ساعدوني

[im islam]

انا مشكلتي في هذه الدنيا ان الله خلقني فتاه.قد يبدأ الكثير ممن يقرأ بالاستغفار.عارفه ان الكلام مش لائق.بس اسمعو قصتي و يا ريت تساعدوني باتخاذ القرار الصح.كنت طالبه سنه 2 في كلية طب الاسنان.في الامتحانات النهائيه ما وفقت بامتحانين.بقانون الجامعه لازم اعيد السنه.ابي قرر ما في دراسه خلص.مع اني ما كت ادرس على حسابه الخاص كنت علىحساب الدوله.المهم في هاد الوقت اتقدملي شاب متدين وبدرس بالخارج ومستعد انو يدرسني على حسابو.بصراحه لما وافقت عليه ما فكرت بشي المهم اكمل دراستي.بطبيعتي انا مش متدينه
.ما عمري فكرت ارتبط بانسان متدين .طول عمري بحلم بشاب يحبني يسهرني يعيشني الحياه اللي بتمناها.كان هاد الشخص موجود قريب اللي كان بينا قصه حب عمرها 5 سنين.لما وافقت على الزواج حتى تفكير ما فكرت فيه.غيرت رقم موبايلي مشان ما يحكي مغي .قطعت العلاقه حتى من دون اتصال فيه.ما فكرت اني ما رح اقدر انساه.كان كل همي الشهاده.همي اصير دكتوره.قسيت على قلبي وما فكرت بمشاعري.بعد سنتين من الزواج انجبت ولد.حكيت بلكي ببقربني من زوجي بالرغم من رفضو لفكره الانجاب حاليا بسبب الدراسه و الانشغال.من فتره للتانيه بيجيني بمنامي/مش عارفه حتى شو اسميه/حبيبي السابق/بالضبط مش عارفه.زوجي مش قادره احبه طول الوقت بفكر بتركو و الرجوع

زوجي طول الوقت مشغول.بدراستو.بشغلو.بالجمعيه الاسلاميه اللي بدرس فيها/متطوع/.و معقدني كتير بالنسبه للامور الدينيه.كتير متصعبه بالحياه لاني لحالي بدون امي وما حدا بيساعدني.بفكر اخلص دراستي واخذ الولد و اروح .مش عارفه شو اسوي.ساعدوني.شو الحل؟؟؟؟؟؟؟؟؟؟؟؟؟؟؟؟؟؟؟

[ام شبل الاسلام]

غاليتي وما ادراك لعل هذا الزوج هو الامان والحب والوفاء الحقيقي الذي سيدووووم بإذن الله فالحياة الزوجية ليست ايام انما العمر كله .. وقد وفقك الله فيه ولله الحمد ..

فمن يجد الان الزوج الصالح لابنته !!..

اخشى انك استعجلت في اتخاذ القرار ايضا للمرة الثانية ..

لذلك انصحك بصلاة الاستخارة قبل اتخاذ اي قرار ولا تحكمي عواطفك فقط قبل دراسة كل ما سيترتب على الطلاق لا سمح الله

اتمنى ان لا تكوني انانية في حياتك ( ما ذنب طفلك .. وزوجك الذي ضحى بماله لتكملي دراستك الا يستحق التضحية مقابل ما قدمه لك )

اختي في الله احتسبي الاجر حتى يزول ما تحسين به تجاه زوجك ..

فهذا والله ليس الا الشيطان وقد وجد في بيتك مقرا له ..

تعوذي منه ولا تجعليه يفرح بتدمير عشكم الصغير ..

عفوا غاليتي لا تغضبي من رأيي الشخصي .. وفقك الله لكل خير

[جنة الطيور]

يااختي احمدري ربك انو هو منيح معك والله متعصب اهون ما يكون مو منيح معك وعم بزعلك دائما الدين بخاف الله
يمكن لا سمح الله تاخدي هداك وما تعجبك الحياة معه وتقولي ياريتني ما تسرعت يارتني ما تركته
وخلاص صار عندك وقت والزوج الدين واخلاقه كويسة اهم حاجة في الدنيا
وانت كان متل ما فهمت منك انك موناقصك شي الا هو متعصب انت شوفي حسناته خطيها بكفه وحطي الشي الي مو عاجبك بكفه وهالشي الي مو عاجبك فيه انت حاولي بالهدوء معه والتفاهم انت بايدك تكوني مبسوطة
مو كلشي بالدنيا دراسة وسهر وحب وعشاء رومانسي لا والله يااختي فكري كتير قبل اتخاز قراراتك احمدي ربك انو ابو ابنك راح يطالع ابنك شاطر وبيعرف دينه وهو بالغربة وابوه معه
ادرسي في بيتك حاولي انت وبايدك بتسعدي حالك معه وحاولي بتلاقي نتائج حلوة كتير والله
ونصيحة من اخت لاختها انا زوجي انسان متعصب كتييييييييييييير والله كتير وبس لما فكرت بالي عم ينصحني فيه الان صرت انصح خواتي وقلهون والله بتندمون على اسلاعة الي ما لبستو فيها مانطو واسمعتوا فيها اغاني انقلب انا 100 درجة وبحمد الله
وانا بنت كنت كمان متل ما بدي كلشي بس لا انا هيك مبسوطة اني اتقربت من الله اكتر واكتر هاد اهم شي بحياتي وزوجي بدا يفهم علي ويقتنع معي مو يصمم على رايو بس لو معارض للدين لو شو من كان ما بيرضى يعني انا هون في المانيا ضليت نق بدي البس مانطو قصير لا وسبعين لا ولي سنيتن اقنعه وما وافق بس طويل للارض وفعلا البسته ويوم من الايام جابلي هدية القصير كنت بالمشفى ولما البسته اتقهرت كتير وصرت بدي ادقق بلبس بالبنالطيل العريضة او التنورات مليت منه وارجعت للطويل والان اقتنعت بكلامو والحمد لله
وانت يااختي فكري قبل ما تخسري ابنك وحياتك

[إيزيس]

الصراحة مشكلتك مثل مشكلة كثير من البنات ، انا سمعت كثير قصص

عن عدم تأقلم البنات في حياتهم الجديدة وعيشهم الدائم في ماضي الذكريات .....

ولكن حبيبتي ثقي انك بتفكيرك بترك زوجك بأنك قد بدأتي برحلة عذاب ومرار

انت لو عرض امامك الأن ما قد سوف تعانيه وعواقب تركك لزوجك لتمسكتي به وحاولت المستحيل

للتأقلم مع حياتك الجديدة.... حبيبتي لا تعتبري كلامي قاسي او غير متفهم

ولكن اعطي نفسك و حياتك فرصة اخيرة قبل ان تدمريها.... الحياة ليست كما تتوقعين ان تكون

ولن تجري احداثها كما خططت لها ولكن حاولي التأقلم في ظروفك الحالية كزوجة وأم ... وفكري ماذا سوف

تستفيدين من تدمير حياتك وحياة ابنك وزوجك ايضا ...

فأنت الأن مسؤولة عنهم ايضا وليس عن نفسك فقط... ماذنب زوجك الي اختارك وكان كريم معك ...

تذكري ابنك الذي سوف يربى بعيد عن ابوه اذا بقي معك او بعيد عن امه اذا بقي مع ابوه....

اين حقة في ان يعيش بين ابويه في منزل يحيطه الحب والحنان ...

وهل تعتقدي ان اهلك ومجتمعك وزوجك و عائلته سوف يكون موقفهم عادي....

بل سوف تواجهين معركة مع كل طرف ، وياليت الهدف المرجو يستحق المجازفة والتضحية ....

قد يكون حل مشكلتك بالتقرب من زوجك وفهم وجهة نظره ، ومحاولة ان تكوني ام وفية

لمستقبل ابنها الذي الله يعلم وحدة كيف سيكون اذا دمرتي زواجك...

الله ييسرك لما يحبه ويرضاه... وان يكون بجانبك لتقوي وتستمري....

الله يوفقك