.لو انا غلطانه ...قولولي

[still_here]

امبارح زارتني سلفه اخت زوجي (وزوجه ابن خال جوزي فنفس الوقت)..انا كنت زرتها لما ولدت بالسلامه ودي كانت اول زياره ليا فبيتها ووقتها اديتها فلوس للبيبي(نقوط يعني) ..الكلام ده من اكتر من سنه وانا لسه ربنا مرزقنيش بأولاد فمجاش عندي مناسبه ..المهم هي تقريبا عملت عيد ميلادي مناسبه علشان تزورني ..هي قالت مثلا توصل الود بيننا وجابتلي هدايا وجت وبعد ما مشت انا فتحت الهديه لقيت فيها فلوس (بترد اللي انا اديتهولها لما ولدت)..انا اتفاجأت لأن عيد الميلاد ده مش مناسبه علشان نرد لبعض فلوس وكمان انا لابعمل احتفال ولا حاجه..المهم انا قلت لأخت جوزي قالتلي هي برضه عملت معاكي كده دي عملت كده مع قرايبنا في ظروف مش مستدعيه وبطريقه غلط والكل متدايق منها..انا قلتلها انا هتصل بيها واقولها انا متشكره وكفايه انك نورتيني فبيتي والفلوس دي خليها لمناسبه تستاهل..يعني اعتذر لها بطريقه لطيفه ..لو حسيت انها هتزعل هسيبهم وخلاص..لقيت اخت جوزي بتقولي انها حكت لجوزها(اكبر اخواته)وقالها ترجعلها الفلوس علشان تبطل تعمل الحركات دي وتعرف ان ده تصرف مش في مكانه وتبطل تعمل كده لانها كده بتحرجهم..انا قلت ماشي يعني هما لقو تصرفها معايا فرصه علشان يصفو حسابهم معاها علي تصرفاتها الغلط فموضوع الفلوس ده مش مشكله طالما هيلفتو انتباهها ....كمان انا ممانعتش لان دايما كانو بيغلطوها من غير مايعاتبوها او يلفتو انتباهها وانا دايما كنت معترضه علي اسلوبهم ده ..قلت اهي جت مناسبه يفاتحوها ويفهمومها تقاليدهم دي..
لحد هنا ماشي بس انا قلت لأخت جوزي ياريت مترجعيلهاش الفلوس الا لما انا اكلمها واعتذرلها من باب الذوق وانها كانت فبيتي وعملت الواجب فمش من الذوق اني ابعتلها الفلوس معاكي كأني مش عاملالها اعتبار ولا اهميه وانه مهما كانت هي بتتصرف بأسلوب مش مظبوط او حتي وحش فهي جاتلي بيتي واصلا معملتش فيا حاجه قبل كده ..واتفقنا علي ميعاد انا اكلمها وبعدها هي تروح تديها الفلوس..
..المهم اتصلت بيها فعلا وكاتبه الكلام فورقه ومختاره هقولها ايه خفت اقول اي كلمه ممكن تاخدها بمعني تاني خصوصا ان معاملتنا مع بعض قليله ولسه مش فاهمه اسلوبها....الاقيها مش بترد عليا..طلبت اخت جوزي الاقيها بتقوللي انا ادتها الفلوس وقلتلها اللي انتي عملتيه ده مش مناسب واستني لما يكون عندها مناسبه تستاهل وهي زعلت من تصرفك ده..قولتها وهي عملت ايه؟ قالتلي زعلت ودورت وشها...علشان كده لما اتصلت بيها مردتش عليا....
....انا بصراحه دمي اتحرق لان هما متغاظين منها ومن عمايلها قبل كده ولما راحتلها لا جابتلها سيره اللي عملته قبل كده من مواقف زي ده ولا اي حاجه..وبقيت كده انا اللي نيله وقليله الذوق معاها وعلشان كده مردتش علي تليفوني ..انا بصراحه نفسي صعبت عليا اول مره حد يعمل معايا كده ..وكمان اول مره تزورني فبيتي وكنت كويسه معاها جدا ومبسوطه بيها وتلاقي تاني يوم الموقف ده..تقول عليا بوشين...انا حكيت لجوزي بس قلتله متدخلش قاللي كلميها تاني وقوليلها اللي حصل انا كنت هعمل كده فعلا بس برضه للأخر اخت جوزي تبقي سلفتها الكبيره وانا مش عاوزه احرجها معاها مهما حصل ولا اصغرها قدامها لأن لو فهمتها اللي حصل فعلا كده اخت جوزي هيبقي شكلها وحش اوي ...
وانا معنتش عارفه اعمل ايه استني واسكت ولا اكلمها وافهمها اللي حصل ولا اعمل ايه...؟
موقف فمنتهي البواخه والاحراج خصوصا مع واحده متعاملتش معاها غير كام مره...ياريت تدوني رأيكو علشان انا يا هسكت واشوف الموضوع هيوصل لفين ..يا اما هقلبها عليهم وكل واحد يبقي يصفي مشاكله علي حسابه الخاص....

[still_here]

والله يا جماعه انا عارفه ان الموضوع اساسه تافه بس عمل مشكله للأسف ..وانا طلبت رأيكو لأني حسيت ان اللي جت زارتني دي ليها تفكير لواحدها وهي وقرايب جوزي ان جيتو للحق كلهم..وعلشان كده انا باخد رأيكو يمكن الاقي حاجه غايبه عني تلفتو انتباهي ليها واخلص من الموقف اللي مالوش لازمه ده..بس مش عارفه انا اللي كاتبه بأسلوب مش واضح ولا الموقف مش مستدعي حد يقول رأيه ولا ايه؟

[mirololo]

اولا يا اختي خطك صغير موت ومكتوب بلون مش واضح خالص وبالعافية ظللت الكلام وقراتة

[still_here]

mirololo
عضو نشيط

معقول!!! انا كاتبه بالخط 5 واللون اخضر غامق والخط واضح عندي جدا..مش عارفه يمكن في مشكله

[زوجة ولي الفخر]

اولا يا اختي اللي فهمته انك طلبتي من اخت زوجك انها متديلهاش الفلوس الا لما انتي تكلميها وهي اديتهالها قبل ما تكلميها يعني هي غلطانه فمن رايي انك تتصلي بيها تاني تفهميها الموقف مع اختلاق عذر لاخت زوجك حتى لا تصغريها امامهم
وبعدين من الاساس لا كنتي بعتي فلوس ولا حاجه ربما تكون هي ما بتحبش الود من اصله وبتعمل كده علشان تفهموا انكم ما تودوش عليها تاني
وربنا يهديكي سبيل الرشاد

[mirololo]

يا اختي الحبيبة اخت زوجك هي الي غلطانة لانها استغليتك استغلال سئ للتلكيك ليها وجرحها عن طريقكك انتي
لية من المواقف الي عملتها هي تقريبا سلفتك في اخت زوجك او في اخواتها لية هي مخديتش موقف لية خديتك انتي سيتار ترمي بقذائف الحقد بينكم والله اعلم اة الي اتقال كمان عن ليسانك ويتستني تنتقم عن طريق موقفك وخصوصا انك قلتيلها متيدلهاش الفلوش الا لما تكلميها وهي محترمتش كلامك ليها ان رايي تكلميها وتشرحيلها موقفك كويس وانك مقصدتيش ومتخليش صورتك وحشة لاي سبب كان او عشان خاطر اي حد وبعدين السيت مغلطيتش انها اديتيك هدية فلوس مش جريمة كان هم علي قلبها مثلا انك تفتكريها ناسية الي عليها بالعكس دي مبادرة طيبة منها الناس في الزمن دة بيتاخد مش بيتدي عندك عماتي ياخدو علي اد ما يخدو وعمرهم ما فكرو يطلعو لينا قرش
وضحي صورتك قدامها وحاولي تلاقي لاخت زوجك عذر بس وضحي الصورة لان انتي دايما الي دامك هايتحرق مش هما هما خلاص فرغو شحنت الغضب الي جواهم فيها عن طريقكك وبردو هايتعملو معاها عادي وانتي الي هايتحرق دمك من تعاملها معاكي

[ملكةالرومانسيه]

ادفع باللتى هى احسن
خيركم من يبدا بالسلام
الله يصلحكم ممكن نيتها شريفه والله اعلم

[نور تقية]

حبيبتى ...انصحك تكلميها و تشرحيلها علشان الست متزعلش منك

و طبعا اللى غلطان اخت جوزك لانها اتسرعت ....و لبستى انت تصفيه الحسابات بتاعتهم

من رايى انك تزوريها و تتكلمى معاها....و تفهميها حقيقة الموضوع بدون تجريح فى اخت زوجك

لان الكلام ممكن يتحور من عندها بطريقة تانية و الدنيا تولع بين الكل....و طريقتها فى رد الهدية

انا شايفة انها عادية على اساس انكم اهل....و الفلوس هتجيبى بيها اللى محتاجاه و لانها

مش قريبتك اوىىى مش هتعرف تجيبلك حاجة و ممكن تطلع مش مناسبة ليكى

انت كلميها او زوريها و ان شاء الله الموضوع يتصلح و ربنا معاكى ...

[ام ملك وادهم]

حبيبتى ...انصحك تكلميها و تشرحيلها علشان الست متزعلش منك

و طبعا اللى غلطان اخت جوزك لانها اتسرعت ....و لبستى انت تصفيه الحسابات بتاعتهم

من رايى انك تزوريها و تتكلمى معاها....و تفهميها حقيقة الموضوع بدون تجريح فى اخت زوجك

لان الكلام ممكن يتحور من عندها بطريقة تانية و الدنيا تولع بين الكل....و طريقتها فى رد الهدية

انا شايفة انها عادية على اساس انكم اهل....و الفلوس هتجيبى بيها اللى محتاجاه و لانها

مش قريبتك اوىىى مش هتعرف تجيبلك حاجة و ممكن تطلع مش مناسبة ليكى

انت كلميها او زوريها و ان شاء الله الموضوع يتصلح و ربنا معاكى ...

انا موافقه جدا على الراي ده
مع العلم اني اعتقد ان اخت زوجك فعلا استغلتك لتصفيه حسابها الشخصي معاها
ربنا يهدي الجميع

[طالبة حكمة]

مرحبا حبيبتي
انا من راي الصبايا انه اخت زوجك ما صدقت و يصير هالموقف
بعدين حبيبتي انا من وجهة نظري انك تروحي عندها و تعتذري منها و مش بس بالتلفون لانه بيجوز هي ما بتشوف فيها اشي انها تهدي نقود ع عيد الميلاد
يعني الناس عادات و هي شافتك بعين فالمفروض انك تشوفيها بعينتين و هي مو ملزمة انها تيجي ع عيد ميلادك يعني لو انها ما بدها تيجي لكان طنشت من البداية
فالمرة ما غلطت و كنت بتقدري تحكي معها و تحكي لها انا اشكرك ع النقود بس انا حابة انك تجيبيلي هدية حلوة ع ذوقك عشان اتذكرك فيها
ع كل حال اللي صار صار والله يهدي بنت حماك
سلامي

[كمبوش]

حبيبتي اتوقع اخت زوجك الغلطانه
بس مو مشكله اللي صار صار
اهم شي تكلميها وتعتذري منها وتوضحي لها موقفك

[عمرى لزوجى]

السلام عليكم
ممكن فعلا تكون نيتها خير يا ستيل هير
حاولى تكبرى دماغك واحسنى الظن
وابداى بالسلام

[§Nosa§]

أختي أنتِ لستِ غلطانة حاولي تتفهامي معها وإلا ماترد عليكِ عالتلفون وقليلها شو قصدك وشو اللي صار وبتكوني عملتِ اللي عليكِ ورضيتِ ضميرك وشو ماكان رد فعلا بتكوني مرتاحة وقتها..والله يفرجها

[z84]

اختي روحلها للبيت واعتذري منها ووضحي لها كل الي صار لان اذا بتسكتي راح يكون الذنب عليكي يعني انت الي راح تطلعي مو كويسة ولا تقولي من شان فلانة وعلانة والله ماراح يفيد
بس حبيبتي في ناس بيحبوا يرد الهدية حتى لو مالها وقت يعني هي مو غلطانة وفي ناس مابتعرف كيف تتصرف في الهداية فعندها يجوز افضل شي الفلوس
روحي عندها وصفي النفوس

[اميرة صلاح]

حاولى توصللها وتفهميها حقيقة موقفك والتمسى العذر لاخت زوجك وكونى حريصةجدا لما تقولية محدش عارف الكلام ممكن يوصل ازاى ومتعتبيش اخت زوجك واتعلمى الدرس انك تتصرفى بنفسك ومتخديهاش صاحبة