اول مرة..... فاكرة؟؟؟؟؟؟؟؟؟؟

[زهرة حبيبى]

السلام عليكن ورحمة الله وبركاته
كيف اخباركم يا اخواتى الغاليات
لعلكن جميعا بخير ان شاء الله
8
8
قد يشرد العقل اوقت فى احلى الذكريات
لان الانسان بطبيعته يحب ان يتذكر لحظات الماضى الجميل
ويتناسى منها المؤلم والثقيل..........
تعلوا معا نتذكر لحظات جميلة من وقت فات قصر او طال
عن اول مرة رأيتى فيها زوجك عندما تقدم لخطبة ست الحسن والجمال ...........
وكيف كان حالك وقتها ؟؟
وما انطباعاتك الاولى عنه ؟؟
وهل اخذتى فكرة عن زوجك فى اول لقاء بالسلب او بالايجاب وتغيرت بعد الزواج بعد ما فهمتوا بعض اكثر ؟؟
وهل كانت اول مرة ترين زوجك عندما تقدم لك ؟؟ او انه كان قريبك مثلا او جيرانكم ؟؟
ايه رأيكم ............... مش فعلا ذكريات حلوة لازم نفتكرها ولا فيه واحدة مش عايزة تفتكر اليوم ده ؟ههههههههههههه ( لا طبعا بهزر )
ربنا يسعد كل ايامكم وتكون الايام الجاية اجمل من اللى راحت ان شاء الله
مستنية مشاركتكم يلا .........

[mayoutta]

و التى لم تتزوج الا يحق لها ان تتذكر وقت جميل لها ؟
ام هذا الموضوع هو حكر فقط على المتزوجات ؟
يلا يا عازبات همتكم
(هههههههههههه)
ربى يخليلى مامتى و لا يحرمنى من كلمة ماما

[girlzone]

لسه مراجعه الموقف ده مع جوزي من يومين وقعدنا نفتكر اول مره دي
كنت في الامتياز وفي اخر اسبوعين من سنه الامتياز وقد كلمتني عنه اخته من قبل شهرين علي انه مسافر وسيعود قريبا ووقتها رفضت اتاحة لها الفرصه في الكلام لانه ليس بالبلاد
وفجأه في هذا اليوم وجدتها امامي تقول لي فاكره اخويا الي كلمتك عنه قلت لها اه بعدم اهتمام فاذا بها تقول لي انه هنا ويود ان يكلمك شويه
ارتبكت وعرقت وادهولت طبعا وعندما رأيتك لاول وهله شعرت بشئ غريب
انه هو فارس الاحلام نفس المواصفات الشكليه التي كنت احلم بها
راجل بكل ما تحمل الكلمه من معني اسمر شعره اسود شنب طويل
وخفق قلبي ورقص ولم اظهر طبعا فكنت جاده جدا وعقلانيه لابعد الحدود
ووفقنا الله وتزوجنا في اقل من شهر ولا تسألوني كيف فانا لا اعرف الاجابه
نصيب زي ما بيقولوا
فكرتي عنه وقتها كنت شكليه اكتر
وحكمي عليه من ناحية الطبع لم يكن مظبوطا 100%100
لكن والحمد لله مميزاته فاقت عيوبه وهذا هو المهم
ومميزاته تجعلني احتمل هذه العيوب
فليس منا شخص كامل
شكرا ع الموضوع اللذيذ

[weza2000]

غريبة فعلا انى الاقى الموضوع ده هنا لانى انا كمان لسة كنت بافتكره من كام يوم انا وزوجى انا زواجى كان تقليدى جدا بعد تخرجى بكام شهر جانا زوجى فى وسط زحمة عرسان وسبحان الله لم نتكلم انا وهو فى اى حاجة هو بيقول انا كنت عاوز اخدك من

[weza2000]

غريبة فعلا انى الاقى الموضوع ده هنا لانى انا كمان لسة كنت بافتكره من كام يوم انا وزوجى انا زواجى كان تقليدى جدا بعد تخرجى بكام شهر جانا زوجى فى وسط زحمة عرسان وسبحان الله لم نتكلم انا وهو فى اى حاجة هو بيقول انا كنت عاوز اخدك من ايدك واطلع على المأذون بس بعد العقد بدأت الاوقات الجميلة ظهر تفاهم غير طبيعى بيننا وكأننا عايشين مع بعض من زمان وهو بيحبنى جدا وانا كمان باعشقه ربنا يخليهولى يارب ويخليلى اولادى
مشكورة اختى على الموضوع الطريف

[زهرة حبيبى]

لا يا حبيبتى mayoutta دا انتى تنورى وتشرفى الموضوع انتى وكل بنات المنتدى القمراااااااااااات واحكولنا عن احلى ذكريات حياتكن لحد مايجى ابن الحلال ان شاء الله (هيجى هيروح فين ؟ مستنياكم يا حلوات

[egyfairy]

جزاك الله خيرا أختي الكريمة .. انا كان زواجي تقليدي و شفت زوجي عند ناس قرايبنا .. المهم اول مشوفتوا حسيت انه صغير اوي و ان شكله بيبي فيس اوي بس عاجبني خاله لانه دمه خفيف جدا و مامته اول مشفتها قلت بابا مش هيوافق عليها لانها مش محجبه و بابا ملتزم جدااااااا ... المهم طبعا ماما زي اي ام قعدت تقول ده سكر و ياختي كميله و امور و كلام كده "" ده الكلام اللي ماما كانت بتقوله مع اي عريس""" انا مكنتش عارفه لا آه ولا لا بس قعدت اصلي استخاره كتيييير اوي و اقول يا رب لو فيه خير ريحني و افتح قلبي ليه و فعلا في المقابله التانيه لما جم عندنا سبحان الله حسيت ان قلبي ارتاااااح اوي و وافقت و الحمدلله بابا كمان كان موافق و قالي مامته صحيح مش محجبه بس طيبه و بتحب الملتزمين و ربنا يهدي الحميع...

[mayoutta]

اولا ربى يهنيى و يسعد كل اخت لى فى الله مع زوجها و بقية العائلة
اما انت يا زهورة كنت انفذلك (نمزح) معاك
هما فى الحقيقة شيئان
الاول يوم ااتانى الهاتف و سمعت بكاء بيبى و اصبحت عمه . لا انسى هذا اليوم كنت فرحة و حزينة .فرحة لان الله سبحانه و تعالى رزقنا باول حفيد و حزينة لاننى فى الغربة و لا استطع ان احتضن اخى و افرح معه عن قرب ( الا عبر الهاتف)
الثانى يوم حصولى على الدكتوراه . و عند التفاتتى وجدت امى و اخى و ايضا البيبى حاضرين بالرغم من انه اتى فى الاول والدى و اخى و زوجته و قالوا لى لم تستطع امك ( تخشى ركوب الطائرات) و اخاك( يدرس) ان ياتوا و كنت حزينة لعدم حضور امى بالذات .
و ان شاء الله فى يوم ما يكون هذا المنتدى و موضوعك من الاشياء الجميلة التى اتذكرها فى لحظة الوحدة


ام ام ام
انت لم تقولى لنا شىء
انا انتظر

[high wave]

بصراحه موضوع جميل ..بس الوضع بلنسبه ليا مختلف لان خطيبى ابن عمى يعنى كنت عرفاه كويس بس والله عمرى ما تكلمت معاه ابدا يعنى اعرف شكله طبعا بحكم العلاقات الاسريه بس عمرنا ما تكلمنا فى شئ ..وجه هوا وعمى وطنطت مامته وطلبونى من بابا بس انا كنت محتاره قوى مش عارفه ليه يمكن لانى اتفاجأت انه اتقدملى ..لانى مثلا عمرى ما تخيلت انى هرطبت بشخص قريبى ..بس صليت استخاره ولقيت نفسى بقول موافقه ..واتخطبنا وبعد كده قالى انه طول عمره بيحبنى بس فى صمت ولما الوقت المناسب جه اتقدملى ..بصراحه هوا انسان طيب جدا جدا ..وادعولنا ربنا ييسر زواجنا ..معلش طولت عليكو ..اه والموضوع دا من سنه تقريبا يعنى بقالى سنه مخطوبه .........

[amal250]

موضوع جميل مثلك يااخت زهرة لانك اخذتينا الى الوراء الايام الجميلة التى لاتنسى مهم حدث من مشاكل او اى عقبات هذه ايام جميلة فعلا وبالذات لما تكون غير طويلة الامد؟؟؟؟؟؟؟؟؟؟؟؟؟؟؟
تكون الذكرى بتعها جميلة جدا انا عن نفس احبها جدا لاننى فى خلال 30يوم كنت مخطوبة وبعد عقد القران وبعدين سافرت مع زوجى البلد التى نعيش فيها والى الان موجودة فى اربيزوة(ولاحولا ولاقوة الابالله)برغم انة من محافظة غير محافظتى ولكن كان النصيب وكانت البدية انة شاهدصورة لى عندعائلة صديقة لة وهم فى نفس الوقت جيران لى فاسالهم عل هى مخطوبة قالو لالا وكان النصيب

[om maab]

عزيزتي زهره أشكرك انك اديتينا فرصة نفضفض فيها ونعيد زكرياتنا
انا اتوظفت في شركة بعد التخرج مباشرة وفي الشغل اتعرفت علي كتير من الزملاء وكان من بينهم زوجي . بصراحة في الأول ما كنتش حاسة بحاجة اتجاهه وكنت بتعامل معاه عادي جدا لحدي ما فاجئني يوم بعرضة للزواج. طبعا اترددت في الأول وبعد كدا وافقت والحمد لله حصل النصيب واتجوزنا.
هو قالي انو في أول يوم نزلت فية الشغل وقابلته عرف اني حأكون مراته !

[زهرة حبيبى]

لسه مراجعه الموقف ده مع جوزي من يومين وقعدنا نفتكر اول مره دي
كنت في الامتياز وفي اخر اسبوعين من سنه الامتياز وقد كلمتني عنه اخته من قبل شهرين علي انه مسافر وسيعود قريبا ووقتها رفضت اتاحة لها الفرصه في الكلام لانه ليس بالبلاد
وفجأه في هذا اليوم وجدتها امامي تقول لي فاكره اخويا الي كلمتك عنه قلت لها اه بعدم اهتمام فاذا بها تقول لي انه هنا ويود ان يكلمك شويه
ارتبكت وعرقت وادهولت طبعا وعندما رأيتك لاول وهله شعرت بشئ غريب
انه هو فارس الاحلام نفس المواصفات الشكليه التي كنت احلم بها
راجل بكل ما تحمل الكلمه من معني اسمر شعره اسود شنب طويل
وخفق قلبي ورقص ولم اظهر طبعا فكنت جاده جدا وعقلانيه لابعد الحدود
ووفقنا الله وتزوجنا في اقل من شهر ولا تسألوني كيف فانا لا اعرف الاجابه
نصيب زي ما بيقولوا
فكرتي عنه وقتها كنت شكليه اكتر
وحكمي عليه من ناحية الطبع لم يكن مظبوطا 100%100
لكن والحمد لله مميزاته فاقت عيوبه وهذا هو المهم
ومميزاته تجعلني احتمل هذه العيوب
فليس منا شخص كامل
شكرا ع الموضوع اللذيذ

حبيبتى girlzone اسعدنى جدا مرورك واحنا كمان حبينا نفتكر اليوم ده معاكى علشان كده طرحت الموضوع ههههههه
وعجبنى جدا فى موضوعك انك لاول وهلة رأيتى زوجك شعرتى او شفتى فيه فارس احلامك وده شئ مهم جدا فى البداية لتكن الزوجة مقتنعة تماما بزوجها شكلا وموضوعا وله ايضا
ياعم ياعم على القلب لما خفق ورقص جمييييييييييل جدا هذا الاحساس لانه نفس ما حصل لى عندما رأيت ززوجى لاول مرة
وعلى فكرة انا زيك تزوجت فى اقل من شهر وهاحكى ان شاء الله بالتفصيل لما احكى تجربتى .. انتظرونى
وطبيعى ان الحكم على الطباع لن يكن 100 % من اول مرة فهذا شئ يعرف بالتعايش والمعاشرة
والحمد لله ان مميزات زوجك غلبت عيوبه وليس فينا بالفعل انسان كامل
ربنا يسعدكم وتظللا تتذكران يوم جمعكما الله معا

[زهرة حبيبى]

غريبة فعلا انى الاقى الموضوع ده هنا لانى انا كمان لسة كنت بافتكره من كام يوم انا وزوجى انا زواجى كان تقليدى جدا بعد تخرجى بكام شهر جانا زوجى فى وسط زحمة عرسان وسبحان الله لم نتكلم انا وهو فى اى حاجة هو بيقول انا كنت عاوز اخدك من ايدك واطلع على المأذون بس بعد العقد بدأت الاوقات الجميلة ظهر تفاهم غير طبيعى بيننا وكأننا عايشين مع بعض من زمان وهو بيحبنى جدا وانا كمان باعشقه ربنا يخليهولى يارب ويخليلى اولادى
مشكورة اختى على الموضوع الطريف

ياجماعة العصفورة بتيجى تحكيلى على الحديث اللى دار بينكم وبينا أ زواجكم علشان انا اطرحه هنا ونتكلم فيه ويبقى كل شئ عالمكشوف هههههههه لا طبعا ده بس توارد خواطر بينا وهذا يسعدنى
حبيبتى weza2000
ربنا يزيد التفاهم بينكم كمان وكمان وده دليل على ان الزواج التقليدى مش دايما بيكون فاشل بسم الله ماشاء الله انا بمسك الخشب اهوه انا كمان زواجى كان تقليدى والحمد لله مبسوطة مع زوجى
لان هناك فكرة خاطئة ان لازم الاثنين يكونوا بيحبوا بعض وراحوا وجاءوا قبل الزواج علشان يكونوا عرفوا بعض وخدوا على بعض والكلام ده وطبعا كل ده فيه معصية لله فكيف يبارك الله فى حياة بدأت بمعصيته ؟
ولكن اذا اتقى كلا من الزوجين الله ودخل الرجل البيت من بابه بارك الله لهما فى حياتهما
وربنا يوفقكم فى حياتكم ويسعدكم ويخليلك اولادك

[زهرة حبيبى]

جزاك الله خيرا أختي الكريمة .. انا كان زواجي تقليدي و شفت زوجي عند ناس قرايبنا .. المهم اول مشوفتوا حسيت انه صغير اوي و ان شكله بيبي فيس اوي بس عاجبني خاله لانه دمه خفيف جدا و مامته اول مشفتها قلت بابا مش هيوافق عليها لانها مش محجبه و بابا ملتزم جدااااااا ... المهم طبعا ماما زي اي ام قعدت تقول ده سكر و ياختي كميله و امور و كلام كده "" ده الكلام اللي ماما كانت بتقوله مع اي عريس""" انا مكنتش عارفه لا آه ولا لا بس قعدت اصلي استخاره كتيييير اوي و اقول يا رب لو فيه خير ريحني و افتح قلبي ليه و فعلا في المقابله التانيه لما جم عندنا سبحان الله حسيت ان قلبي ارتاااااح اوي و وافقت و الحمدلله بابا كمان كان موافق و قالي مامته صحيح مش محجبه بس طيبه و بتحب الملتزمين و ربنا يهدي الحميع...

حبيبتى egyfairy
اولا يارب يهدى حماتك للحجاب امين
وبعدين لازم كل الامهات لما يجى عريس لبنتها تقول زى ما مامتك قالت كده ايه الحلاوة دى ده امور وكويس واضح ان دى اسطوانة عند كل الامهات واحنا لما نكبر ونجوز ولادنا ان شاء الله هنقول كده بردوا وده طبعا نابع من حبهم الكبير لينا وان الام بيكون نفسها تشوف بنتها عروسة
وربنا يخليلنا كل امهاتنا ولا يحرمنامنهم
وفعلا صلاه الاستخارة دى مهمة جدا فى كل امور الحياه مابالك بالزواج ؟ربنا بيهدى دايما الانسان للخير ويارب يوفقك دايما فى حياتك

[نانى صلاح]

حبيبتى زهره موضوع جميل ولذيذ ربنا يسعد اوقاتك
انا زوجى والحمد لله ابن عمتى وكنت اعرفه شكلا بس لأنه كان دائما مسافر دراسته كانت خارج البلد
وبعد ما خلص الدراسه تقدم لى وهو كان بالنسبه لى عادى بس كنت مرتاحه له
وبعد الخطوبه قالى انه بيحبنى من وانا فى اللفه وانه كان منتظر الفرصه علشان يتقدم ليا
والحمد لله عليه فهو نعمة اكرمنى الله بها واشكر الله طوال عمرى عليه
يارب يخليهولى ويسعده دنيا وآخره ويباركلى فيه يارب