مـــذكـــرات .... فـــضـــفـــضـــة .... أهو كلام و السلام !!!!

[azmiralda000]

فكرت كتير اكتب قصتى زى كتير منكم

لكن مش عارفة ليه بتراجع

الكلام بيتخنق فى حلقى و يملأ فمى و يتجمع على طرف لسانى ____________ اول ما ادخل السرير

شريط حياتى يمر امامى يخنقنى ______ يعذبنى _______ يضحكنى _____ يبكينى

قصتى فيها حاجات كتير مؤلمة

لكن ساعات بقول قصصكم اصعب و اكثر الما

بس ببقى نفسى افضفض

بس بحس انا الكلام بيتجمع كله و هيطلع مش مترتب

زى دلوقتى كده مش عارفة انا بكتب ايه و لا بكتب ليه

بس حبيت افضفض و يمكن بعد كده اكمل و يمكن لأ

بس ياريت تقولولى تفتكروا لو حكيت هستفيد ايه؟؟؟؟؟؟؟

_____________________________
__________________________________
_________________________________________

[*YSmsma*]

احكيى يا ام سيسو

مالك مشغوله ليه

فضفضى اهو يمكن ترتاحى

مش اكيد انك هتستفيدى بس يمكن تستفيدى


يلا احنا سمعينك اهو

[marwasamy mosta]

احكى ياام ياسين يمكن كلنا نستفيد وندعيلك واذا ما استفدنا برضة هندعيلك لانك وثقتى فينا وحكيتى

[*YSmsma*]

انتى علقتينا ورحتى تناااامى

[eman_for_allah]

احكى ياحبيبتى
يمكن عندك مشكلة نقدر نحلهالك
لكن اوعى تحكى غصب عنك
لانك كده هاتتخنقى اكتر
استنى لحد ماتهدى خااااااااااااالص وبعدين فضفضى
يمكن ربنا يجعلنا سبب من اسباب راحتك

[غلا عمري22]

فضفضي يختي يمكن نفيدك ويمكن نستفيد منك
بس والله حالتي زي حالتك
كل يوم اعيد شريط حياتي واحتاج ورقة وقلم واكتب كل اللي يخطر في بالي
ان شالله اشتم نفسي اهم شي افضفض في دفتري
وطبعا اكلم نفسي وكاني اكلم صديقة
طبعا احيانا احتاج احد يسألني سؤال
اكتب السؤال وكان صديقتي بتسألني وارد الجواب اللي ابغاه يطلع من داخلي
احيانا اساله مهمة واحيانا غبية
مش مهم اهم شي اسال واجاوب لحالي
وانتي شوفي اللي يريحك تفضفضي معانا فضفضي واحنا كلنا اذان صاغيه
واذا بتعملي زيي اكيد رح يطلع من جواكي كلام كتير رح ترتاحي بعده



شفتي قاعدة اكلم نفسي وانتي في سابع نومة
لما تصحي دقي عليا رنة بالجوال عشان اجي اسمعلك
بايات

[ابنة الشهيدة]

حبيبتي أزميرالدا ماتعرفيش قد إيه أنا متفاجئة بكلامك ده، ماشاء الله عليك يظهر إنك قوية لأن اللي يشوف مواضعك يقول ديه ماعندهاش مشاكل، ربنا يفرج عنك.

ياريت تحكي لنا يمكن نقدر نساعدك أو حتى ندعي بإذن الله .

[***DoDi***]

هاتستفيدى انك تفضفضى وساعات الانسان بيكون محتاج جدا انه يتكلم حتى لو مع نفسه


هاتستفيدى انك لو عندك معاناة هاتسمعى كلمات مواساة ودى لها تاثير كبير على حالتك النفسية


هاتستفيدى انك لو عندك مشكلة حالية هايكون عندك الراى والراى الاخر واختارى الانسب


هاتستفيدى اخوات يسالوا عن احوالك وتحسى انك مهمة عندهم ولو انك مهمة من زمااااااااان


هاتفيدى اخواتك يمكن حد يستفيد من تجاربك فى الحياة


وربنا يفك كربك وييسر امرك

[abeer taher]

فكرت كتير اكتب قصتى زى كتير منكم

لكن مش عارفة ليه بتراجع

الكلام بيتخنق فى حلقى و يملأ فمى و يتجمع على طرف لسانى ____________ اول ما ادخل السرير

شريط حياتى يمر امامى يخنقنى ______ يعذبنى _______ يضحكنى _____ يبكينى

قصتى فيها حاجات كتير مؤلمة

لكن ساعات بقول قصصكم اصعب و اكثر الما

بس ببقى نفسى افضفض

بس بحس انا الكلام بيتجمع كله و هيطلع مش مترتب

زى دلوقتى كده مش عارفة انا بكتب ايه و لا بكتب ليه

بس حبيت افضفض و يمكن بعد كده اكمل و يمكن لأ

بس ياريت تقولولى تفتكروا لو حكيت هستفيد ايه؟؟؟؟؟؟؟

_____________________________
__________________________________
_________________________________________

مجرد إنك كتبتي وطلعت اللي عندك لما ترجعي تقرأي اللي كتبتيه رح تكتشفي أشياء كتير من كلامك انت ورح تفهمي شو اللي مضايقك وأكيد إن الناس اللي بتسمعلك رح يكون مخها أصفى من مخك بهديك اللحظة وبتقدر تفكر أحسن منك بساعتها وأكيد رح يدلوكي على أمور ما رح تخطر على بالك . فتوكلي على الله

[أم أحمد 2007]

الله يسهل عليكي إن شاء الله

إذا حابة تحكي تأكدي إنو كلنا آذان صاغية

وإذا حابة ما تحكي هلاء معلش بس أهم شي تتأكدي من إنا كلنا لبعض

[yehia2007]

حتستفيدى انك خرجتى كل اللى جواكى وبعدها حترتاحى ان شاء الله وتلاقى ناس تفيدك بحلول متخطرش على بالك وممكن افكار جديده

[zineb gharbia]

اعتقد انك ستستفيدين سواء كانت لديك مشاكل او مجرد رغبة في التخفيف عن النفس لاننا هنا جميعا للاستماع لبعضنا وتقديم المساعدة قدر المستطاع ..

اتمنى ان يكون خيرا ان شاء الله.
قولي وستجدين من يستمع اليك.

[azmiralda000]

انا متشكرة اوى اوى اوى يا بنات

انا عارفة و اللهى ان صدركم رحب و كلكم اذان صاغية


انا الحمدلله الحمدلله الحمدلله بفضل ربنا سبحانه و تعالى مشكلتى الحاية بسيطة جدا الحمدلله


بس اللى بيؤرقنى الذكريات


عشان كده نفسى افضفض و احكيها يمكن لما تطلع


ابطل افتكرها بعد كده


ما تقلقوش عليا انا بخير


و مشكلتى الحالية تنتحصر فى كلمتين ( الغربة __ القلق )


بس لازم احكى الماضى عشان تفهموا مشكلة الحاضر


لى عودة ان شاء الله قريب

انا مش بعلقكم و اللهى بس وقتى ضيق

هرجع فى اقرب فرصة ان شاء الله

[نزف الاحاسيس]

يا حبيبتي الواحد لما بيفرغ اللي جواه بيستريح احنا ممكن نفيدك او حتي نشاركك

[نور تقية]

فرج الله همك ام ياسيين و انعم عليك براحة البال اللهم اميين