انا تردد منى لله

[تردد]

السلام عليكم ورحمه الله وبركاته

انا معاكوا فى المنتدى من زمان بس غبت بقالى شويه من غير سبب معرفش هوه المنتدى مكان للحاجه الى انا عايزه اقولها ولا لاء بس من ضمن المواضيع الجتماعيه البطاله الى بنعانى منها فى مصر والى هيه سبب فى خراب بيوت كتير وانا واحده منهم الحمد لله لسه محصلش حاجه زى كده بس وبعدين جوزى بيحاول يجتهد هنا وبره مصر بس معرفش ليه مفيش توفيق مش تقصير منه بس ممكن احنا الاتنين مش عارفين نفتح بيت ولا عارفين نخلف مع اننا كويسين اصلا مش عارفه ايه الى انا فيه ده انا على طول معنديش مانع انى اعيط على نفسى فى اى وقت وكل مكان معرفش حل مشكلتى فين ان جوزى يلاقى شغل ولا انى اخلف بس انا دلوقتى مش زى الاول انا دلوقتى مضطره اعمل عمليه منظار عشان الدكاتره معملوليش تنضيف بعد اخر اجهاض مش عارفه الدكاتره والزمن متسلطين عليا انا وجوزى احنا بقينا بؤساء شكلنا بان عليه الهم والحزن ومش عارفين المخرج منين
ممكن اتجراء واطلب من اى حد فيكوا انه يقف جمبى سواء عن طريق الكلام معايا او لو حد دكتور نفسى يتكلم معانا هنا ويسمعنى او حد ممكن يوفر لجوزى فرصه شغل فالامارات لانه عنده مكان يقدرش يعيش فيه مؤقتا هناك ممكن حد يرسينى على بر ويعرفنى غلطى فين وايه الى وصل حياتى الزوجيه للى انا فيه هوه انا وحشه قوى كده انا متاكده ان ربنا مبيحبنيش عشان كنت مش موافقه على جوزى اما اتقدملى وعشان اعترضت على انى سقطت مره واتنين وتلاته وبعدت عن ربنا بس انا عاوزه اصلح كل حاجه دلوقتى تفتكروا ينفع وايه الطريقه انا محتاجالكم تبقوا جمبى قوى والحمد لله على كل حال

[noorelhoda]

[center]

حبيبتى هونى عليكى اللى انتى فيه

كل دى ابتلاءات من رب العالمين

ونحن لا نملك الا ان نقول الحمد لله

احمدى ربنا اختى

احمديه حتى على البلاء

يقال ان من كثره محبه الله للانسان ابتلاؤه

اصبرى فالله فرجه قريب

قال تعالى

وبشر الصابرين الذين اذا اصابتهم مصيبة قالوا إنا لله و انا اليه راجعون أولئك عليهم صلوات من ربهم و رحمة و أولئك هم المهتدون.

اختى فى الله اريدك ان تتاكدى ان

أن الله يضاعف أجر الصابرين على غيرهم

، ويوفيهم أجرهم بغير حساب

، فكل عمل يُعرف ثوابه إلا الصبر

قال تعالى: إنما يوفى الصابرون اجرهم بغير حساب

ولنبلونكم بشئ من الخوف والجوع ونقص من الاموال

والانفس والثمرات وبشر الصابرين.......... الى اخر الايه التى ذكرتها

فالصبر من العبد عند وقوع البلاء به هو اعتراف منه لله بما أصاب منه

واحتسابه عنده ورجاء ثوابه،

فعن أم سلمة قالت: قال رسول اللهصلى الله عليه وسلم

إذا أصاب أحدكم مصيبة فليقل: إنا لله وإنا إليه راجعون

اللهم عندك أحتسب مصيبتي فأجرني فيها

وأبدل لي بها خيراً منها

لو صبرتى ان شاء الله سيرزقك ربك بالذريه الصالحه والمال

ادعى ربك يا اختى واصبرى على البلاء

[/CENTER]

[noorelhoda]

حبيبتى اعانك الله على ما بلاكى

[تردد]

متشكره ليكى قوى كلمينى كده كتير علشان اشوف الوجه التانى للحياه اكيد هيه كويسه فى حاجات كتير بس همى مخلينى مش شايفاها ربنا ينورلى طريقى ويفك هم اى حد زعلان ويبديه حزنه فرح
انا لله وانا اليه راجعون اللهم اجرنى فى مصيبتى واخلفنى خيرا منها

[mayoutta]

اختى فى الله
لخروج مما انت فيه بين ايدك انت و زوجك فقط
عليك بكثرة الاستغفارو كثرة صلاة قيام الليل و الصبر و الشكوى لله و الشكوى لله و الشكوى لله و الدعاء الكثييييييييييير و اصبرى و باذن الله ستاتى النتيجة
فالله سبحانه "يمنع ليعطى
" ياخذ ليعطى
" يذل ليعز
" يخفض ليرفع
فالله تعالى مالك الملك شايفك و عارف الى بيك و ما عليك الا ان تزدادى قربا اليه
و اطلبى من الله و ارفعى يديك بالبكاء اليه

فالله يبتلى ليجزىء
الله يفرج كربك و يرزقك من حلاله و يفتح امامك ابواب الخير كلها عاجلها و اجلها

اختك فى الله

[تردد]

اختى ماى يوتا متشكره على ردك قوى بس حاسه انك فهمتينى غلط مش معنى انى بقول انى بقت دمعتى قريبه وصعبان عليا نفسى انى ماشيه اشتكى لخلق الله داانا خسرت اصحاب كتيييير علشان مكنتش بحكلهم عن حياتى حاجه
انا بس بدور على حل عملى بسالكوا ارجع لربنا ازاى واعتزرله ازاى عن تبطرى على الى اداهونى وعارفه انكوا اكتر ناس ممكن تعرفونى وترجعونى لله وكمان بدور لجوزى على شغل وده مش غلط انا بطلب شغل مش اى حاجه تانيه عامه الحمد لله ومتشكره انك اهتميتى تردى عليا

[راما333]

لا تيأسي اختي بالبدايه زي ما قالوا الاخوات افتحي صفحه جديده بحياتك
صفي نيتك لا تحقدين ولا تحسدين
ولا تسخطين
ابداي بالمحافظه على الاذكار الصباح والمساء

وشكر الله على نعمه
وكلما احسست بضيقه اقرأي القران واقراي سورة الواقعه بتدبر كل صبح ومساء واحرصي عليها

[mayoutta]

لا لم اقصد حبيبتى مما قلتيه اى حاجة فقط اردت ان ازيد من تذكيرك حتى تتقربى اكثر و اكثر لله
و ما فيه عيب ان تطلبى شغل لزوجك و اقسم بالله لو كنت بالبلد الذى طلبتيه و لى المقدرة لن اتردد و لو ثانيه فكله من عند الله و ليس من عند اى بشر
نصيحتى لك ان تسمعى لتفاسير اسماء الله الحسنى للشيخ النابلسى و سترين مدى قربك لله
كلنا نجدد الايمان و ندعو بالثبات * اللهم ثبتنى و ثبت المؤمنين على طريقك المستقيم *
و الله سبحانه جعل بلاء الدنيا لعطاء الاخرة سببا
و جعل سبحانه و تعالى عطاء الاخرة من بلوة الدنيا عوضا
فياخذ ليعطى و يبتلى ليجزىء
فالله سبحانه و تعالى ياخذ منا بعضا من الصحة ليعوضنا اضعافا اضعافا من القرب و السكينة
فالله اعطاناالنعم الكبرى -
اعطانا اولا نعمة الايجاد اى الوجود فالله اوجدنا فالانسان له اسم- كيان - بيت- عندك قناعات -زوج(ة) ...
اعطانا ثانيا نعمة الامداد اى اعطاك النصف الاخر- الاولاد...
اعطانا نعمة الهدى و الرشاد...
فضلا على نعم لا تعد و لاتحصى

عذرا ان اطلت عليك
ربنا يرزقك بالذرية الصالحة و يهدى سرك و يفتح امامك و اماك زوجك كل ابواب الخير عاجلا و ليس اجلا
اميييييييييييييييييييين
اختك فى الله

[دعوه شخصيه]

الله يفرج همك وهمي
وربي الي خلقنا ماينسانا
توكلي على الله وخلي ثقتك فيه كبيره
والله انا بعد عندي هموم مالها حد ..ولولا ثقتي بالله اعتقد اني كنت مجنونه
لكني احاول ان اقترب من ربي..
اذكرك واذكر نفسي بالاستغفار فيه الاحساس الكبير بالاطمئنان
يارب يارب مايمر عليك هالشهرين الجايه الا انتي وزوجك متوظفين وخبر حملك معاهم
يارب ويبارك لكم في رزقكم..يارب ويفتح لكم ابواب رزقه اين ماذهبتم
ويصلح حالكم وحالي..
واستغفري الله على كل شي احسستي انك كنتي غلطانه فيه من فينا ما يغلط
لكن رحمه ربي واسعه..

[egyfairy]

حبيبتي والله ثم والله ثم والله عليكيييييي بالدعاء و الاستغفار و مش اي دعاء لا دعاء مع ذل و تضرع و يقين ان ربنا هيفرج همك فوالله الذي لا اله الا هو لن يردك الله لانه كريم و الكريم لا يرد سائل ادعيه و ابكي لحد متحسي ان صفيتي و ان جواكي راحه غريبه و ان شاء الله ربنا هيستجيب و خللي زوجك يدعي كمان و خاصة في الثلث الاخير من الليل .. و في النهار طول مانت ماشيه عليكي بالاستغفار و هو كمان صدقيني يا حبيبتي لو عملتي كده مش هتحتاجي لحد من البشر لان رب البشر هيذلل كل العقبات و هيفتحلك كل الابواب المغلقه و هيرزقك من حيث لا تحتسبي ... انا في الموضوع ده حاليا لاني نفسي زوجي يغير شغله هو الحمدلله كويس بس ربنا يهديه صاحب المكتب فبقيت ادعي ان ربنا يكرمه في حاجه أحسن و رزق أوسع و سبحان الله جاتله مكالمه بالغلط من واحد كان يعرفه من زمان و كان قاصد يكلم واحد تاني و قاله انت فين دلوقتي احنا عاوزين مهندسين يا ريت تيجي عندنا و واحد صاحبه كلمه قاله محتاجين عندنا مهندسين و كل ده في اسبوع بس .. صدقيني يا أختي مع الله مش هتحتاجي لحد من البشر لانه هيغنيكي و يكفيكي عن كل شيء و ربنا يرزق زوجك الرزق الحلال الطيب عاجلا غير آجل و يرزقكوا بالذريه الصالحه آمين يا رب العالمييين...

[sondos2010]

اختى الحبيبة
قبل كل شىء الحمد لله الذى لايحمد على مكروه سواه
وكل مايصيبنا فى حياتنا اختبار من الله لنرى مدى صبرنا واحتمالنا
ودائما بعد العسر يسرا
انت اعترفت ببعدك عن الله والان تندمين وتريدين التقرب الى المولى عز وجل
اول شىء حافظى على الصلاة فى اوقاتها
ثانيا رددى هذان الدعاءان(اللهم اعنى على ذكرك وشكرك وحسن عبادتك)وان شاء الله يكون عونا لك على حسن عبادته(لا اله الا انت سبحانك انى كنت من الظالمين)وهذادعاء يونس وهوفى بطن الحوت حتى يفرج الله كربك وهمك
ويبدلهما ان شاء الله رضا وسعادة
وفقك الله ونريد الاطمئنان عليكى دائما

[high wave]

هونى عليك يا حبيبتى ..ربنا معاكى والله ربنا كبير جدا ومش بينسى حد بس انتى خليك دايما قريبه منه دا ربنا اسمه الرازق هوا بس اللى بيرزق العمل والاطفال ..وربنا لما بيحب عبد بيبتليه ويشوف هيعمل ايه هيصبر ولا ايه اصبرى يا حبيبتى هأقول ليكى ايه انا كنت فى بلاء شديد وربنا وحده اللى يعلم وكنت منهاره نفسيا وجسديا بس والله بلصبر والصلاه ونى توكلت على ربنا وقلت دا نصيبى وقدرى ..وسبحان الله ربنا كان بيسخر ليا ناس والله انا عمرى ما عرفتهم كانو بيدعولى والحمد لله على كل حال اصبرى وتحملى ..وربنا يرزقك الخلف الصالح .......

[amal250]

السلام عليكم ورحمة الله وبركاتة
اتمنى من الله العزيز الحكيم ان تكوتى احسن حال ونفسية مرتاحة احسن من الاول ومع ردود الاخوات بارك الله فيهم وجزاهم الله كل خير وجعل كل ذلك فى ميزان حسناتهم
حبيبنا واختنا الغالية ليس معنا ان نخرج مافى قلوبنا او ان نطلب مساعدة معنى هذا شكوى لالالالالايااختاةنحن هنا لكى نساند بعضنا البعض بالكلمة الطيبة وبالفكرة البنائة والحلول التى تساعد على الخروج من المشكلة التى نحن فيها حتى لوكان بدعاء يخرج من قلب صافى وصادق ولله الحمد هذا موجود فى منتدنا فااهلا بكى يااختاة معنا اخت وصديقة وابنة عزيزة والله العظيم وربى يشهد على ما فى قلوبنا
حبيبتنا واختنا فى الله شئ واحد اقولة لك ما ضاقت الا ما فرجت بااذن الله
ومن حيس لاتحتسبى عليك يااختاة بالدعاء الى الله وفى جوف الليل (وان لفرج الله لقريب)
وشئ الذى املكة لك الدعاء باان يتم نعمة عليكم ويعطيك ولايمنع عنك ويزيدك ولاينقص منك
امين يارب العالمين -----------امين يارب العالمين------------------- امين يارب العالمين

[تردد]

ربنا يخليكوا ليا بجد بعد اما بخلص قراءه رددكوا بحس بجد ان الدنيا سهله قوى وكل شىء ممكن
بس اما برجع للواقع بتاعى بتجنن والله حاسه انى عايشه جوه كابوس ونفسى اصحى منه بس محدش يقدر يصحينى غير ربنا سبحانه وتعالى ادعولى وانا بدعلكم والله والحمد لله على كل حال ومتشكره على مشاركتكم وتفاعلكم معايا انتوا اكتر من الاخوات والله

[3aroos elneel]

اختى السلام عليكم ورحمة الله ان مع العسر يسر ان شاء الله لا تلومى نفسك فنحن بشر وكلنا خطائين وخير الخطائين التوابين تقربى الى الله بكثرة لاستغفار والصدقه مهما كانت بسيط لها صدى ان شاء الله واحمدى الله على كل شىء لعل تاخر الحمل خير من الله ان ترزقى بطفل معاق مثلا فعدم الانجلب افضل ام الطفل المعاق فالتاخير خير ان شاء الله وظروف زوحك فى العمل ان شاء الله ربنا يفك كربه واهم شىء صلى قيام وادعى وتذللى لرب العلمين وربنا يفك كربك وكرب كل مسلم