لو لاقيت واحده متصله بيه لازم اعرف هي مين واتكلمت في ايه معاه
وطبعا لازم اعرف لو واحده جديده جت المكتب
لازم بعدها اروح ازوره في المكتب
انا والله بثق في جوزي جدا وبحبه جدا جدا ربنا يحميه
بس مش بثق في اي واحده ست
تسلم ايديكي عالموضوع الرائع

[marwasamy mosta]

ازيك يا جميل انا كنت معتدلة فى غيرتى بس جة يوم لقيت رسايل ومسدات من ارقام كلها ستات فبدات اموووووووووت من الغيرة لكن لما بفكر بهدوء بلاقى مفيش راجل يستاهل ان الست تقلق اوتغير علية وعلى راى المثل اللى خدتة القرعة تخدة ام الشعور

[صاحبة البيت]

هو ده الكلام

ازيك يا جميل انا كنت معتدلة فى غيرتى بس جة يوم لقيت رسايل ومسدات من ارقام كلها ستات فبدات اموووووووووت من الغيرة لكن لما بفكر بهدوء بلاقى مفيش راجل يستاهل ان الست تقلق اوتغير علية وعلى راى المثل اللى خدتة القرعة تخدة ام الشعور

ياسيدى عالمصريات
(اللى خدته القرعة تاخده أم الشعور)
خليكى جامدة وأعملى نفسك موش واخدة بالك
ولما تلاقى الخروف هياكل البرسيم
أضربيه عشان يبعد
واخده بالك