الدنيا ضاقت بي ماذا افعل
انا امراه متزوجة وعندي ابنه واحده ووالتانيه عالطريق مشكلتي انو زوجي فاتح محل زجاج ومرايا يعني وضعي كويس بس هو شريك مع اخوه والحياه ماشيه في بدايه الامر ابوهم ساعدهم لما فتحوا هاي المصلحه مع الايام وضع زوجي صار احسن وصار عندوا سياره وبيت يعني اي شي بتحلم فيه المرأه بس انا في شغله كتير متضايقه منها وهي انو كل شي مشترك بينو وبين اخوه حتى ابوه يعني ما في شي خاص الي لوحدي متلا السياره باسم ابو زوجي مع انو هو بدفع اقساط شهريه للسياره وكمان في شغله انو امزوجي مستلمه السياره لما بدها تروح مشاوير مع العلم انو زوجها عندو سياره خاصه فيه واخو زوجي عندو سياره خاصه فيه وهي ما بتصر الا عالسياره الخاصه فينا حتى لما بدي اشتري اغراض للبيت اما بروح بتكسي او بخلي امي توديني شو اعمل حتى انو ما بعرف شي عن شغله وشو معه وشو عليه لانو ام زوجي ماسكه حسابات العيله يعني ما بعطيني فرصه اكون مرأه جديره في حياته او انو يعتمد علي انا تعبت حتى اني نفسي اشتري شغلات كتير ه بتجي عبالي بس بحكي يمكن ما معو
لاني ما بعرف وضعوا الحالي فبظطر اسكت وحاسه انو الدنيا ضاقت علي ساعدوني هل انا صح ام غلط وشو الحل برأيكم اني اطنش ولا اطالب بحق ما بعرف هوالي ولا لغيري
تعليق