مرت فأصبحت ذكرى حلوة "مطبات ليلة الزفاف"

[iris_14]

الموضوع بجد جميل وشجعني اكتب الموقف اللي حصل معاي.. وانا بالكوفير مستنيه اخوي يجيب بوكيه الورد اللي اخترتها بعنايه من حيث الشكل والوان الورد اتفاجأت ببوكيه غير الالوان غير واتصلت على المحل فقالوا لي ان الورود اللي طلبتها مش موسمها فتخيلوا كيف كانت اعصابي بس الحمد لله طلع مناسب للمكياج والكل عجبه ..هدا موقف والموقف الثاني كانت اثناء الزفه وطبعا انا كاتبه ممنوع اصطحاب الاطفال ودخولهم بالكرت بس مش عارفه من فين طلعوا فأثناء الزفه فتحت البالونات وفجأءه اشوف اطفال كثير يجروا من الجانبين وانا وزوجي بالوسط وكنت مصدومه وزعلت بس لما شفتها بالفيديو صارت حلوة وكأنها حركه مقصوده.. وشكرا

[***DoDi***]

انا يوم خطوبتى العريس اتاخر جدا جدا
وكان كل الموجودين ياخدونى على جنب ويسالونى
"انتى متاكدة ان العريس جاى "
هههههههههههههه


انما يوم الفرح طلبت منه بوكيه ورد معين فوجئت ببوكيه تانى خالص
ولما سالته عن البوكيه اللى طلبته قال لى لقيت ده ارخص
فضلت طول الفرح رافضة امسك البوكيه
واللى غاظنى اكتر انى كنت عارفة ثمن البوكيه اللى كنت عاوزاة
واديت له ثمنه
بس هو استخسره فيه
هههههههههههههههههههه

ربنا يستر فى الجوازة الجاية ان شاء الله

[***DoDi***]

مرة كنت ذاهبة للكوافيرة
وكانت هناك بالصدفة عروسة انا اعرفها ــ قريبة احدى صديقاتى ــ
وكانت العروسة عصبية جدا
وكل لما الكوافيرة تعمل لها مكياج او تسريحة تطلب تغييرها
فزهقت منها الكوافيرة لانها كانت قربت تخلص
وقامت العروسة تغسل وجهها
وفجأة
لقينا ناااااااااااااااار ماسكة فى ديل فستان العروسة من الامام
كان اللهب اللى بيحطوا عليه مكواة الشعر تحت الحوض
وقعدوا يطفوا العروسة
وكان فستان خطوبة منقوش
ومش كل الطبقات اتحرقت
قعدت صاحبتها والكوافيرة يحاولوا يلموا مكان الحرق
بس طبعا بقى شكل الموديل عجيب
والعروسه عيطت كتير جدا
وعنيها احمرت وورمت
وساعتها رضيت باى تسريحة واى مكياج
بس بجد صعبت عليه

[محبوبة لجين]

مواقف جميلة و لها ذكرى جميلة في النفس..

[السماحه]

اول يوم جوزى ييجى عندنا فيه ليتقدم لخطبتى اتاخر شويه بس شويه صغيرين
ولكنى توترت جدا جدا لانه كان جاى عن طريقى انا يعنى يعرفنى من الجامعه
بس الحمد لله لم يخزلنى ووصل متاخر شويه مش مشكله المهم ييجى0

اما بقه يوم الزفاف فكان الفستان اللى عجبنى محتاج كم علشان كنت محجبه وبعد ما استلمت الفستان لقيت الكم ضيق جدا جدا فرجعتلهم تانى ووسعوه بس بعد ما اتنرفزت
والحمد لله كان يوم جميل اوى اوى ياه رجعتينى 5 سنين ورا
شكرا ليكى على الموضوع.

[حلوة الحياة]

هههههههههههههههههههههههههههههه

أتذكر يوم خطوبتي أن الفستان كان منفوش جدا من تحت طبقات كتير وبصراحه هبل كل من شافه

ولكن وأنا طالعه علي سلالم الفندق كانت أخواتي مشغولات بأطفالهم فأضطررت أن أترك يد زوجي لارفع الفستان

وهو عايز أضع يدي في يدةمما أضطرني أن أصرخ بأخواتي وطالع بالفيديو هههههههههههههههه


وكمان وهم يرشون علينا الورد واحدة كانت ورايا وبتنشن في قفايا بالظبط فالتفت وقولت لها بغيظ كفايه بقي وبرضه طالع بالفيديو

وكل شويه ماما وأخوتي يتفرجوا ويضحكوا عليا يرضيك كدة

نصيحتي خليكي ريلاكــــــــــــــــس

والله ضحكت من قلبي ( انا موجودة بالدوام ) والكل سمع ضحكتي .. مرت على خير بس شو طلعتي شطورة وعرفت تتصرفي ...

اما الحصل معي من نفس الوترة أنا ما قست الفستان من يوم ما حجزته ليوم الفرح وحضرتي طلعت ضعفانه 6 كيلو وطبعا عارفين شو يعني 6 كيلو
الحمد لله مر هاليوم على خير

[weza2000]

ههههههههههههههههههههه
كلها احداث بتفطس من الضحك
ربنا يسعد ايامكم

[زوجة محمد]

نصيحتي

لازم تأكدي على مواعيد كل حاجه

استلام فستان لو كنتي مأجراه

الكوافير

المصور

الورد

كل حاااااااااااااااااجه

( يوم فرحي رحت للكوافير قالتلي .. آسفه مفيش حجز بإسم حضرتك )

عيطت عياط

بهدلت لهم الدنيا

في الآخر اتاكدوا اني حاجزه فعلا

وكل حاجه كانت جميله الحمد لله في الآخر

بس اعصابي كانت باظت